K2 - Results from #18732

تیز رفتار سپر سانک جیٹ تیار

بہاﺅالدین زکریا یونیورسٹی سے منشیات فروش گرفتار

ایکشن فلم 'ڈنکرک' کا ٹریلر جاری

ایمز ٹی وی (انٹرٹینمنٹ)ایکشن سے بھرپور فلموں کے دیوانوں کیلئے خوشخبری یہ ہے کہ دوسری جنگ عظیم کے گرد گھومتی تھرل سے بھرپور فلم ڈنکرک کی نئی جھلکیاں جاری کردی گئی ہیں۔

کرسٹوفر نولن کی ہدایتکاری میں بننے والی اس فلم کی کہانی دوسری جنگ عظیم کے گرد گھوم رہی ہے جہاں جرمن فوج بیلجیئم،برطانیہ اور فرانس کے فوجیوں کو گھیر لیتی ہے جس کے بعد انہیں ریسکیو کیا جاتا ہے۔

فلم میں اداکاری کے جوہر دکھانے والوں میں ٹام ہارڈی،ہیمڈریزا ہیمیڈین،کینیتھ براناگھ،مارک ریلانس،جیک لوڈین اور ہیری اسٹائلز سمیت دیگر فنکار شامل ہیں۔ ایما تھامس کی پروڈیوس کردہ یہ فلم وارنر برادرز کے بینر تلے 21جولائی کو سینما گھروں میں نمائش کیلئے پیش کی جائے گی۔

اربوں روپے کرپشن میں ملوث ڈاکٹر عاصم آزاد

بہاﺅالدین زکریا یونیورسٹی میں منشیات فروش گرفتار

ایمزٹی وی(تعلیم/ملتان)ملتان کی بہاؤ الدین زکریایونیورسٹی میں منشیات بیچنے والا شخص گرفتارکرلیا گیا جس سے چرس اورشراب برآمدہوئی،پولیس کے مطابق ہاسٹل میں مقیم طالبہ بھی منشیات سپلائی میں ملوث ہے۔

میڈیا رپورٹ کے مطابق یونیورسٹی میں سیکوریٹی گارڈ نے منشیات سپلائی کرنے والے ایک شخص کو پکڑ کرپولیس کے حوالے کیا،جس سے شراب اور چرس برآمد ہوئی ہے۔

بہاﺅالدین زکریا یونیورسٹی سے منشیات فروش گرفتار by aimstv_tv

پولیس اور سیکورٹی اہلکاروں کی تفتیش پر ملزم نے گرلز ہاسٹل میں مقیم ایک طالبہ کا نام لیا اور بتایا کہ منشیات سپلائی میں وہ بھی ملوث ہے۔پولیس نے طالبہ سے تفتیش شروع کردی ہے ٗ گرفتار شخص طلحہ اور طالبہ نے شیرازنامی شخص کا نام لیا ہے، جو ان سے منشیات سپلائی کراتا ہے۔

دوسری جانب یونیورسٹی ترجمان کا کہنا ہے کہ انتظامیہ بھی منشیات سپلائی کرنے والے گروہ کو کا پتہ لگانے میں مصروف ہے۔ پولیس ذرائع کے مطابق جلد از جلد زکریا یونیورسٹی میں منشیات فروخت کرنے والے طالبعلموں کو گرفتار کرلیا جائیگا۔

مفلوج شخص کی اپنی سوچ سے روبوٹ کنٹرول

ایمز ٹی وی(مانیٹرنگ ڈیسک) امریکی ریاست اوہایو میں دونوں ہاتھوں اور پیروں سے مفلوج شخص نے اپنی سوچ سے روبوٹ کنٹرول کر لیا ۔8 سال بعد پہلی بار اپنے ہاتھ سے کھانا کھایا ۔

