ایمزٹی وی(اسلام آباد)وزیر مملکت برائے اطلاعات مریم اورنگزیب نے کہا کہ صدر شی کی کتاب پاک چین دوستی کے لئے ایک نیا سنگ میل ہے ،چینی صدر نے اپنی کتاب کے ذریعے بتایا ہم پڑوسی ممالک کے ساتھ تعلقات کیسے بہتر کر سکتے ہیں ۔
چائنا ریڈیو انٹرنیشنل سے گفتگو کرتے ہوئے وزیر مملکت برائے اطلاعات مریم اورنگزیب نے کہا کہ صدر شی کی کتاب کا اردو ترجمہ بہت بڑی کامیابی ہے اور یہ کتاب پاک چین دوستی کے لئے ایک نیا سنگ میل ہو گا۔ صدر شی نے اپنی اس کتاب کے ذریعے بتایا کہ ہم اپنے پڑوسی ممالک کے ساتھ تعلقات کیسے بہتر کر سکتے ہیں اور اچھی طرز حکمرانی کے ذریعے عوام کی کیسے خدمت کر سکتے ہیں۔انہوں نے کہا کہ یہ ایک ورکنگ بک ہے جو ترقیاتی کاموں میں شفافیت پیدا کرتی ہے۔
دوستی کے لئے بہت اہم ہے، پاکستانی عوام کے لئے ضروری ہے کہ صدر شی کے نظریات ا ور سوچ کے بارے میں اگاہی حاصل کر سکیں ۔ انہوں نے کہا کہ چین اور پاکستان عرصے سے دوست ہیں لیکن موجودہ صدر کی سوچ کو پرکھنے اور جانچنے کے لئے بہتریں ذریعہ ہے۔
ڈائریکٹر جنرل قومی اسمبلی نسیم خالد نے کہا کہ اس کتاب کے ترجمے سے صدر شی کے عام آدمی کی بہبود اور ترقی بارے خیالات عام آدمی تک عام فہم زبان میں پہنچ سکیں گے۔چیئرمین ریڈ کریسنٹ ڈاکٹر سعید الہی نے کہا کہ صدر شی صرف چین کے ہی صدر نہیں ہیں بلکہ پاکستانی عوام بھی ان کے دلدادہ ہیں ۔ اس کتاب کے ذریعے پاکستانی عوام انکے نظریے اور سوچ سے مستفید ہونگے۔
ایمز ٹی وی(صحت) موسم گرما کا بے قابوجن نہ صرف چڑچڑے پن کا باعث بنتا ہے بلکہ ہمارے جسمانی نظام کو بھی متاثر کرتا ہے، نیند کے مسائل پیدا ہونے لگتے ہیں، تھکاوٹ اور توجہ کی کمی کا مسئلہ الگ ہوتا ہے۔
مصالحے دار کھانے اور گرم مشروبات، نمکین سالن جو کہ عام طور پر ہماری غذا کا حصہ ہوتے ہیں درحقیقت ہمارے منہ میں موجود ہیٹ ریسی پٹر کو ابھار دیتے ہیں جس کے نتیجے میں پسینہ زیادہ آنے لگتا ہے جو کہ جسم کو ٹھنڈا کرنے کا کام کرتا ہے۔
گرمیوں میں عام فاسٹ فوڈ کھانے سے بھی بھاری پن کا احساس ہونے لگتا ہے، تو اپنے جسم میں نمی کو برقرار رکھنے اور ہلکے پن اور ٹھنڈک کے احساس کے لیے اس موسم کے حساب سے درست غذاﺅں کا انتخاب ضروری ہوتا ہے جو کہ آپ کو ہی جمسانی طور پر مضبوط بناتا ہے۔
بہت زیادہ سیال اشیاءجیسے پانی پینا ٹھیک ہے مگر اس بات کو یقینی بنایا جانا چاہئے کہ آپ اس موسم کے اعتبار سے درست مشروبات کو نظر انداز نہ کریں۔ بہت زیادہ میٹھے مشروبات یا سوڈا واٹر کا استعمال کوئی اچھا خیال نہیں، چاہے وہ آپ پسند ہی کیوں نہ ہو تو اس موسم کے لیے بہترین مشروبات درج ذیل ہیں۔
٭گرمیوں میں قدرتی مشروب جیسے ناریل کا پانی درحقیقت قدرتی تحفہ ہے۔ یہ مشروب ہر طرح کے طبی فوائد اور جسم کو ٹھنڈا کرنے کی طاقت سے بھرپور ہوتا ہے۔
اس میں شامل قدرتی مٹھاس اور ضروری معدنیات جسم میں پانی کی کمی نہیں ہونے دیتے اور ایسے شواہد بھی موجود ہیں کہ ناریل کا پانی کینسر کے خلاف جدوجہد اور بڑھاپے کی جانب سفر کو سست کرنے میں بھی مددگار ثابت ہوتا ہے۔
