ایمز ٹی وی(پشاور) آئی جی خیبر پختونخوا ناصر درانی نے سی پیک کی سکیورٹی کے لئے فورس بنانے کی تجویز دیدی ہے۔نجی ٹی وی آے آروائی نیوز کے مطابق آئی جی کے پی کے نے سی پیک سپیشل سیکیورٹی یونٹ کے قیام کیلئے صوبائی حکومت کوخط لکھا ہے اور تجویز دی ہے کہ پاک چین راہداری کی حفاظت کیلئے ایک علیحدہ فورس بنائی جائے جس کیلئے 4ہزار180پولیس اہلکارجلدبھرتی کئے جائیں۔ خط کے متن میں تجویز دی گئی ہے کہ نئے یونٹ کیلئے23.91ملین روپے فوری طور پرمختص کیے جائیں اور ہر روٹ اور مناسب مقام پر سپیشل سکیورٹی یونٹس قائم کیے جائیں۔مزید برآں خیبر پختوا پولیس نے اس ضمن میں فنڈنگ کیلئے حکومت سے مدد مانگی لی ہے اور پولیس اہلکاروں کی بھرتی کیلئے فنڈ مختص کرنے کی استدعا کی گئی ہے۔

ایمز ٹی وی(اسپورٹس) پاکستان سپر لیگ کا جنون اپنے عروج پر پہنچ چکا ہے اور ایسے میں قطر ایئرویزبھی پیچھے نہیں رہا اور دوحہ سے پاکستان کے سات شہروں کیلئے روزانہ 10پروازوں کا اعلان کردیا،صرف یہی نہیں بلکہ فرسٹ کلاس اور بزنس کلاس میں سفر کرنیوالے مسافر بھی حمادانٹرنیشنل ایئرپورٹ پر پریمیئم لاﺅنج تک رسائی حاصل کرسکتے ہیں جس کی وجہ سے سفر شروع کرنے سے اختتام تک ایک جیساہی تاثرملے گا۔قطرایئرویز متحدہ عرب امارات میں ہونیوالے پی ایس ایل کے دوسرے ایڈیشن کیلئے شائقین کو یواے ای لارہی ہے جہاں دبئی اورشارجہ میں تین مارچ تک کھیل جاری رہے گا اور پانچ ٹیمیں ٹائٹل حاصل کرنے کے لیے مقابلے میں ہیں۔ کھیلوں کے دیگرعالمی سپانسرز کی طرح قطرایئرویزنے بھی دنیا بھر میں کھیلوں کے ساتھ اپنے آپ کو جوڑلیا ۔ مشرق وسطیٰ، افریقہ اور پاکستان کیلئے قطر ایئرویز کے سینئر نائب صدر کمرشل احاب امین نے بتایاکہ’ قطر ایئرویزدنیا بھر سے مسافروں کوپاکستان کے سات مختلف پرلاتی اور لے جاتی ہے اور پاکستان سپر لیگ کوسپانسر کرناان پاکستانی مسافروں کیساتھ جشن منانے کا ایک طریقہ ہے جو ہرہفتے پاکستان کے مختلف روٹس پر ہمیں خدمت کا موقع دیتے ہیں ، کرکٹ دنیا بھر میں سب سے زیادہ دیکھے جانیوالے کھیلوں میں سے ایک ہے اور پاکستان سپر لیگ ابھی نوخیز ہے تاہم اس کے دوسرے ایڈیشن کا ہر میچ ایکشن سے بھرپور ہوتاہے اور ہمیں یواے ای اور پاکستان میں پی ایس ایل سے جڑے ہونے پر خوشی ہے ‘۔ پاکستان سپر لیگ میں دفاعی چیمپئن اسلام آباد یونائیٹڈ ، کراچی کنگز، پشاورزلمی ، کوئٹہ گلیڈی ایٹرز اور لاہور قلندر ٹائٹل کیلئے دبئی اور شارجہ میں کھیل رہی ہیں جبکہ فائنل میچ لاہور میں ہوگا۔قطرایئرویز دوحہ سے پاکستان کیلئے روزانہ 10پروازیں آپریٹ کرتی ہے جبکہ اسلام آباد، کراچی، پشاور، لاہور، ملتان ، فیصل آباد اور سیالکوٹ سے شہریوں کو مشرق وسطیٰ ، یورپ اور امریکہ جانے کے لیے سروسز فراہم کرتی ہے جبکہ قطرایئرویزکے ذریعے پاکستان جانیوالے مسافرخطے کے فائیوسٹار ایئرپورٹ’حمادانٹرنیشنل ایئرپورٹ‘ پر قیام سے لطف اٹھاسکتے ہیں ۔حماد انٹرنیشنل ایئرپورٹ دنیا بھر کے چھ ہوائی اڈوں میں سے ایک ہے جنہیں بہترین پرفارمنس، شاندار سہولیات اوراعلیٰ کوالٹی سٹاف سروسز کی وجہ سے سکائی ٹریکس کی جانب سے فائیوسٹار ایئرپورٹ قراردیاگیا۔قطرایئرویز کے مطابق الصفویٰ کی پہلی لاﺅنج سے ہرلمحہ پرجوش ہونے کا موقع ملتا ہے جبکہ ایوارڈ وننگ المورجان بزنس لاﺅنج سے ایئرپورٹ لاﺅنج کے نئے تجربات ملتے ہیں۔ قطرایئرویز قطر کی سرکاری ایئرلائن ہے جو 20سالوں سے دنیا کے 150سے زائد مقامات کیلئے سروسز فراہم کررہی ہے جبکہ192طیاروں کے ساتھ دنیا میں تیزی سے پھیلتی قطرایئرویز2017ءمیں آکلینڈ، چیانگ مئی ، ڈبلن ، نیس اورسکوپ جی سمیت مزید کچھ مقامات کیلئے اپنی سروسز شروع کرنے جارہی ہے ۔قطرایئرویزدنیاکی بہترین بزنس کلاس، بہترین بزنس کلاس ایئرلائن لاﺅنج اور بہترین ایئرلائن سٹاف سروس کا 2016ءکے ایوارڈ جیت چکی ہے جبکہ ون ورلڈ گلوبل الائنس کی ممبر بھی ہے

