ایمزٹی وی(پنجاب)وزیر قانون پنجاب رانا ثنا اللہ نے کہا ہے کہ پاناما کیس اخلاقی یا قانونی نہیں بلکہ سیاسی ہے جس کا فیصلہ پارلیمنٹ یا اگلے الیکشن میں ہو گا ۔
میڈیا سے خصوصی گفتگو کرتے ہوئے انہوں نے کہا کہ وزیر اعظم سے استعفے کا مطالبہ اپوزیشن کا سیاسی حربہ ہے ۔ان کا کہنا تھا کہ پاناما کے فیصلے میں وزیراعظم سرخرو ہوئے ،اب اپوزیشن اس پر سیاست چمکا رہی ہے ۔رانا ثنا اللہ نے مزید کہا کہ یہ ایک سیاسی فیصلہ ہے جس کا فیصلہ پارلیمنٹ یا اگلے ا لیکشن میں ہو گا ۔
ایمزٹی وی(لاہور)جے آئی ٹی کی تحقیقات تک وزیر اعظم کوعہدے سے الگ ہونا چاہئیے
امیر جماعت اسلامی مولانا سراج الحق نے کہا ہے کہ سپریم کورٹ نے وزیر اعظم کو باقاعدہ ملزم ڈکلیئر کیا ہے تاہم اخلاقی طور پر جے آئی ٹی کی تحقیقات تک انہیں عہدے سے الگ ہونا چاہئیے ۔” پاناما کیس فیصلے کے بعد وزیر اعظم ملزم ہیں “۔کرپشن اور پاکستان ساتھ ساتھ نہیں چل سکتے ۔
میڈیا رپورٹس کے مطابق لاہور میں گفتگو کرتے ہوئے انکا کہنا تھا کہ کرپشن میں صرف ایک خاندان نہیں بلکہ بہت سے پردہ نشین ہیں جن کے نام پاناما لیکس میں آئے اور جنہوں نے قرضے معاف کرائے اور منی لانڈرنگ کی ۔” 60روز کیلئے کسی اور کو وزیر اعظم بنایا جا سکتا ہے “۔
مولانا سراج الحق نے مزید کہا کہ انصاف کے تقاضے پورے کرنے کیلئے وزیر اعظم کرسی چھوڑ دیں ، جب تک دامن صاف نہ ہو تب تک عدالت عظمیٰ کے فیصلے کی روشنی میں اخلاقی طور پر وزیر اعظم عہدے سے الگ ہو جائیں ۔ہم کرپٹ افراد کیخلاف کارروائی چاہتے ہیں اور کرپشن کیخلاف عدالتوں ، ایوانوں اور سڑکوں پر جدوجہد کریں گے ۔
ایمزٹی وی(اسلام آباد)ملک کی تاریخ کے سب سے بڑے کیس پاناما لیکس کے فیصلے کے بعد آرمی چیف جنرل قمر جاوید باجوہ کی زیر صدارت کور کمانڈر کانفرنس ہوئی ہے ۔
جس میں پاناما لیکس کے حوالے سے بھی بات چیت کی گئی ہے ۔اجلاس کے بعد ڈی جی آئی ایس پی آر کی جانب سے جاری بیان میں کہا گیا ہے کہ کور کمانڈر کانفرنس میں فیصلہ کیا گیا ہے کہ پاناما لیکس کیس کے فیصلے کے بعد جے آئی ۔ٹی میں فوج سے متعلق ادارے قانونی اور شفاف کارروائی میں اپنا کردار ادا کریں گے تاکہ سپریم کورٹ کی جانب سے کیے جانے والے اعتماد کو پورا کیا جا سکے
CCC at GHQ. "Institution, through its members in JIT shall play its due role in a legal & transparent manner fulfilling confd reposed by SC" pic.twitter.com/H9wRjrz7P1
— Maj Gen Asif Ghafoor (@OfficialDGISPR) April 24, 2017
۔اجلاس میں ملک بھر میں جاری آپریشن رد الفساد کے حوالے سے بھی تبادلہ خیال کیا گیا ۔
ایمزٹی وی(کراچی)ثانوی تعلیمی بورڈ کے تحت نویں اور دسویں جماعت سائنس گروپ کے 390امتحانی مراکز میں سالانہ امتحانات جاری ہیں جس میں تقریباً 3لاکھ سے زائد امیدوارشرکت کر رہے ہیں۔
