ایمز ٹی وی ( انٹر ٹینمنٹ) خطرناک سیارے پر موجود طاقتور خلائی مخلوق کی دہشت پر مبنی نئی سائنس فکشن ایکشن تھرل فلم ’ایلیئن کوونینٹ‘ کی نئی جھلکیاں جاری کر دی گئی ہیں۔ ہدایتکاررِیڈلی اسکاٹ کی اس فلم کی معروف ہالی ووڈ فلم سیریز’’ایلیئن‘‘کی چھٹی کڑی ہے جس کی کہانی ایک بار پھر انسانوں کی جان کے دشمن خطرناک ایلیئنز کے گرد گھوم رہی ہے ۔ کہانی ایک ایسے پر اسرار سیارے کے گردگھوم رہی ہے جہاں موجودانوکھی خلائی مخلوق طرح طرح کے حربے استعمال کرتے ہوئے وائرس کی طرح انسان کے جسم میں داخل ہوتی اور ان کا شکار کر لیتی ہے۔ مارک ہفمین، رِیڈلی اسکاٹ اور ڈیوڈ گیلر کی مشترکہ پروڈکشن میں بننے والی اس فلم میں مرکزی کردار ہالی ووڈ اداکار مائیکل فیسبینڈر نے نبھایا ہے جن کے علاوہ فلم کی دیگر کاسٹ میں کیتھرین ویٹراسٹون ، بِلی کروڈپ، ڈینی میک برج ،ڈیمینئن بیچر اورنومی ریپیس اہم کردار جلوۂ گر ہو رہے ہیں۔ سنسنی خیز مناظر کی عکاسی کرتی ایکشن، تھرل اور ڈرامے کا مِکس تڑکا لِئے یہ سائنس فکشن فلم رواں سال 19مئی کو سنیما گھروں میں نمائش کیلئے پیش کر دی جائے گی۔
ایمز ٹی وی ( اںٹرٹینمینٹ) اینیمیٹڈ فلم ’دی باس بے بی‘ کے بھرم چل گئے، فلم نے 3دن میں دنیا بھر سے 11ارب روپے کمالیے ،باس بےبی بھی ہو تب بھی سب پر بھاری ہوتا ہے۔ خوبصورت شہزادی کی فلم ’بیوٹی اینڈ دی بیسٹ‘ کی 18 دن کی کمائی 90 ارب روپے ہوگئی۔ جنگل کے بادشاہ کنگ کانگ کا جادو بھی پھیکا نہیں پڑا، فلم ’کانگ اسکل آئی لینڈ‘ نے 25 دن میں 50 ارب کا بزنس کر لیا ۔ ہالی وڈ کی لائیو اینیمیٹڈ فینٹسی فلم بیوٹی اینڈ دی بیسٹ کا سحر بلا آخر ختم ہو گیا ہے اورباکس آفس پر پہلی پوزیشن نئی تھری ڈی اینیمیٹیڈ کامیڈی فلم ’دی باس بے بی‘ ' نے حاصل کر لی ہے۔ فلم ’دی باس بے بی‘کی کہانی ایک 7 سالہ بچے کے گرد گھوم رہی ہے جس کے ماں باپ ایک ننھا بچہ گود لیتے ہیں،یہ ننھے میاں تمام گھر والوں سے اپنے نخرے اٹھواتے ہیں اوراسی وجہ سے بڑا بھائی اسے نا پسند کرنے لگتا ہے۔ چھوٹا بچہ نہ صرف اپنے ساتھ بریف کیس لیے گھومتا بلکہ بہت تیزی سے باتیں بھی کرتا اور اپنے آپ کو کسی باس سے کم نہ مانتا۔ دوسری جانب فلم ’بیوٹی اینڈ دا بیسٹ‘ نے اس ہفتے باکس آفس پر پہلی پوزیشن برقرار نہ رکھ سکی اور دوسرے نمبر پر آگئی ، فلم نے اس ہفتے مزید 5ارب کی کمائی کر لی۔ فلم کی کہانی ایسے شہزادے کے بارے میں ہے جو بوڑھی پری سے بدتمیزی کے بعد سزا کے طور پر بھیڑیے میں بدل جاتا ہے۔ دوبارہ انسان بننے کے لیے ضروری ہوتاہے کوئی لڑکی شہزادے سے اسی روپ میں سچے دل سے اظہار محبت کرے۔ اس ہفتے ریلیز ہونے والی نئی ایکشن کرائم فلم ’ گھوسٹ ان دی شیل‘ دو ارب روپے آمدنی کے ساتھ تیسرے نمبر پر رہی۔ فلم کا مرکزی کردار اداکارہ اسکارلٹ جوہانسن نے ادا کیا ہے، ’ گھوسٹ ان دی شیل‘کی کہانی سائبرگ سسٹم کی قابل ترین خاتون افسر دی میجر کے گرد گھومتی ہے جسے خطرناک کمپیوٹر ہیکرز اور سائبر کرمنلز کو تلاش کرنے کا ٹاسک دیا جاتا
