ایمز ٹی وی(ساﺅتھ ویلز)پاکستان نے 10 سال بعد نیزہ بازی کے ورلڈ کپ کے لیے کوالیفائی کرلیا۔پاکستان نے کوالیفائنگ راؤنڈ میں دو گولڈ اور دو چاندی کے تمغے بھی جیتے۔ساؤتھ ویلز کے شہر ٹام ورتھ میں جاری کوالیفائنگ راﺅنڈ میں پاکستان ٹیم نے شاندار کھیل کا مظاہرہ کرکے 10 سال بعد نیزہ بازی کے ورلڈ کپ کے لیے کوالیفائی کیا۔
پاکستان نے لیمن کٹنگ اور رنگ پاسنگ کے علاوہ انڈین فائل کیٹگری میں بھی گولڈ میڈل جیتا جبکہ لانس اور سارڈ مقابلوں میں چاندی کے تمغے اپنے نام کیے۔کوالیفائنگ راﺅنڈ میں بھارت ،آسٹریلیا، پاکستان اور متحدہ عرب امارات (یو اے ای) کی ٹیموں نے شرکت کی۔
پاکستان اور بھارت کی ٹیموں نے ورلڈ کپ کے لیے کوالیفائی کیا جو ستمبر میں روس میں ہوگا۔پاکستان کی پانچ رکنی ٹیم میں نگار حسین، ناصر گانچی، فاضل احمد، عرفان محمود اور راشد وڑائچ شامل تھے۔پاکستان ٹیم کے کپتان نگار حسین پلیئر آف دی ٹورنامنٹ قرار پائے۔
ایمزٹی وی(لاہور)عمران خان کے بیان پر ردعمل دیتے ہوئے مسلم لیگ ن کے رہنما حنیف عباسی نے کہا ہے کہ عمران صاحب!آپ منی لانڈرربھی ہیں ، صدقات ، زکوةٰ کے پیسے بھی کھاتے ہیں،آپ غیرملکیوں سے فنڈنگ لیتے ہیں اور اس کاجواب بھی دینا ہے۔
حنیف عباسی کا کہناتھا کہ عمران صاحب! بشریٰ بیگم اور ان کے خاندان کی پریشانی کا سبب آپ ہیں،اپنے گندے اعمال کو نوازشریف پر مسلط کرنے کی ناکام کوشش نہ کریں،آپ اپنی اوقات میں رہیں۔
مسلم لیگ ن کے رہنما نے کہا کہ عمران صاحب آپ کی کہانیاں لندن کے گلی کوچوں،کیلیفورنیا کی عدالتوں اوربنی گالا کی پہاڑیوں تک پھیلی ہوئی ہیں،آپ اپنی بیٹی کوسینے سے لگاکرعوام سے صادق وامین ہونے کا سرٹیفکیٹ لیں،حنیف عباسی نے کہا کہ عمران صاحب بیٹیوں سے توغریب سے غریب آدمی بھی محبت کرتا ہے۔
ایمزٹی وی(پنجاب)پنجاب حکومت نے عوامی تحریک کے احتجاج کے اعلان پر کسی دباؤ میں نہ آنے کا فیصلہ کیا ہے۔پاکستان عوامی تحریک کے سربراہ ڈاکٹر طاہرالقادری نے گزشتہ روز حکومت کے خلاف 17 جنوری سے ملک گیر احتجاجی تحریک کا اعلان کردیا ہے۔
ذرائع کے مطابق وزیراعلیٰ پنجاب شہبازشریف کی زیر صدارت امن و امان سے متعلق اہم اجلاس ہوا جس میں پاکستان عوامی تحریک کی جانب سے احتجاج کے اعلان پر حکمت عملی بنائی گئی۔
طاہر القادری کا حکومت کے خاتمے کےملک گیراحتجاج کا اعلان
ذرائع نے بتایا کہ پنجاب حکومت نے کسی بھی دباؤ میں نہ آنے کا فیصلہ کیا ہے جب کہ پرُ امن احتجاج کو نہ روکنے اور احتجاج کرنے والوں کو سیکیورٹی بھی فراہم کرنے کا فیصلہ کیا گیا ہے۔
ذرائع کے مطابق اجلاس میں فیصلہ کیا گیا کہ احتجاج جمہوری حق ہے،کوئی احتجاج کرنا چاہتا ہے تو شوق سے کرے، پر امن احتجاج کو نہیں روکا جائے گا،اگر سرکاری املاک کو نقصان پہنچانے کی کوشش کی گئی تو قانون حرکت میں آئے گا۔
