کراچی: اینٹی کریشن اسٹیبلشمنٹ ایسٹ کراچی نے جوڈیشل مجسٹریٹ ایسٹ کی موجودگی میں تعلقہ ایجوکیشن افسر جمشید ٹاؤن ایسٹ کے دفتر پر چھاپہ مارکرتعلقہ ایجوکیشن افسر جمشید ٹاؤن ایسٹ زون ذاکر برگڑی رشوت لیتے ہوئے گرفتارکرلیا
تعلقہ ایجوکیشن افسر جمشید ٹاؤن ذاکر برگڑی نے آفس اسسٹنٹ اظہر بھٹو سے 20 ہزار روپے رشوت طلب کی تھی ۔

آفس اسسٹنٹ اظہر بھٹو نے محکمہ اینٹی کریشن اسٹیبلشمنٹ ایسٹ زون کو شکایت درج کرائی تھی کےبیمار ہونےکی وجہ سےمیں نے اپنا تبادلہ جمشید ٹاؤن ایسٹ زون سےگھر کے نزدیک تعلقہ ایجوکیشن افسر گڈاپ ٹاؤن ضلع ملیر کروایا تھا درج شکایت میں انھوں نے کہا کے میرا تبادلہ ہونے کے باوجود تعلقہ ایجوکیشن افسر جمشید ٹاؤن ذاکر برگڑی مجھ سے رلیونگ آڈر کے 20 ہزار روپے رشوت طلب کر رھا ہے انھوں نے مزیدکہا کے میں ایک غریب بیمار ملازم ہوں میرے چھوٹے چھوٹے بچے ہیں ، اس لئے میں ہزار روپے بطور رشوت ادا نہیں کرسکتا

، آفیس اسسٹنٹ اظھر بھٹو کی درخواست پر محکمہ اینٹی کریشن اسٹیبلشمنٹ ایسٹ زون کراچی کے سرکل افسر عبدالحق قریشی اور ان کی کی ٹیم نے ٹی ای او جمشید ٹاؤن ایسٹ کی آفیس میں مجسٹریٹ کی موجودگی میں چھاپہ مارا تو پہلے سے نوٹ کئے ھوئے 20 ہزار روپے ملزم تعلقہ ایجوکیشن افسر جمشید ٹاؤن ذاکر برگڑی سے برآمد ہونے پر اینٹی کریشن ایسٹ کی ٹیم نے ملزم کو گرفتار کر لیا ۔

ملزم ذاکر برگڑی کی کاغذی کارروائی کرنے کے بعد ملزم کا اسپیشل کورٹ اینٹی کریشن سے ریمانڈ حاصل کیا جائے گا۔ صوبائی وزیر برائے صنعت و تجارت اور انسداد بدعنوانی و محکمہ امداد باہمی جام اکرام اللہ دھاریجو نے اپنے ایک بیان میں افسران کو ہدایت دی ہے کہ کرپٹ عناصر کے خلاف کارروائی میں کوئی نرمی نہ برتی جائے۔

لاہور: اسکول کھولنے کے خلاف ڈسٹرکٹ ایجوکیشن اتھارٹی لاہور نے سخت کارروائی کا عندیہ دیدیا ۔

ڈسٹرکٹ ایجوکیشن اتھارٹی لاہورکاکہناہے کہ اسکول کھولنے پر انتظامیہ کے خلاف قانونی کارروائی کے ساتھ ساتھ اسکولوں کی رجسٹریشن معطل کردی جائے گی۔

تاہم ڈسٹرکٹ ایجوکیشن اتھارٹی نے وضاحت کی ہے کہ نجی اسکولوں کو 50 فی صدا سٹاف پیر اور جمعرات کے روز بلا نے کی اجازت ہے ۔

جبکہ آن لائن کلاسز کے لیے ہیڈ ٹیچر اورکلاس انچارج کواسکول آنےکی اجازت دی گئی ہے ۔

اس حوالے سے سی ای او ڈسٹرکٹ ایجوکیشن اتھارٹی پرویز اختر نے کہااسکول کھلنے کی شکایات پر سخت کارروائی کر رہے ہیں۔

لاہور: گورنمنٹ کالج یونیورسٹی میں بھی ماس کمیونیکشن ڈیپارٹمنٹ قائم کرنے کا فیصلہ کرلیا گیا۔

جی سی یو وائس چانسلراصغرزیدی نے چیئرمین پی ٹی وی نعیم بخاری سے ملاقات کی۔

وائس چانسلر نے اپنے ٹویٹ میں کہا نعیم بخاری اولڈ راوین ہیں ۔نعیم بخاری کو پی ٹی وی کے بورڈ آف ڈائریکٹرز کے اجلاس میں ایکشن میں دیکھنا چاہتا ہوں ۔

انہوں نے سماجی رابطے کی ویب سائٹ پرٹوئیٹ کرتے ہوئے بتایا کہ ملاقات کے دوران وائس چانسلر اصغرزیدی نے چیئرمین پی ٹی وی نعیم بخاری سے جامعہ میںشعبہ ذرائع ابلاغ عامہ قائم کرنے کیلئے اشتراک کی درخواست کی ہے۔