اسی طرح ناریل کے خول میں موجود اس کا پھل بھی وٹامنز، منرلز اور پوٹاشیم سے بھرپور ہوتا ہے۔
٭ناریل کے پانی کی طرح تازہ لیموں کا پانی کا استعمال بھی فرحت بخش ثابت ہوتا ہے جبکہ اس میں وٹامن سی اور متعدد طبی فوائد بھی موجود ہوتے ہیں۔
آپ اس کو میٹھا کرسکتے ہیں، نمک ڈال سکتے ہیں یا کچھ مقدار میں کالی مرچ اور زیرے کا پاﺅڈر بھی شامل کرسکتے ہیں۔
اسے ٹھنڈا کرکے استعمال کریں اور گرمی کو دور بھگائیں۔
٭دہی واقعی جسم کو ٹھنڈا کرنے کے لیے بہترین چیز ہے۔ آپ اس سے مزیدار ٹھنڈی لسی بنا سکتے ہیں، رائتہ اور دیگر اشیا، تاہم لسی تو گرمی کو دور بھگانے کے لیے سب سے بہترین سمجھی جاتی ہے میٹھی اور موسم کے لحاظ سے بالکل مناسب۔
٭اگر آپ کو دن کے آغاز میں زیادہ کیفین کی ضرورت ہوتی ہے تو آپ صبح کی پہلی کافی کو کولڈ کافی سے تبدیل کرسکتے ہیں جو کہ آپ کے ذہن میں گرمی کے احساس کو بھی کم کردے گی۔
کولڈ کافی کا استعمال جلدی کینسر کا خطرہ کم کرتا ہے جو کہ شدید دھوپ میں بہت زیادہ گھومنے کی وجہ سے کافی حد تک بڑھ سکتا ہے۔
٭پاکستانی تو چائے کے شوقین ہوتے ہیں اور بیشتر تو اپنے کام کاج بھی اس گرم مشروب کے بغیر صحیح طریقے سے کرنے سے قاصر رہتے ہیں۔
تاہم اگر آپ عام چائے کی بجائے گرمیوں میں سبز چائے کو ترجیح دیں تو یہ ایک صحت مند اور ہلکا پھلکا انتخاب ثابت ہوتا ہے، جبکہ آئس ٹی بھی ایک اچھا متبادل ثابت ہوسکتی ہے۔
ایمزٹی وی(اسلام آباد)پاکستان پیپلز پارٹی کےچیئرمین بلاول بھٹو اور شریک چیئرمین آصف علی زرداری نے وزیر اعظم نوازشریف سے مطالبہ کیا ہے کہ وہ خود چیئرمین سینیٹ رضا ربانی سے بات کریں اور معاملے کو حل کریں۔
ذرائع کے مطابق سابق صدر آصف علی زرداری اور پیپلز پارٹی کے چیئرمین بلاول بھٹو نے رضا ربانی کی حمایت کرتے ہوئے کہا ہے کہ پارٹی انکے موقف کی حمایت کرتی ہے اور ان کے ساتھ کھڑی ہے ۔انہوں نے کہا کہ رضا ربانی کا موقف بلکل درست ہے ، سینیٹ میں لیگی سینیٹرز کا رویہ درست نہیں ۔
یاد رہے چیئرمین سینیٹ نے گزشتہ روز لیگی وزراء کے رویے کی وجہ سے احتجاجاُُ کام چھوڑ دیا تھا ۔
ایمز ٹی وی (انٹرٹینمنٹ) ایکشن سے بھرپور فلموں کے مداح ہوجائیں تیار کیونکہ برٹش وار ڈرامہ فلم ’’سینڈ کیسل ‘‘کا نیا کلپ جاری کردیا گیا ہے۔
فرنینڈو کوئمبرا کی ہدایتکاری میں بننے والی یہ فلم 2003میں عراق جنگ میں پیش آنے والے حقیقی واقعات پر مبنی ہے، جس کی کہانی ایک ایسے فوجی اہلکار کے گرد گھوم رہی ہے جسے پلاٹون کے ہمراہ ایک خطرناک قصبے میں پانی کے تباہ حال سسٹم کی بحالی کیلئے بھیجا جاتا ہے۔
فلم میں اداکاری کے جوہر دکھانے والوں میں نکولس ہالٹ،ہینری کیول،لوگن مارشل،ٹومی فلینیگن،گلین پاور اور نیل براؤن جونیئر سمیت دیگر اداکار شامل ہیں۔
مارک گورڈ ن کی پروڈیوس کردہ یہ فلم نیٹ فلکس کے بینر تلے 21اپریل کو سینما گھروں کی زینت بنے گی۔
