ایمزٹی وی(تجارت)ہائیڈل سے بجلی کی پیدوار میں گزشتہ سال کی نسبت 5.13فیصد کمی ہوئی ہے، ڈیزل سے بجلی کی پیدوار میں ایک سال کے دوران 2 فیصد سے زائد کا اضافہ ہواہے۔ ذرائع کے مطابق ملک میں بجلی کی پیدوار کیلیے مہنگے وسائل پر انحصار جاری ہے جبکہ پانی سے بجلی کی پیدوارمیں کمی کا رجحان جاری ہے۔ ذرائع کے مطابق ایک سال کے دوران آبی وسائل سے بجلی کی پیدوار35.92 فیصد سے کم ہو کر 30.37فیصد ہو گئی ہے۔

گزشتہ سال کے نسبت اس سال بجلی کی پیدوار کم ہو کر 3847 میگاوا ٹ رہی۔ ذرائع کے مطابق ایک سال کے دوران ڈیزل سے بجلی کی پیدوار میں 2.09 فیصد کا اضافہ ہو ا ہے۔ گزشتہ سال ڈیزل سے بجلی کی پیدوار .60فیصد تک محدود تھی تاہم اس سال اس میں اضافہ ہواہے۔ ہائیڈل اور ایٹمی ذرائع سے پیدا کی جانے والی بجلی دیگر تمام ذرائع کے سستی ہے جبکہ ڈیزل اور فرنس آئل بجلی پیدا کرنے والے مہنگے ترین ذرائع ہیں۔ موجود حکومت نے بر سر اقتدار آنے کے بعد بجلی کی پیدوار پر تو توجہ دی مگر انرجی مکس کو بہتر نہ کیاجاسکا اور ابھی تک بجلی کی پیداوار کا زیادہ انحصار مہنگے فرنس آئل ڈیزل اوردرآمدی ایل این جی پر ہے۔

ذرائع کے مطابق اس تیل وگیس سے61 فیصد بجلی پیدا کی جا رہی ہے اورایٹمی ذرائع سے 5 فی صد جبکہ ہوا اور شمسی ذرائع سے 4 فیصد بجلی پیدا کی جار ہی ہے۔ ذرائع کے مطابق ہائی اسپیڈ ڈیزل بجلی کی پیداوار کا مہنگا ترین ذریعہ ہے اور ڈیزل سے پیدا ہونے والی بجلی کی قیمت 14 روپے فی یونٹ ہے فرنس آئل سے پیدا ہونے والی بجلی کی قیمت 9روپے سے زائد، کوئلے سے پیداہونیوالی بجلی کی لاگت 4 روپے اور گیس سے بجلی کی قیمت 4 روپے تک پڑتی ہے۔

بگاس سے پیدا ہونیوالی بجلی کی قیمت 6 روپے 18 پیسے فی یونٹ ہے بجلی کی قیمتوں میں ردوبدل کی سماعت کے دوران چیئرمین نیپرا طارق سدوزئی اور دیگر ممبران نے مہنگے ذرائع سے بجلی پیدا کرنے اور سستے پلانٹس کو زیر استعمال نہ لانے پر متعدد مرتبہ سی پی پی اے حکام کی سرزنش کی ہے تاہم ابھی تک بجلی کی پیداوار کے لیے سستے ذرائع کو قابل استعمال نہ بنایا جا سکا۔ترجمان پاورڈویژن نے بتایا کہ حکومت انرجی مکس بہترکرنے کے حوالے سے کام کررہی ہے جس کے مثبت اثرات جلدسامنے آئیں گے اورعوام کوسستی بجلی فراہم کی جائیگی۔

ایمز ٹی وی (اسپورٹس) انگلش فاسٹ بولرجیمزاینڈرسن نے ویسٹ انڈیزکیخلاف تیسرے ٹیسٹ میں تباہ کن بولنگ کرتے ہوئے نہ صرف اپنی ٹیم کو کامیابی سے ہمکنارکیا بلکہ 500 وکٹوں کی تکمیل کے ساتھ اننگز میں 42 رنز کے عوض 7 وکٹوں کی کیریئر بیسٹ پرفارمنس بھی دی، اس شاندارکارکردگی کی بدولت ایک درجے ترقی سے انھوں نے ٹیسٹ بولرز رینکنگ میں ٹاپ پوزیشن حاصل کرلی جبکہ دوسرے نمبر پر موجود رویندرا جدیجا پر انھیں 12 پوائنٹس کی سبقت بھی مل گئی، دوسری سے چوتھی پوزیشنز اسپنرز کے ہی قبضے میں ہیں جن میں جڈیجا، ایشون اور رنگانا ہیراتھ شامل ہیں۔

