K2 - Results from #23044

طبی کیمپ میں مفت معائنہ اور مفت ادویات کی فراہمی

ایمز ٹی وی(صحت) سندھ گریجویٹس ایسوسی ایشن کی طرف سے شوگر اور جلد کے مریضوں کے علاج کے لئے ایک روزہ مفت طبی کیمپ کا انعقاد کیا گیا جس میں کراچی کےماہر ڈاکٹر منظور میمن، ڈاکٹر مکیش کمار، ڈاکٹر ایاز شیخ، ڈاکٹر فدا حسین پٹیل، ڈاکٹر جاوید اقبال،ڈاکٹر رشید لاکھیر، ڈاکٹر کرن رامسنگھانی اور دیگر نے 450سے زئد مریضوں کا معائنہ کیا اور مفت ادویات مہیا کی گئیں اس موقع پر سگا کے عہدیاروں سری چند رمسنگھانی، راز علی گل بھٹو ، ساہ شیخ ، منظور گلال ، نورالدین پنھور، دین محمد شیخ اور دیگر نے انتظامات کی نگرانی کی۔

ایمزٹی وی ہیڈ لائنز 2:00pm

ملک گیرشہرت پانے والا ڈرامہ سیریل

ایمز ٹی وی(انٹرٹینمںٹ) اداکار نبیل نے کہاہے کہ پی ٹی وی کوئٹہ کی ڈرامہ سیریل ” دھواں “ میری وجہ شہرت بنی اس کے بعد لاتعداد ڈراموں میں اداکاری کے جوہر دکھائے مگر کراچی سے بننے والا سٹ کام ” بلبلے “ نے حقیقی معنوں میں میری اور دیگر اداکاروں کی مقبولیت کو آسمان پر پہنچا دیا ۔ انہوں نے ایک انٹرویو کے دوران کہا کہ سٹ کام ” بلبلے “ میں اداکارہ حنا دلپذیر ،محمود اسلم اور عائشہ عمر کو بھی بھرپور ملک گیرشہرت ملی ۔ محمود اسلم کاشمار سینئر اداکاروں میں ہوتاہے وہ اس سے قبل بھی متعدد ڈرامہ سیریل میں ایسے کردار ادا کرچکے ہیں جو ان کی پہچان بنے مگر ” بلبلے “ میں ان کو ”محمود “کے کردار سے بچہ بچہ پہچاننے لگا ہے ۔ نبیل نے کہاکہ میں نے خود کو ٹی وی ڈراموں تک محدود کر رکھا ہے ، مختلف پروڈیوسروں کی طرف سے فلموں میں کام کرنے کی پیشکش ہو چکی ہے مگر میں خود سنجیدگی سے اس طرف توجہ نہیں دے رہا اور ہو سکتا ہے کہ بہت جلد میرے پرستار مجھے بڑی سکرین پر بھی دیکھیں ۔

ٹیچرز آرگنائزیشن کے ا نتخابات

ایمز ٹی وی(تعلیم/راولاکوٹ) آزادکشمیرا سکولز ٹیچرز آرگنائزیشن ضلع پونچھ (حقیقی پینل) کے چیئرمین سردار خلیل خان نے کہا ہے کہ ٹیچرز آرگنائزیشن کے آئندہ انتخابات میں اساتذہ کو صاف ستھری اور پڑھی لکھی قیادت مہیا کریں گے۔ ۔تعلیمی انتظامیہ سے بھی ہماری گزارش ہے کہ دفتروں کے چکر لگانے والی نام نہاد ضلعی و تحصیل قیادت کی باتوں میں نہ آئیں اور انہیں اسکولوں میں حاضری کا پابند کریں ۔ ان خیالات کا اظہار انہو ں نے اساتذہ کے ایک اجلاس سے خطاب کرتے ہوئے کیا ۔انہوں نے کہاکہ آزادکشمیر اسکولز ٹیچرز آرگنائزیشن کی مرکزی قیادت کو چاہیے کہ وہ اساتذہ کے مسائل کے حل کیلئے اپنا کردار ادا کرے، اساتذہ اس وقت شدید مشکلات و مسائل کا شکار ہیں ۔ ٹائم اسکیل واپس لینے کا چکر چلا یا جارہا یہ اس وقت مرکزی قیادت کی خاموشی مجرمانہ غفلت تصور ہوگی۔ انہوں نے اساتذہ ضلع پونچھ سے مطالبہ کیا کہ وہ آئندہ انتخابات میں حقیقی پینل کا ساتھ دیں۔

