ایمز ٹی وی(نئی دہلی) بھارتی فوج میں افسران کے ناروا رویے کی وجہ سے جوانوں میں بد دلی بہت تیزی سے پھیل رہی ہے،بھارتی جوان تیج بہادر کا پیغام دیگر جوانوں کے لیے بارش کے پہلے قطرے کی طرح ثابت ہوا اس کے بعد یہ سلسلہ اتنا بڑھا کہ ابھی تک وقتاً فوقتاً جوانوں کے پیغامات سامنے آرہے ہیں جن میں وہ بھارتی فوج میں کرپشن ،افسران کے ناروا سلوک اور بھارتی فوج کی جانب سے برے سلوک پر گلے شکوے کرتے رہتے ہیں ۔اب ایک اور ویڈیو نے سوشل میڈ یا پرتہلکہ مچا دیا ہے جس میں بھارتی فوجی کا کہنا ہے کہ جوانوں کو کھانا بھی زندہ رہنے کے لیے دیا جاتا ہے جس میں سب سے سستی سبزی اور سب سے سستا فروٹ ہوتا ہے ۔اس نے بتا یا کہ بھارتی سینا کے کچھ افسران نے اپنے جوانوں کو غلام بنا کر ر کھا ہوا ہے ،جوانوں کو سب کچھ مجبوری میں کرنا پڑتا ہے اور جو منہ کھولتا ہے وہ مارا جاتا ہے ۔اس نے کہا کہ ہمیں دکھ ہوتا ہے کہ دشمنوں کے بجائے ہمیں اندر ہی اندر آپس میں لڑنا پڑتا ہے ۔ بھارتی فوج کے میجر نے واٹس ایپ کے گروپ میں شرمناک ترین ویڈیو شیئر کر دی، پھر اس فوجی افسر کا ممبران نے کیا حشر کیا؟ بھارتی فوج کی ذہنیت پر ہنگامہ برپا ہو گیا واضح رہے کہ اس سلسلے کا آغاز رواں سال ہوا، جب بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا۔بعد ازاں سوشل میڈیا پر ویڈیو پیغام میں اپنی فوج کا بھانڈا پھوڑنے والا بھارتی فوجی لاپتہ ہوگیا۔جس کے بعد بھارتی آرمی چیف جنرل بپن نے اپنے جوانوں کو سوشل میڈیا کا استعمال کرنے سے روک دیا تھا۔ انہوں نے کہا تھا کہ جس کو کوئی شکایت ہے وہ سوشل میڈیا کے بجائے براہ راست بات کریں۔یہی نہیںاس کے بعد بھارتی فوجیوں نے آرمی چیف بپن راوت کی سوشل میڈیا استعمال نہ کرنے کے حکم پر احتجاج کا نیا طریقہ ڈھونڈ لیا، سکھ فوجیوں کے گروپ نے گانے کی صورت میں شکایت کی ویڈیو سوشل میڈیا پرڈال دی۔ابھی حال ہی میں ایک بھارتی فوج کے افسرکی بدسلوکی کا نشانہ بننے والے اہلکارنے خودکشی کرلی تھی، اہلکارنے ویڈیو کے ذریعے سینئرافسرکی بدسلوکی کی شکایت کی تھی۔
ایمز ٹی وی(لاہور) ضلع کچہری کے جوڈیشل مجسٹریٹ نے بطور گواہ پیش نہ ہونے پر میاں منشی ہسپتال کے چیف میڈیکل آفیسر،شاہدرہ پولیس کے 3 پولیس افسروں اور دو گواہوں کے ناقابل ضمانت وارنٹ گرفتاری جاری کر دیئے ہیں۔ جوڈیشل مجسٹریٹ مجتبیٰ الحسن کے روبرو سرکار بنام شہزاد غضنفر کے روبرو چوری کے مقدمہ کی سماعت شروع ہوئی تو ملزم کے وکیل نے موقف اختیار کیا کہ ملزم ہر پیشی پر حاضر ہو رہا ہے لیکن مدعی مقدمہ اور پراسکیوشن کے گواہان بالکل بھی پیش نہیں ہو رہے ، انہوں نے دلائل دیئے کہ ملزم کے خلاف بے بنیاد مقدمہ درج کیا گیا لہٰذا ملزم کو بری کیا جائے، عدالت نے طلبی اور قابل وارنٹ گرفتاری کے باوجود پیش نہ ہونے پر میاں منشی ہسپتال کے چیف میڈیکل آفسیر ڈاکٹر محمود ثقلین ، تھانہ شاہدرہ کے انچارج انویسٹی گیشن ذوالفقار احمد ، سب انسپکٹرز عاشق علی اور عبدالرشید اور مقدمہ کے گواہان اویس طیب اور شہباز اختر کے ناقابل ضمانت وارنٹ گرفتاری جاری کرتے ہوئے ایس ایچ او شاہدرہ کو حکم دیا ہے کہ تمام سرکاری گواہوں کو 12 اپریل کو گرفتار کر کے عدالت میں پیش کیاجائے۔
ایمز ٹی وی(انٹرٹینمنٹ) بالی ووڈ کے ہیرو رنبیر کپور سنجے دت کی زندگی پر بننے والی فلم کے لیے 7 روز جیل میں گزاریں گے۔بالی ووڈ سٹار رنبیر کپور سنجے دت کی زندگی پر بننے والی فلم میں مرکزی کردارادا کررہے ہیں اور فلم کی شوٹنگ کے لیے بھارتی شہر بھوپال پہنچے ہیں جہاں وہ 7 روز جیل میں گزاریں گے۔ فلم میں سنجے دت کے جیل میں قید کے ایام کو بھی فلمانے کا فیصلہ کیا گیا ہے اور اس کے لیے بھوپال کی پرانی جیل کا انتخاب کیا گیا ہے ، جیل کے مرکزی دروازے پر فلم کا سیٹ لگا کر اسے ممبئی کی ”آرتھر روڈ جیل“ اور پونے کی ”یارواڈا“ جیل میں تبدیل کردیا گیا ہے۔ دوسری جانب رنبیر کپور بھی سنجے دت کے جیل جانے والے ایام کے روپ میں خود کو ڈھال چکے ہیں اور وزن میں اضافے کے ساتھ ساتھ اپنے بال بھی بڑھانے میں مصروف ہیں جب کہ بھوپال میں ہونے والی شوٹنگ میں انوشکا شرما اور پاریش راول بھی حصہ لیں گے۔واضح رہے کہ معروف ہدایتکار راج کمار ہیرانی اپنے قریبی دوست سنجے دت کی زندگی پر فلم بنارہے ہیں۔
یمز ٹی وی(اسپورٹس) وہ آیا، اس نے دیکھا اور فتح کرلیا، یہ محاورہ تو معلوم نہیں کس کے لیے بنایا گیا تھا مگر بل گولڈ برگ نے ڈبلیو ڈبلیو ای میں واپسی کے بعد اسے درست ثابت کردیا ہے۔ گولڈ برگ ریسل مینیا 20 (2004) کے بارہ سال بعد گزشتہ سال نومبر میں سروائیور سیریز میں واپس آئے تھے اور بروک لیسنر جیسے ریسلر کو ڈیڑھ منٹ سے بھی کم وقت میں شکست دے کر سب کو شاک کردیا تھا۔ اور اب انہوں نے ایسا دوبارہ کیا اور کیون اوئنز کو ڈبلیو ڈبلیو ای ایونٹ فاسٹ لین میں محض 22 سیکنڈ میں شکست دے کر یونیورسل چیمپئن شپ اپنے نام کرلی۔ اس میچ میں بل گولڈ برگ کی شرکت پر لوگوں کے ذہنوں میں بروک لیسنر کی 84 سیکنڈ میں شکست کا تصور تو یاد تھا مگر کسی کو خیال بھی نہیں تھا کہ وہ صرف 22 سیکنڈ کے اندر کیون اوئنز کو شکست دے دیں گے۔ کیون اوئنز گزشتہ سال اگست سے اس چیمپئن شپ کو سنبھالے ہوئے تھے، جبکہ گزشتہ ماہ انہوں نے ڈبلیو ڈبلیو ای میں اپنے بہترین دوست کرس جیریکو پر حملہ بھی کیا تھا۔ فاسٹ لین میں میچ کے آغاز پر کرس جیریکو کا میوزک بجا اور کیون اوئنز کی توجہ اس جانب گئی جس کا فائدہ گولڈ برگ نے اٹھا کر پہلے اسپیئر (کندھے سے زوردار ٹکر) اور پھر جیک ہیمر کا استعمال کرکے چیمپئن شپ چند سیکنڈوں میں اپنے نام کرلی، جس کی ویڈیو آپ نیچے دیکھ سکتے ہیں۔ یعنی انہوں نے یہ میچ اس سے بھی کم وقت میں جیت لیا جتنا آپ کو یہ خبر پڑھنے میں لگ سکتا ہے۔ اس سے پہلے آخری بار انہوں نے چودہ سال پہلے 2003 میں ڈبلیو ڈبلیو ای ٹائٹل اپنے نام کیا تھا اور اب پچاس سال کی عمر میں یہ تو واضح ہے کہ گولڈ برگ لمبے میچوں کا حصہ بننے کی صلاحیت نہیں رکھتے۔ لہذا اب یہ دیکھنا دلچسپی سے خالی نہیں ہوگا کہ ریسل مینیا 33 میں بروک لیسنر سے ان کا میچ کس طرح ہوگا۔
صوبائی سیکریٹری اسکول ایجوکیشن جمال مصطفیٰ سید نے کہاہے کہ محکمہ اسکول ایجوکیشن میں 26 ہزاراسکول اساتذہ کی اسامیاں خالی ہیں۔ ہر سال دو سے ڈھائی ہزار اساتذہ ریٹائر ہورہے ہیں جس کی وجہ سے اسکولوں میں اساتذہ کی کمی کا سامنا ہے ہم نے اساتذہ کی کمی کو دور کرنے کے لیے مرحلہ وار بھرتی کا فیصلہ کیا ہے۔ سیکریٹری اسکول ایجوکیشن نے کہاکہ پہلے مرحلے میں 6 ہزار اساتذہ بھرتی کرنے جارہے ہیں جس کے لیے اشتہار آئندہ ماہ جاری کردیا جائے گا پہلی مرتبہ 6 ہزار اساتذہ نئے کیڈر جے ای ایس ٹی (جونیئر ایلیمنٹری اسکول ٹیچر) کے طور پر بھرتی کئے جائیں گے مگر یہ بھرتیاں صرف بنداسکولوں کے لیے ہوں گی ان جے ای ایس ٹی کو بند اسکولوں میں پوسٹ کیا جائے گااور یہ بھرتیاں اسکول کی سطح پر ہوں گی 5 سال تک اس کی تقرری اسی اسکول میں ہی ہوگی اور تبادلے کی صورت میں اس کی ملازمت ختم کردی جائے گی۔ انہوں نے کہاکہ جے ای ایس ٹی کی بھرتیاں مکمل میرٹ پراور ٹیسٹ کی بنیاد پر ہوں گی یہ ٹیسٹ غیرجانبدار ادارہ لے گا جس کے لئے ٹینڈر طلب کئے جائیں گے۔سکریٹری تعلیم نے اعتراف کیا کہ سرکاری سطح پر اسکولوں کا معیار تعلیم تباہ ہوچکا ہے جسے بہتر کرنے کے لئے میرٹ پر اساتذہ کی بھرتیاں ناگزیر ہیں
