راولپنڈی: بورڈ آف انٹرمیڈیٹ اینڈ سیکنڈر ی ایجوکیشن راولپنڈی آج انٹر پارٹ I اورII کے سالانہ امتحانات کے نتائج کااعلان کرے گا
چیئرمین بورڈ آف انٹرمیڈیٹ اینڈ سیکنڈر ی ایجوکیشن راولپنڈی کے مطابق نتیجہ کااعلان آج شام5:00 بجے کیا جائے گا
اسی دوران دوسرے اضلاع گجرانوالہ، ملتان، لاہور، سرگودھا، فیصل آباد، بہاولپور، ڈی جی خان اور ساہیوال بورڈ بھی نتائج کااعلان کرے گا۔
نتیجہ آفیشل ویب سائٹ پر جاری کردیا جائے گا

بورڈ آف انٹرمیڈیٹ اینڈسیکنڈری ایجوکیشن گجرانوالہ آج انٹر پارٹ IIاورI کے سالانہ امتحانات کے نتائج کااعلان کرے گا
چیئرمین بورڈ آف انٹرمیڈیٹ اینڈ سیکنڈری ایجوکیشن کے مطابق نتیجہ کااعلان آج شام 5:00 بجے کیا جائے گا
اسی دوران دوسرے اضلاع راولپنڈی، ملتان، لاہور، سرگودھا، فیصل آباد، بہاولپور، ڈی جی خان اور ساہیوال بورڈ بھی نتائج کااعلان کرے گا۔
نتیجہ آفیشل ویب سائٹ پر جاری کردیا جائے گا

کراچی: آل پاکستان کلرکس ایسوسی ایشن(ایپکا )میٹرک بورڈکراچی کے منتخب نمائندوں کی جانب سےچیئرمین بورڈپروفیسرڈاکٹرسعیدالدین سمیت دیگراہم عہدیدران کوقبل ازوقت نتائج کااعلان کرنے پر مبارکباد پیش کی ہے۔

ایپکا کےمنتخب نمائندوں عبدالوہاب لاکھو صدر، سلمان احمد خان سنیئر نائب صدر، ارشاد احمد خان جمالی جونیئر نائب صدر،شکیل لقمان،جنرل سیکریٹری،زیڈ۔ایچ۔ بھٹی ڈپٹی جنرل سیکریٹری، بلال حسین فنانس سیکریٹری،شعیب سلیم چیمپیئن پریس سیکریٹری اورامیر بخش آفس سیکریٹری نے 1,70,000امیدواروں کی کثیر تعداد کے رجسٹرڈ ہونے کے باوجود میٹرک سائنس گروپ برائے سال 2020کے امتحانی نتائج کا سب سے پہلے اعلان کرنے پر چیئرمین بورڈ پروفیسر ڈاکٹر سعید الدین،ناظم امتحانات عبدالرزاق ڈیپر، سیکریٹری بورڈ سید محمدعلی شائق، ایڈیشنل ڈپٹی کنٹرولر ایس۔ ایم۔ طارق کریم، تمام بورڈ ملازمین اور تمام کامیاب طلباء وطالبات کومبارکباددی ہے۔

چیئرمین پروفیسر ڈاکٹر سعید الدین کی خصوصی ہدایت کے پیش نظر کہ میٹرک کے طلباء وطالبات کا قیمتی سال ضائع نہ ہوبورڈ ملازمین نے حکومت سندھ کی تجویز کردہ کرونا وائرس سے بچاو ئ کی تمام احتیاطی تدابیرکواختیار کرتے ہوئے شب وروز محنت کرکے ان نتائج کے قبل ازوقت اعلان کو ممکن بنایا جس کے لیے وہ یقینا مبارکبادکے مستحق ہیں۔

اس موقع پرعبدالوہاب لاکھو، صدر ایپکامیٹرک بورڈ کراچی یونٹ نے کہا کہ پروفیسر ڈاکٹر سعید الدین صاحب کی سربراہی میں سب سے پہلے نتائج کے اعلان کاسلسلہ تسلسل کے ساتھ جاری ہے۔ کرونا وائرس کے سبب دنیا بھر میں معاشی سرگرمیاں متاثر ہوئی ہیں اس حقیقت مدنظر رکھتے ہوئے ایسے تمام امیدوارجوبروقت اپنے امتحانی فارمزنہیں جمع کرواسکے تھے چیئرمین صاحب کی جانب سے ان کولیٹ فیس کی مد میں خصوصی رعایت دی گئی تاکہ والدین پرکوئی اضافی مالی بوجھ نہ پڑے او ر کسی بھی طالب علم کا قیمتی تعلیمی سال ضائع نہ ہواوروہ تعلیم سے محروم نہ رہے جویقینا خوش آئند ہے۔

کراچی: وزیر تعلیم و محنت سندھ سعید غنی لاڑکانہ پہنچ گئے.صوبائی وزیر لاڑکانہ کے مختلف سرکاری اور نجی اسکولوں اورکالجز کا دورہ کررہے ہیں، لاڑکانہ میں صوبائی وزیر گورنمنٹ پائیلٹ ہائی سیکنڈری اسکول کادورہ کیا۔

