Reporter SS
ویمن ٹی ٹوئنٹی ورلڈکپکے لیے اسٹارک نے اہلیہ کی خاطر اپنا میچ چھوڑ دیا
ویمن ٹی ٹوئنٹی ورلڈ کپ کے فائنل کے لیے آسٹریلوی فاسٹ بولر مچل اسٹارک نے کینگروز ویمن ٹیم میں شامل اہلیہ کے لیے اپنا میچ چھوڑ دیا۔
ویمن ٹی ٹوئنٹی ٹیم کا فائنل کل آسٹریلیا اور بھارت کی ٹیموں کے درمیان کھیلا جائے گا۔
دوسری جانب اسٹارک آسٹریلیا اور جنوبی افریقا کے درمیان جاری ون ڈے سیریز کا تیسرا اور آخری میچ بھی کل ہی کھیلا جانا ہے۔
مچل اسٹارک نے اہلیہ ایلیسا ہیلی کا فائنل میچ دیکھنے کے لیے اپنا میچ چھوڑ دیا ہے اور وہ جنوبی افریقا کے خلاف تیسرا میچ ایک روزہ میچ نہیں کھیلیں گے۔
کارخانۂ قدرت کے خوش رنگ، خوش بُو دار، عجیب الخلقت نباتاتی اجسام جہاں صحت اور علاج میں مفید اور مددگار ہیں، وہیں انسانوں کے مختلف گروہوں کے نزدیک ان کی کوئی مذہبی اور روحانی حیثیت بھی ہوسکتی ہے۔
دنیا کے بعض پودے اور جڑی بوٹیاں ایسی ہیں جن کو مقدس اور بابرکت مانا جاتا ہے اور وہ جادوئی خاصیت کے حامل تصور کیے جاتے ہیں۔ تلسی انہی میں سے ایک ہے۔
تلسی کا شمار عام نباتات میں کیا جاتا ہے۔ اسے انگریزی زبان میں Basil کہتے ہیں۔ دنیا کے مختلف خطوں کی طرح برصغیر میں بھی تلسی ایک مشہور اور معروف پودا ہے۔
اس خطے میں بسنے والے ہندو اسے مقدس اور بابرکت مانتے ہیں۔ ہندوؤں کے عقیدے کے مطابق ایک دیوی نے تلسی کا روپ دھار لیا تھا اور اسی لیے یہ مقدس پودا ہے۔ ہندو مت میں تلسی کی پوجا کی جاتی ہے۔
مذہبی عقائد اور روحانی تصورات کو چھوڑ کر طبّی سائنس کی دنیا میں چلیں تو تلسی انسانوں کے لیے نہایت مفید اور ہماری صحت اور علاج میں سود مند بتایا جاتا ہے۔ طبی محققین کی مختلف رپورٹوں میں تلسی کے حیرت انگیز طبی فوائد سامنے آئے ہیں۔
ماہرین کے مطابق اس میں وٹامن، معدنیات، کیلشیم، کینسر کے خلاف مددگار اینٹی آکسیڈنٹس اور سوزش سے بچانے میں مدد دینے والے اجزا موجود ہیں۔
ایک حالیہ تحقیق میں یہ بھی کہا گیا کہ تلسی کے پتے جینیاتی نقائص کو دور کرکے ہمارے ڈی این اے کو صحت مند حالت میں برقرار رکھتے ہیں۔ اسی طرح اس پودے میں اینٹی آکسیڈنٹس موجود ہیں جو دل کے لیے فائدہ مند ہیں، تلسی کولیسٹرول کم کرنے میں مددگار ہے۔ ماہرین کے مطابق اس کے بعض اجزا جراثیم کُش صلاحیت رکھتے ہیں۔
سندھ میں کورونا وائرس کا شکار پہلا مریض یحییٰ جعفری مکمل صحت یاب ہوگیا جس کے بعد اسے اسپتال سے فارغ کردیاگیا۔
