ایمز ٹی وی(مانیٹرنگ ڈیسک) گوگل نے ایک نئی ایپ یوٹیوب گو کا بیٹا ورژن ٹیسٹ کرنا شروع کردیا جو کہ خراب انٹرنیٹ سروس والے علاقوں میں ویڈیو شیئرنگ سروس کی فراہمی کا کام کرے گی۔ یہ نئی یوٹیوب ایپ صارفین کو ڈیٹا بچانے میں مدد دے گی اور ان کے موبائل کا بل کم رکھنے کے لیے ایسی ویڈیوز دیکھنے کا مشورہ بھی دے گی جو اس کے خیال میں لوگوں کو پسند آسکتی ہے۔ یہ ایسے صارفین کو ذہن میں رکھ کر تیار کی گئی ہے جو ایسے علاقوں میں رہتے ہیں جہاں انٹرنیٹ کی سہولیات بہت زیادہ محدود ہیں۔ گوگل کی جانب سے اس کے بیٹا ورژن کی آزمائش سے سب سے بھارت میں کی جارہی ہے اور امید کی جاسکتی ہے کہ یہ پاکستان سمیت دیگر ممالک میں بھی جلد پیش کی جائے گی۔ ویسے اس کا اعلان تو گوگل نے گزشتہ سال ستمبر میں کیا تھا تاہم اب اس کا بیٹا ورژن سامنے آیا ہے جبکہ اس کا اصل ورژن کچھ عرصے میں متعارف کرایا جائے گا جو کہ دیگر ممالک میں بھی دستیاب ہوگا۔ یوٹیوب گو کی بدولت صارفین کو انٹرنیٹ نہ ہونے پر ویڈیوز محفوظ کرنے کی سہولت ملے گی جنھیں آف لائن دیکھا جاسکے گا، جبکہ کوالٹی اور فائل سائز کے آپشنز بھی دیئے جائیں گے تاکہ کم از کم ڈیٹا خرچ ہو۔ اس ایپ میں قریب موجود صارفین سے بغیر کسی ڈیٹا یا انٹرنیٹ استعمال کیے بغیر لوکل شیئرنگ کا فیچر بھی موجود ہے جو واقعی فائدہ مند ثابت ہوسکتا ہے۔ اس یوٹیوب گو بٹیا ورژن کے لیے انڈین صارفین کو سائن اپ کیا جارہا ہے اور اس کا کہنا ہے کہ ویسے تو اسے گزشتہ سال کے آخر تک متعارف کرانا تھا مگر ٹیسٹوں کی وجہ سے تاخیر ہوگئی۔
ایمز ٹی وی(اسپورٹس) مصباح الحق کو ریٹائرمنٹ کے بعد پی سی بی میں ڈائر یکٹر کرکٹ کا عہدہ دئیے جانے کا عندیہ دے دیا گیا ۔ میڈ یا رپورٹس کے مطابق چیئر مین پی سی بی شہر یار خان نے کہا ہے کہ مصبا ح الحق پڑھے لکھے کرکٹر ہیں ،پاکستان کی کرکٹ کو پڑھے لکھے لوگوں کی ضرورت ہے جو کرکٹ کی بھی سمجھ رکھتے ہوں ۔اسی لیے مصباح الحق کو ریٹا ئر منٹ کے بعد پی سی بی میں ڈائر یکٹر کرکٹ کا عہدہ دیے جانے کا امکان ہے ۔
ایمز ٹی وی(مانیٹرنگ ڈیسک) وہ دور یاد ہے جب موبائل فون میں ایک کیمرہ ہونا ہی جدید ترین ٹیکنالوجی سمجھا جاتا ہے، موجودہ عہد میں بیشتر اسمارٹ فونز میں ایک آگے اور ایک پیچھے یعنی دو کیمرے ہوتے ہیں جبکہ ڈوئل رئیر کیمروں والی ڈیوائسز کی تعداد بھی بڑھ رہی ہے اور اس طرح یہ تین کیمرے بن جاتے ہیں۔ مگر لگتا ہے یہ بھی ناکافی ہیں کم از کم معروف کمپنی الکا ٹیل کو تو یہی لگتا ہے کیونکہ اس نے دنیا کا پہلا اسمارٹ فون متعارف کرایا جس میں چار کیمرے ہیں، دو فرنٹ پر اور دو بیک پر۔ اس ڈیوائس کو فلیش کا نام دیا گیا ہے۔ فرنٹ اور بیک دونوں جگہ کیمروں میں ایک کلر اور ایک مونوکروم سنسر دیا گیا ہے جن میں ایف 2.0 آپرچر موجود ہے جبکہ ڈوئل فلیش بلبس بھی ہیں۔ بیک پر موجود دونوں کیمروں میں تیرہ میگا پکسل سنسرز ہیں جبکہ فرنٹ پر آٹھ اور پانچ میگا پکسل کیمرے دیئے گئے ہیں جنھیں کمپنی نے سپر سیلفی موڈ کا نام دیا ہے۔ کمپنی کے مطابق بیک کیمروں میں آپ ڈی ایس ایل آر کیمروں جیسی تصاویر لے سکتے ہیں جبکہ سیلفی کا معیار بھی دیگر موبائلز کے بیک کیمروں سے بہتر ہوگا۔ اور ہاں صرف کیمرے ہی اس فون کی خاص بات نہیں بلکہ یہ ڈیکا کور یا یوں کہہ لیں ٹین کور پراسیسر والا فون بھی ہے۔ یہ فون کمپنی نے خاص طور پر مشرق وسطیٰ کے لیے تیار کیا ہے اور وہاں بھی یہ اردن اور سعودی عرب کے رہائشی ہی خرید سکیں گے۔ اس فون میں 5.5 انچ ڈسپلے ہے، جبکہ 32 جی بی اسٹوریج، تھری جی بی ریم اور فنگر پرنٹ ریڈر دیا گیا ہے تاہم کمپنی نے اس کی قیمت واضح نہیں کی مگر اندازہ کیا جاسکتا ہے کہ کافی مہنگا ہوگا۔
ایمز ٹی وی ( تجارت) ملک میں بجلی کا شارٹ فال 4 ہزار 700 میگا واٹ ہوگیا،پیپکو ذرائع کا کہنا ہے کہ ملک میں بجلی کی طلب 16ہزار 8سو میگا واٹ اور پیداوار 12ہزار ایک سو میگا واٹ ہے۔
آج موسم بہتر ہونے کے باعث بجلی کی طلب میں کمی آئی ہے ۔
بڑے شہروں میں 4 اور دیہی علاقوں میں 6 گھنٹے کی لوڈشیڈنگ کا شیڈول ہے شہروں میں 6 سے 8 اور دیہات میں 10 گھنٹے لوڈ شیڈنگ کی جا رہی ہے۔