راولپنڈی: صوبےبھرمیں طویل بندش کےبعد تعلیمی ادارے دوبارہ کھولنےکے حوالے سےحکمت عملی تیارکرلی گئی.

تفصیلات کےمطابق ڈسٹرکٹ ایجوکیشن اتھارٹی راولپنڈی نےیکم فروری سےتعلیمی ادارے کھولنےکی حکمت عملی تیارکرلی ہےجس کےمطابق ایس اوپیزپرعمل درآمدنہ کرنےوالے اسکولوں کےخلاف کارروائی کی جائےگی. 

ذرائع کاکہناہے کہ راولپنڈی کےساتوں تحصیلوں کےسرکاری و نجی اسکولوں میں کوروناایس اوپیزپر عمل درآمدیقینی بنانے کےلئے مانیٹرنگ ٹیمیں تشکیل دےدی گئی ہیں. جن کی نگرانی ڈی پی اوز روزانہ کی بنیادپراسکولوں کا معائنہ کریں گے.

اسکولوں کئ معائنہ کی رپورٹ سیکریٹری اسکول ایجوکیشن ڈیپارٹمنٹ کوبھجوائی جائےگی.

کورونا ایس اوپیز کی خلاف ورزی کرنےوالے اسکول سربراہان ومالکان کے خلاف کارروائی کی جائےگی. 

لاہور :پنجاب بورڈ کمیٹی چیئرمین کےایڈیشنل سیکریٹری طارق حمیدبھٹی کی زیرصدارت اجلاس ہوا. 

اجلاس میں میٹرک اورانٹرمیڈیٹ کلاسزکےنتائج میں نمبروں کی جگہ گریڈنگ کانظام نافذکرنے کےلئےپروپوزل کی حتمی شکل تیار کرلی گئی.

اس حوالےسے ایڈیشنل سیکریٹری طارق حمید بھٹی کا کہناتھا کہ سیکریٹری ہائرایجوکیشن کی ہدایت پراجلاس میں تجویزکوحتمی شکل دی گئی.

اجلاس میں تمام تعلیمی بورڈزکےچیئرمینز نےشرکت کی. 

لاہور: انٹرمیڈیٹ اور گریجویشن کےطلبا وطالبات کےلئےپنجاب ایجوکیشنل اینڈومنٹ فنڈنےاسکالرشپس کااعلان کردیا.

تفصیلات کےمطابق پیف کی جانب سے اعلان کردہ اسکالرشپس طلبا درجہ چہارم ملازمین کےبچے,  یتیم طلبا,اقلیتی طلبا اپلائی کرسکیں گے. 

اسکالرشپس کےلئےمعذورطلبا اور شہید سویلین کےبچےبھی اہل ہونگے.

اسکالرشپس کےلئےانٹرمیڈیٹ کاطلبا10مارچ اور گریجویشن کےطلبا 18مارچ تک درخواست جمع کرسکتے ہیں.

درخواست کنندہ کےامتحان 2020میں 60فیصد نمبرلانا لازمی ہے. 

کراچی : محمدعلی جناح یونیورسٹی کراچی اور نیشنل سینٹران بگ ڈیٹا اینڈکلاؤڈ کمپیوٹنگ (این ای بی سی) کےدرمیان مفاہمتی یاداشت ہوئے. 

اس یاداشت پردستخط کامقصد بنیادی وعلمی تحقیق ,مصنوعات کی نشونمااور عوامی رسائی کےلئےان شعبوں کی وضاحت کرنا ہےجس میں دونوں درسگاہوں کومستقبل میں فوائدکےلئےمل جل کرکام کرنے کی خواہش کےساتھ ایک فریم ورک کوفروغ دیاجاسکے اور دونوں درسگاہوں کےمحققین کےمابین تعاون کےلئے ایک دوسرےکےاداروں اور کام کےطریقوں کوفائدہ پہنچاناہے. 

مفاہمتی یاداشت پر دستخط ماجو کی جانب سے کمپیوٹنگ فیکلٹی کےایسوسی ایٹ ڈین ڈاکٹرشوکت وصی اور این ای بی ایس کی جانب سےڈائریکٹر محمد علی اسماعیل نےدستخط کئے

مفاہمتی یاداشت کئ مدت چارسال ہےجس میں دونوں اداروں کی جانب سے توسیع کی جاسکتی ہے.

علاوہ ازیں اس مفاہمتی یاداشت کےمطابق این سی بی ایس ماجو کےطلبا وطالبات کوانٹرنشپ فراہم کرےگی, متعلقہ مضامین کےحوالے سے شارٹ کورسز ڈسکاؤنٹ کےساتھ کرائیں جائیں گے.طلبہ کےلئے تحقیقی مواقع ماجو کےساتھ شیئر کیئےجائیں گے 

سال میں ایک بار ماجو کی کمپیوٹنگ اور انجینئرنگ شعبے کےلئےتربیتی سیشنز جدیدٹیکنالوجی پرکرائےجائیں گے. دونوں درسگاہوں میں سےکسی بھی درسگاہ کے زیراہتمام ہونےوالے کوآپریٹو سیمینارز,ورکشاپس اورکانفرنسزمیں شرکت کی جائےگی. 

