کراچی : وزیر تعلیم و محنت سندھ سعید غنی کی زیر صدارت محکمہ اسکول ایجوکیشن کا اجلاس ہوا۔

اجلاس میں سیکرٹری اسکول ایجوکیشن احمد بخش ناریجو، اسپیشل سیکریٹری اسکول ایجوکیشن آصف میمن و دیگر افسران شریک ہوئے۔

اجلاس میں محکمہ اسکول ایجوکیشن میں سال 20-21 کی ترقیاتی اسکیموں پر تفصیلی غور و خوض کیاگیا۔

اجلاس کے دوران سعید غنی نے ہدایت کی کہ جن ترقیاتی اسکیموں کو اس سال مکمل ہونا ہے اس کو تیزی سے مکمل کیا جائے۔

اس موقع پرانہوں نےمزید کہ متعلقہ افسران تمام جاری ترقیاتی اسکیموں پر خود جائیں اور کام کا جائزہ لیں

کام کے معیار پر کسی قسم کی کوتاہی کو ہر گز برداشت نہیں کیا جائے گا۔جلد ہی مختلف جاری اسکیموں کا خود بھی سائٹ پر جاکر معائنہ کروں گا۔

حیدرآباد: وزیر تعلیم و محنت سندھ سعید غنی کی زیر صدارت کالج ایجوکیشن ڈیپارٹمنٹ ریجن حیدر آباد کا اجلاس منعقد ہوا۔

اجلاس میں کالجز ڈپارٹمنٹ حیدرآباد میں سال 2020-21 کی ترقیاتی اسکیموں سمیت مجموعی طور پر کالجز میں ترقیاتی منصوبوں پر تفصیلی غور و خوض کیا گیا۔

اجلا س میں وزیر تعلیم سعید غنی نے افسران کو ہدایت جاری کرتے ہوئے کہا ہے کہ کوشش کی جائے کہ تمام اسکیموں کو مقررہ وقت پر مکمل کیا جائے ۔

انہوں نے مزید کہا ہے کہ کام میں سست روی برداشت نہیں کی جائے گی، تمام اسکیموں کو مکمل کرنے کے لیے غیر معمولی اقدامات کیے جائیں

اجلاس میں سیکرٹری کالجز خالد حیدر شاہ،چیف انجینئر حیدر آباد افتخار شیخ و دیگر افسران شریک تھے۔

لاہور: یونیورسٹی آف سینٹرل پنجاب کے طلباکافزیکل امتحانات کے خلاف احتجاج میدان جنگ میں تبدیل ہوگیا

تفصیلات کے مطابق گزشتہ روز یو ایس پی کے طلبا و طالبات نے فزیکل امتحانات کے خلاف یونیورسٹی کے سامنے احتجاج کیا ۔احتجاج کے دوران مشتعل افراد کی

جانب سے پتھرائو اور توڑ پھوڑ کی،جبکہ دوسری جانب پولیس نے طلبا پر دھاوابول دیا۔احتجاج کرنے والےطلبا مظاہرین پر بہیمانہ تشدد کیا۔

انتظامیہ کی جانب سے جواب آنے تک پر امن احتجاج جاری رہے گا۔

تشدد کے نتیجے میں ایک طلبا جانبحق اور متعدد زخمی ہوگئے جبکہ 5 طلباکو گرفتار بھی کرلیا گیاہے۔

طلبا کے شدید احتجاج کرنے پر انتظامیہ نے متعدد طلباکے رجسٹریشن معطل کردیئے ہیں جسکا باقاعدہ ٹیفکیشن بھی جاری کردیا ہے

کراچی: پہلے ٹیسٹ میں پاکستان کے خلاف جنوبی افریقا کی پوری ٹیم صرف 220 رنز پر آؤٹ ہوگئی۔

کراچی کے نیشنل اسٹیڈیم میں کھیلے جارہے سیریز کے پہلے میچ کا ٹاس جنوبی افریقا کے کپتان کوئنٹن ڈی کاک نے جیت کر خود بیٹنگ کرنے کا فیصلہ کیا ہے۔

مہمان ٹیم کی جانب سے ڈین ایلگر اورایڈم ماکرم نے اننگز کا جارحانہ آغاز کیا تاہم شاہین آفریدی نے 30 کے مجموعی اسکور پر ایڈم کو واپس پویلین بھیج دیا وہ 13 رنز بناکر آؤٹ ہوئے۔