نقل کاخاتمہ اساتذہ کے تعاون کے بغیر ممکن نہیں

ایمز ٹی وی (تعلیم /کوئٹہ) کنٹرولر امتحانات بلوچستان بورڈ آف انٹرمیڈیٹ سید عباد اللہ شاہ غرشین نے کہا ہے کہ اس مرتبہ میٹرک کے سالانہ امتحانات میں سپروائزری کی ڈیوٹیاں تمام اساتذہ تنظیموں کی مشاروت سے میرٹ اور سینارٹی پر دی جارہی ہیں ۔ انہوں نے تمام اساتذہ تنظیموں کا شکریہ ادا کرتے ہوئے کہاکہ نقل سے پاک و شفاف امتحانات میں سب نے یقین دھانی کرائی ہے اور قرعہ اندازی کے بغیر اساتذہ کو امتحانات میں تعینات کرنے پر اتفاق ہوا ہے ۔ انہوں نے کہاکہ میٹرک کے سالانہ امتحانات میں مقامی سطح پر نگران کی تعیناتی ختم کردی گئی ہے ا نکی جگہ ایک جے وی ٹیچر یا معلم القران کو اضافی ایڈیشنل ڈپٹی سپرٹنڈنٹ تعینات کیا جارہا ہے ۔ا نہوں نے اساتذہ سے اپیل کی کہ وہ امتحانات میں نقل کے خاتمے کے لئے اپنا بنیادی کردار ادا کریں۔ کیونکہ ان کے تعاون سے نقل کاخاتمہ ممکن ہے۔ انہوں نے کہاکہ ہماری کوشش ہے کہ نقل سے پاک امتحانات کا انعقاد ہو اور محنتی طلباء کی حق تلفی نہ ہو۔ نقل کرنے والے طلباء سے بورڈ قوانین کے مطابق نمٹا جائے گا۔

پانامہ کا مقدمہ جلد ختم ہو گا ، فواد چوہدری

ایمزٹی وی(اسلام آباد) پاناما کیس کی سماعت کے دوران میڈیا سے گفتگو کرتے ہوئےفواد چوہدری نے کہا کہ وزیراعظم کے وکیل مخدوم علی خان کا کہنا ہے کہ حسین نواز نے جو تحائف نواز شریف کو بھیجے اس پر ٹیکس دینے کی ضرورت نہیں تھی کیونکہ جب باہر سے بینکنگ چینل کے ذریعے رقم بھیجتے ہیں تو اس پر ٹیکس دینے کی کوئی ضرورت نہیں ہوتی۔ اس معاملے پر دو دلچسپ باتیں ہیں، ایک یہ کہ ہماری دلیل تھی کہ ان کے بقول حسین نواز 2005ءمیں سب کچھ بیچ چکے ہیں اور اس سے حاصل ہونے والے پیسے حسن نواز کو کاروبار کیلئے دے چکے ہیں تو یہ اربوں روپیہ جو حسین نواز سعودی عرب سے پاکستان بھیج رہے تھے یہ ان کے پاس کیسے آیا، اس معاملے پر مخدوم علی خان نے ایک لفظ بھی نہیں کہا اور موقف اختیار کیا کہ بچوں کے وکیل بات کریں گے۔