اس موقع پر ای ڈی او لاڑکانہ اختر حسین کوریجو اور دیگر بھی ان کے ہمراہ موجود ہیں۔

صوبائی وزیر نے اسکول کی کلاس رومز کادورہ کیا اور وہاں حکومت کی جانب سے جاری ایس او پیز پر عملدرآمد کے حوالے سے معلومات حاصل کی۔

اس موقع پر سماجی دوری کے فقدان پر صوبائی وزیر نے برہمی کا اظہار کرتے ہوئے فوری طور پر کلاس رومز میں سماجی دوری کو یقینی بنانے کی ہدایات دی۔صوبائی وزیر نے اسکول میں جاری تدریسی عمل کا بھی جائزہ لیا اور طلبہ سے اس حوالے سے مختلف سوالات کئے۔

کراچی: کراچی یونیورسٹی بزنس اسکول کے تحت ایم بی اے(ڈیڑھ سالہ اورڈھائی سالہ) پروگرام میں داخلوں کے لئے فارم جمع کرانے کی تاریخ کا اعلان کردیا گیا ہے

جن میں ہیومن ریسورس مینجمنٹ،مارکیٹنگ،اسلامک بینکنگ اینڈ فنانس،فنانس اینڈ انویسٹمننٹ اور پروجیکٹ اینڈ انڈسٹریل مینجمنٹ شامل ہیں۔

خواہشمند طلبہ 02 اکتوبر 2020 ء تک آن لائن داخلہ فارم جمع کراسکتے ہیں۔

طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے www.uokadmission.edu.pk  پررابطہ کرسکتے ہیں،جہاں تمام معلومات موجودہیں۔

کراچی: اعلیٰ ثانوی تعلیمی بورڈ کراچی کل انٹر کے نتائج کااعلان کرےگاجس کا باقاعدہ نوٹیفکیشن بھی جاری کردیا گیا ہے
جاری کردہ اعلامیہ کے مطابق انٹر بورڈکراچی ہوم اکنامکس انٹر پارٹ ٹو کےنتیجہ کااعلان کل صبح 11:00بجے سیکٹریٹ کانفرنس ہال میں کرے گا ۔ جس کے بعد نتیجہ ویب سائٹ پر جاری کردیا جائے گا۔

پاکستان کے معروف سائنسدان اور تعلیم دان پروفیسرڈاکٹر عطا الرحمن کی دنیاکے مختلف ممالک میں سائنس اور ٹیکنالوجی کو فروغ دینے کی گراں قدر خدمات کو بین الاقوامی سطح پر سراہنے کے لیے ایک اہم بین الاقوامی جرنل ”مالیکیولز“ نے خصوصی شمارہ نکالنے کا فیصلہ کیا ہے۔

بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے ترجمان کے مطابق اس جرنل کی اشاعت معروف بین الاقوامی پبلشر ایم ڈی پی آئی(MDPI)کے تحت ہوتی ہے، ترجمان نے کہا ہے کہ اس جرنل سے دنیا کے اہم ممالک کی سائینس سوسائٹیاں منسلک ہیں جن میں انٹر نیشنل سوسائٹی آف نیکلیوسائیڈز، نیکلیوٹائیڈز اینڈنیوکلیک ایسڈ، اسپینش سوسائٹی آف میڈیسنل کیمسٹری، اور انٹر نیشنل سوسائٹی آف ہیٹروسائکلک کیمسٹری شامل ہیں۔ اس شمارے میں پروفیسر عطاالرحمن کی گراں قدر خدمات کو اُجاگر کیا جائے گا۔

واضح رہے کہ پروفیسر عطاالرحمن نے کامسٹیک کے کوارڈینیٹر جنرل کی حیثیت اسلامی دنیا کے چالیس ممالک میں ہزاروں نوجوان سائنسدانوں کی معاونت کی، پاکستان میں وفاقی وزیر برائے سائینس اور ٹیکنالوجی کی حیثیت سے ملک میں انفارمیشن ٹیکنالوجی کی بنیادڈالی اور اس طرح شہروں، قصبوں اور دیہاتوں میں انٹرنیٹ کی سہولت عام کی، انہوں نے پاکستان کا پہلا سیٹلائیٹ پاک سیٹ ون خلا میں چھوڑا۔ اس کے ساتھ موبائل فون انڈسٹری میں بھی اہم تبدیلیاں ان ہی کی نگرانی میں آئی اور سن2000ء میں جن موبائل فون کی تعداد صرف تین لاکھ تھے ان کی تعداد اب160ملین سے زیادہ ہے۔ بحیثیت بانی سربراہ اعلیٰ تعلیمی کمیشن پاکستان انھوں نے2002ء سے2008ء کے درمیان ملکی کی اعلیٰ تعلیم کے سیکٹر میں نمایاں تبدیلیاں رونما کی اور انڈیا کو بھی ریسرچ پبلیکیشن میں پیچھے چھوڑ دیا۔