کلیو لینڈ کا رہائشی بل، گزشتہ آٹھ سال سے مفلوج ہے۔ ۔سائیکل حادثے کی وجہ سے اس کی ریڑھ کی ہڈی پر چوٹ آئی اور وہ کندھوں سے نیچے کا دھڑ استعمال کرنے کے قابل نہ رہا۔

بل نے شاید سوچا نہ ہوگا کہ کبھی وہ اپنے ہاتھ سے کھانا بھی کھا سکے گا مگر سائنس کی ترقی نے ایسا کر دکھایا ہے۔

ماہرین اور ڈاکٹروں نے بل کے دماغ میں ننھی گولی جتنے دو سینسرز لگائے جو دماغ میں پیدا ہونے والی سوچ کی لہروں کو سمجھ سکتے ہیں ۔

ان سگنلز کو کمپیوٹر تک بھیجا گیا جس نے بل سے جڑے روبوٹ کو حرکت دی اور آٹھ سال میں پہلی بار اس نے خودابلے ہوئے آلو کھائے اور پانی پیا۔

ماہرین کا کہنا ہے کہ فی الحال یہ تجرباتی مرحلے پر ہے مگر اب ایسے مریضوں کے لیے اندھیرے میں امید کی کرن روشن ہوگئی ہے۔

جسٹن بیبر کی خطرناک اسٹنٹ پرفارمنس، مداح حیران

ایمز ٹی وی (انٹرٹینمنٹ)کم عمری میں ہی شہرت کی بلندیوں کو چھونے والے معروف کینیڈین سنگر جسٹن بیبر نے نیوزی لینڈ میں خطرناک اسٹنٹ پرفارم کر کے مداحوں کو حیرا ن کردیاہے۔

نوجوان گلوکار جسٹن بیبر نیوزی لینڈکے قدرتی حسن سے مالا مال علاقے ایروٹاؤن میں ایڈونچر کے شوق کی تکمیل کیلئے پہنچے اور پیروں سے رسی باندھ کر 360فٹ بلند پُل سے بلا خوف و خطر چھلانگ لگا دی۔ اس دوران جسٹن اپنے اسٹنٹ کی ویڈیو بھی ریکارڈ کرتے رہے

جبکہ اس موقع پر سیاحوں اور مقامی افراد کی بڑی تعداد بھی سنگر کی اس خطرناک مہم جوئی کو دیکھنے کیلئے پُل پر موجود تھی۔

ماہ صیام میں ان بیگوں کو افطاری کے استعمال کیا جا ئےگا

ایمز ٹی وی(مکہ مکرمہ) حرمین شریفین کے نگراں ادارے نے زائرین ومعتمرین کے سامان کی سہولت کے لیے ایک نیا اور ’سی تھرو‘ بیگ تیار کیا ہے۔ سی تھرو بیگ میں رکھی گئی اشیاء انہیں کھولے بغیر دیکھی جاسکیں گی۔عرب ٹی وی کے مطابق ٹرانسپیرنٹ بیگوں کی تیاری سے نہ صرف زائرین کو سہولت ہوگی بلکہ چیکنگ کرنے والا عملہ بھی کم وقت میں باہر ہی سے بیگوں کے اندر رکھی اشیاء کو بیگ کھولے بغیر چیک کرسکیں گے۔ ان بیگوں میں رکھی کافی، کھجور اور دیگر اشیاء باہر سے دیکھی جاسکیں گی۔ ماہ صیام میں ان بیگوں کو افطاری کا سامان لانے کے لیے بھی استعمال کیا جاسکے گا۔سی تھرو بیگوں کا افتتاح گذشتہ روز حرمین شریفین کے امور کے سربراہ الشیخ عبدالرحمان السدیس نے کیا۔ رمضان المبارک سے قبل زائرین یہ بیگ حاصل کرسکیں گے۔مسجد حرام کے ابواب(دروازوں) کے امور کے ڈائریکٹر محمد باتی کا کہنا تھا کہ سی تھرو بیگ مسجد حرام کے داخلی دروازوں کے باہر معتمرین اور زائرین کو فراہم کیے جائیں گے۔