اینڈرسن اس سے قبل اگست 2016 میں بھی ٹاپ پوزیشن پر فائز ہوئے تھے، وہ جولائی 2009 میں مرلی دھرن کے بعد یہ اعزاز پانے والے معمر ترین بولر ہیں جبکہ میک گرا کے جنوری 2006 میں ٹاپ پوزیشن پر قابض ہونے کے بعد وہ سب سے زیادہ عمروالے فاسٹ بولر بھی ہیں۔ بولرز میں پاکستان کے یاسر شاہ بدستور 15 ویں نمبر پر براجمان ہیں، ٹاپ20 بولرزمیں ان کے سوا اورکوئی بھی پاکستانی شامل نہیں ہے۔

اسی طرح 20 ٹاپ بیٹسمینوں میں بھی صرف ایک ہی پاکستانی اظہرعلی موجود ہیں جوکہ ساتویں پوزیشن کو آندھیوں سے بچائے ہوئے ہیں۔ ٹاپ بیٹسمین کا اعزاز آسٹریلوی کپتان اسٹیون اسمتھ حاصل ہے، انگلینڈ کے کپتان جوئے روٹ دوسرے اور نیوزی لینڈ کے قائد کین ولیمسن کے پاس ہے۔ ویرات کوہلی چھٹے نمبر پر ہیں، انگلینڈکی ویسٹ انڈیزپر2-1 سے فتح کے باوجود دونوں ٹیموں کی رینکنگ پرکوئی فرق نہیں پڑا، ان کے سیریزسے قبل کے بالترتیب 105اور 75 پوائنٹس برقرار ہیں۔ پاکستان ٹیم چھٹے نمبر پر موجود ہے۔

ایمز ٹی وی (اسپورٹس) محکمہ داخلہ پنجاب کے مطابق قذافی اسٹیڈیم لاہورکو مکمل طور پر رینجرز کے حوالے کر دیا گیا ہے۔ قذافی اسٹیڈیم ، نشتر اسپورٹس کمپلیکس، اسٹیڈیم کے گرد تمام علاقے کو نو گو ایریا بنا دیا گیا ہے۔ اسٹیڈیم کے اردگرد سیکیورٹی ہائی الرٹ ہے۔ اسٹیڈیم کے گرد ریسٹورنٹ اور دکانوں کو 15ستمبر تک بند کر دیا گیا ہے جبکہ ریسٹورنٹ اور دکانوں کے کوائف پولیس کو جمع کروادیے گئے ہیں۔ اسٹیڈیم کے اطراف تمام دکانوں کو سیل کر دیا گیا، تمام دکانوں سے ایل پی جی اور گیس سیلنڈر ہٹا دیے گئے ہیں۔

اسٹیڈیم کو آنے والے تمام راستوں پر جدید کیمرے پہلے سے نصب کر دیے گئے ہیں۔ ورلڈالیون اور پاکستان کے درمیان میچ 13،12 اور 15 ستمبر کو کھیلے جائیں گے، امپائرز پینل کا پہلے ہی اعلان کیاجا چکا ہے۔ نامور امپائر علیم ڈار اور احسن رضا پہلا میچ سپروائز کریںگے۔ دوسری جانب ورلڈ الیون سے مقابلے کیلیے پاکستان کرکٹ ٹیم کی بھرپور تیاریاں جاری ہیں

 کھلاڑیوں نے قذافی اسٹیڈیم میں بیٹنگ، بولنگ اور فیلڈنگ کی خوب پریکٹس کی جبکہ پاکستان کا دورہ کرنے والی ورلڈ الیون کے کھلاڑی دبئی پہنچنا شروع ہوگئے ہیں، غیر ملکی کرکٹرز دبئی میں انٹرنیشنل ہوٹل میں مختصر قیام کریںگے اور آج پاکستان آئیں گے۔ واضح رہے کہ اسٹیڈیم میں صفائی اور رنگ و روغن کا کام تو پہلے ہی مکمل ہو چکا تھا۔ اب گراؤنڈ میں وکٹ کی تیاری اورگھاس کی کٹائی بھی مکمل ہوگئی ہے۔ تاریخی کرکٹ سیریزکیلیے پی سی بی نے تمام تیاریوںکو حتمی شکل دے دی گئی ہے۔

ایمز ٹی وی (اسپورٹس) اسپینش فٹبال لیگ میں بارسلونا کے لیونل میسی نے ہیٹ ٹرک داغ دی۔ ارجنٹائنی اسٹرائیکر کی عمدہ پرفارمنس کی بدولت بارسلونا نے ایسپانویل کو 5-0 سے شکست دے دی، میسی نے 26، 35 اور67ویں منٹ میں گیند کو جال کی راہ دکھائی، 87 ویں منٹ میں گیرارڈ پیکیو نے فاتح ٹیم کیلیے چوتھا گول بنایا جبکہ اختتامی لمحات میں یوروگوئن اسٹرائیکر لوئس سواریز نے بھی گیند کو جال کے سپرد کردیا۔ خیال رہے کہ لالیگا میں بارسلونا اب تک تینوں ابتدائی میچزجیت کرمکمل 9 پوائنٹس لیکر ٹاپ پوزیشن پر براجمان ہے۔