اسپتال حکام کے مطابق مریض کا دوبارہ کیا جانے والا کورونا وائرس کا ٹیسٹ منفی آیا ہے۔
وزیراعلیٰ سندھ سید مراد علی شاہ کی زیر صدارت کورونا وائرس کی ٹاسک فورس کا اجلاس ہوا۔
اجلاس میں سیکرٹری صحت نے بریفنگ دیتے ہوئے بتایا کہ کورونا وائرس سے متاثر ہونے والا پہلا شخص صحت یاب ہوگیا اور اُسے آج اسپتال سے فارغ کردیا گیا۔
وزیراعلیٰ سندھ نے صحتیاب ہونے والے نوجوان یحییٰ جعفری اور اس کے اہلخانہ کو مبارکباد دی۔
محکمہ صحت سندھ کے مطابق 22 سالہ نوجوان یحییٰ جعفری کو آغا خان اسپتال کے آئسولیشن وارڈ سے ڈسچارج کردیا گیا ہے۔
یحییٰ جعفری میں 26 فروری کو کرونا وائرس کی تصدیق ہوئی تھی، وہ 20 فروری کو ایران سے کراچی آیا تھا۔
ترجمان محکمہ صحت کے مطابق یحییٰ جعفری کے 3 بار کرونا وائرس کی تصدیق کے ٹیسٹ ہوئے مگر اس میں بیماری کی کوئی علامات سامنے نہیں آئیں جس کے بعد اسے صحت مند قرار دیا گیا۔
خیال رہے کہ پاکستان میں اب تک کورونا وائرس کے 6 کیسز سامنے آچکے ہیں جبکہ متاثرہ تمام افراد نے ایران کا سفر کیا تھا۔
اب تک کراچی میں 3، اسلام آباد میں 2 جبکہ گلگت بلتستان سے ایک کیس کی تصدیق ہوچکی ہے۔
مختلف ممالک میں کورونا کی صورتحال
دنیا بھر میں اس وقت کورونا وائرس کے ایک لاکھ 3 ہزار 737 کیسز رپورٹ ہوچکے ہیں جبکہ 3522 افراد ہلاک اور 58546 صحتیاب ہوچکے ہیں۔
دنیا میں سب سے زیادہ 80 ہزار 651 کیسز صرف چین میں رپورٹ ہوئے ہیں۔
چین میں وائرس سے صحتیاب ہونے والے افراد کی تعداد 55 ہزار 510 ہے جبکہ 22 ہزار 71 افراد زیر علاج ہیں اور وائرس سے 3 ہزار 70 افراد ہلاک ہوچکے ہیں۔
کورونا وائرس سے دوسرے نمبر پر سب سے زیادہ جانی نقصان اٹلی میں ہوا جہاں اب تک 197 لوگ لقمہ اجل بن چکے ہیں۔ 4636 افراد میں کورونا وائرس کی تشخیص ہوئی ہے جن میں سے 532 صحتیاب ہوئے ہیں جبکہ 3916 افراد زیر علاج ہیں۔
ہلاکتوں کے اعتبار سے تیسرا سب سے زیادہ متاثر ملک ایران ہے جہاں آج بھی 1076 نئے کیسز رپورٹ ہوئے ہیں اور متاثرہ افراد کی تعداد 5 ہزار 823 ہوگئی ہے اور ہلاکتوں کی تعداد 145 تک پہنچ گئی ہے۔ ایران میں 1669 افراد صحتیاب ہوئے ہیں جبکہ 4009 افراد زیر علاج ہیں۔
لندن:برطانیہ کی وزیر برائے شیڈو اور لیبر پارٹی کی رکن پارلیمنٹ ناز شاہ نے کہا ہے کہ حضور اکرم ﷺ نے چودہ سو سال قبل عورت کو حقوق دیے اور اُس کو تحفظ فراہم کر کے بااختیار بنایا ۔
