ایمز ٹی وی(لاہور)سانحہ مال روڈ کے مزید 4 سہولت کاروں کو گرفتار کرلیا گیا ہے۔
لاہو رمیں مال روڈ چیئرنگ کراس پر خودکش دھماکے میں ملوث ہونے والے ایک سہولت کار انوارالحق کے بعد مزید 4 سہولت کاروںکوسرکلر روڈ سے گرفتار کرلیا گیا ہے۔
سی ٹی ڈی کے مطابق مال روڈ پر ہونے والے دھماکے کے گرفتار سہولت کار انوارلحق کی نشاندہی پر دہشتگردوں عرفان خان،عطاءالرحمن،عبداللہ اور امام شاہ کو گرفتار کیا گیا ہے جن کا تعلق مہمند ایجنسی سے ہے۔سی ٹی ڈی کے مطابق ،دہشت گردوں سے خود کش جیکٹس میں استعمال ہونے والا بارودی مواد اور ڈیٹونیٹرز برآمد کرکے انہیں تفتیش کیلئے نامعلوم مقام پر منتقل کردیا گیا ہے۔
ایمز ٹی وی(دبئی) سابق گورنر سندھ ڈاکٹر عشرت العباد نے کہا ہے کہ سابق صدر آصف زرداری نے اپنی پارٹی میں شمولیت کی دعوت دی تھی جس پر میں نے معذرت کرلی۔
سابق گورنر عشرت العباد نے کہا کہ ایم کیو ایم کی بدنامی کی وجہ بھتہ خوری،ٹارگٹ کلنگ اور لینڈ مافیا تھی اور اب وہی دہشتگرد پاک سرزمین پارٹی پر مسلط ہوگئے ہیں۔
عشرت العباد کا مزید کہنا تھا کہ سندھ میں اپوزیشن کا جو خلاءہے وہ بہت بڑا المیہ ہے اراکین اسمبلی ڈاکٹر فاروق ستار کی بجائے لندن کی طرف دیکھ رہے ہیںاور انتخابات وہی جیتے گا جس کو ایم کیو ایم لندن کی حمایت حاصل ہوگی۔
ایمز ٹی وی(لاہور) پنجاب حکومت نے خانہ شماری کے پہلے روز ڈیوٹی میں دلچسپی ظاہر نہ کرنے پر 17 یونین کونسل سیکرٹریز کو معطل کر دیا ہے۔ پنجاب لوکل گورنمنٹ اور کمیونٹی ڈیویلپمنٹ نے غیر حاضری اور ڈیوٹی جلد ختم کرنے پر مزید 3 سیکرٹریز کو شوکاز نوٹس بھی جاری کئے ہیں۔
حکومت نے یو سی 102 کے سیکرٹری طاہر تنویر، یو سی 107 کے سیکرٹری محمود بٹ، یو سی 113 کے سیکرٹری محمد رفیق اور محمد یاسر، یو سی 124 کے سیکرٹریز شہباز بٹ اور محمد قاسم عظیم، یو سی 185 کے سیکرٹری مشتاق رضا بھٹی، یو سی 109 کے سیکرٹری شہباز عزیز، یو سی 106 کے سیکرٹری محمد عباس، یو سی 240 کے سیکرٹریز محمد قاسم شاہ اور محمد عدیل، یو سی 68 کے سیکرٹری مہر محمد افضل، یو سی 3 کے سیکرٹری سکندر حیات، یو سی 269 کے سیکرٹریز محمد منشاءاور محمد ارشد، یو سی 140 کے سیکرٹری طارق محمود اور یو سی 58 کے سیکرٹری قمر جاوید کو معطل کیا ہے۔
دوسری جانب یو سی 114 کے سیکرٹریز اصغر علی اور عابد علی اور یو سی 226 کے سیکرٹری نواز کو شوکاز نوٹس بھی جاری کئے گئے ہیں اور مردم شماری سے متعلق سرگرمیوں پر نظررکھنے کیلئے لاہور میں 2 کنٹرول روم بھی قائم کر دئیے گئے ہیں
