ایمزٹی وی(تعلیم/کراچی)خادم علی شاہ بخاری انسٹیٹیوٹ آف ٹیکنا لوجی میں چھ روزہ سکسیس میراتھن کا اختتام ہوگیا جس میں معروف ٹر ینرز نے شرکت کی اور اس پروگرام کے زریعے طلبہ و طالبات کو کیریئر کے حوالے سے ممکنہ امکانات سے آگاہ کیا ۔ اس چھ روزہ پروگرام میں وقار علی، سیدحسن آفتاب، ارسل فہیم ، عروج مظہرنے حماد، انصر شاہ اور مر یم چوہدری نے اپنے تجربات کی روشنی میں طلبہ کو مستقبل میں پیش آنے والے چیلنجز سے آگاہ کیا۔ پرو گرام کے آخری روز کیسبٹ کے بشر علی شاہ بخاری، ضاپیر بھائی اورجنید اقبال نے طلبہ سے گفتگو کی ۔ کیسبٹ کے ڈائریکٹرپرو فیسر رئیس علوی نے پینل کے شرکاء کی گفتگو کو طلبہ کے لئے مفید قرار دیتے ہوئے مارکیٹنگ ڈپارٹمنٹ کی کوششوں کی تعریف کی اور پینل کے شرکاء کو یادگاری شیلڈ پیش کیں۔
ایمز ٹی وی(اسپورٹس) پاکستان اور ویسٹ انڈیز کے درمیان ون ڈے سیریز کا آغاز 7 اپریل کوہوگا ، ٹی ٹوئنٹی کے چار مقابلوں میں گرین شرٹ نے 3-1سے کامیابی سمیٹی ہے۔ دوونوں ٹیموں کےدرمیان پچاس پچاس اوورز کے تین میچ کھیلے جائیں گے ،3برس بعد کامران اکمل ٹیم حصہ بن رہے ہیں جبکہ ٹی ٹوئٹنی کے دوران آرام کرنے والے محمد عامر کو بھی فائنل اسکواڈ میں شامل کیا گیا ہے۔ ون ڈے سیریزمیں جنوری تک کپتانی کرنے والے اظہر علی ون ڈے اسکواڈ کا حصہ نہیں ،ویسٹ انڈیز کے خلاف ٹیم پاکستان کی قیادت سرفراز احمد کریں گے ۔ ٹیم میں احمد شہزاد، کامران اکمل، محمد حفیظ، بابر اعظم، شعیب ملک، فخر زمان ،آصف ذاکر، عماد وسیم، شاداب خان، حسن علی، وہاب ریاض ، محمد عامر، فہیم اشرف، جنید خان اور محمد اصغر بھی سرفراز الیون کا حصہ ہوں گے ۔
ایمزٹی وی(تعلیم/ سکھر) تعلیمی بورڈ سکھر کے چیئرمین سید غلام مجتبیٰ شاہ نے کہا کہ بہت جلد کا پی کلچر کے وجود کو جڑ سے اکھاڑ پھینک دیں گے کا پی کلچر کینسر کی طرح ہے جو ہمارے نو جوانوں کو دیمک کی طرح چاٹ رہا ہے رواں سال کا پی کلچر کے خاتمے کیلئے پہلے سے بہتر اقدامات کئے گئے ہیں یہ بات انہوں نے پنوعا قل میں مہران ماڈل اسکول و کا لج سمیت دیگر امتحانی مراکز کا دو رہ کر تے ہوئے کہی .
ایمز ٹی وی(اسپورٹس) ویسٹ انڈیز کے خلاف تین ٹیسٹ میچوں کی تیاریوں کے لئے پاکستان کرکٹ ٹیم کا تربیتی کیمپ پیر سے لاہورمیں شروع ہورہا ہے ۔ کیمپ میں کھلاڑیوں کی کارکردگی کا جائزہ لینے کے بعد ٹیم کا اعلان کپتان مصباح الحق اور کوچ مکی آرتھر کی مشاورت سے کیا جائے گا۔ ڈومیسٹک کرکٹ کے ٹاپ پرفارمر فاسٹ بولر محمد عباس کی ویسٹ انڈیز کے خلاف ٹیسٹ سیریز میں شمولیت یقینی ہے۔ جبکہ کپتان مصباح الحق، اسٹار بیٹسمین یونس خان، اظہر علی، اوپنر سمیع اسلم ، شان مسعود، مڈل آرڈر بیٹسمین اسد شفیق ، عثمان صلاح الدین لیگ اسپنریاسر شاہ ، فاسٹ بولر راحت علی اور سہیل خان کی واپسی یقینی ہے۔ ویسٹ انڈیز کے خلاف قومی ٹیسٹ کرکٹ ٹیم کے انتخاب کے لیے سلیکشن کمیٹی کا اجلاس آج ہوگا۔ پی سی بی ذرائع کے مطابق ٹیم سلیکشن کمیٹی کا اجلاس تین روز جاری رہے گا۔ 4 اپریل کو ٹیم کو حتمی شکل دی جائے گی۔ ذرائع کے مطابق ٹیسٹ ٹیم میں شان مسعود، حسن علی اور عثمان صلاح الدین کو شامل کیے جانے کا قوی امکان ہے کیونکہ شرجیل خان معطل اور عمران خان جگہ برقرار نہیں رکھ سکیں گے جبکہ احمد شہزاد کے لیے بھی مسلسل فلاپ ہونے کی وجہ سے مشکلات سے دوچار ہیں۔ فاٹا سے تعلق رکھنے والے لیگ اسپنر محمد عرفان کو بھی کیمپ میں مدعو کیا گیا ہے۔سلیکٹرز ٹیسٹ ٹیم میں دولیگ اسپنرز یاسر شاہ اور شاداب خان کو شامل کرنے پر غور کررہے ہیں۔