خواتین کے عالمی دن کے حوالے سے برطانوی پارلیمنٹ میں خطاب کرتے ہوئے ناز شاہ کا کہنا تھا کہ پیغمبر اسلام حضرت محمد ﷺ کی زندگی اور تعلیمات سے متاثر ہوکر اور اُن سے حوصلہ حاصل کر کے بطور عورت اپنے حقوق کے لیے کھڑی ہوئی۔ اُن کا کہنا تھا کہ چودہ سو سال قبل دی جانے والی تعلیمات اور حقوق کے لیے پارلیمنٹ میں خواتین کے لیے آواز اٹھا رہی ہوں۔
ناز شاہ کا کہنا تھا کہ ’حضرت محمد ﷺ کا ظہور عرب کے اُس معاشرے میں ہوا جہاں خواتین کو بنیادی حقوق میسر نہیں تھے، وہ ایک ایسا معاشرہ تھا جہاں عورت کو ماردیا جاتا تھا‘۔
’اُس معاشرے میں عورت کو زندہ رہنے، جائیداد، پسند کی شادی، وراثت اور فیصلہ سازی کا اختیار نہیں تھا مگر حضور اکرم ﷺ نے اپنی تعلیمات سے ان ساری فرسودہ روایات کو ختم کر کے خواتین کو بااختیار بنایا‘۔
رکن پارلیمنٹ نے اپنی ذاتی زندگی کے تجربات بیان کرتے ہوئے بتایا کہ ماں کے بغیر اپنے بہن بھائیوں کی پرورش کی اور سنت نبوی ﷺ سے ہمت حاصل کی‘۔
ناز شاہ نے میگھن مارکل کے ساتھ تعصب اور مسلم خواتین کے حجات کے حوالے سے برطانوی وزیر اعظم بورس جانسن کے بیان کو بھی شدید تنقید کا نشانہ بنایا۔
بھارت میں کورونا وائرس کے کیسز کی تعداد بڑھنے کے بعد تاج محل سمیت تمام تاریخی مقامات کو بند کرنے کا مطالبہ کیا گیا ہے۔
بھارتی میڈیا کے مطابق آگرہ کے میئر نوین جین کی جانب سے مطالبہ کیا گیا ہے کہ وائرس کی صورتحال پر قابو پانے تک تاج محل سمیت بھارت کے تمام تر تاریخی مقامات کو بند رکھا جائے۔
نوین جین نے کہا کہ ’آگرہ میں بڑی تعداد میں غیر ملکی سیاح آتے ہیں جس کی وجہ سے شہر بھر میں کورونا وائرس کے پھیلنے کے امکانات بڑھ رہے ہیں‘۔
انہوں نے مزید کہا کہ ’میں بھارتی حکومت سے مطالبہ کرتا ہوں کہ وہ تاج محل سمیت تمام تر تاریخی مقامات کو فوری طور پر بند کردیں‘۔
بھارت میں کورونا وائرس کے کیسز میں اضافہ
واضح رہے کہ بھارت میں کورونا وائرس کے کیسز میں اضافہ ہورہا ہے اور وہاں تعداد 31 تک جا پہنچی ہے۔
بھارتی حکومت نے ریاستی حکومتوں کو عوامی اجتماعات سے گریز کرنے اور پہلے سے طے شدہ بڑے پروگرام ملتوی کرنے کی ہدایت کی ہے۔
بھارت میں کورونا وائرس کے بڑھتے کیسز کی وجہ سے مقبول ترین انٹرنیشنل انڈین فلم اکیڈمی ایوارڈز 2020 کی تین روزہ تقریب منسوخ کردی گئی ہے۔
بھارتی میڈیا کا بتانا ہےکہ وزیراعظم نریندر مودی نے بھی برسلز کا دورہ ملتوی کردیا ہے جہاں انہیں انڈیا یورپ سمٹ میں شرکت کرنا تھی۔