ایمزٹی وی(صحت)ویسے تو چائے پینے کے لیے کسی جواز کی ضرورت نہیں تاہم اگر آپ اسے پسند نہیں کرتے تو جان لیں کہ یہ گرم مشروب دماغی صحت کے لیے فائدہ مند ہے۔
یہ دعویٰ سنگاپور میں ہونے والی ایک طبی تحقیق میں سامنے آیا۔
نیشنل یونیورسٹی آف سنگاپور کی تحقیق میں بتایا گیا کہ روزانہ کم از کم ایک کپ چائے پینا دماغی تنزلی یا یوں کہہ لیں دماغی مرض ڈیمینشیا کا خطرہ نمایاں حد تک کم کرتا ہے۔
اس تحقیق کے دوران 55 سال سے زائد عمر کے 957 افراد کی چائے نوشی کی عادت کا جائزہ بارہ سال تک لیا گیا۔
تحقیق کے دوران ہر دو برس بعد رضاکاروں کے دماغی افعال کا جائزہ لیا جاتا ہے جبکہ محققین نے ان کے طرز زندگی، طبی عوارض اور جسمانی سرگرمیوں کی معلومات بھی اکھٹی کی۔
تحقیق میں بتایا گیا کہ دنیا بھر میں مقبول اس مشروب کا روزانہ استعمال عمر بڑھنے کے ساتھ دماغ کو لاحق ہونے والے اس مرض کا خطرہ 50 فیصد تک کم کردیتا ہے۔
تحقیق کے مطابق سبز یا ہو سیاہ چائے اس سے کوئی فرق نہیں پڑتا، یہ دونوں ہی دماغ پر یکساں انداز سے مثبت اثرات مرتب کرتی ہیں۔
اینٹی آکسائیڈنٹس سے بھرپور چائے ورم کش ہوتی ہے جو کہ دماغ کی رگوں کو پہنچنے والے نقصان اور دماغی تنزلی سے تحفظ دیتی ہے۔
محققین کا کہنا تھا کہ تحقیق کے نتائج سے یہ معلوم ہوتا ہے کہ یہ عام اور ہر جگہ آسانی سے دستیاب مشروب ڈیمینیشا اور پارکنسن امراض سے درمیانی عمر میں بچانے میں مددگار ثابت ہوتا ہے۔
انہوں نے کہا کہ موجودہ عہد کی ترقی کے باوجود دماغی امراض جیسے ڈیمینشیا تاحال چیلنج سے کم نہیں اور اس کی روک تھام کی موجودہ حکمت عملیاں اطمینان بخش نہیں۔
تاہم محقین کا کہنا تھا کہ اس حوالے سے مزید تحقیق کی ضرورت ہے تاکہ واضح جوابات سامنے آسکیں۔
یہ تحقیق طبی جریدے دی جرنل آف نیوٹریشن، ہیلتھ اینڈ ایجنگ میں شائع ہوئی۔
ایمز ٹی وی(مانیٹرنگ ڈیسک) کئی برس کے تجربات کے بعد آخرکار سام سنگ کی جانب سے فولڈ ہوجانے والے اسمارٹ فون بہت جلد حقیقت بن کر سامنے آنے والے ہیں، جنھیں رواں سال متعارف کرا دیا جائے گا۔
رپورٹ کے مطابق رواں سال کے آخر تک اس فون کو تیار کرکے پیش کردیا جائے گا۔
تاہم پہلے اس ڈیوائس کا پروٹوٹائپ ماڈل تیار کیا جائے گا جنھیں یہ کمپنی اپنے شراکت داروں کو دے گی اور صارفین میں اس کی ڈیمانڈ کا جائزہ لے گی۔