دوسری اہم چیز یہ ہے کہ یہ پیسے حسین نواز کے پاس کہاں سے آئے، اگر ہم ایف آئی اے کی رپورٹ کو دیکھیں، اسحاق ڈار کے ایفی ڈیویٹ کو دیکھیں، بی بی سی کی ڈاکیومینٹری کو دیکھیں تو اس سوال کا جواب بڑا واضح ہو کر سامنے آجاتا ہے۔ پشاور کے دو حوالہ ڈیلرز استعمال کئے گئے اور اربوں روپیہ پاکستان سے باہر بھیجاگیا اور پھر وہ پیسہ پاکستان واپس آیا لیکن مخدوم علی خان کہہ رہے ہیں کہ اس کی تحقیقات عدالت نہیں کر سکتی۔

گزشتہ روز سے ہم دیکھ رہے ہیں کہ استحقاق ہے اور استثنیٰ کی باتیں کی جا رہی ہیں اور کہا جا رہا ہے کہ عدالت یہ نہیں کر سکتی، عدالت وہ نہیں کر سکتی، لیکن عدالت آرٹیکل 184/3 میں قرار دے چکی ہے کہ یہ پٹیشن قابل سماعت ہے اور جب عدالت ایسا کہہ چکی ہے تو پھر تمام تحقیقات کرنے کی بھی مجاز ہے اور یہ معاملہ کہ اربوں روپے باہر کیسے گئے اور واپس کیسے آئے، ایک اہم جزو ہے۔

فواد چوہدری نے مزید کہا کہ گزشتہ روز ایک اور لطیفہ ہوا کہ مریم نواز شریف نے اپنا جواب جمع کرایا ہے جس میں ان کا کہنا ہے کہ اپنے والد کی نہیں بلکہ میاں محمد نوا زشریف کی والدہ یعنی اپنی دادی کی زیر کفالت ہیں اور ان کے گھر میں رہ رہی ہیں اور نواز شریف کی والدہ نواز شریف کی زیر کفالت ہیں، یعنی نواز شریف کی والدہ نواز شریف کی اور نواز شریف کی بیٹی ان کی والدہ کی زیر کفالت ہیں۔

انہوں نے مزید کہا کہ عمران خان نے وزیراعظم نواز شریف کو ڈیووس جانے سے منع کیا تھا لیکن وہ وہاں گئے جس کے باعث پاکستان کی جگ ہنسائی ہوئی ہے کیونکہ وہاں آنے والے بین الاقوامی مقررین نے یہ کہا ہے کہ پانامہ پیپرز دنیا میں کرپشن کی ایک نئی داستان ہے اور نواز شریف اس کے اہم کھلاڑی ہیں، نواز شریف کے وہاں جا کر کرپشن کے خلاف بات کرنا ایسے ہی ہے جیسے الطاف حسین دہشت گردی کے خلاف بات کریں۔ پانامہ کا مقدمہ جلد ختم ہو گا اور پاکستان کے لوگ جس انصاف کی توقع کر رہے ہیں وہ انہیں ملے گا۔

پاکستان تحریک انصاف (پی ٹی آئی) کے رہنماءفواد چوہدری نے کہا ہے کہ سپریم کورٹ میں دلائل کی شکل میں لطیفے سنائے جا رہے ہیں۔ وزیراعظم نواز شریف کے وکیل کا کہنا ہے کہ عدالت اس بات کی تحقیقات نہیں کر سکتی کہ اربوں روپے پاکستان سے باہر کیسے گئے اور پھر واپس پاکستان کیسے آئے۔ وزیراعظم نواز شریف کے ڈیووس جانے سے پاکستان کی جگ ہنسائی ہوئی ہے۔ پانامہ کیس کا فیصلہ جلد ہو گا اور پاکستان کے عوام جس انصاف کی توقع کر رہے ہیں وہ انہیں ملے گا۔