دوسری جانب وائرس کے پھیلاؤ کی وجہ سے نئی دہلی میں پرائمری اسکولوں میں 31 مارچ تک تعطیلات کا اعلان کیا گیا ہے جس کے تحت دہلی کے تمام سرکاری اور نجی اسکولز بند رہیں گے۔
واضح رہےکہ دنیا بھر میں وائرس سے ہلاکتوں کی تعداد 58 ہزار تجاوز کرگئی ہے اور ایک لاکھ ہزار سے زائد افراد وائرس سے متاثر ہیں۔
پی ایس ایل فائیو کے 21ویں میچ میں گلیڈی ایٹرز کے خلاف کامیابی کے فوری بعد ہی حفیظ کی ویڈیو سوشل میڈیا پر وائرل ہوگئی۔
تفصیلات کے مطابق لاہور میں کھیلے جانے والے میچ میں گلیڈی ایٹرز کے خلاف لاہور قلندرز نے دوسری کامیابی اپنے نام کی، محمد حفیظ کی میچ میں کامیابی کے بعد لاہور قلندرز کے مداح بچے کو گلے لگانے کی ویڈیو وائرل ہوگئی۔
ویڈیو میں دیکھا جاسکتا ہے کہ محمد حفیظ بچے کو گلے لگا رہے ہیں اور کمسن بچہ کہہ رہا ہے کہ ’لاہور قلندرز چیمپئن۔‘ سوشل میڈیا پر ویڈیو کو اب تک 16 ہزار سے زائد افراد پسند کرچکے ہیں۔
واضح رہے کہ میچ میں محمد حفیظ نے ناقابل شکست 39 رنز کی اننگز کھیلی اور اپنی ٹیم کی جیت میں اہم کردار ادا کیا، حفیظ کی اننگز میں ایک چھکا اور چار چوکے شامل تھے۔یاد رہے کہ لاہور قلندرز کی شکستوں کے بعد مذکورہ بچے کی رونے کی ویڈیو سوشل میڈیا پر وائرل ہوئی تھی جس کے بعد لاہور قلندرز کی انتظامیہ کی جانب سے بچے کو میچ دیکھنے کے لیے اسٹیڈیم میں مدعو کیا گیا تھا۔
کورونا وائرس کے باعث دنیا بھر کی صنعتیں مشکلات سے دوچار ہیں جس کے سبب مانگ میں کمی کی وجہ سے عالمی منڈی میں خام تیل کی قیمتیں گذشتہ چند برسوں میں کم ترین سطح پر آگئی ہیں۔
غیر ملکی میڈیا کے مطابق تیل برآمد کرنے والے 14 ممالک پر مشتمل تنظیم اوپیک تیل کی قیمتیں برقرار رکھنے کے لیے خام تیل کی پیداوار میں کمی لانا چاہتی تھی تاہم روس (جو کہ اوپیک کا رکن نہیں ہے) نے اوپیک کا مشورہ ماننے سے انکار کردیا۔
روس کے انکار کے بعد اوپیک ممالک نے بھی اپنی پیداوار کم کرنے سے انکار کردیا جس کے باعث عالمی منڈی میں خام تیل کی قیمت میں واضح کمی آئی ہے۔
کاروباری ہفتے کے اختتام پر برینٹ کروڈ آئل کی قیمت 9.4 فیصد کم ہو کر45.27 ڈالر فی بیرل ہوگئی ہے جو کہ گذشتہ تین سالوں کے دوران کم ترین سطح ہے جب کہ دسمبر 2008 کے بعد سے ایک دن میں تیل کی قیمت میں یہ سب سے بڑی کمی ہوئی ہے۔
امریکی خام تیل کی قیمت 10.1 فیصد کم ہوکر41.28 ڈالر فی بیرل ہوگئی ہے جو کہ گذشتہ 5 سالوں کی کم ترین سطح ہے۔
تیل کی قیمتیں پہلے ہی 30 فیصد کم ہوچکی ہیں۔
رپورٹ کے مطابق رواں سال کے آغاز سے اب تک عالمی منڈی میں تیل کی قیمتیں پہلے ہی 30 فیصد کم ہوچکی ہیں۔