ابتداء میں اس کے چند ہزار ماڈلز تیار کیے جائیں گے جبکہ عوامی طور پر فروخت کے لیے اسے 2018 میں متعارف کرائے جانے کا امکان ہے۔
اس سے قبل ایک اور رپورٹ میں یہ عندیہ دیا گیا تھا کہ سام سنگ کا یہ سب سے منفرد فون رواں سال کی تیسری سہ ماہی کے دوران متعارف کرایا جائے گا۔
سام سنگ نے اس ڈیوائس کا ابتدائی پروٹوٹائپ فروری میں ہونے والی موبائل ورلڈ کانگریس کے دوران بڑی موبائل نیٹ ورکس کمپنیوں کو دکھایا تھا جسے پراجیکٹ ویلی اور گلیکسی ایکس کا نام دیا گیا ہے۔
ابھی تک یہ واضح نہیں کہ فون دیکھنے میں کیسا ہوگا یا اس کا فولڈ کیسے کام کرے گا مگر یہ کوئی راز نہیں کہ سام سنگ فولڈ ایبل اسکرین ٹیکنالوجی پر برسوں سے کام کررہی ہے۔
سام سنگ نے گزشتہ سال نومبر میں ایک فون کا پیٹنٹ بھی فائل کیا تھا جس کی اسکرین فولڈ ہوسکتی ہے اور اسے صارفین کسی ونڈو بلائنڈ کی طرح کھول سکتے ہیں۔
ایمز ٹی وی ( تجارت ) کلکٹر کسٹمز (اپریزمنٹ) جمیل ناصر نے کہا ہے کہ کاروباری برادری کے مسائل جلد اور میرٹ پر حل کیے جائیں گے۔
تجارتی اشیاء کی جلد سے جلد کلیئرنس ان کی ترجیحات میں شامل ہے کیونکہ تاخیر سے کاروباری لاگت میں اضافہ ہوتا ہے۔
انہوں نے ان خیالات کا اظہار لاہورچیمبر کے نائب صدر محمد ناصر حمید خان سے لاہور چیمبر میں ملاقات کے موقع پر کیا۔
عزیز الرحمن چن، چودھری خادم حسین، ذیشان خلیل اور ناظم حسین شاہ بھی اس موقع پر موجود تھے۔
کلکٹر کسٹمز نے کہا کہ میں ایک دوسرے پر اعتماد کرنا ہوگا جس سے معاملات بہتر ہونگے، ڈیکلریشن سسٹم بہتر ہونے سے انڈرانوائسنگ کے خاتمے میں مدد ملے گی۔
انہوں نے کہا کہ تاجروں کے بہت سے مسائل کی وجہ معلومات کا فقدان بھی ہے جسے دور کرنے کے لیے محکمہ آفیسران کا تقر رکرنے کو تیار ہے جو تاجروں کو آگہی دیں گے۔
چیمبر کے نائب صدر ناصر حمید خان نے کہا کہ ایف بی آر کی پالیسیوں کا مقصد موجودہ ٹیکس دہندگان پر مزید بوجھ لادنا نہیں بلکہ ٹیکس نیٹ کو وسعت دینا ہونا چاہیے۔
انہوں نے کہا کہ کسٹمز ڈیپارٹمنٹ رپورٹس پر سکینرز نصب کرے کیونکہ غیرضروری تاخیر کی وجہ سے امپورٹرز کو ڈیمرج چارجز برداشت کرنا پڑتے ہیں۔
انہوں نے کہا کہ اس وقت نیشنل بینک کی مخصوص برانچز ہی کسٹمز ڈیوٹی وصول کرتی ہیں، یہ اجازت تمام برانچز کو دی جائے۔
انہوں نے کہا کہ وی بوک سسٹم اگرچہ بہتر قدم ہے لیکن اگر انٹری میں کوئی غلطی ہوجائے تو اسے درست کرنے کا اختیار بہت محدود ہے لہٰذا اس مسئلے پر توجہ دی جائے۔