ایمز ٹی وی(اسپورٹس) پاکستانی فٹبالرز کی تربیت کے لیے دس روزہ کیمپ کا باقاعدہ آغاز آج سے ہوگا جس کے لیے جرمن کوچز پاکستان میں موجود ہیں۔
پاکستانی فٹبالرز کی تربیت کے مشن کے سلسلے میں جرمن خاتون فٹبال کوچ نے ساتھی کوچز کے ہمراہ آرام کے بجائے کام کو ترجیح دی۔
کراچی یونائیٹد فٹبال گراونڈ پر پہلے میٹنگ کی پھر گراونڈ کا جائزہ لیا اور بچوں کی صلاحیتوں کو جانچا۔ بچوں کی قابلیت دیکھی اور اپنا لائحہ عمل بھی بتا دیا۔
آج سے دس روزہ کیمپ کا باقاعدہ آغاز ہوگا جس کھلاڑی نے کوچز کو متاثر کیا وہ جولائی میں جرمنی جائے گا۔
ایمز ٹی وی(صحت) تھر پارکر میں غذائی قلت نے مزید 5بچوں کی جان لے لی،جس کے بعد رواں سال کے دوران ہلاکتوں کی تعداد 100ہو گئی ہے۔
تھرپارکر میں غذائی قلت و امراض کے باعث بچوں کی اموات کا سلسلہ جاری ہے۔ 3 روز کے دوران سول اسپتال مٹھی میں زیر علاج 4 بچے دم توڑ گئے ہیں۔جن میں3 روزہ فیضان، ایک بچی شانتی، گیارہ ماہ کی کائنات اور5 روزہ بابو شامل ہیں۔
محکمہ صحت کے ذرائع کے مطابق رواں ماہ جاں بحق ہونے والے بچوں کی تعداد 14 ہوگئی، جبکہ مختلف اسپتالوں میں 38 بچے زیر علاج ہیں۔
مجموعی طورپر رواں سال ہلاکتوں کی تعداد 100 ہو چکی ہے، تاہم تھر کےدور دراز دیہات میں قائم بنیادی صحت مراکز میں بنیادی صحت کی سہولیات کا بھی فقدان ہے۔
لوگوں کو ضلعی اور تعلقہ ہیڈکوارٹرز سفر کرنا پڑتاہے،مگر ان اسپتالوں میں بھی بچوں کے وارڈ میں اسپیشلسٹ ڈاکٹرز سمیت نرسز کی کمی کے ساتھ نگہداشت وارڈ علاوہ مٹھی اسپتال کے باقی سات تحصیل اسپتالوں فعال نہیں ہیں۔ یوں بچوں کا علاج گذشتہ 4سالوں سے مسئلہ بنا ہوا ہے۔
تھرپارکر کے مکینوں نے حکومت سندھ سے اپیل کی ہے کہ گرمیوں کی شدت کہ باعث غذائی قلت کے شکار بچوں کی اموات پر قابو پاکر دیہاتوں میں غذائی قلت کی شکار حاملہ خواتین کی غذائیت پر کام کیا جائے، تاکہ زچگی کے دوران بچوں کا وزن مستحکم ہو سکے اور بچوں کی اموات پر قابو پایا جا سکے۔
ایمز ٹی وی(اسپورٹس) پاکستان اور ویسٹ انڈیز کی ٹیموں کے درمیان 3 ٹیسٹ میچوں پر مشتمل سیریز سے قبل 3روزہ ٹور میچ آج بروز ہفتہ سے شروع ہوگا۔
پاکستان ٹیسٹ ٹیم کے کپتان مصباح الحق، یونس خان، اسد شفیق، اظہر علی، شان مسعود، یاسر شاہ کے ساتھ نوجوان پلیئرز محمد اصغر، محمد عباس اسکواڈ جوائن کرچکے ہیں۔ کھلاڑیوں نے جمعہ کو سبائنا پارک میں بھرپور پریکٹس بھی کی ہے ۔
خیال رہے کہ پاکستان اور ویسٹ انڈیز کی ٹیموں کے درمیان تین ٹیسٹ میچوں کی سیریز کا پہلا میچ 21 اپریل سے کنگسٹن میں شروع ہوگا۔
ایمزٹی وی(کراچی/ تعلیم)بینظیر بھٹو شہید یونیورسٹی لیاری میں مارکٹنگ سوسائٹی نیٹ ورک کی جانب سے ڈیجیٹل میڈیا کانفرنس 2017 کا انعقاد کیا گیا کانفرنس میں مارکیٹنگ سے وابستہ ماہرین جن میں پاکستان ڈیجیٹل اسپارک کے سرابرہ زوہیب حسام ،ایسو سی ایشن آف چارٹرڈسرٹیفائڈاکاﺅنٹنٹ راشد خان، میڈیااڈی کی گروپ اکاﺅنٹ مینجر لاریب سلیم ،thebrandconsultant.net کے کوچ منتظر حیدرشامل تھے ۔