کراچی: این ای ڈی یونیورسٹی کےزیراہتمام "افورڈایبل لوکاسٹ ماڈل ہوم "کی افتتاحی تقریب منعقد ہوئی.

تقریب میں وائس چانسلرسروش حشمت لودھی,  وفاقی وزیرسائنس وٹیکنالوجی فواد چوہدری, نیاپاکستان ہاؤسنگ اینڈ ڈیویلپمنٹ کےچیئرمین لیفٹیننٹ جنرل ریٹائرڈ انورعلی حیدر,چیئرمین پرائم منسٹرہاؤسنگ ٹاسک فورس ضیغم رضوی, چیئرمین اے آر این زیڈ سید زکاء الدین اور سی ای او ایچ ایچ ٹیکنوفیب علمدار حسین نےاپنےخیالات کااظہار کیا.

شیخ الجامعہ ڈاکٹرسروش حشمت لودھی کاکہناتھاکہ این ای ڈی پہلی جامعہ ہےجس نےافورڈیبل ہاؤسنگ اینڈ سسٹینیبل بلٹ انوائرمینٹ کےلئے سینٹر بنایا جبکہ لائٹ گیج اسٹیل سےبنےاس مکان کی قیمت ناصرف قابل خریدہےبلکہ اسکی تعمیربھی ایک ماہ میں ممکن ہے.  

تقریب کے مہمان خصوصی فواد چوہدری نےبذریعےوڈیولنک پیغام دیتےہوئےکہا کہ کم قیمت میں مکان کی تعمیرنامساعد حالات رکھنےوالوں کےلئےخوشخبری ہے افورڈایبل ماڈل ہوم جامعہ این ای ڈی ,اے آر این زیڈ ورلڈ وائڈ کینیڈااورایچ ایچ ٹیکنوفیب کی یہ کاوش قابل تعریف ہے جس سے غریب افراد کوبہتر زندگی دی جاسکےگی.

انہوں نےمزید کہاکہ جامعہ این ای ڈی کاسینئرفار افورڈیبل  ہاؤسنگ اینڈ سسٹینیبل بلٹ انوائرمینٹ وزیراعظم وژن کی معاونت کررہاہے. جس سےعوام کو رہنے کی بہترسے بہتر سہولت میسر ہوگی. 

استقبالیہ سےخطاب کرتےہوئے جرسی پری کاسٹ چیئر پروفیسر ڈاکٹرشعیب احمدکاکہنا تھا کہ  جامعات کی سطح پریہ پہلاماڈل گھر ہےجو لائٹ گیج اسٹیل سےتعمیرکیاگیاہے. جولوکل میٹریل اورلوکل انڈسٹری سےبنایاگایاہےاوراسکی مینوفیچرنگ بھی پاکستان کی ہے جبکہ اسکی تعمیربھی تقریباایک ماہ میں ممکن ہے.

تقریب سےخطاب کرتےہوئے چیئرمین پرائم منسٹرہاؤسنگ ٹاسک فورس ضیغم رضوی نےنیا پاکستان افورڈیبل ہاؤسنگ کےاغراض ومقاصدپر روشنی ڈالی.

سان فرانسسکو: سماجی رابطےکی فوٹوشیئرنگ موبائل ایپ انسٹاگرام نے پوسٹس کومزیدجازب نظر اوراہم بنانےکےلئے تبدیلیاں کی ہیں تاکہ انسٹاگرام کےصارفین اپنی آمدنی میں اضافہ کرسکیں.

اگرچہ انسٹاگرام ایک بہترین ایپ ہے لیکن اس میں کاروبار اورمارکیٹنگ کوفروغ دینےکےپہلو کمزورتھے. اسی کمی کوپوراکرنےکےلئے انسٹاگرام نے"پروفیشنل ڈیش بورڈ "پیش کیا ہے.ڈیش بورڈ میں وہ تمام ٹولز اور آپشن موجود ہیں جوانسٹاگرام کےدیگرمقامات پرموجود ہیں.

 پروفیشنل ڈیش بورڈکو ہوم والےحصےمیں رکھاگیا ہے اسکی بابت انسٹاگرام نےاپنی پوسٹ میں کہاہے کہ انسٹاگرام اپنے تخلیق کاروں کےجذبےکو آمدنی اورچھوٹےکاروبار میں بھی سہولت بناناچاہتاہے. 

اہم بات یہ ہے اس سےتعلیمی پوسٹ بنانے میں مدد ملےگی.

اسلام آباد : علامہ اقبال اوپن یونیورسٹی اورٹیلی نار کمپنی کےمابین  مفاہمتی یاداشت پردستخط ہوئے. 

اوپن یونیورسٹی ٹیلی نارکمپنی کےتعاون سے اس معاہدے کےتحت اپنےلاکھوں طلباوطالبات  اور اساتذہ کوبہترین ڈیٹا بنڈل اور ایزی پیسہ کی سہولت فراہم کرےگی تاکہ انہیں ہرقسم کی ادائیگیوں میں آسانی اورسہولت  فراہم کیاجاسکے

معاہدےپریونیورسٹی کی جانب سے رجسٹرارسہیل نذیر رانااورٹیلی نار کمپنی کےچیف بزنس آفیسرغلام ناصر نےدستخط کیئے. 

