ایمز ٹی وی ( تجارت) فرانس کا اکیس رکنی تجارتی وفد تین روزہ دورے پرآج پاکستان پہنچ رہاہےجہاں وہ اعلیٰ حکام سےملاقاتیں کرےگا۔ فرانس کی بزنس کنفیڈریشن کا 21 رکنی وفد تین روزہ دورے پر آج پاکستان پہنچ رہاہےجس کا مقصد کاروبار، تجارت اور سرمایہ کاری کےمواقع تلاش کرنا ہے۔ فرانس کا تجارتی وفد وفاقی دارالحکومت اسلام آباد،کراچی میں وزراء،نجی وسرکاری شعبے کے اعلیٰ حکام اور کمپنیوں سمیت پاکستان کاروباری کونسل اور پاکستان فرانس کاروباری اتحاد کےاعلیٰ حکام سے ملاقاتیں کرےگا۔ فرانس کے21رکنی وفد کےدورہ پاکستان اور فرانس کے درمیان کاروبار،تجارت اور سرمایہ کاری کےروابط کو نئی جہت ملےگی۔ پاک چین باہمی تجارت کا حجم 13 ارب 77 کروڑ ڈالر ہوگیا خیال رہےکہ گزشتہ دنوں پاکستان اور چین کے درمیان باہمی تجارت کا حجم گزشتہ مالی سال کے اختتام پر تیرہ ارب ستتر کروڑ ڈالر ہوگیا تھا ،جس کے بعد گزشتہ دس سال کے دوران پاک چین تجارتی حجم میں 9.77 ارب ڈالر کا اضافہ ہوا۔ چھوٹی کاریں بنانے والی کمپنی پاکستان میں سرمایہ کاری کیلئے تیار واضح رہےکہ گزشتہ ماہ چھوٹی گاڑیا ں بنانے والی کمپنی نے پاکستان میں نئی سرمایہ کاری کے فیصلے پر نظرثانی کا اعلان کیاتھا۔
ایمز ٹی وی ( تجارت ) شہر قائد میں پیٹرولیم مصنوعات کا بحران پیدا ہوگیا ہے ، کئی علاقوں میں پیٹرول کی قلت کی وجہ سے صارفین کومشکلات کا سامنا ہے۔ سیلزٹیکس کیخلاف آئل ٹینکرز ایسوسی ایشن کی ہڑتال جاری ہے، شہر کے پیٹرول پمپس کو تین روزسے سپلائی بند ہے، جس کے باعث بیشتر پمپس پر پٹرول اور ڈیزل ناپید ہوگیا اور پٹرول اورڈیزل کی فراہمی نہ ہونے سے پمپس بند ہورہے ہیں۔ چیرمین پٹرولیم ڈیلرزایسوسی ایشن سمیع خان کا کہنا ہے کہ 10 سے 20 فیصد پمپس سے قلت کی شکایات ملی ہیں تاہم شہرکے 75فیصد پمپس پر پٹرول اور ڈیزل دستیاب ہے، کچھ پٹرول پمپس پر ذخیرہ ختم ہوگیا ہے، پی ایس او کے پمپس پر پٹرول وافر مقدار میں موجود ہے ، اندرون سندھ صورتحال نارمل ہے جب کہ عوام کو ہدایت کی پٹرول کی غیرضروری خریداری سےگریز کیا جائے۔ ترجمان آئل ٹینکرایسوسی ایشن اسرارشنواری نے خدمات پر سیلز ٹیکس کو مسترد کرتے ہوئے کہا ہے کہ ٹیکس واپس لینے تک پیٹرولیم مصنوعات کی سپلائی بند رہے گی، صوبائی حکومت سیلزٹیکس فوری واپس لے،انتظامیہ سے کوئی رابطہ نہیں کیا۔ دوسری جانب پی ایس او حکام نے کہا ہے کہ چند پیٹرول پمپس پر پیٹرول اور ڈیزل ختم ہوا ہے، سیلز ٹیکس ختم کرنے کے مطالبے پر غور کیا جائے گا۔ دوسری جانب آئل ٹینکرز کنٹریکٹرز ایسوسی ایشن کو وزارت پٹرولیم نے مذاکرات کیلئے طلب کرلیا ہے۔ یاد رہے کہ تین روز قبل آئل ٹینکرز کنٹریکٹرز نے ملک بھر میں پیٹرولیم مصنوعات کی سپلائی روک دی تھی، چیئرمین آئل ٹینکرزکنٹریکٹرز نے خبردار کیا ہے کہ حکومت خدمات پرسیلز ٹیکس واپس لے، سیلزٹیکس واپس نہ لیا تو پاور پلانٹس کو سپلائی بند کردیں گے۔ انہوں نے بتایا کہ یکم اپریل سے ملک بھر اور پاور پلانٹس کو فرنس آئل اور پیٹرولیم مصنوعات کی فراہمی بند کر دی جائے گی، خدمات پر سولہ فیصد ٹیکس کا خاتمہ نہیں کیا گیا تو غیر معینہ مدت کی ہڑتال کی کال دیں گے، حکومت ناجائز طور پر ٹرانسپورٹرز پر عائد کردہ نئے اور پرانے ٹیکس فوری طور پر ختم کرنے کا اعلان کرے۔