کانفرنس میں شریک مہمانوں نے طلبا و طالبات کو مارکیٹنگ ، اشتہار سازی کے اصول اور اشتہار سازی کے لئے سماجی ویب سائٹ کے استعمال پر معلومات فراہم کی، چاروں مہمانوں نے ماریکٹنگ کے مختلف موضوعات پر خطاب کیا۔
کانفرنس میں موجود دیگر اہم شخصیات زوہیب حسام اور راشد خان نے وڈیو کالنگ کے ذریعے خطاب کیا۔
کانفرنس کے اختتام پر بینظیر بھٹو شہید یونیورسٹی کی جانب سے مہمانوں کو شیلڈ پیش کی گئی۔کانفرنس میں مارکیٹنگ سوسائٹی نیٹ ورک کے طلبا و طالبات کی کثیر تعداد نے شرکت کی
ایمزٹی وی(کراچی)صوبہ سندھ میں رینجرز کے اختیارات آج رات 12 بجے ختم ہوجائیں گے لیکن وزیراعلیٰ سندھ نے تاحال اختیارات کی سمری پر دستخط نہیں کئے۔
میڈیا ذرائع کے مطابق سندھ میں امن و امان کے قیام کے لئے رینجرز کو حاصل خصوصی اختیارات کی مدت آج رات 12 بجے ختم ہورہی ہے لیکن صوبائی حکومت نے تاحال اس کی مدت میں توسیع نہیں کی۔
جس کی وجہ سے رینجرز کا ٹارگٹڈ آپریشن رکنے کا خدشہ پیدا ہوگیا ہے۔
ذرائع کا کہنا ہے کہ محکمہ داخلہ سندھ نے رینجرز کے اختیارات کی مدت میں توسیع کی سمری وزیراعلی سندھ کو ارسال کی تھی، جس میں دہشتگردی ایکٹ 1997 کی شق چار کے تحت رینجرز کو حاصل خصوصی اختیارات میں نوے دن کی توسیع کی درخواست کی گئی ہے لیکن آصف علی زرداری کے ساتھیوں کی گمشدگی کے بعد صوبائی حکومت سندھ میں رینجرز کو خصوصی اختیارات کا معاملہ ایک بار پھر شش و پنج کا شکار ہے اور اسی وجہ سے مراد علی شاہ سمری پر دستخط میں پس و پیش سے کام لے رہے ہیں۔
ایمزٹی وی(اسلام آباد)مشیر خارجہ سرتاج عزیز نے کہا ہے کہ کلبھوشن یادیو اپنی کارروائیوں سے پاکستان میں خانہ جنگی کرانا چاہتا تھا اور اسے شواہد اوراعتراف جرم کے بعد قانون کے مطابق سزا سنائی گئی ہے۔
اسلام آباد میں پریس بریفنگ کے دوران سرتاج عزیز نے کہا کہ کل بھوشن بھارتی بحریہ کا حاضر سروس افسر اور’’را ‘‘ کا ایجنٹ ہے، وہ کارروائیوں سے پاکستان میں خانہ جنگی چاہتا تھا اور اس کے لیے بلوچستان میں نوجوانوں کو ملک دشمن سرگرمیوں پر اکساتا تھا، اس نے جاسوس کی حیثیت سے پاکستان کی سلامتی کونقصان پہنچایا۔ وہ پاکستان میں دہشت گردی کے مختلف واقعات میں ملوث رہا ہے۔ اس کی دہشت گرد کارروائیوں میں کئی پاکستانی جاں بحق ہوئے۔
کل بھوشن تک قونصلر رسائی نہ دیئے جانے سے متعلق سوال پر سرتاج عزیز نے کہا کہ کل بھوشن کے پاس دو پاسپورٹ تھے ایک ہندو نام سے اور ایک مسلم نام سے، 23 جنوری کو بھارت سے معلومات کا تبادلہ کیا لیکن کوئی جواب نہیں آیا۔ بھارت نے بھی کئی پاکستانی قیدیوں کو قونصلر رسائی نہیں دی۔
سرتاج عزیز نے کہا کہ کل بھوشن کو گزشتہ سال مارچ میں بلوچستان سے گرفتار کیا گیا، عدالتی کارروائی میں شفافیت کو یقینی بنایا گیا، اس دوران کل بھوشن کو قانونی معاونت بھی دی گئی۔ اسے پاکستانی قوانین کے مطابق شواہد اوراعتراف جرم کے بعد سزاسنائی گئی ہے، قانون کے تحت اسے 60 دن کے اندر اپنی سزا کے خلاف اپیلٹ کورٹ میں اپیل کرنےکا حق حاصل ہے۔