تعلیم کے بغیر ملک و قوم ترقی نہیں کر سکتے

ایمز ٹی وی (تعلیم /باغ) ڈسٹرکٹ ایجوکیشن آفیر سردار راشد آزاد نے کہا ہے کہ تعلیم سے ہی انسان شعور و آگاہی حاصل کرتا ہے تعلیم حاصل کیے بغیر کوئی بھی قوم و ملک ترقی نہیں کر سکتا ہے تعلیم کے زریعے انسان اپنے مقصد حیات تک پہنچتا ہے۔ان خیالات کا اظہار انہوں نے مختلف وفود سے گفتگو کرتے ہوئے کیا ۔ انہوں نے کہا کہ تعلیم کا کام یہ بھی ہے کہ وہ انسان کو عمدہ اخلاق سے مزین کر کے فلاح کے راستے پر ڈالے تعلیم کے زریعے طلبہ کی تربیت کر کے ایک اچھا مسلمان اور شہری بنانا ہے تاکہ وہ آنے والے چلنجز کا مقابلہ کر سکیں

عامر خان کو ایسا نہیں کرنا چاہیئے تھا

ایمز ٹی وی (اسپورٹس)باکسر عامر خان کی قابل اعتراض ویڈیو کو اہلیہ فریال مخدوم نے انتہائی شرمناک قرار دے دیا۔ برطانوی میڈیا کے مطابق فریال مخدوم نے امریکی ویب سائٹ پر لیک کی جانے والی باکسر عامر خان کی قابل اعتراض حالت میں ویڈیو کو انتہائی شرمناک قرار دیا ہے۔ برطانوی میڈیا کا یہ بھی کہنا ہے کہ اس ویڈیو کے منظر عام پر آنے کے بعد عامر خان کی اہلیہ فریال مخدوم نے زیادہ وقت بیٹی کے ساتھ گزارنا شروع کردیا ہے اور وہ کسی بھی بیان سے گریز کر رہی ہیں

پاکستان گوشت کی بڑی مقدار برآمد کرنے والے ممالک میں شامل

ایمز ٹی وی (تجارت)پورٹ قاسم پر ساڑھے سات ارب روپے کی لاگت سے ملک کا سب سے بڑا میٹ پروسیسنگ پلانٹ کی تنصیب کا کام مکمل ہو گیا جس کے بعد پاکستان مختلف ممالک کو حلال گوشت کی بڑی مقدار برآمد کرنے والے ممالک میں شامل ہوجائے گا ۔ فوجی میٹ لمیٹڈ کےپراسیسنگ پلانٹ کا افتتاح چیئرمین فوجی فاؤنڈیشن خالد نواز نے کیا۔ خالد نواز نے کہا کہ پورٹ قاسم پر پروسیسنگ یونٹ 18 ماہ میں مکمل کیا گیا۔ خالد نواز نے کہا کہ روس ، مشرق وسطیٰ اور شمالی افریقہ کو حلال گوشت کی برآمدات کے حوالے سے حکومت سے بات چیت جاری ہے۔ دنیا میں حلال میٹ کا کاروبار 300 ارب ڈالر ہوچکا ہے۔ مڈل ایسٹ حلال فوڈ کی برآمد کے حوالے سے بڑی مارکیٹ ہے ۔

پولیو ویکسین کا بائیکاٹ

ایمز ٹی وی(صحت) میرپورخاص کے قریب دیہاتیوں نے اپنے بچوں کو پولیو ویکسین پلانے کے لئے اساتذہ مقرر کرنے کی شرط عائد کردی اور پولیو ٹیم کو واپس کردیا۔اطلاعات کے مطابق میرپورخاص کے تعلقہ سندھڑی کے گاؤں عبدالرحمان شر میں جب بچوں کو پولیو ویکسین دینے کے لئیے ٹیم پہنچی تو گاؤں کے لوگ جمع ہوگئے اور کہا کہ علاقے کے پرائمری اسکول میں اساتذہ نہ ہونے کی وجہ سے بچوں کی ایک بڑی تعداد کا مستقبل پہلے ہی داؤ پرلگا ہوا ہے،اور وہ ایک عرصے سے اساتذہ کی تقرری کے لئے احتجاج کر رہے ہیں، اس لئیے انہوں نے فیصلہ کیا ہے کہ اساتذہ کی تقرری تک پولیو ویکسین کا بائیکاٹ کیا جائے گا۔