اسلام آباد: علامہ اقبال اوپن یونیورسٹی میں سمسٹر خزاں 2020کے سالانہ امتحانات کےپہلے مرحلے کاآغاز28 ستمبر سے شروع ہونگے۔، سمسٹر خزاں 2020کے پہلے مرحلے میں پیش کئے گئے تعلیمی پروگرامز (میٹرک ،ایف اے اوراے ٹی ٹی سی)کے امتحانات ملک بھر میں 28 ستمبر سے شروع ہونگے۔ طلبہ کورول نمبر سلپس بذریعہ ڈاک ارسال کردی گئی ہیں۔ جبکہ ڈیٹ شیٹاور رول نمبر سلپس یونیورسٹی کی ویب سائٹ پر دستایب ہیں۔

وائس چانسلر پروفیسر ڈاکٹر ضیا ئ القیوم کی خصوصی ہدایت پر طلبہ و طالبات کو قری ترین مقامات پرامتحانات میں شرکت کی سہولت فراہم کرنے کےلئے ملک بھر میں یونین کونسل سطح پرامتحانی مراکز قائم کردیئے گئے ہیں، کنٹرولر امتحانات ڈاکٹر ملک توقیر احمد خان کےمطابق وائس چانسلر کی واضح ہدایات پر امتحانی مراکز میں طلبہ اور امتحانی عملے کا ماسک پہننا لازمی قرار دیاگیاہے جبکہ سماجی فاصلے کوبرقرار رکھنے کےلئےامتحانی مراکز کے اندر ہر 2 طلبہ کے درمیان ایک سیٹ خالی رکھی جائےگی۔

واشنگٹن: باکسنگ اور مارشل آرٹ کے کھلاڑی تربیت کے دوران بھوسے بھرے بیگ کو مکے مارتے ہیں لیکن اب ایک تربیتی روبوٹ پلٹ کر ان پر وار بھی کرسکتا ہے۔

اس روبوٹ کو مارشل آرٹ کے مشہور کھلاڑی برینٹ ورڈائلیز نے تیار کیا ہے۔ ایک کھلاڑی کے ساتھ مشق کرتے ہوئے ان کی کلائی پر شدید چوٹ آئی جس کے بعد انہوں نے ورزشی تربیت کرانے والے روبوٹ پر کام شروع کردیا اور تربیت میں مدد فراہم کرنے والا قدَ آدم آلہ بنایا ہے

اس روبوٹ کی اونچائی 12 انچ ہے جسے دیوار پر نصب کیا جاسکتا ہے روبوٹ کی اونچائی کوکم یا زیادہ کیا جاسکتا ہے۔ بجلی دینے پر اس فوم والے ڈنڈے کھلاڑی پر وار کرتے ہیں۔ فوم والےبازو 64 کلومیٹر فی گھنٹے کی رفتار سے حرکت کرتے ہیں جبکہ کھلاڑی روبوٹ کے سر اور دھڑ نما حصے پر مکے بازی کرسکتا ہے۔

ساڑھے چار انچ کی ٹچ اسکرین کی بدولت تین مختلف تربیتی انداز (ٹریننگ موڈ) کا انتخاب کیا جاسکتا ہے۔ اسی طرح شدت کے تین درجے بھی اختیار کئے جاسکتے ہیں۔ اس دوران اسکرین پر ہر راؤنڈ، مکوں کی بارش اور دیگر کارکردگی دیکھی جاسکتی ہے۔ اسکرین کا نظام آرام اور وقفے کو بھی مدِ نظر رکھتا ہے۔

فی الحال آر ایکس ٹی ون کو کک اسٹارٹر مہم کا حصہ بنایا گیا ہے۔ تاہم اس کی قیمت 699 ڈالر سے شروع ہورہی ہے۔

کراچی:ورلڈ میری ٹائم ڈے 2020 کی مناسبت سے پاک بحریہ نے ڈاکومینٹری ریلیز کر دی۔ ڈاکومینٹری میں پاک بحری شعبے کی اہمیت اور افادیت کو اجاگر کیا گیاہے

تفصیلات کے مطابق ڈاکومینٹری میں میری ٹائم سیکٹر کی ترقی میں پاک بحریہ کے کردار پر روشنی ڈالی گئی ہے، جب کہ ڈاکومنٹری میں پاکستان کے جغرافیائی محل وقوع کی اہمیت اور اس سے منسلک معاشی پہلووٴں کا ذکر بھی کیا گیا ہے۔

ترجمان نے بتایا ہے کہ ڈاکومینٹری میں سمندری تحفظ اور سمندری ماحول کو درپیش چیلنجز سے نمٹنے کیلئے دیرپا حکمت عملی پر زور دیا گیا ہے، اور اس عزم کا اظہار بھی کیا ہے کہ پاک بحریہ سمندری تحفظ کےلیے عالمی اور قومی کوششوں میں اہم کردار ادا کرتی رہے گی۔