چیئرمین میٹرک بورڈ پروفیسر ڈاکٹر سعید الدین نے بتایا کہ15اپریل سے 22اپریل تک ان کی سربراہی میں اور تمام چھ اضلاع کی خصوصی ویجیلینس ٹیموں اورضلعی انتظامیہ کے افسران نے مختلف امتحانی مراکز کے دورے کئے جس میں اب تک 47امیدوار نقل اور 7افراد اصل امیدواروں کی جگہ امتحان دیتے ہوئے پکڑے گئے ان تمام امیدواروں کے کیسز بورڈ کی طرف سے بنائی گئی سزا دینے والی کمیٹی کو دے دیئے گئے ہیں ۔
بعد ازاں چیئرمین میٹرک بورڈ نے بتایا کہ ہفتہ کے روز انگلش کے پرچہ کے دوران کیماڑی میں ایک امتحانی مرکز باب الاسلام پبلک بوائز سیکنڈری اسکول کیماڑی میں گنجائش سے زیادہ امیدواروں کے بیٹھنے کی شکایات موصول ہوئی تھی جس کی بنا پرچیئرمین میٹرک بورڈ نے اسکیرڈ ہارٹ اسکول کیماڑی روڈ ، زم زم پبلک اسکول ای ڈی او ای، سی ڈی جی کے پی ایس کیماڑی، شبیر گرامر سیکنڈری اسکول چھوٹی مسجد بھٹہ ولیج کیماڑی اور شکاگو پبلک سیکنڈری اسکول مکہ مسجد عمر خان روڈ کیماڑی کے امیدواروں کا امتحانی مرکز کے پی ٹی بوائز سیکنڈری اسکول کیماڑی میں شفٹ کر دیا ہے اب وہ امیدوار24اپریل سے کے پی ٹی بوائز سیکنڈری اسکول کیماڑی میں اپنے امتحانی پرچے دیں گے۔
بعد ازاں بچوں اور والدین کی طرف سے ایک شکایت پاکستان سیکنڈری اسکول اورنگی ٹائون سے بھی رپورٹ ہوئی تھی جس کی وجہ سے چیئرمین میٹرک بورڈ نے امتحا نی مرکز کے سینٹرکنٹرول آفیسرکو فوری طورپر امتحانی کام میں غفلت برتنے پر سینٹر کی ذمہ داریوں سے سبکدوش کر دیا ہے۔
اس موقع پر چیئرمین میٹرک بورڈ نے تمام اسکول سربراہان اور امیدواروں کو متنبہ کیا ہے کہ وہ کسی بھی قسم کے احتجاج کی آڑ میں غیر متعلقہ افراد کو امتحانی مرکز میں داخل نہ ہونے دیںکوئی بھی امیدوار امتحانی پرچے کے دوران نقل میں ملوث پایا گیا تو قانون کے مطابق انہیں دو سے تین سال تک کیلئے کسی بھی امتحان میں شرکت سے دور رکھنے کی سزا دی جا سکتی ہے۔انہوں نے واضح ہدایت کی ہے کہ نقل مافیا کیخلاف اسکولوں کے سربراہان بورڈ کی جانب سے بنائی گئی ٹیموں کے ساتھ مکمل تعاون کریں تاکہ نقل کی روک تھام کیلئے مثبت اقدام کیا جا سکے
ایمزٹی وی (افغانستان)افغان آرمی چیف اور وزیر دفاع نے مزار شریف واقعہ پر استعفیٰ دینے کا اعلان کردیا۔
غیر ملکی خبر رساں ادارے کے مطابق 4 روز قبل افغانستان کے شہر مزار شریف پر ہونے والے حملے کے ردعمل میں آرمی چیف جنرل شیر محمد کریمی اور وزیر دفاع نے اپنے عہدوں سے استعفیٰ دیدیا ہے۔
ترجمان افغان صدارتی محل کی جانب سے جاری بیان میں کہا گیا ہے کہ صوبہ بلخ کے شہر مزار شریف میں فوجی تربیتی مرکز پر حملہ تاریخ کا بدترین حملہ تھا جب کہ افغان حکام نے اس بات کی تصدیق کی ہے کہ افغان آرمی چیف اور وزیر دفاع نے مزار شریف حملے پر استعفیٰ دیا ہے۔
واضح رہے کہ 4 روز قبل مزار شریف میں فوجی تربیتی مرکز پر ہونے والے حملے میں 140 فوجی ہلاک اور درجنوں زخمی ہو گئے تھے۔ مزار شریف حملے کے بعد سے عوام کی جانب سے حکومت پر آرمی چیف اور وزیر دفاع سے استعفیٰ لینے کے لئے شدید دباؤ تھا۔