خیال رہے کہ دنیا بھرمیں کورونا وائرس سے ہلاکتوں کا سلسلہ جاری ہے اور اس وائرس سے اب تک 3 ہزار552 سے زائد افراد ہلاک اور ایک لاکھ سے زائد افراد متاثر ہوچکے ہیں۔
کورونا وائرس کے معاشی طور پر بھی نہایت منفی اثرات سامنے آرہے ہیں اور سیاحت و ائیرلائنز انڈسٹریز میں ماہانہ50 ارب ڈالرز سے زائد نقصان کا اندیشہ ہے۔
یہ فیصلہ بنگال ٹائیگرز کے دورئہ پاکستان پر ڈیل کے تحت پہلے ہی ہوچکا، اے سی سی کے بنگلہ دیشی سربراہ نظم الحسن نے پی سی بی کو یقین دلا دیا کہ وہ بھارتی بورڈ کو ڈھاکا آ کر کھیلنے پر آمادہ کر لیں گے۔ پی سی بی کے ترجمان نے ڈیل کے تاثر کو مسترد کرتے ہوئے کہا کہ وینیو کا فیصلہ اے سی سی کو کرنا ہے۔
تفصیلات کے مطابق ٹوئنٹی 20 فارمیٹ کا ایشیا کپ ستمبر میں شیڈول ہے، اس کی میزبانی پاکستان کو سونپی گئی مگر یہاں انعقاد ہوتا دکھائی نہیں دیتا، چیئرمین پی سی بی احسان مانی بھی واضح کر چکے کہ اگر ہوم گراؤنڈ پر میچز کرانے کی ضد جاری رکھی تو بھارتی ٹیم نہیں آئے گی۔
انھوں نے نیوٹرل وینیو پر انعقاد کا عندیہ دیا مگر کسی کا نام نہیں لیا، دوسری جانب چند روز قبل بھارتی کرکٹ بورڈ کے سربراہ سارو گنگولی نے اعلان کیا تھا کہ ایشیا کپ یو اے ای میں ہوگا جس میں پاکستان اور بھارت دونوں ٹیمیں حصہ لیں گی، اس پر پی سی بی نے سخت ردعمل دیتے ہوئے کہا تھا کہ یہ فیصلہ گنگولی نہیں ایشین کرکٹ کونسل کرے گی۔
ذرائع نے بتایا کہ پی سی بی کافی پہلے ہی بنگلہ دیش میں ٹورنامنٹ کے انعقاد کا ذہن بنا چکا ہے، رواں برس کے اوائل میں ٹائیگرز کی دورئہ پاکستان کیلیے اچانک آمادگی اسی سلسلے کی ایک کڑی تھی، گنگولی کے اعلان پر بنگلہ دیش کو تھوڑی تشویش ہوئی جس نے میڈیا میں کورونا وائرس پر تشویش کا شوشا چھوڑتے ہوئے تیسرے مرحلے پر ٹور کیلیے آنے پر ہچکچاہٹ ظاہرکی، ایسے میں پی سی بی حکام نے اسے یقین دلایا کہ ایونٹ وہیں ہوگا، ذرائع نے مزید بتایا کہ ٹی 10 لیگ تنازع کی وجہ سے یو اے ای کے ساتھ پاکستانی بورڈ کے تعلقات مثالی نہیں رہے۔
ایشین کرکٹ کونسل کے سربراہ بنگلہ دیش کے نظم الحسن ہی ہیں، وہ چند روز قبل پی سی بی کو بھارتی بورڈ کو ڈھاکا آ کر کھیلنے کیلیے آمادہ کرنے کی یقین دہانی کرا چکے۔ دوسری جانب نمائندہ ’’ایکسپریس‘‘ کے استفسار پر ترجمان پی سی بی نے کہا کہ ہم پہلے ہی واضح کر چکے کہ بنگلہ دیشی ٹیم کا دورہ پاکستان ڈھاکا میں ایشیا کپ کے حوالے سے کسی ڈیل کا نتیجہ نہیں، یہ سیریز آئی سی سی فیوچر ٹور پروگرام میں شامل ہے، جہاں تک ایشیا کپ کے وینیو کا تعلق ہے تو اس کا فیصلہ رواں ماہ کے آخر میں اے سی سی میٹنگ کے دوران کیا جائے گا۔