تیسرے نمبرپر بیٹنگ کے لیے آنے والے راسی وین ڈیر ڈوسن 17 رنز بنانے کے بعد رن آؤٹ ہوئے۔ سابق جنوبی افریقی کپتان فاف ڈوپلسی بھی 23 رنز کے مہمان ثابت ہوئے اور کپتان کوئنٹن ڈی کاک بھی بڑی اننگز کھیلنے میں ناکام رہے وہ 15 رنز بناکر آؤٹ ہوئے۔ ڈوسن کے بعد ٹیمبا باووما بھی رن آؤٹ ہوئے، وہ صرف 17 رنز ہی بناسکے۔

دوسری جانب اوپننگ بلے باز ڈین ایلگر نے ذمہ دارانہ اننگز کھیلتے ہوئے نصف سنچری اسکور کی تاہم وہ 58 رنز بنانے کے بعد اسپنر کا شکار بن گئے۔ کیشو مہاراج کھاتہ کھولے بغیر ہی پویلین واپس لوٹ گئے۔

قومی ٹیم کی جانب سے لیگ اسپنر یاسر شاہ نے 3 ، ڈیبو کرنے والے لیفٹ آرم اسپنر نعمان علی نے 2 جب کہ حسن علی اور شاہین آفریدی نے ایک ایک وکٹ حاصل کی

قومی ٹیم کے کپتان بابراعظم پہلی بار ٹیسٹ ٹیم کی قیادت کریں گے وہ ٹیسٹ ٹیم کی قیادت کرنے والے پاکستان کے چھٹے کم عمرترین کپتان ہیں۔ اس سے قبل بابراعظم ان فٹ ہونے کی وجہ سے نیوزی لینڈ کے خلاف سیریز میں کوئی بھی میچ نہیں کھیل پائے تھے، ان کی جگہ ٹی ٹوئنٹی کی قیادت شاداب خان اور ٹیسٹ ٹیم کی قیادت محمد رضوان نے کی تھی۔

کراچی:تعلیمی سیشن 2021تا 2022 کے تعلیمی کلینڈر کو محکمہ تعلیم سندھ کی اسٹیئرنگ کمیٹی کی جانب سے بنائی گئی “سب کمیٹی” نےحتمی شکل دے دی ہے جسکی منظوری کےلئے 30 جنوری کوہونے والی اسٹیئرنگ کمیٹی کے اجلاس میں پیش کیا جائے گا
تفصیلات کے مطابق سیکریٹری اسکول ایجوکیشن احمد بخش ناریجو کی زیر صدارت سب کمیٹی کا اجلاس منعقدہوا۔

جس میں سندھ بھر میں میٹرک اور انٹر کے سالانہ امتحانات اب دو ماہ کی تاخیر سے جولائی سے شروع کرنے کی سفارش پر اتفاق کیا گیا۔
اجلاس میں فیصلہ کیا گیا طلبہ کو پڑھنے کے لیے مزید وقت دیا جائے اور میٹرک اور انٹر کے سالانہ امتحانات جولائی 2021 سے شروع کیے جائیں جبکہ اسی دوران میں پورے صوبے کے نجی اور سرکاری اسکولوں کے پہلی سے آٹھویں جماعتوں کے طلبہ کی موسم گرما کی تعطیلات بھی جولائی میں محض ایک ماہ کے لیے دی جائیں گی

وزیرتعلیم سندھ سعیدغنی زیرِصدارت اسٹیرنگ کمیٹی کااجلاس

میٹرک اور انٹر کے امتحانات کے سلسلے میں مزید یہ بھی سفارش کی گئی کہ امتحانات کا دورانیہ زیادہ سے زیادہ 2 گھنٹے پر محیط رکھا جائے پریکٹیکل امتحانات نہ لیے جائیں جبکہ تھیوری امتحانات میں ہی پریکٹیکل کے مارکس شامل کیے جائیں اور تھیوری امتحانات میں 50 فیصد حصہ ایم سی کیوز جبکہ باقی 50 فیصد حصہ سی آر کیوز(کنسٹرکٹڈ ریسپانس) پر مشتمل ہو۔واضح رہے اس سے قبل میٹرک کے امتحانات عید الفطر کے بعد مئی اور انٹر کے امتحانات جون سے شروع کرنے کا فیصلہ کیا گیا تھا۔
اجلاس میں اس بات پر بھی اتفاق ہوا کہ نیا تعلیمی سیشن 2021/22 2 اگست سے شروع کردیا جائے جبکہ میٹرک کے نتائج کے بعد کالجوں میں داخلوں کاآغاز اکتوبر سے جبکہ نئے تعلیمی سیشن سے اسکول 6 روز کے لیےکھولے جائیں گے جو آئندہ سیشن میں بھی جاری رہیں۔