ایمز ٹی وی(صحت) ویسے تو چقندر کا رس فشار خون کو کم کرنے سمیت فالج اور دل کے دورے جیسے جان لیوا امراض سے بھی تحفظ دینے میں مددگار ثابت ہوتا ہی ہے، تاہم ایک حالیہ تحقیق کے مطابق یہ ذہنی طور پر جوان رہنے میں بھی مدد فراہم کرتا ہے۔
چقندر کے جوس میں شامل اجزاء انسانی جسم اور دماغ کو تقویت پہنچا کر ذہن کو متحرک رکھتے ہیں، جس کی وجہ سے انسان ہر وقت خود کو متحرک محسوس کرتا ہے۔
امریکی ریاست شمالی کیرولینا کی ویک فوریسٹ یونیورسٹی کے ماہرین کی تحقیق سے پتہ چلا ہے کہ چقندر کا جوس بڑھتی عمر کے افراد کے ذہن کو تقویت پہنچا کر اسے فعال رکھتا ہے، جس سے بزرگ افراد کو جوان ہونے کا احساس ہوتا ہے۔
ماہرین کی جانب سے تحقیق کے لیے ایسے رضاکار مرد وخواتین پر تجربہ کیا گیا جن کی عمریں 55 برس یا اس سے زائد تھیں اور انہیں ہائی بلڈ پریشر کا مرض بھی لاحق تھا، جب کہ یہ کوئی ایکسر سائز بھی نہیں کرتے تھے۔
ماہرین نے ان مرد و خواتین کو ہر 50 منٹ میں ہلکی پھلکی ایکسرسائز سے پہلے چقندر کے جوس کا ایک گلاس دیا اور پھر انہیں چلنے پھرنے اور ایکسر سائز میں حصہ لینے کے لیے کہا۔
تحقیق میں شامل تمام افراد چقندر کا جوس پینے کے بعد نہ صرف ایکسرسائز میں فعال رہے، بلکہ ان کا بلڈ پریشر بھی نارمل ہونے سمیت دماغ بھی متحرک ہوگیا۔
چقندر کا جوس پینے والے افراد نے بتایا کہ دماغی تقویت پہنچنے کے بعد انہوں نے خود کو کمر عمر پایا۔
ماہرین کے مطابق چقندر کے جوس کے ساتھ ساتھ اگر ایکسرسائز کی جائے تو اس عمل سے نہ صرف ذہنی طور پر جوان رہا جا سکتا ہے، بلکہ اس سے بلڈ پریشر میں کمی اور جسمانی تندرستی و مضبوطی بھی حاصل ہوتی ہے، جس سے انسان خود پر جلد بڑھاپا طاری نہیں کرتا۔
ایمز ٹی وی(اسپورٹس) کنگسٹن ٹیسٹ کے تیسرے دن کا کھیل ختم ہوگیا۔ 4وکٹوں کے نقصان پر پاکستان نے 201 رنز بنا لیے ہیں۔
ویسٹ انڈیز کا اسکور برابر کرنے کے لیے پاکستان کو85 رنز درکار ہیں۔ بابر اعظم 72، یونس 58 ، احمد شہزاد 31 اوراظہر علی 15 رنز بنا کر آؤٹ ہو گئے ۔
تیسرے دن کا کھیل ختم ہونے پر قومی ٹیم کے کپتان مصباح الحق 5 اور اسد شفیق 5 کے انفرادی اسکور پرکریز پر موجود تھے۔
اس سے قبل ویسٹ انڈیز نے گزشتہ روز کے اسکور 9وکٹ 278رنز پر کھیل کا دوبارہ آغاز کیا اور اسکور میں صرف 8رنز کا اضافہ ہی کرسکی ۔اس طرح پوری ٹیم 286رنز پرآؤٹ ہوگئی۔
پاکستان کی جانب سے محمد عامر نے 44 رنز کے عوض 6 کھلاڑیوں کو آؤٹ کیا ۔
میکا کے شہر کنگسٹن کے سبائنا پارک میں جاری میچ میں ویسٹ انڈیز کی طرف سے روسٹن چیز 63 رنز کے ساتھ ٹاپ اسکورر رہے، میزبان ٹیم کے آخری آؤٹ ہونے والے کھلاڑی گیبرئل تھے ،جسے 5رنزکے انفرادی اسکور پر محمد عامر نے بولڈ کیا۔
ایمز ٹی وی(اسپورٹس) ”ہیپی برتھ ڈے لٹل ماسٹر“ بھارت کے لیجنڈ کرکٹر سچن ٹنڈولکرکی آج 44ویں سالگرہ منائی جا رہی ہے ۔
زرائع کے مطابق سابق بھارتی بلے باز سچن ٹنڈولکر 44سال کے ہو گئے اور اس حوالے سے آج انکی سالگرہ پر دوستوں اور رشتہ داروں کی جانب سے مبارکبادوں کے پیغامات کا سلسلہ جاری ہے جو ان کے دراز عمری اور صحت کیلئے دعا گو ہیں ۔