کراچی: وائس چانسلر سندھ مدرستہ الاسلام یونیورسٹی ڈاکٹر مجیب الدین صحرائی میمن نے مزار قائد پر حاضری دی ۔ انہوں نے مزار پر پھول چڑھائے اور فاتحہ خوانی بھی کی جبکہ مہمانوں کی کتاب میں اپنے تاثرات بھی درج کیے ۔

اس موقع پر انہوں نے کہا کہ جس ادارے میں قائد اعظم محمد علی جناح نے اپنی ابتدائی تعلیم حاصل کی اس ادارے کے سربراہ کی حیثیت سے یہاں پرحاضری دینا کسی بھی طور اعزاز سے کم نہیں ہے ۔ سندھ مدستہ الاسلام سے وابستہ دو شخصیات ایک اس ادارے کی بنیاد ڈالنے والے حسن علی آفندی اور دوسرے اس ملک کی بنیاد ڈالنے والے قائداعظم کی جدوجہد اور خدمات کو دنیا کے سامنے متعارف کرانے کیلئے ہم اس سال سے ایک ریسرچ ورک شروع کررہے ہیں جس میں ان شخصیات سے متعلق تحقیقی مقالہ جات کو دنیا کے نامور تحقیقی جرائد میں شایع کرایا جائے گا ۔

ڈاکٹر مجیب الدین صحرائی میمن نے مزید کہا کہ سندھ مدرستہ السلام جہاں پر بانی پاکستان نے اپنی تعلیمی کیرئر کا زیادہ عرصہ گذارا وہاں پر بطور وائس چانسلر کام کرنا ان کے لیے کسی اعزاز سے کم نہیں ہے ۔ ہم قائداعظم کے رہنما اصول اتحاد، ایمان اورتنظیم پر مکمل عمل پیرا ہیں اور اسے لاگو کرنے کیلئے ہر ممکن طور کوشاں ہیں ۔

وائس چانسلر ڈاکٹر مجیب الدین صحرائی میمن نے مزار سے متصل میوزم کا دورہ بھی کیا اور وہاں قائد اعظم سے متعلق رکھی گئی نادر و نایاب چیزوں کا بھی معائنہ کیا ۔اس موقع پر رجسٹرار، ڈینز، پروفیسرز اور مختلف شعبہ جات کے سربراہان بھی ہمراہ تھے۔

کراچی: وزیر تعلیم کا ڈسٹرکٹ ایسٹ کی مختلف سرکاری اور نجی اسکولوں اور سرکاری کالجز کا دورہ جاری ، وزیر تعلیم نے آج ڈسٹرکٹ ایسٹ کی مختلف سرکاری اور نجی اسکولوں اور سرکاری کالجز کا دورہ کیا۔

دورے کے دوران سرکاری اسکولوں میں صفائی ستھرائی اور سماجی فاصلے کے فقدان پر سخت ہدایات جاری کرتے ہوئے کہا کہ جو سرکاری اساتذہ کالجز اور اسکولز میں غیر حاضر ہیں ان کو شوکاز نوٹس دئیے جائیں۔

انہوں نے مزیدکہا کہ تمام تعلیمی ادارے 28 ستمبر سے قبل اپنی مکمل تیاری کو یقینی بنائیں اگر طلبہ و طالبات کی تعداد زیادہ ہے تو شفٹوں یا متبادل دنوں میں بچوں کو بلایا جائے یہ بات طے ہے کہ بچوں کی صحت پر کوئی سمجھوتہ برداشت نہیں کیا جائے گا. تعلیمی ادارے ایس او پیز پر عمل درآمد کو یقینی نہیں بنائیں گے اس کے خلاف کارروائی کی جائے گی.

کراچی: وزیر تعلیم و محنت سندھ سعید غنی صبح سویرےشہر کے مختلف تعلیمی اداروں کے اچانک دورے پر پہنچ گئے۔ صوبائی وزیر نے سینیٹ جوزف کالج و اسکول اور سینٹ پیٹرک اسکول کا دورہ کیا۔

سینٹ جوزف کالج میں سماجی فاصلہ کے فقدان پر صوبائی وزیر نے پرنسپل کو فوری طور پر اس کو ممکن بنانے کی ہدایات دی۔صوبائی وزیر نے کلاسز میں جاری تدریسی عمل کا بھی جائزہ لیا اور طالبات سے ایس او پیز کے حوالے سے معلومات حاصل کی۔

صوبائی وزیر نے سینٹ جوزف و سینٹ پیٹرک گرلز اسکول میں تمام ایس او پیز اور سماجی فاصلہ کو برقرار رکھنے پر مذکورہ دونوں اسکول کی پرنسپل کو سراہا۔

