ایمز ٹی وی (تعلیم /اسلام آباد) قائداعظم یونیورسٹی میں اتوار کو طلبہ کے دو گروپوں میں تصادم کے نتیجہ میں چار طالب علم زخمی ہوگئے ،زخمیوں میں نائب خان ،فرہاد، مرزا خان اور وسیم اللہ شامل ہیں ،زخمی ہونےوالے طلبہ کا تعلق قائدین سٹوڈنٹس سے بتایا جاتا ہے پولیس کو ابھی تک مقدمے کے اندراج کےلئے کوئی باقاعدہ درخواست نہیں ہے تاہم جھگڑے میں ملوث دوسرے طرف سے فیض ربانی اور انور شاہد کے نام لئے جارہے ہیں جن کا تعلق اسلامی جمعیت طلبہ سے بتایا جاتا ہے۔

ایمز ٹی وی(مانیٹرنگ ڈیسک) شاید آپ کو اس اچھی خبر پر یقین نہ آئے مگر یہ واقعی حقیقت ہے کہ اب ڈاکووں کی موبائل فون چھیننے میں دلچسپی تیزی سے کم ہورہی ہے اور وہ وقت قریب ہے کہ جب کوئی بھی آپ سے موبائل فون نہیں چھینے گا۔ اس انقلاب کی وجہ ”کل سوئچ“ ہے جو جدید اسمارٹ فونز میں موجود ایک ایسا سافٹ ویئر ہے جسے فون چوری ہونے یا چھینے جانے کی صورت میں ریموٹ طریقے سے ایکٹیویٹ کیا جاسکتا ہے اور یہ فون کو مکمل طور پر ناکارہ بنا دیتا ہے۔ 

اس کے ایکٹیو ہونے کے بعد فون کی کسی بھی صورت میں دوبارہ پروگرامنگ نہیں کی جا سکتی۔ اس سافٹ ویئر کا استعمال پہلی دفعہ 2013ءمیں آئی فون میں کیا گیا اور اپریل 2014ئ میں سام سنگ نے بھی اسے اپنے گلیکسی سمارٹ فون کا حصہ بنا دیا۔ ایک حالیہ سروے کے مطابق اس سافٹ ویئر کے استعمال کے بعد سان فرانسسکو میں موبائل چھیننے کی وارداتوں میں 27 فیصد جبکہ خصوصاً آئی فون چھیننے کے واقعات میں 40 فیصد کمی ہوئی ہے۔

نیویارک میں ایک سال کے دوران موبائل فون چھیننے کی وارداتوں میں 25 فیصد جبکہ لندن میں 40 فیصد کمی ہوئی ہے۔ قانون نافذ کرنے والے اداروں نے اس غیر معمولی کامیابی کی بنا پر ساری دنیا میں ہر قسم کے موبائل فونز میں اس سافٹ ویئر کے استعمال کو لازمی قرار دینے کی سفارش کردی ہے۔

ایمز ٹی وی (اسپورٹس)قومی ویمنز کرکٹ ٹیم نے کوالیفائنگ راﺅنڈ میں روائتی حریف بھارت کے ہاتھوں شکست کے باوجود ورلڈکپ 2017ءکیلئے کوالیفائی کر لیا ہے۔بھارت کے ہاتھوں 7 وکٹوں سے شکست کے بعد قومی ویمنز کرکٹ ٹیم کی ’قسمت‘ ان کے ہاتھ میں نہ تھی اور ورلڈکپ 2017ءمیں کوالیفائی کرنے کیلئے انہیں سری لنکا کے ہاتھوں بنگلہ دیش کی شکست کی دعا کرنا تھی۔ قوم کی دعائیں رنگ لے آئیں اور بنگلہ دیش بارش سے متاثرہ میچ سری لنکا کے ہاتھوں 42 رنز سے ہار گیا جس کے باعث قومی ویمنز ٹیم نے 4 پوائنٹس کے ساتھ کوالیفائی کرنے والی ٹیموں میں چوتھی پوزیشن حاصل کر لی۔واضح رہے کہ اسی روز پاکستان اور بھارت کے درمیان بھی میچ ہوا تھا جس میں بھارت نے ٹاس جیت کر پاکستان کو پہلے بیٹنگ کی دعوت دی تاہم قومی ٹیم 43.4 اووز میں صرف 67 رنز بنا کر آﺅٹ ہو گئی اور بھارت نے مقررہ ہدف صرف 22.3 اوورز میں حاصل کر لیا۔