لندن: برطانوی اسکول میں منشیات کا استعمال کرنے پر 3 طالبات کی طبیعت بگڑ گئی
جس کے باعث انہیں اسپتال منتقل کرنا پڑا تاہم حالت خطرے سے باہر ہے۔
غیرملکی خبررساں ادارے کی رپورٹ کے مطابق یہ واقعہ برطانیہ کے علاقے گرمس بے میں قائم ایک اسکول میں پیش آیا جہاں تین بچیوں نے مارننگ بریک کے دوران نشہ آور گولیوں(ایسٹسی) کا استعمال کیا جس کے باعث ان کی حالت بگڑی تاہم طالبات کی حالت بہتر ہے۔
تین ماہ قبل اسی اسکول میں ایک طالب علم بھی نشہ کرتے ہوئے پکڑا گیا تھا۔ پولیس کا کہنا ہے کہ نشہ کرنے والی تینوں بچیوں کی عمریں 9 سے 10 سال کے درمیان ہیں۔
پولیس نے متاثرہ بچیوں کے والدین اور اسکول انتظامیہ کو واقعے سے متعلق شامل تفتیش کرلیا ہے۔ ’’ٹول بار‘‘ نامی اسکول کی خاتون پرنسپل نے منشیات کے حوالے سے اسکول کے سخت موقف کا اعادہ کیا۔ اس سے قبل بھی اسکول میں میشیات کے استعمال کی شکایات موصول ہوئی تھیں۔
خیال رہے کہ تین ماہ قبل اسی اسکول سے 11 سالہ لڑکے کو پولیس نے منشیات کے استعمال اور فروخت پر گرفتار کیا تھا۔ برطانیہ کے تعلیمی اداروں میں منشیات کا استعمال آہستہ آہستہ عام ہوتا جارہا ہے۔
پولیس نے چند ماہ قبل ایک ہائی اسکول میں چھاپہ مار کر لاکھوں پاؤند مالیت کی کوکین(نشہ) برآمد کی تھی۔
کرونا وائرس سے بچاؤ کےلیے طیاروں میں سفر کرنے سے متعلق طبی ماہرین نے تجویز دی ہے مسافر کھڑکی والی سیٹ کو ترجیح دیں اور بلاوجہ گھومنے سے پرہیز کریں۔
تفصیلات کے مطابق نہایت مہلک اور نئے وائرس COVID 19 سے دنیا بھر میں 98,424 افراد متاثر ہو چکے ہیں، اس کے تیزی سے پھیلاؤ کو تاحال نہیں روکا جا سکا ہے، تاہم حوصلہ افزا بات یہ ہے کہ صحت یابی کا سلسلہ بھی جاری ہے اور اب تک 55,640 افراد اس مہلک وائرس سے صحت یاب ہو چکے ہیں۔ چین میں ہلاکتوں کی تعداد 3,042 تک پہنچ گئی، جب کہ 80,552 لوگ متاثر ہو چکے ہیں۔
طبی ماہرین نے مشورہ دیا ہے کہ طیاروں میں سفر کرنے والے افراد کھڑکی والی نشت کو ترجیح دیں اور کھانے کے لیے استعمال ہونے والی ٹرے ٹیبل کو جراثیم سے پاک کرکے استعمال کریں۔
طبی ماہرین کے مطابق کھڑکی کو بھی صاف کریں، اسکرین کو ٹشو پیپر کے ذریعے ٹچ کریں اور ماسک پہنیں جو جرایثم سے بچاسکتا ہے۔