ایمز ٹی وی(راولپنڈی) چیف آف آرمی سٹاف جنرل قمر جاوید باجوہ نے کہا ہے کہ پاک افغان سرحد پر سیکیورٹی بڑھا دی گئی ہے ،دہشت گردی کے خلاف پاک افغان مشترکہ کاوشیں جاری رہنی چاہئیں ۔ ڈی جی آئی ایس پی آرکی جانب سے جاری پریس ریلیز میں بتا یا گیا ہے کہ آج جی ایچ کیو میں آرمی چیف جنرل قمر جاوید باجوہ کی زیر صدارت اعلیٰ سطح کا اجلاس ہوا جس میں پاک افغان بارڈر مینجمنٹ اور ملکی سیکیورٹی صورتحال پر تبادلہ خیال کیا گیا ۔اس موقع پر انہوں نے کہا کہ پاکستان اور افغانستان نے مل کر دہشت گردی کے خلاف جنگ لڑی ،اس جنگ میں پاک افغان مشترکہ کاوشیں جاری رہنی چاہئیں ۔آرمی چیف نے ہدایت کی کہ سرحد پر دہشت گردوں کی نقل و حرکت روکنے کے لیے موثر اقدامات کیے جائیں ، بارڈر مینجمنٹ کے لیے افغان سیکیورٹی فورسز سے تعاون بڑھا یا جائے۔ آرمی چیف جنرل قمر جاوید باجوہ نے دہشت گردی کے خلاف افغانستان کی جانب سے باہمی تعاون بڑھانے کی پیشکش کو بھی سراہا

ایمز ٹی وی (انٹرٹینمنٹ)کیا آپ نے کبھی سوچا کہ ایک کرکٹر فلمی دنیا میں قدم رکھ سکتا ہے، بطور ایک اداکار نہیں بلکہ ایک فلم ساز کے طور پر، جی ہاں وہ کوئی اور نہیں بلکہ سابق پاکستانی کرکٹر رمیز راجہ ہیں، جو اپنی پہلی فلم ” طورباز” بنانے جارہے ہیں اور اپنی فلم کیلئے بالی ووڈ اداکار سجنے دت کو کاسٹ کرلیا ہے۔ رمیز راجہ نے ایک انٹرویو میں انکشاف کیا کہ گزشتہ 10 سالوں سے انکے دماغ میں فلم بنانے کا خیال تھا، جیسے سب کو ہی معلوم ہے کہ کرکٹ سے سماجی مسائل حل کیے جاسکتے ہیں، جیسے وہ بچے جو دہشت گردی میں ملوث ہوگئے، انہیں کرکٹ کا سہارا دیا جاسکتا ہے۔ انھوں نے کہا کہ یہ فلم ایک مرد کی کہانی پر مبنی ہے، لہذا خاتون اداکارہ کی کاسٹ کو اتنا اہم نہیں سمجھا جارہا، میری پہلی ترجیح سنجے دت کو اس فلم میں کاسٹ کرنا تھا۔ رمیز راجہ کا کہنا تھا کہ ان کی فلم کرکٹ کے فروغ پر مبنی ہوگی اور اس کا مرکزی خیال کرکٹ کے ذریعہ دہشت گردی پر قابو پانا ہوگا۔فلم طور باز میں کوئی آئٹم نمبر شامل نہیں ، سنجے دت توجہ کا مرکز ہونگے، کیونکہ وہ ایک بہت بڑے اسٹار ہے اور انکے مداح نہ صرف بھارت میں بلکہ دنیا بھر میں ہے۔ گریش نامی ایک بھارتی ڈائریکٹر فلم ‘طورباز’ کے ہدایتکار ہیں اور توقع ہے کہ اس سال مئی یا جون تک شوٹنگ کا آغاز کیا جائے گا