اجلاس میں یہ بھی طے کیا گیا کہ رواں سال 2021 میں موسم سرما کی تعطیلات صرف 8 روز 25 دسمبر سے یکم جنوری 2022 تک کی جائیں اور 2 جنوری 2022 سے اسکولوں کا دوبارہ آغاز کردیا جائے۔
اجلاس میں سیکریٹری اسکول ایجوکیشن کے علاوہ آئی بی سی سی کے چیئرمین شہزاد جیوا، چیئرمین میراث بورڈ برکات حیدری، چیئرمین حیدرآباد بورڈ ڈاکٹر محمد میمن، آغاخان بورڈ اور کیمبرج بورڈ کے اسکولوں کے نمائندے جمیل یوسف اور ڈائریکٹر جنرل پرائیویٹ انسٹیٹیوشنز سندھ ڈاکٹر منسوب صدیقی کے علاوہ دیگر بھی شریک ہوئے۔

لاہور: انٹرمیڈیٹ امتحان سالانہ 2021کےداخلہ فارم جمع کرانےکی نئی تاریخوں کااعلان ہوگیا۔

پنجاب بورڈز کمیٹی آف چیئرمینز نے انٹرمیڈیٹ امتحان سالانہ 2021 کے داخلہ فارم جمع کرانے کے لیے تبدیل شدہ شیڈول جاری کردیا

امیدوار اپنے فارمز سنگل فیس کے ساتھ 5مارچ ، دو گنا فیس کے ساتھ 16مارچ جبکہ تین گنا فیس کے ساتھ 30مارچ تک جمع کرا سکتے ہیں۔

اسلام آباد: وفاقی وزیر تعلیم شفقت محمود نے ملک کے مختلف شہروں میں یونیورسٹی کےطلبا و طالبات کے فزیکل امتحانات کے خلاف پر زور احتجاج پراپناردعمل دے دیا۔

سماجی رابطے کی قیب سائٹ ٹوئیٹر پر انہوں نے ٹوئیٹ کرتے ہوئے کہا ہے کہ یونیورسٹی کے کچھ طلبا یہ مطالبہ کر رہے ہیں کہ ان کے امتحانات آن لائن ہونے چاہئیں جیسا کہ وہ آن لائن پڑھ رہے ہیں۔انکا کہنا ہے کہ میں نے ایچ ای سی سے کہا ہے کہ وہ یونیورسٹیز کے وائس چانسلرز سے مشورہ کریں اور دیکھیں کہ اس سال خصوصی حالات کے پیش نظر یہ ممکن ہے یا نہیں۔

نوجوان نسل کوتعلیم کےزیورسےآراستہ کرناقومی فریضہ ہے,وفاقی وزیر

امتحانات کے حوالے سے فیصلہ جامعات نے خود کرنا ہے۔

انہوں نے واضح کیا کہ یونیورسٹیز کو یہ بھی جانچنا چاہئے کہ آیا ان میں تمام طلبہ کے لئےآن لائن امتحان دینے کی تکنیکی صلاحیت موجود ہے یا نہیں۔ کسی بھی کمی کی وجہ سے کوئی پیچھے نہیں رہ سکتا۔ یہ یقینی بنانا بھی ضروری ہے کہ آسان گریڈ حاصل کرنے کے لئے آن لائن امتحان کے نظام کا غلط استعمال نہ کیا جائے۔ اچھے سوالیہ پیپرز / تشخیص کی تیاری ضروری ہے۔

واضح رہے آن لائن امتحانات کے حق میں شہر شہر میں احتجاج جاری ہے۔

لاہور:  یونیورسٹی آف سینٹر ل پنجاب کے طلبا کافزیکل امتحانات کے خلاف احتجاج جاری ہے

احتجاج کرنے والے مظاہرین کا کہنا ہے کہ جب انتظامیہ نے کلاسز آن لی ہیں تو امتحانات کیمپس میں منعقد کیوںکروائے جارہے ہیں۔ہم فزیکل امتحانات کے بائیکاٹ کرتے ہوئے آن لائن امتحان کا مطالبہ کرتے ہیں۔