واضح رہے کہ پاکستان عوامی تحریک نے گزشتہ دنوں آل پارٹیز کانفرنس کا انعقاد کیا تھا جس میں وزیراعلیٰ پنجاب شہبازشریف اور وزیر قانون رانا ثنااللہ سے 7 جنوری تک مستعفی ہونے کا مطالبہ کیا گیا تھا۔
ایمزٹی وی(کوئٹہ)وزیر اعلیٰ بلوچستان نواب ثنا اللہ زہری نے اپنے عہدے سے استعفیٰ دے دیا ہے۔
سابق وزیر داخلہ بلوچستان میر سرفراز بگٹی نے ٹوئٹر پر دعویٰ کیا ہے کہ وزیر اعلیٰ بلوچستان تحریک عدم اعتماد سے پہلے ہی مستعفی ہوگئے ہیں۔ واضح رہے کہ نواب ثنا اللہ زہری وزیر اعظم شاہد خاقان عباسی کے مشورے پر مستعفی ہوئے ہیں۔
وزیر اعظم نے انہیں مشورہ دیا تھاکہ پارٹی کو مزید ٹوٹ پھوٹ سے بچانے کیلئے انہیں مستعفی ہوجانا چاہیے تاکہ صوبے میں ہارس ٹریڈنگ نہ ہوسکے۔ وزیر اعلیٰ بلوچستان سہہ پہر 3 بجے کے قریب گورنر ہاؤس گئے تھے جہاں انہوں نے ممکنہ طور پر استعفیٰ دیا ہے
خیال رہے کہ وزیر اعلیٰ بلوچستان نواب ثنا اللہ زہری کے خلاف تحریک عدم اعتماد پیش کی گئی تھی جس پر آج (منگل کو ) ووٹنگ ہونی تھی جس کیلئے 4 بجے بلوچستان اسمبلی کا اجلاس طلب کیا گیا تھا۔
ایمزٹی وی(کوئٹہ)وزیراعلیٰ بلوچستان نواب ثنا اللہ زہری نے مستعفی ہونے کا فیصلہ کر لیاہے اور وہ گورنر بلوچستان محمود خان اچکزئی کو اپنا استعفیٰ پیش کریں گے، نجی ٹی وی کے مطابق وزیراعظم شاہد خاقان عباسی نے تحریک عدم اعتماد سے بچنے کیلئے ثنااللہ زہری کو مستعفی ہونے کا مشورہ دیاتھا جس پر وزیراعلیٰ بلوچستان نے عہدے سے استعفیٰ دینے کا فیصلہ کیا ہے اور وہ کچھ دیر میں بھی گورنر ہاﺅس میں محمود خان اچکزئی کو اپنا استعفیٰ پیش کریں گے۔
قبل ازیں ترجمان وزیراعلیٰ بلوچستان جان اچکزئی کا کہناتھا کہ وزیراعلیٰ بلوچستان نواب ثنا اللہ زہری نے مستعفی نہ ہونے کا فیصلہ کیا ہے ،وہ اسمبلی میں تحریک عدم اعتماد کا سامنا کریں گے۔ان کا کہناتھا کہ وزیراعظم شاہد خاقان نے نواب ثنا اللہ زہری کو مستعفی ہونے کا کوئی مشورہ نہیں دیا،ہمارے پاس اکثریت ہے اور اسمبلی میں ثابت کریں گے اور وزیراعظم کے مشورے کے حوالے سے چلنے والی خبریں غلط اور بے بنیاد ہیں،جان اچکزئی نے کہاکہ اپوزیشن کے اکثریت کے دعوﺅں میں کوئی حقیقت نہیں ،ہمارے پاس اکثریت اور اسمبلی میں یہ ثابت کریں گے۔
ایمز ٹی وی(اسپورٹس)کیپ ٹاﺅن جنوبی افریقہ نے بھارت کو پہلے ٹیسٹ میچ میں 72 رنز سے شکست دے کر سیریز میں 0-1 کی سبقت حاصل کرلی۔کیپ ٹاﺅن میں کھیلے گئے میچ کی پہلی اننگز میں جنوبی افریقی پوری ٹیم 286 رنز بناکر آﺅٹ ہوگئی۔