اسلام آباد: ہنگور ڈے کے موقع پرپاک بحریہ نے خصوصی پرومو جاری کردیا۔

ترجمان پاک بحریہ کے مطابق پرومو میں شہداء اور غازیوں کو خراج عقیدت پیش کرنے کے ساتھ ساتھ پاک بحریہ کی آبدوز ہنگور کی دشمن کے خلاف لازوال کامیابی کو اجاگر کیا گیا ہے۔

1971 کی جنگ میں پاک بحریہ کی آبدوز ہنگور نے بہادری کی عظیم تاریخ رقم کی۔ 1971 میں آج ہی کے دن پاک بحریہ کی آبدوز ہنگور نے بھارتی بحریہ کے جنگی جہاز کُکری کو غرقاب کیا اور دوسرے جہاز کرپان کو مفلوج کر دیا۔

دوسری جنگ عظیم کے بعد یہ پہلا واقعہ ہے جس میں کسی آبدوز نے بحری جہاز کو نیست و نابود کیا- بحری معرکوں میں پاک بحریہ کی آبدوز ہنگور کا یہ کارنامہ ہمارے دشمنوں کو کبھی نہ بھولے گا۔

پاک بحریہ کی جانب سے 4 مارچ 2019 کو دشمن کی آبدوز کا سراغ لگا کر اسے اپنے پانیوں میں واپس دھکیل دینے کا واقعہ بھی دشمن کیلئے شدید ہزیمت کا باعث ہے۔

اسلام آباد: پاکستان میڈیکل کمیشن نےمیڈیکل کالجز میں داخلہ لینے والے امیدواروں کے لئے اہم اعلان کردیا

ملک بھر کے تمام نجی کالجزمیں داخلہ پورٹل12دسمبر 2020سےکھول دیئےجائیں گے

داخلہ لینے والے امیدوا اپنا فارم11جنوری2021 تک بذریعہ پورٹل جمع کراسکیں گے۔

80% نمبر(50%فیصد MDCATاور30% ایف ایس سی/ایچ ایس ایس سی( لینے والے امیداوارں کی داخلے کی میرٹ لسٹ 15 جنوری کوجاری کی جائے گی

ی ایم سی سے تسلیم شدہ کالجز ہی کےلئے اہل ہونگے جن کی فہرست پی ایم سی کی ویب سائٹ پر موجود ہے

کسی غیر تسلیم شدہ کالج یا کالج میں داخلہ جس کے داخلے بند ہیں وہ کسی بھی حالت میں پی ایم سی سے بطور طالب علم رجسٹریشن حاصل کرنے کا حق نہیں رکھتے ہیں۔

واضح رہیں آزاد جموں کشمیر اور نمل داخلہ پورٹل کے لئے فہرست میں شامل نہیں ہیں۔

کراچی :  عثمان انسٹیٹیوٹ آف ٹیکنالوجی سسکو نیٹ ورکنگ اکیڈمی میں بھی اپنا نام بنانے میں کامیاب ہو گئی ہے۔ سسکو نیٹ ورکنگ اکیڈمی نے تعلیمی معیار سے متاثر ہوتے ہوئے یو آئی ٹی کوبہترین کارکردگی کےسرٹیفیکیٹ سے نوازا ہے۔

سسکو نیٹ ورک اکیڈمی نے یوآئی ٹی کی ایک سالہ کارکردگی اور اکیڈمی میں فعال شرکت پر سراہا ہے۔ سرٹیفیکیٹ حاصل کرنے والے طلبا مستقبل میں نیٹ ورکنگ کی ہزاروں نوکریاں حاصل کر سکیں گے

واضح رہے کہ یو آئی ٹی سسکو نیٹ ورک اکیڈمی کا ایک سال سے حصہ ہے، سسکو نیٹ ورکنگ اکیڈمی یو ایس اے کی سب سے بڑی نیٹ ورکنگ اور ٹیلی کمیونیکیشن سامان بنانے والی سب سے بڑی کمپنی ہے جس کے تحت طلبہ کو نیٹ ورکنگ کی ٹریننگ دی جاتی ہے۔ پچھلے ایک سال میں یو آئی ٹی کے دو سو پچاس سے زائد طلبہ سسکو کورس سے استفادہ حاصل کر چکے ہیں۔

لاہور:  شالامار انسٹیٹیوٹ آف ہیلتھ سائنسز نےاپناچھٹا جلسہ تقسیم اسناد کی تقریب آن لائن منعقد کی ۔

تقریب میں مہمان خصوصی ڈاکٹرعادل نجم ،وائس چانسلر یونیورسٹی آف ہیلتھ سائنسز پروفیسر ڈاکٹر جاوید اکرم،چیئرمین بورڈ آف ٹرسٹیز شالامار انسٹیٹیوٹ آف ہیلتھ سائنسز شاہد حسین تھے