طلبہ کو 500روپےپر20GBاور 900روپے پر 50GB ملیں گے

لاہور: پنجاب یونیورسٹی نےایسوسی ایٹ ڈگری کےامتحانات کااعلان کردیا.

تفصیلات کےمطابق پنجاب یونیورسٹی کےزیراہتمام ایسوسی ایٹ ڈگری کےامتحانات4 فروری سےہونگے.

رواں سال امتحانات دو مرحلوں میں منعقد ہونگےاس حوالےسے کنٹرولرامتحانات محمدرؤف کاکہناہےکہ کالجزمیں کلاسز ہونےکےپیشِ نظر آپشنل پیپرزصبح ہونگےجبکہ لازمی مضامین کےپرچےدوپہر کی شفٹ میں ہونگے.

کورونا کی پیش نظرامتحانی مراکزکی تعداد میں اضافہ کیاگیا ہے امتحانی مراکز 300سےبڑھاکر400 کی گئی ہیں.علاوہ ازیں تمام کلاسز کےنتائج ستمبرتک جاری کردیئے جائیں گے. 

کراچی: ایم اے,ڈبل ایم اےاورامپرومنٹ آف ڈویژن کےلئے رجسٹریشن فارم جمع کرانےکی مزید مہلت دےدی گئی. 

جامعہ کراچی کےناظم امتحانات ڈاکٹرسید ظفرحسین کےمطابق ایم اے, ڈبل ایم اے اور امپرومنٹ آف ڈویژن کےلئےرجسٹریشن فارم جمع کرانےکی نئی تاریخ مقررکردی. طلباوطالبات 12فروری تک اپنےرجسٹریشن فارم 4100روپےکےساتھ جمع کراسکتے ہیں. 

واضح رہےکہ مضمون کی تبدیلی کےلئے1500روپےفیس کےساتھ انہی تاریخوں میں فارم جمع کراسکتے ہیں.

طلبہ اپنی فیس نیشنل بینک آف پاکستان,  یو بی ایل, ایچ بی ایل, الفلاح بینک اور سندھ بینک کےکسی بھی برانچ میں جمع کراسکتے ہیں. 

کراچی: وزیرتعلیم سندھ سعیدغنی کی زیرصدارت اسٹیئرنگ کمیٹی کےاجلاس میں میٹرک اورانٹرمیڈیٹ کےامتحانات جولائی اوراگست میں کرانےکافیصلہ کرلیاگیا.

تفصیلات کےمطابق وزیر تعلیم سندھ سعیدغنی کی زیرصدارت اجلاس منعقد ہوا.اجلاس میں سال2021کےسالانہ امتحانات کےشیڈول کےحوالےسے اسٹیئرنگ کمیٹی کی "سب کمیٹی " کی رپورٹ پر غور کیا گیا

اجلاس میں سیکریٹری کالجز, سیکریٹری جامعات, تمام بورڈز کےچیئرمینز, ڈی جی پرائیوٹ اسکولز, پرائیوٹ اسکولز کےایسوسی ایشنزکے عہدیداران, محکمہ تعلیم کے ڈائیریکٹرز سمیت دیگرماہر تعلیم شامل ہیں. 

اجلاس میں فیصلہ کیاگیا کہ تمام تعلیمی ادارے یکم فروری سے کھول دیئےجائیں گے.  تمام تعلیمی ادارے ایس اوپیز کومدنظر رکھتے ہوئے تعلیمی سرگرمیان جاری رکھیں گے.  تمام تعلیمی اداروں میں سماجی فاصلے,  ماسک پہننا لازمی ہوگا علاوہ ازیں 50 فیصدطلبا ایک روز اور دوسرے روز 50 فیصدطلباہونگے.

اجلاس میں میٹرک اورانٹرمیڈیٹ کےسالانہ امتحانات کےحوالے سےفیصلہ کیاگیا کہ میٹرک کےسالانہ امتحانات یکم جولائی سے 15جولائی تک ہونگے جبکہ انٹرمیڈیٹ کےامتحانات 28جولائی سے 16اگست تک منعقد ہونگے. 

اجلاس میں میٹرک اورانٹرمیڈیٹ کےامتحانات کےحوالے سے فیصلہ کیاگیاکہ رواں سال ہونےوالے امتحانات برائے 2021 ایم سی کیوز پر مبنی اور دوگھنٹوں کا ہوگا. 50%ایم سی کیوز, 30%فیصد مختصرسوالات اور 20فیصد بیانیہ سوالات (long question)کے تیار کیئے جائیں گے.جبکہ پرہکٹیکل امتحانات کاآغازعملی امتحانات کےبعدلیاجائے گا.

اجلاس میں پہلی سےآٹھویں کلاسزکاامتحان مئی میں ہوگا.

اجلاس میں موسم گرما کی تعطیلات مختصرکرکےصرف ایک ماہ کےلئےمحدود کردی گئی ہیں.