میزبان ٹیم کی جانب سے اے بی ڈیویلیئرز 65 جبکہ فاف ڈوپلیسی 62 رنز بناکر نمایاں رہے۔بھارت کی جانب سے بھووانیشور کمار نے چار، رویچندرن اشون نے دو جبکہ محمد شامی، جسپریت بمرا اور ہاردک پانڈیا نے ایک ایک کھلاڑی کو آﺅٹ کیا۔جواب میں بھارتی ٹیم متاثر کن بیٹنگ کا مظاہرہ نہ کرسکی اور پوری ٹیم 135 بناکر آﺅٹ ہوگئی۔ہاردک پانڈیا نے بھارٹی ٹیم کی لاج رکھتے ہوئے 93 رنز کی شاندار اننگز کھیلی۔
دیگر کوئی بلے باز بہتر بلے بازی کرنے میں ناکام رہا۔جنوبی افریقہ کی جانب سے ورنن فیلینڈر اور کبیسو راباڈا نے تین، تین جبکہ ڈیل اسٹین اور مارنی مارکل نے دو، دو کھلاڑیوں کو آﺅٹ کیا۔اپنی دوسری اننگز میں جنوبی افریقی ٹیم مشکل کنڈیشنز میں بھارتی باﺅلنگ کا مقابلہ کرنے میں ناکام رہی اور پوری ٹیم 130 کے مجموعی اسکور پر ڈھیر ہوگئی اور بھارتی ٹیم کو 208 رنز کا ہدف دیا۔
تاہم بھارتی بلے باز بھی جنوی افریقی گیند بازوں کا مقابلہ کرنے میں ناکام رہے اور 135 رنز پر پویلین لوٹ گئے۔ویرات کوہلی پہلی اننگز کی ہی طرح دوسری اننگز میں ناکام رہے۔ کوئی بھی بلے باز متاثر کن کارکردگی نہ دکھا سکا۔جنوبی افریقہ کی جانب سے ورنن فیلنڈر نے شاندار گیند بازی کا مظاہرہ کرتے ہوئے 6 وکٹیں حاصل کیں جبکہ مارنی مارکل اور رباڈا دو، دو کھلاڑیوں کو آﺅٹ کرنے میں کامیاب رہے۔فیلنڈر کو شاندار کارکردگی پر میچ کا بہترین کھلاڑی قرار دیا گیا۔ سیریز کا اگلا میچ 13 جنوری سے کھیلا جائے گا۔
ایمزٹی وی(اسلام آباد)پاکستان تحریک انصاف کے چیئرمین عمران خان نے بشریٰ مانیکا کے ساتھ شادی کی خبروں پر تبصرہ کرتے ہوئے کہا ہے میں نے محض شادی کی خواہش کی ہے۔
گزشتہ تین روز سے عمران خان اور بشریٰ مانیکا کی شادی کی خبریں میڈیا کی زینت بنی ہوئی ہیں اور ان خبروں کے حوالے سے عمران خان کا کوئی بیان سامنے نہیں آیا تاہم اب عمران خان نے شادی کی خبروں پر چپ کا روزہ توڑتے ہوئے کہا ہے کہ میں نے محض شادی کی خواہش کی ہے۔
عمران خان نے ٹوئٹ کرتے ہوئے کہا کہ تین دن سے اس کشمکش میں ہوں کہ کیا میں نے کوئی بنک ڈکیتی کی ہے، منی لانڈرنگ کی ہے یا ماڈل ٹاؤن سانحے کے آپریشن کے احکامات دئیے یا پھر میں نے ریاستی معلومات بھارت کو فراہم کی ہیں؟ میں نے صرف شادی کی خواہش کی ہے۔ کیا شادی کی خواہش رکھنا بڑا جرم ہے۔
چیئرمین تحریک انصاف نے کہا کہ نواز شریف اور میرشکیل الرحمان کی گندی میڈیا کیمپین سے مجھے کوئی فرق نہیں پڑتا، نواز شریف اور میر شکیل الرحمان جان لیں کہ ان دونوں کی اس حرکت سےمیرا ان کے خلاف لڑنے کا جذبہ مزید مستحکم ہوگیا ہے۔
عزت اور ذلت دینے والی اللہ کی ذات ہے، مجھے اگرفکر ہے تو بشریٰ بیگم کے قدامت پسند خاندان اور اپنے بچوں کی جو اس پرو پیگنڈے سے براہ راست متاثر ہورہے ہیں۔