واضح رہے کہ آج کل پروفیسر عطا الرحمن وزیراعظم پاکستان کی قائم کردہ ٹاسک فورس برائے سائنس اور ٹیکنالوجی کے چیئرمین، سائنس اور ٹیکنالوجی پر مبنی معیشت کے قیام کے لیے ٹاسک فورس کے وائس چیئر مین اور ٹاسک فورس برائے انفارمیشن ٹیکنالوجی کے کوچیئر مین کے عہدوں پر فائز ہیں۔پروفیسر عطا الرحمن کی نامیاتی کیمیاء کے موضوع پر 1232سے زیادہ بین الاقوامی اشاعتیں، امریکہ، یورپ اور جاپان میں طباعت شدہ346کتب اور بین الاقوامی سائنسی جرائد میں771سے زیادہ تحقیقی اشاعتیں قابل ذکر ہیں،45پیٹنٹ بھی ان کے نام ہیں۔ ان کی زیرِ نگرانی82طالب علموں نےپی ایچ ڈی کی سند حاصل کی ہے۔ پروفیسر عطا الرحمن آٹھ یورپی ریسرچ جرنل کے مدیرِ اعلیٰ ہیں جبکہ متعلقہ مضمون سے متعلق دنیا کی نمایاں انسائکلوپیڈیا کے مدیر بھی ہیں۔

پروفیسر عطا الرحمن کو نہ صرف بین الاقوامی ایوارڈ حاصل ہوئے ہیں بلکہ حکومتِ پاکستان کی جانب سے انھیں تمغہئ امتیاز، ستارہئ امتیاز، ہلالِ امتیاز اور نشانِ امتیاز بھی عطا کیا جاچکا ہے۔

کراچی: ثانوی تعلیمی بورڈ کراچی نے میٹرک سائنس گروپ کے سالانہ امتحانات کےنتائج کااعلان کردیا۔ سالانہ امتحانات میں 1لاکھ 69ہزار325امیدوار رجسٹرڈ ہوئے۔ مجموعی طور پر کامیابی کاتناسب 99.8 فیصد رہا۔
نتائج میٹرک بورڈ کی ویب سائٹ www.bsek.edu.pk پر بھی دیکھے جاسکتے ہیں۔ یا ایس ایم ایس سروس BSEK اسپیس سے کر رول نمبر لکھنے کےبعد 8583 پربھیج کرنتائج کو معلوم کیاجاسکتاہے

ناظم امتحانات عبدالرزاق ڈیپر کاکہنا ہےکہ پاکستان میں عالمی وبا کورونا کی وجہ سے امتحانات ملتوی ہونے کےباعث صرف ان طلباو طالبات کوپروموٹ کرکے انکے نتائج ریلیزکئے گئے ہیں جنہوں نےاپنے سالانہ امتحانی فارم جمع کرائے تھے، انہوں نے مزید کہا کہ وہ طلبا و طالبات جونہم جماعت 2019 میں پانچویں پرچوں میں پاس تھے ان کے ٹوٹل حاصل کردہ نمبروں میں 3 فیصد نمبر دیئے گئے ہین اسکے علاوہ ایسے امیدوار جوایک یادو پرچوں میں فیل تھے مگر ان کے نمبر60فیصد یا اس سے زیادہ تھے ان کو فیل شدہ پرچوں میں ایورج مارکس دیئے گئے ہیں جبکہ 60 فیصدسے کم نمبروں والے امیدواروں کو صرف پاسنگ مارکس دے کر انہیں پروموٹ کردیا گیا ہے

کراچی: تعلیمی اداروں کے کُھولنے کاوسرامرحلہ موخر کرنے کی اصل وجہ سامنے آگئی، چھٹی سے آٹھویں جماعت کی سندھ ٹیکسٹ بورڈ کی کتابیں وقت پر چھپ نہ سکی، جس کے بعدکراچی کی سب سے بڑی کتابوں کی کھیپ اردو بازار میں مختلف مضامین کی کتابیں نایاب ہوگئیں۔

کتابیں کی کمی کے باعث والدین وبچوں کوشدید مشکلات کاسامنا کرناپڑرہاہے

جبکہ دوسری جانب وزیر تعلیم سعید غنی نے سیکرٹری تعلیم کی نوکری بچاتے ہوئے تعلیمی اداروں کُھولنے کادوسرےمرحلہ موخر کرنے کی وجہ کورونا کیسز کی تشخیص اوراسکول انتظامیہ کی ایس او پیز عمل درآمد نہ کرنا بتایا ۔

اس حوالے سے کتب فروشوں کا کہنا ہے کہ سندھ ٹیکسٹ بورڈ کی طرف سے کتابیں وقت پر نہ پہنچ سکیں جس کی وجہ سے والدین نئے ایڈیشن کے بجائے پرانے ایڈیشن خریدنے پر مجبور ہیں جس کے بعد اب پرانے ایڈیشن بھی ختم ہوچکے ہیں۔

واضح رہےقائم مقام سیکرٹری تعلیم احمد بخش ناریجو چیئرمین سندھ ٹیکسٹ بورڈ کے عہدے پر فائض ہیں جبکہ انکے پاس سیکرٹری تعلیم کااضافی چارج ہے۔