ناصر حمید خان نے کہا کہ تجارتی بینک ایران کے لیے آئی فارم جاری نہیں کررہے کیونکہ ایران کے ساتھ بینکاری کے معاملات ابھی طے نہیں ہوسکے، ایف بی آر یہ مسئلہ حل کرنے کے لیے متعلقہ حکام سے بات کرے۔
انہوں نے کہا کہ تجارتی اشیاء مکمل چھان بین کے بعد ملک میں داخل ہوتی ہیں لہذا درآمد کنندگان کو پوسٹ آڈٹ ریکوری نوٹسز کے اجراء سے گریز کیا جائے۔ مزید برآں سمگلنگ کی حوصلہ شکنی کے لیے سمگلنگ کے لیے کشش رکھنے والی اشیاء پر کسٹمز ڈیوٹی کم کی جائے۔
ایمز ٹی وی(لاہور) پنجاب حکومت نے خانہ و مردم شماری کی سرگرمیوں کا جائزہ لینے کیلئے کنٹرول سنٹر قائم کر دیا ہے جبکہ عوامی شکایات کے اندراج کیلئے رابطہ نمبر بھی جاری کر دئیے ہیں۔
خانہ و مردم شماری کی سرگرمیوں پر 24 گھنٹے نظر رکھنے کیلئے لاہور میں کنٹرول روم قائم کر دئیے گئے ہیں۔ مردم شماری کمشنر پنجاب عارف انور بلوچ نے کا کہنا ہے کہ لوگ 042-99263182, 99263175 اور 042-99263173 پر رابطہ کر کے کسی بھی قسم کی شکایت درج کرا سکتے ہیں۔
شہری اس کے علاوہ لوکل گورنمنٹ ڈیپارٹمنٹ کے کنٹرول روم کے نمبر 99213380 اور 0301-8543959 پر رابطہ کر کے بھی شکایات کا اندراج کروا سکتے ہیں۔ وزیراعلیٰ پنجاب شہباز شریف نے تمام ضلعوں کے کمشنر اور ڈپٹی کمشنرز کو مردم شماری میں شفافیت اور صداقت کو یقینی بنانے کی ہدایت کی ہے۔ ذرائع کے مطابق حکومت نے 8 ڈویژنز میں بھی کنٹرول روم قائم کر دئیے ہیں۔
ایمز ٹی (ساہیوال) امریکی سفارت کار رنڈل ٹورنس (Randall Torrance) نے ہائی سکیورٹی جیل ساہیوال میں 5امریکی شہری قیدیوں سے ملاقات کی اور ان کی قانونی امداد کے سلسلہ میں 5گھنٹے تک صلاح مشورہ کیا۔
امریکی سفارت کار کی ملاقات ہائی کورٹ کے حکم پر ہوئی۔ ان پانچ امریکی شہریوں کو تھانہ کینٹ سرگودھا کی پولیس نے 2009ءمیں گرفتار کیا تھا اور ان کے خلاف پاکستان کے خلاف سازش اور دہشت گردی کے الزامات تھے جس پر سپیشل جج انسداد دہشت گردی کورٹ سرگودھا میاں محمد انور نے دس، دس سال قید سخت اور ستر ، ستر ہزار روپے جرمانہ کی سزا سنائی تھی ان 5 امریکی شہریوں میں وقار حسین ، احمد عبداللہ، رمی زمان ، امان حسن اور عمر فاروق شامل ہیں ۔ وقار حسین، احمد عبداللہ، رمی زمان، اور امان حسن کالعدم تحریک طالبان اور عمر فاروق القاعدہ کے اہم سرگرم کارکنان تھے اور تخریبی کارروائی میں پکڑے گئے تھے۔ امریکی سفارت کار نے ان قیدیوں کی ہائی کورٹ میں سزا کے خلاف اپیل کے سلسلہ میں قانونی امداد کے لیے بھی مشورہ کیا۔