تقریب میں142ا یم بی بی ایس کے طلبا کو ڈگریاں اور نمایاں کارکردگی دکھانے والے ڈاکٹرزکو میڈلز دئیے گئے ۔
پرنسپل کالج پروفیسر زاہد بشیر نے آن لائن خطاب کرتے ہوئے پاس آؤٹ ہونے والے طلبا کو مبارکباد پیش کی ۔

لاہور: آن لائن تعلیم کے مکمل انتظامات نہ ہونے کی وجہ سے دسویں جماعت تک سمارٹ سیلبس بھی مکمل کرانا مشکل ہوگیا ۔

تفصیلات کے مطابق سرکاری کے ساتھ ساتھ نجی اسکولز کی انتظامیہ بھی آن لائن تعلیم سے غیر مطمئن ہے ،طلبہ کی اکثریت کے پاس فاصلاتی نظام تعلیم کے لیے مناسب انتظامات نہیں ہیں ۔

آل پاکستان پرائیویٹ اسکول مینجمنٹ ایسوسی ایشن کے سربراہ کاشف ادیب کا کہنا ہے اچانک تعلیمی ادارے بند ہونے سے بہت سے طلبہ چھٹیوں کا کام ہی نہیں حاصل کرسکے اور جن کو کام مل گیا ان کو سمجھنے میں مشکلات کا سامنا ہے ۔

سرونگ سکول و کالجز الائنس کے سربراہ رضا الرحمان کا کہنا ہے اگر اس نصاب کوکور کرنا ہے تو فوری طور پر تعلیمی ادارے کھولنے ہونگے ۔
پنجاب میں بھی کے پی اور بلوچستان کی طرز پر ہفتے میں ایک دن ایک کلاس کو بلانے کی اجازت ہونی چاہیے ۔

دوسری طرف وزیر تعلیم اسکول مراد راس نے اس تجویز کی مخالفت کی ، ان کا کہنا ہے پنجاب میں کے پی اور بلوچستان کی نسبت طلبہ کی تعداد زیادہ ہے اس لئے مانیٹرنگ کرنا مشکل ہے ۔

اسلام آباد: علامہ اقبال اوپن یونیورسٹی اور ہزارہ یونیورسٹی کے مابین تعلیم و تحقیق کے میدان میں مشترکہ منصوبوں میں باہمی تعاون کے معاہدے پر دستخط کردیئے۔ معاہدے کے مطابق دونوں جامعات طلبہ اور اساتذہ کے تبادلوں مشترکہ تعلیمی و تحقیقی منصوبوں سمیت دیگر شعبوں میں باہمی تعاون کے منصوبوں کا اجرا کریں گے اور دو طرفہ اشتراک سے تعلیمی کورسسز بھی متعارف کریں گے ۔

تقریب سےخطاب کرتے ہوئے وائس چانسلر پروفیسر ڈاکٹر ضیاء القیوم نےکہاکہ علامہ اقبال اوپن یونیورسٹی نے تعلیم و تحقیق کے معیار میں بہتری لانے کے لئے ملکی و غیر ملکی جامعات کے ساتھ باہمی اشتراک عمل اور ملک کے دور دراز، پسماندہ علاقوں میں تعلیمی نیٹ کی توسیع پر خصوصی توجہ مرکوز کر رکھی ہے ۔

اسلام آباد: سندھ ہائی کورٹ کے 27 نومبر 2020 کو جاری کردہ حکم نامہ کے مطابق پاکستان میڈیکل کمیشن MDCATکے نتائج کااعلان 16 دسمبر2020کو کرے گا۔

تفصیلات کے مطابق 29 نومبر 2020 کو MDCAT کاپہلے مرحلے کاامتحان منعقد کیا گیا تھا جس کے نتائج اگلے ہفتے تیار تک ہوجائے گا جبکہ دوسرے مرحلے میں ایسے طلبا و طالبات جن کے کووڈ 19 کی ٹیسٹ رپورٹ مثبت آئے تھے وہ 13 دسمبر کو منعقدہ MDCAT ٹیسٹ میں شرکت کریں گے۔

پی ایم سی کے ایک سرکاری نوٹیفکیشن کے مطابق ، دونوں امتحانات کے مشترکہ نتائج کا اعلان 16 دسمبر کو کیا جائے گا۔

تمام MDCAT امیداواروں کوہدایت جاری کی جاتی یے کہ 

قبل ازیں ، نائب صدر پی ایم سی بیرسٹر علی رضا نے کہا تھا کہ 29 نومبر کو پاکستان بھر میں ہونے والی ایم ڈی سی اے ٹی 2020 کے لئے 125،000 سے زیادہ خواہش مند امیدواروں نے اندراج کیا تھا ، جن میں سے 138 طلباء کوایوڈ 19 مثبت ہونے کی وجہ سے امتحان نہیں دے سکے۔

جمعہ ، 4 دسمبر کو ، سندھ ہائی کورٹ نے پی ایم سی کو ہدایت کی تھی کہ وہ دونوں انٹری ٹیسٹ کے ایم ڈی سی اے ٹی کے نتائج ایک ساتھ جاری کریں۔