مز ٹی وی ( تجارت ) ملکی تاریخ میں پہلی بار ضلع بہاولنگر پاکستان بھر میں سب سے زیادہ کپاس پیدا کرنے والا ضلع بن گیا، اس سے پہلے ضلع رحیم یار خان کو یہ اعزاز حاصل تھا، جو اب گنے کی کاشت میں اضافے کے باعث پیچھے رہ گیا ۔ پاکستان کاٹن جنرز ایسوسی ایشن کے چیئرمین احسان الحق نے جیو نیوز سے گفتگو میں کہا کہ رواں برس بہاولنگر میں سب سے زیادہ کپاس 12 لاکھ 55 ہزار 150 بیلز پیدا ہوئیں اور دوسرے نمبر پر ضلع سانگھڑ میں کپاس کی پیداوار 12 لاکھ 30 ہزار 910 بیلز ریکارڈ کی گئی ہیں ۔ کاٹن جنرز کے مطابق ضلع رحیم یار خان اور ضلع سانگھڑ میں پہلے سب سے زیادہ کپاس پیدا ہوتی تھی، لیکن وہاں اب گنے کی ریکارڈ کاشت کے باعث کپاس کی کاشت میں غیر معمولی کمی واقع ہو چکی ہے
ایمز ٹی وی ( تجارت) اسلام آباد اور پنجاب بھر میں سی این جی اسٹیشن چار دن کے لیے بندکر دیئے گئے۔ سی این جی اسٹیشن 8 اپریل کی صبح 7بجے تک بند رہیں گے۔ ذرائع کہتے ہیں اس طرح بچنے والی گیس بجلی پیدا کرنے کے لیے استعمال کی جائے گی۔ سوئی ناردرن نے فیصلے سے سی این جی ایسوسی ایشن کو آگاہ کردیا ہے۔ ذرائع کے مطابق سوئی ناردرن نے سی این جی ایسوسی ایشن کو بتایا ہے کہ ایل این جی ٹرمینل کی مینٹی نینس کے باعث ٺ سی این جی اسٹیشنز کو گیس معطل رہے گی۔ ادھرسی این جی ایسوسی ایشن ذرائع کے مطابق حکومت یہ گیس پاور پلانٹس کو فراہم کرنا چاہتی ہے کیونکہ ڈیموں میں پانی کی قلت سے پن بجلی کی پیداوا ر کم ہو گئی ہے۔
ایمز ٹی وی (مانیٹرنگ ڈیسک) گرمیاں شروع ہوتے ہی سب کو اپنے چہرے کو تازہ اور جاذب نظر رکھنے کی فکر لاحق ہوگئی، اور کئی خواتین نے ابھی سے ہی دھوپ اور گرمیوں کے اثر سے چہرے کو محفوظ رکھنے والے جیل،سن بلاک اور دیگر اسکن کیئر کے ٹوٹکے آزمانا شروع کردئیے۔ ہم یہاں آپ کو کڑاکے کی گرمیوں اور تیز دھوپ میں بھی چہرے کو تازہ اور خوبصورت رکھنے والے 8 گھریلو ٹوٹکے بتا رہے ہیں، جن پر عمل کرکے آپ اپنی جلد اور چہرے کی تازگی کو برقرار رکھ سکیں گے۔ چہرے کو دھوپ سے بچانے کا طریقہ دلئیے کے 2 چمچ میں ایک چمچ تازہ دودھ ملائیں، اس میں 2 چمچ ٹماٹر کا جوس ڈالیں، اب اس میں اورینج اور خشخاش کے کچھ دانیں ڈال کر اس کا مکسچر بنالیں۔ مکسچر بن جانے کے بعد اسے چہرے اور گردن پر لگائیں اور تب تک مکسچر لگا رہنے دیں، جب تک وہ خشک نہیں ہوجاتا، بعد میں چہرے کو صاف اور ٹھنڈے پانی سے دھوئیں۔ ٹماٹر کا جوس اور اورینج کے دانے آپ کے چہرے کو سرخ جاذبیت دیں گے۔ چہرے کی رونق بحال کرنے کا طریقہ گرمیوں کی اکتاہٹ اور سخت دھوپ کی وجہ سے اکثر چہرہ سیاح اور تھکا ہوا نظر آتا ہے، اس سے بچنے کے لیے آپ تازے دودھ اور گلیسرین کا مکسچر تیار کرکے کم سے کم چہرے پر 15 منٹ تک لگائیں۔ یہ طریقہ آپ کے چہرے کی رونق کو برقرار رکھنے میں مدد فراہم کرے گا۔ صحت مند چہرہ بنانے کا راز مٹھی بھر نیم کے پتوں کو چار کپ پانی میں ہلکی آگ پر ایک گھنٹے تک ابالیں، اور پھر ابلے ہوتے پتوں کو رات بھر چھوڑ دیں اور صبح ان پتوں کا پیسٹ بنالیں۔ پیسٹ کو اپنے چہرے پر لگائیں اور نیم کے پتوں کے ساتھ ابلے ہوئے پانی کو چہرہ دھونے کے لیے استعمال کریں۔ نیم میں شامل قدرتی اجزاء آپ کے چہرے کی رونق بحال کرکے آپ کے چہرے کو صحت مند رکھیں گے۔ چہرے کی جلد کو ٹھنڈا کرنے کا طریقہ گرمیوں کی تیز ترین دھوپ میں چہرے کی جلد کو ٹھنڈا کرنے کے لیے بٹرملک کا استعمال نہایت ہی فائدہ مند رہتا ہے، یہ نہ صرف جلد کو نرم بناتا ہے، بلکہ جلد کو ٹھنڈا بھی رکھتا ہے۔ اس طریقے میں تازہ ایلوویرا کو بھی استعمال کیا جاسکتا ہے، جب کہ سورج کی جلن سے متاثرہ چہرے کے لیے تربوز کا پانی یا جوس بھی فائدہ مند رہتا ہے۔ چہرے کو جوان رکھنے کا طریقہ فروٹ چہرے کو جوان اور خوبصورت رکھنے میں سب سے زیادہ مددگار ثابت ہوتے ہیں، چہرے کو دیر تک جوان اور پرکشش رکھنے کے لیے کیلے، سیب، اورینج اور پپیتے کا مکسچر بناکر چہرے پر لگائیں۔ کیلا چہرے کی رونق بڑھانے، پپیتہ، چہرے کو مرجھانے والے جراثیم کا خاتمہ کرنے،جب کہ اورینج رنگت کو نکھارنے میں مدد کرتا ہے۔ چہرے کو ٹھنڈک پہنچانے کا طریقہ کھیرے کا جوس یا اس کے بہت ہی چھوٹے ٹکڑوں پر بنے ہوئے پیسٹ کو 2 چمچ خشک دودھ اور ایک عدد سفید انڈے کے ساتھ مکس کرکے اس کا پیسٹ بنالیں۔ پیسٹ کو چہرے اور گردن پر ملیں اور خشک ہونے کے بعد ٹھنڈے پانی سے دھوئیں۔ چہرے کی چکناہٹ ختم کرنے کا طریقہ ملتانی مٹی کے پاؤڈر کا گلاب کے پانی میں پیسٹ بناکر چہرے پر ملیں۔ خشک ہوجانے پر ٹھنڈے پانی سے دھوئیں، یہ طریقہ چکناہٹ کو دور کرنے میں مفید ہے۔ دھوپ سے جسم کو محفوظ رکھنے کا طریقہ اکثر لوگوں کی جلد بہت ہی نرم ہوتی ہے، اور دھوپ برداشت نہیں کرتی، اپنے جسم کو دھوپ سے بچانے کے لیے ایک چمچ بادام کے تیل اور ایک چمچ مالٹے کے سرکے میں 2 چمچ نمک ملا کر اس کا پیسٹ بناکر نہانے سے پہلے جسم پر ملیں۔ کچھ دیر بعد ٹھنڈے پانی سے نہائیں، یہ طریقہ جسم کو سورج کی دھوپ کی وجہ سے ہونے والی جلن سے محفوظ رکھنے میں مددگار ہے۔
امیز ٹی وی ( تجارت ) سونے کی اینٹوں میں عالمی سرمایہ کاری بڑھ کر 17.6 ملین اونس تک پہنچ جائے گی ، ماہرین نے کہا ہے کہ 2017 ء میں مسلسل چوتھے سال سونے کی عالمی سرمایہ کاری میں اضافہ متوقع ہے جس کی وجہ بین الاقوامی سطح پر غیر یقینی سیاسی و اقتصادی صورتحال ہے عالمی سطح پر سیاسی و اقتصادی اتار چڑھاؤ کے باعث سرمایہ کار کاروبار کیلئے محفوظ راستے تلاش کررہے ہیں اور سونے کی اینٹوں کی خرید میں مسلسل اضافہ ہورہا ہے،انہوں نے کہا کہ 2017 ء کے بارے میں اندازوں کے مطابق سال کے دوران سونے کی اینٹوں میں عالمی سرمایہ کاری بڑھ کر 17.6 ملین اونس تک پہنچ جائے گی جو 2016 ء کے اختتام پر 17.4 ملین اونس رہی تھی،ماہرین کا کہنا ہے کہ سال کے دوران سونے کے سکوں میں سرمایہ کاری 7.5 ملین اونس رہے گی جو 2016 ء کے اختتام پر 7 ملین اونس رہی تھی۔