پشاور یونیورسٹی کےطلبا بھی سڑکوں پر آگئے

طلبا و طالبات کی جانب یہ بھی کہا گیا ہے کہ انتظامیہ کی جانب سے جواب آنے تک پر امن احتجاج جاری رہے گا۔

واضح رہے گزشتہ روز یونیورسٹی آف مینجمنٹ آف ٹیکنالوجی کے طلبا و طالبات نے بھی ایسا ہی احتجاج کیا تھا جس کے نتیجے میں انتظامیہ کی جانب سے مثبئت ردِ عمل آنے پراحتجاج ختم کردیا گیا تھا۔

کراچی : جناح سندھ میڈیکل یونیورسٹی (جے ایس ایم یو) نےکراچی کے میڈیکل اور ڈینٹل کالجوں میں طلبہ کے داخلے کےلئے آخری مرحلہ کےانٹرویوز منعقد کیے۔

جے ایس ایم یو کے ڈائریکٹر ایڈمیشنز نعمان احسن کا کہنا ہے کہ میرٹ اور سیلف فنانس سے متعلق بی ڈی ایس کے لئے نشستیں جے ایس ایم یو ، ڈاؤ اور کے ایم ڈی سی کے لئے باقی ہیں جبکہ ایم بی بی ایس کی نشستیں مکمل ھوگئیں ہیں۔

دفتر داخلہ کی ایڈیشنل ڈائریکٹر ڈاکٹر فاطمہ نے جے ایس ایم یو میں منعقدہ انٹرویو کے آخری دن کی تفصیلات سے آگاہ کیا۔ انہوں نے بتایا کہ ایم بی بی ایس کے لئے نشستیں جناح سندھ میڈیکل یونیورسٹی (جے ایس ایم یو) ، ڈاؤ یونیورسٹی آف ہیلتھ سائنسز (ڈی یو ایچ ایس) ، کراچی میڈیکل اینڈ ڈینٹل کالج (کے ایم ڈی سی) اور شہید محترمہ بے نظیر بھٹو میڈیکل کالج لیاری (ایس ایم بی بی ایم سی) کے لئے 23 جنوری کو مکمل ہو گئی تھیں۔اس کے علاوہ ، ہفتہ کو تمام باہمی تبادلے کی نشستیں بھی الاٹ کی گئیں۔

انہوں نے کہا کہ باہمی تبادلے کی نشستوں میں فاطمہ جناح میڈیکل یونیورسٹی لاہور ، لیاقت یونیورسٹی آف ہیلتھ اینڈ میڈیکل سائنسز (ایل یو ایچ ایم ایس) نواب شاہ اور حیدرآباد شامل ہیں۔
وائس چانسلر جناح سندھ میڈیکل یونیورسٹی پروفیسر سید محمد طارق رفیع نے ایس او پیز کے ساتھ انٹرویوز مکمل کرنے پر ایڈمیشن ٹیم کو سراہا۔

اسلام آبادـ: ملک بھر کے تعلیمی اداروں میں فزیکل امتحانات کے خلاف طلبا مزید متحر ک ہوگئے۔

لاہور، فیصل آباد ، راولپنڈی سمیت کئی شہروں میں گزشتہ کئی رو زسے طلبا کا فزیکل امتحانات کے خلاف احتجاج جاری ہے۔
آج یوایم ٹی، ، جی سی یونیورسٹی فیصل آباد اور بحریہ یونیورسٹی اسلام آباد کے طلبا کا یونیورسٹی کے سامنے احتجاج کررہے ہیں،
طلبا و طالبات کا انتظامیہ سے مطالبہ کیا ہےکہ اس سال سمسٹر کلاسزآن لائن لی گئی ہیں تو امتحانات کیمپس میں کیوں لئے جارہے ہیں؟

بہااؤالدین زکریا یونیورسٹی، پشاور یونیورسٹی، پنجاب یونیورسٹی، جی سی یونیورسٹی فیصل آباد کے طلبا بھی انتظامیہ کی جانب سے فزیکل امتحانات کے خلاف سراپا احتجاج ہیں۔
    #StudentsDemandOnlineExams, #WeWantOnlineExams, #OnlineExams_Only, #StudentsKoInsafDo, #OnlineExamsOrWeProtestٹاپ ٹرینڈ کررہار ہے۔ طلبا نہ صرف سڑکوں پر بلکہ سوشل میڈیا پر