ایمز ٹی وی(کراچی) داعش نے سی پیک منصوبوں اور وہاں کام کرنے والے چینی ماہرین سمیت غیر ملکی باشندوں کو نشانہ بنانے کی منصوبہ بندی کرلی ہے۔ وفاقی حکومت نے صوبائی حکومت کو خبردار کرتے ہوئے بتایا ہے کہ کراچی اور دیگر مقامات پر سی پیک منصوبوں پر کام کرنے والے ماہرین باالخصوص چینی باشندوں انجینئرز کی داعش اور حمایتی گروپوں نے ٹارگٹ بنانے کی منصوبہ بندی کرلی ہے جس میں داعش(مبشر گروپ)ملوث ہے اور اسے بلوچستان میں بی ایل اے کی حمایت بھی حاصل ہے۔رپورٹ میں بتایا گیا کہ شام اور عراق سے داعش کے کئی لوگ واپس انڈونیشیا‘افغانستان اور پاکستان آرہے ہیں اور چین کے صوبے شی جیانگ میں بھی پہنچ رہے ہیں۔

ایمز ٹی وی(لاہور) امیر جماعت اسلامی سراج الحق نے کہا ہے کہ پاکستان ہمارے لئے مسجد کا درجہ رکھتا ہے اس کی جانب جو کوئی دیکھے گا تو اس کی آنکھیں چیر دیں گے۔ملک بھر کے 500پی ایچ ڈی ڈاکٹرز سے ملاقات کرکے انہیں پاکستان کا 50سالہ منصوبہ بنانے کا ٹارگٹ دوں گا، ڈاکٹرز کی جانب سے مختلف شعبوں میں بنائے گئے 50سالہ منصوبے کو نصاب تعلیم کا حصہ بناﺅں گا۔ حکمران پاکستانی پاسپورٹ کی تحقیر کا باعث بن رہے ہیں وہ وقت دور نہیں جب ساری دنیا میں سبز پاسپورٹ کی دنیا بھر میں توقیر ہوگی. گورنمنٹ اسلامیہ کالج سول لائنز کے سالانہ عشائیے سے خطاب کرتے ہوئے امیر جماعت اسلامی پاکستان کا کہنا تھا کہ پاکستان میجر عزیز بھٹی شہید، راشد منہاس شہد اور کرنل شیر خان شہید کی امانت ہے اگر ہم نے اس پاکستان کا تحفظ نہیں کیا تو ہم شہدا کے خون سے غداری کریں گے اور خدا بھی ہمیں معاف نہیں کریں گے۔پاکستان شہدا کی امانت ہے اس کا تحفظ سب پر فرض ہے ۔نوجوان رنگ ونسل سے بالاتر ہوگا پاکستان کی حفاظت کے لئے اپنا کردار ادا کریں۔ قومیت اور رنگ ونسل پر مبنی نعرے دفن کرکے پاکستان زندہ باد کا نعرہ لگانا ہوگا۔ سراج الحق کا مزید کہنا تھا کہ کرپٹ اشرافیہ ملک کے تحفظ میں ناکام ہوگئے، یہ ایسٹ انڈیا کمپنی کے غلام ابن غلام ہیں اور انہوں نے یہی غلامی پاکستانی قوم پر مسلط کردی ہے ۔ حکمران کرپشن کے ماسٹر ہیں۔ انہوں نے نئی نسل کو کرپشن کا تحفہ دیا۔ عام سیکرٹری کی قالینوں ، پانی کی ٹنکیوں اور فریجوں سے کروڑوں روپے مل رہے ہیں۔ یہ کرپشن کے کینسر میں مبتلا ہیں انہیں اس کرپشن سے نجات کے لئے بڑا آپریشن کرنا ہوگا۔ رد الفساد آپریشن کے باعث ملک میں امن و امان بہتر ہوا ہے۔ معاشی اور سیاسی دہشت گردوں کے خلاف آپریشن کے لئے پوری قوم تیار ہوجائے۔ اپنے دیہاتوں اور شہروں میں جاکر پاکستان کے ایمبسٹر بننا ہوگا اپنے ووٹ کے ذریعے ان دہشت گردوں کا بڑا آپریشن کریں۔ انہوں نے طلبہ سے کہا کہ لکھنا ، پڑھنا اور سیکھنا نبی مہربان ﷺ کا حکم ہے اس کی تعمیل ضروری ہے۔ملک بھر کے500پی ایچ ڈی ڈاکٹرز سے ملاقات کرکے ان سے 50سالہ منصوبہ بنوا کر قوم کے سامنے پیش کروں گا۔ اس پچاس سالہ منصوبے کو نصاب کا حصہ بنائیں گے تاکہ حکومتوں کے آنے جانے سے ملک کی ترقی میں رکاوٹ نہ آئے۔ میٹرک کے طالب علم کے سامنے بھی پاکستان کی ترقی کانقشہ ہوگا۔ شرجیل میمن کا چوہدری نثارکو مناظرے کا چیلنج، وزیر داخلہ کو جتنی تنخواہ ملتی ہے اتنی بات کریں: پی پی رہنما سراج الحق نے امید ظاہر کی کہ پاکستان کا معیار تعلیم اتنا بلند کریں گے کہ دنیا بھر کے طلبہ وطالبات پاکستان میں تعلیم حاصل کرنے کی خواہش ظاہر کریں اور ہم لاہور ائرپورٹ پر ان طلبہ کا استقبال کریں گے جو سعودی عرب، چین، بھارت اور دیگر ممالک سے پاکستانی جامعات میں داخلہ لینے کے لئے آئیں ۔ امیر جماعت اسلامی نے حکومت کی تعلیم اور صحت کی پالیسیوں کو کڑی تنقید کا نشانہ بناتے ہوئے کہا کہ حکومت 20کروڑ لوگوں کی تعلیم اور صحت پر سالانہ ایک سو گیارہ روپے خرچ کر رہی ہے۔ جبکہ ان کے کتے روزانہ 11ہزار کے بسکٹ کھا جاتے ہیں۔انہوں نے امید ظاہر کی کہ جب ان کی حکومت آئی تو وہ تعلیم و صحت پر توجہ دیں گے۔ وہ پانچ بیماریوں کا مفت علاج کرائیں گے جبکہ تعلیم پر توجہ دیتے ہوئے پرائمری تعلیم دینے والے اساتذہ کو سب سے زیادہ سہولیات دیں گے۔