ایمز ٹی وی(انٹرٹینمنٹ) وہ نہیں چاہتے کہ ان کی بیٹی کبھی ببالی ووڈ اداکار سنجے دت کا کہنا ہے کہ ان کی طرح ان کی بیٹی تریشالا بھی اداکارہ بننا چاہتی تھی لیکن وہ ہمیشہ سے چاہتے تھے کہ تریشالا فرانزک سائنس میں اپنے کیریئر کو آگے بڑھائے۔ میڈیا رپورٹ کے مطابق سنجے دت کا کہنا تھا کہ انہوں نے اپنی بیٹی کے کیریئر پر بہت وقت اور محنت صرف کی اورھی بالی ووڈ کا حصہ بنے۔ سنجے دت کا مزید کہنا تھا کہ 'اداکار بننا کچھ آسان کام نہیں اور تریشالا کے لیے بالی ووڈمیں شامل ہونا اور زیادہ مشکل ہوجائے گا کیوں کہ اسے اپنی ہندی پر بہت محنت کرنی ہوگی، اداکار ہونا آسان نہیں یہ صرف آسان نظر آتا ہے'۔ خیال رہے کہ سنجے دت اپنی رہائی کے بعد ہدایت کار اومنگ کمار کی فلم 'بھومی' کے ساتھ واپسی اختیار کررہے ہیں، ڈرامائی کہانی پر مبنی اس فلم میں والد اور بیٹی کے رشتے کو پیش کیا جائے گا، جس میں ادیتی روئے حیدری، سنجے دت کی بیٹی بنیں گی۔ جب سنجے دت سے سوال کیا گیا کہ کیا ان کی بیٹی تریشالا، ادیتی راؤ کے کردار سے ملتی ہیں، تو انہوں نے کہا 'ہاں بہت کچھ ایک جیسا ہے، لیکن فرق یہ ہے کہ تریشالا اداکارہ بننا چاہتی تھی اور میں اس کی ٹانگیں توڑنا چاہتا تھا، جو میں اس فلم میں نہیں کررہا'۔ اپنے بچوں سے اپنے رشتے کے حوالے سے بات کرتے ہوئے اداکار سنجے دت نے کہا کہ 'میرا میرے بچوں کے ساتھ ایک خوبصورت رشتہ ہے، جیسے میرے والد میرے ساتھ تھے، ویسا ہی میں اپنے بچوں کے ساتھ ہوں'۔ خیال رہے کہ سنجے دت کی زندگی پر بھی فلم بنائی جارہی ہے، جس میں رنبیر کپور سنجے دت کا مرکزی کردار ادا کرتے نظر آئیں گے۔
ایمزٹی وی(تعلیم)اقرا ء یو نیورسٹی میں وائس چانسلر ڈاکٹر وسیم قاضی کی زیر صدارات بورڈ آف ایڈوانس اسٹیڈیز اینڈ ریسرچ کے 36ویں اجلاس ہوا۔ اجلاس میں راحت بھٹی کو ایجوکیشن اینڈ پلاننگ سائنسز میں پی ایچ ڈی کی سند تفویض کرنے کی منظوری دیدی گئی۔ انھوں نے اپنی تحقیق ڈاکٹر حنا حسین کاظمی کی زیرنگرانی کی
ایمز ٹی وی(اسپورٹس) و کٹ کیپر کامران اکمل نے کہاہے میرا سرفراز کے ساتھ کوئی مقابلہ نہیں ہے ،مجھے بیٹنگ کی بنیاد پر پرکھا جائے۔ تفصیلات کے مطابق قومی کرکٹ ٹیم کے وکٹ کیپر کامران اکمل کا کہنا تھا کہ میں تینوں فارمیٹ میں بطور بیٹس مین کھیلنا چاہتا ہوں،مجھے کھیلنے کا موقع دیا جائے تو میں بہترین کارکردگی دکھاوں گا۔ان کا کہنا تھا کہ پی ایس ایل میچ کھیلنے سے میرے حوصلے میں مزید اضافہ ہوا ہے ،میں ٹیم میں بھی اچھی پرفارمنس دوں گا۔