کراچی: جامعہ اردو عبدالحق کمپس میں گزشتہ روز پروفیسرمحمدضیاالدین کی سربراہی میں تمام شعبہ جات کے صدور ار انچارج صاحبان کی میٹنگ منعقد ہوئی۔

میٹنگ میں تمام صدور اور انچارج صاحبان نے اکیڈمک کونسل میں آن لائن امتحانات کے فیصلےپر شدید تحفظات کااظہار کیاہے اور اجلاس میں امتحانی ضوابط پر غورکیا ہےاور متعلقہ طور پر قرار داد منظور کی گئی ہے کہ عبدالحق کمپس میں کورس انسٹرکٹرکو آن لائن اور فزیکل امتحان ہائبرڈ طریقہ کارکے مطابق انعقاد کرایاجانےکااختیار دیا جائے۔

یہ قرارداد فوری طور پراکیڈمک کونسل کے اجلاس سے منظور کروائی جائے تاکہ مستقبل میں کسی بھی قسم کی قانونی چارہ جوئی سے بچایا جاسکے ۔

کراچی: الفاروق اسلامک اکیڈمی میں زیر تعلیم مچھلی فروش کے بیٹے نے میٹرک میں اے ون گریڈ حاصل کرلیا ۔

تفصیلات کے مطابق ماڑی پور کے علاقے میں واقع الفاروق اسلامک اکیڈمی کے طالب علم فیصل اکبر ولد اکبر نے اس سال کراچی بورڈ سے میٹرک کے امتحان میں اے ون گریڈ حاصل کیا ہے، فیصل اکبر نے میٹرک کے امتحان میں 850 میں سے 708 نمبر یعنی 83.29 فی صد نمبر حاصل کیے ۔ فیصل اکبر کے والد فشرمین ہیں تاہم وہ اپنے بچوں کو اعلی تعلیم دلانا چاہتے ہیں۔

الفاروق اسلامک اکیڈمی کے پرنسپل حافظ محمد طیب نے فیصل اکبر کی میٹرک کے امتحان میں شاندار کامیابی پر انہیں اور ان کے والدین کو مبارکباد دیتے ہوئے اس عزم کا اظہار کیا ہے کہ طلباء کو معیاری تعلیم اور عمدہ تربیت فراہم کرنے کا مشن جاری رکھا جائے گا۔

دی یونی کوڈ کنسورشیم نے رواں سال کے آغاز میں اعلان کیا تھا کہ وہ عالمی وبا کورونا وائرس کی وجہ سے 2021 میں کوئی نئی ایموجی پیش نہیں کریں گے لیکن اب انہوں نے 2021 کے لیے 200 کے قریب نئی ایموجیز پیش کی ہیں۔

غیر ملکی خبر رساں ادارے کے مطابق یہ نیا ایڈیشن ایموجی 13.1 ریلیز کا حصہ ہے

جس میں مختلف اسکن ٹونز کے ایموجیز بھی شامل ہیں۔

نئے ایموجیز میں ایسے ایموجیز شامل ہیں جس سے صارفین کافی حد تک ریلیٹ کر سکتے ہیں

تاہم ان نئے ایموجیز کو ڈیوائس میں شامل کرنے کے حوالے سے کسی تاریخ کا اعلان نہیں کیا گیا ہے۔

مانیٹرنگ ڈیسک: پیغام رسائی کی مقبول ترین ایپ واٹس ایپ ’Self Destructive Message‘ کے ساتھ اب ’Self Destructive Photos And Videos‘ کا فیچر متعارف کرانے والی ہے۔

واٹس ایپ میں ہونے والی تبدیلیوں پر نظر رکھنے والی ویب سائٹ واٹس ایب بیٹا انفو کے مطابق یہ فیچر اس سے قبل واٹس ایپ کی جانب سے اعلان کرنے والے ’Expiring Message‘ فیچر میں توسیع ہے جسے ’Expiring Media‘ کہا جائے گا۔
صارفین کے پاس یہ آپشن موجود ہوگا کہ وہ ’Self Destructive Message‘ کے اس فیچر کو اِن ایبل کرکے کسی کو بھی تصاویر، ویڈیوز یا جی آئی ایف بھیجیں گے تو وہ بھیجے جانے والے شخص کے دیکھنے کے بعد ’چیٹ ونڈو‘ سے فوراً غائب ہوجائے گی۔

واٹس ایپ کا یہ فیچر فی الحال آزمائشی مراحل میں ہے جب کہ اس فیچر کو ایپ میں شامل کرنے کے حوالے سے کسی تاریخ کا اعلان نہیں کیا گیا ہے۔

خیال رہے کہ چند ماہ پہلے واٹس ایپ نے صرف ’Self Destructive Text‘ کا فیچر متعارف کرانے کا اعلان کیا تھا جس میں صرف ’Text Messages‘ غائب ہونا شامل تھا۔