نیلی روشنی پراسرار بیماری سے بچائو کا واحد طریقہ

ایمز ٹی وی(صحت) برطانیہ میں ایک چار سالہ بچہ ایک عجیب مرض کا شکار ہے اور اسے اپنی زندگی برقرار رکھنے کے لیے روزانہ 20 گھنٹے تک خاص نیلی روشنیوں میں رکھا جاتا ہے۔

اسماعیل علی نامی یہ بچی جس بیماری کا شکار ہے اسے ’’کریگلر نجر سنڈروم‘‘ کہا جاتا ہے جس سے اب تک صرف 100 متاثرہ مریض ہی رپورٹ ہوئے ہیں۔ اسماعیل کے خاص کمرے میں فوٹو تھراپی کی غرض سے مختلف شدت کے بلب لگائے گئے ہیں جو نیلی روشنی خارج کرکے جگر میں بننے والے زہریلے مرکبات کو زائل کرتے رہتے ہیں اور بچے کو زندہ رکھنے کا یہ واحد طریقہ ہے۔

کریگلر نجر سنڈروم جگر کا عارضہ ہے جس میں ایک خاص اینزائم (خامرہ) نہیں بن رہا، اس کا کام یہ ہوتا ہے کہ وہ استعمال شدہ اورناکارہ خون کے سرخ خلیات کو تلف کرتا ہے لیکن اسماعیل کے جگر میں یہ خلیات جمع ہوکر زہریلے ہوتے رہتے ہیں اور یہی وجہ ہے کہ اس کی آنکھوں کی پیلاہٹ جگر میں فاسد مواد کی نشاندہی کرتی ہے۔

اسماعیل کے والدین کہیں آنے جانے سے قاصر ہیں اور خود اسماعیل اس کمرے میں 2013 کے بعد اس وقت سے قید ہے جب اس کی عمر صرف چند ہفتے تھی۔

اسماعیل کا دوسرا علاج جگر کی منتقلی ہے لیکن بچے کی والدہ شازیہ چوہدری ڈرتی ہیں کہ جگر تبدیل کروانے میں ان کے لختِ جگر کی جان بھی جاسکتی ہے۔ پورا دن اسماعیل اپنے کمرے میں رہتا ہے اور اسے چند گھنٹوں کے لیے اس وقت باہر نکالا جاتا ہے جب جگر میں فاسد مواد کی سطح گرجاتی ہے۔ اسماعیل کا کمرہ برطانوی طبی محکمے این ایچ ایس کا مرہونِ منت ہے جسے ماہر انجینیئروں اور ڈاکٹروں نے ڈیزائن کیا ہے۔

موسم کی تبدیلی کے ساتھ فیشن میں بھی تبدیلی

ایمز ٹی وی (انٹرٹینمنٹ)موسم کی تبدیلی کے ساتھ ہی دنیا بھر میں فیشن کی رنگینیاں جاری ہیں۔ چائنافیشن ویک اور جنوبی افریقا میں جاری فیشن ویک میں ماڈلز فیشن کے نئے انداز کے ساتھ ریمپ پر جلوہ گر ہیں۔

چین کے دارالحکومت بیجنگ میں فیشن ویک سجاہے۔ریمپ پر ماڈلز نے 2017اور2018 کےموسم خزاں اور موسم سرما کے ملبوسات کی نمائش کی۔25 مارچ سے شروع ہونے والا ’چائنا فیشن ویک‘ 31 مارچ تک جاری رہے گا۔

جنوبی افریقا کے شہر کیپ ٹاؤن میں بھی فیشن کی رنگینیاں جوبن پر ہیں۔3روز جاری رہنے والےرنگا رنگ فیشن ویک میں دنیا بھر سے مشہورومعروف ڈیزائنرز نے شرکت کی۔