1989ءمیں صرف 16 برس کی عمر میں پاکستان کے خلاف ٹیسٹ کرکٹ کا آغاز کرنے والے سچن ٹنڈولکر نے اپنے کیریر کے دوران 200ٹیسٹ میچز کھیلے جس میں انہوں نے متعدد ریکارڈ اپنے نام کیے ۔سچن ٹنڈولکر کے پاس انٹرنیشنل کرکٹ میں 100سنچریاں اورسب سے زیادہ رنز بنانے کا اعزاز بھی ہے ۔
فاسٹ بالر بننےکے خواہش مند اس مایہ ناز بلے باز نے ٹیسٹ کرکٹ میں 51سینچریاں جبکہ ون ڈے انٹرنیشنل کرکٹ میں 49سنچریاں بھی سکور کر رکھی ہیں ۔
ماسٹر بیٹسمین نے اپنے کرکٹ کیریئر کا اختتام انٹرنیشنل کرکٹ میں سب سے زیادہ 34ہزار 357سکور بنا کر کیا ، انہوں نے 200ٹیسٹ میچز میں 15ہزار921، ون ڈے فارمیٹ میں 463میچز میں 18 ہزار 426سکور بنانے کا اعزاز بھی حاصل کر رکھا ہے تاہم نومبر 2013ءکو ویسٹ انڈیز کیخلاف 200واں ٹیسٹ میچ کھیل کر انہوں نے ریٹائرمنٹ کا اعلان کر دیا تھا ۔
وہ پہلے کھلاڑی تھے جنہوں نے کسی ون ڈے میچ میں ناٹ آﺅٹ رہ کرصرف 147گیندوں پر 200سکور بنانے کا اعزاز حاصل کیا ۔
ایمز ٹی وی(اسپورٹس) پاکستانی معروف بلے باز یونس خان نے ٹیسٹ کیریئر میں بڑا ریکارڈ بنادیا، 10,000رنز مکمل کرنے والے دنیا کے تیرہویں اور پہلے پاکستانی کھلاڑی بن گئے۔ انہوں نے یہ کارنامہ ویسٹ انڈیز کے خلاف کھیلے جا رہے پہلے ٹیسٹ میچ کی پہلی اننگز کے دوران سر انجام دیا۔
تفصیلات کے مطابق ویسٹ انڈیز کے خلاف ٹیسٹ سیریز کی پہلی اننگز میں یونس خان نے 39سال کی عمرمیں یہ اعزاز اپنے نام کرلیا ،ان سے پہلے اب تک کوئی پاکستانی کھلاڑی ٹیسٹ میچز میں اتنے رنز بنانے میں کامیاب نہیں ہوسکا۔یونس خان نے اب تک 115ٹیسٹ میچز کھیلے جبکہ انہوں نے اپنے کیریئر کے 116 ویں ٹیسٹ میچ میں 10,000رنز بنانے کا کارنامہ سر انجام دیا ۔ یونس خان یہ سنگ میل عبور کرنے والے دنیا کے 13 ویں اور پاکستان کے پہلے ٹیسٹ کرکٹر ہیں۔انہوں نے 265ون ڈے میچز میں 7,249رنز بھی بنا رکھے ہیں۔
واضح رہے کہ یونس خان نے کرکٹ سے ریٹائرمنٹ کا اعلان بھی کردیا ہے ،ویسٹ انڈیز کے خلاف ٹیسٹ سیریز ان کے کیریئر کی آخری سیریز ہے ،جس کے ساتھ ساتھ انہوں نے اپنا ریکارڈ بھی قائم کردیا ہے۔
ایمز ٹی وی(تعلیم)مقامی سماجی تنظیم کی جانب سے گورنمنٹ دوست محمد مہر 78موری اور گورنمنٹ جناح اسکول میرپورخاص میں طلبہ و طالبات میں مفت تعلیمی کٹ کاپیاں ، پینسل، سلیٹ، اور دیگر سامان تقسیم کیا گیا
اس موقع پرتنظیم کے صدر محمد ناصر اقبال نے حکو مت سندھ سے اپیل کی کہ تمام سرکاری تعلیمی اداروں میں تمام بنیادی سہولیات فراہم کی جائیں ،سخت گرمی میں اسکولوں میں فوری دھوپ سے بچاؤ اور پینے کے صاف پانی،اور بیت الخلاہ کی سہولت کی فراہمی کو یقینی بنایاجائے ،اس موقع پر اسکول کے تمام اساتذہ ،عملہ ، طلبہ و طالبات اور تنظیم کے کارکنوں نے یہ عہد کیا کہ ہم تعلیم کے فروغ کے لئے ہمیشہ اپنی جدوجہد جاری رکھیں گے