میں شریف خاندان کو 40 سالوں سے جانتا ہوں لیکن اس طرح سے ذاتیات پر کبھی نہیں اترا کہ انسان کسی کی ذاتی زندگی پر کیچڑ اچھالے۔
عمران خان نے اپنے مداحوں اور خیرخواہوں سے درخواست کرتے ہوئے کہا کہ گزشتہ چند سالوں سے جس ذاتی خوشی سے محروم ہوں وہ مجھے مل جائے۔
واضح رہے کہ عمران خان کی شادی کی خبروں کے حوالے سے تحریک انصاف کی جانب سے بھی بیان میں کہا گیا تھا کہ عمران خان نے بشریٰ مانیکا سے شادی نہیں کی بلکہ شادی کا پیغام بھیجا ہے۔
ایمز ٹی وی(انٹرٹینمنٹ)انوشکا شرما شادی سے پہلے شاہ رخ خان کی فلم ’زیرو‘ کی شوٹنگ میں مصروف تھیں جہاں سے چھٹی لے کر وہ اٹلی روانہ ہوئیں تھیں۔
انوشکا اور بھارتی کرکٹر ویرات کوہلی نے 11 دسمبر کو اٹلی کے پرفضا مقام پر شادی کی تھی جس کے بعد وہ دہلی اور ممبئی میں استقبالیے کے لیے بھارت آئے تھے۔
ویرات کوہلی استقبالیے کے بعد انوشکا کو لے کر جنوبی افریقا روانہ ہوگئے تھے جہاں بھارتی کرکٹ ٹیم جنوبی افریقا کے خلاف سیریز کھیل رہی ہے۔
ویرات کوہلی نے جنوبی افریقا میں ٹیم جوائن کرلی تھی اور اپنی اہلیہ کے ساتھ سال نو کا جش بھی وہیں منایا تھا۔
جنوبی افریقا میں دونوں کی موج مستیاں کرتے تصاویر اور ویڈیوز بھی منظر عام پر آئیں تھیں۔
اب انوشکا شرما بھی شادی کی چھٹیاں گزارنے کے بعد واپس فلم ’زیرو‘ کے سیٹ پر پہنچ چکی ہیں جہاں ان کا شاہ رخ خان، فلم کی کاسٹ اور عملے نے شاندار استقبال کیا۔ اداکارہ انوشکا شرما کے لیے ان کی وینٹی وین کو پھولوں سے سجایا گیا تھا جس پر وہ خوشی سے نہال ہوگئیں۔
اداکارہ نے انسٹاگرام کے اسٹوری فیچر پر اس حوالے سے ایک پوسٹ بھی کی جس میں انہوں نے شاہ رخ خان، ریڈ چلیز انٹرٹینمنٹ اور ساتھی اداکاروں کا شکریہ ادا کیا۔
ایمز ٹی وی ( فیصل آباد /تعلیم) وزیر اعلیٰ علمی وادبی مقابلہ جات میں نجی اسکول کو پھر نظر انداز کردیا اور مقابلہ جات میں صرف سرکاری اسکولز کے طلبہ کو شرکت کی اجازت دی گئی ہے۔
چند ماہ قبل وزیراعلیٰ اسپورٹس مقابلوں میں بھی پرائیویٹ اسکالز کو اجازت نہیں مل سکی تھی اور اب آج سے شروع ہونے والے نعت ،قرئات اور تقریر کے مقبلہ جات میں پرائیویت اسکولز کو ایک مرتبہ پھر شرکت سے روک دیا گیا گزشتہ سالوں میں وزیر اعلیٰ علمی و ادبی اور کھیلوں کے مقابلہ جات میں سرکاری اور پرائیویٹ اسکولز کے طلبہ شریک ہوئے تھے نجی اسکولز کے اساتذہ اور اور طلبہ نے اس فیصلے پر شدید احتجاج کرتے ہوئے علم دشمنی پر مبنی اقدام قرار دیا اور مطالبہ کیا کہ وزیر اعلیٰ علمی و ادبی اور کھیلوں کے مقابلہ جات میں نجی اسکولز کے طلبہ کو بھی شرکت کی اجازت دی جائے۔
وزیراعلیٰ علمی ادبی مقالہ جات کے سلسلے میں آج کلسٹر اور یونین نجی اسکولز ایک بار پھر نظر انداز/وزیراعلیٰ سطح پر مقابلوں کا انعقاد ہوگا۔