ایمزٹی وی(انٹرٹینمنٹ) بھارتی ہدایت کار کرن جوہر نے بھی انتہاپسند ہندؤوں کے آگے گھٹنے ٹیک دیئے اور آئندہ کسی بھی فلم میں پاکستانی اداکاروں کو نہ لینے کا اعلان کردیا۔

کرن جوہر نے ہندو انتہا پسندوں کے آگے گھٹنے ٹیکتے ہوئے ان سے درخواست کی وہ فلم ’’ اے دل ہے مشکل‘‘ کی راہ میں رکاوٹیں نہ ڈالیں کیوں کہ فلم کو مکمل کرنے میں بہت سے بھارتیوں کی محنت بھی شامل ہے۔ انہوں نے کہا ہے کہ کچھ لوگوں نے مجھے اینٹی نیشنل کہا جس پر دکھ ہوا جب کہ میرے لیے سب سے پہلے اپنا ملک ہے اور میرے نزدیک حب الوطنی ظاہر کرنے کا سب سے بہترین ذریعہ محبت پھیلانا ہے جو میں نے سینما کے ذریعے کرنے کی کوشش کی۔

بھارتی میڈیا رپورٹس کے مطابق بالی ووڈ ہدایت کار وفلمساز کرن جوہر نے اپنے حالیہ ویڈیو بیان میںاپنی نئی فلم ’’اے دل ہے مشکل‘‘ سے متعلق اپنی خاموشی توڑتے ہوئے کہا ہے کہ بھارتی عوام کے جذبات کی قدر کرتا ہوں، جس وقت فواد خان کو فلم میں کاسٹ کیا اس وقت دونوں ملکوں کے حالات بہتر تھے لیکن اب آئندہ کسی فلم میں پاکستانی اداکاروں کو کاسٹ نہیں کروں گا۔
واضح رہے کہ پاک بھارت تعلقات میں کشیدگی کے باعث ہندو انتہا پسندوں نے نہ صرف پاکستانی فنکاروں کو ملک سے باہر نکلنے کے دھمکیاں دیں بلکہ پاکستانی اداکاروں کی فلموں کی نمائش روکنے کا بھی مطالبہ کیا ہے۔

ایمزٹی وی(گلگت بلتستان)پاکستان پیپلز پارٹی کے سینئر رہنماءو سابق مشیر جنگلات آفتاب حیدر نے کہا ہے کہ یکم نومبر کو دنیور میں تاریخی احتجاج ہو گا اور موجودہ حکومت کے چہرے سے نقاب ہٹا یا جا ئے گا ۔ شاہراہ قراقرم دنیور کو بلاک کر کے حق ملکیت سمیت حق حا کمیت کے لیئے بھر پور احتجاجی مظاہر ہ ہو گا حکومت نے ایکشن پلان اور انسداد دہشت گردی کے نام پر عوام کو ڈرایا دھمکا یا تو اس کے سنگین نتا ئج بر آمد ہو نگے ۔

ہم جمہوری طر ز عمل سے عوام کے حقوق کے لیئے میدان عمل میں آئے ہیں جو کہ ہمارا قانونی و آئینی حق ہے اپنی مر کزی قیادت کو اس بارے میں مکمل اعتماد میں لیا گیا ہے اور سی پیک سمیت گلگت بلتستان کے بنیادی مسائل کے حل کے لیئے اس مر تبہ پاکستان پیپلز پارٹی مکمل عوامی طاقت کا مظاہرہ کرے گی ۔

میڈیا سے گفتگو کرتے ہوئے انہوں نے کہا کہ ہم نے پہلے ہی کہا تھا کہ سی پیک میں گلگت بلتستان کو مٹی اور آلودگی کے علاوہ کچھ نہیں دیا گیا ہے جس کی تا ئید آج خود حکومتی نمائندے کر رہے ہیں کم سے کم گلگت بلتستان میں پاور پرا جیکٹس لگا ئے جا تے جس سے عوام کو فائدہ ہو تا زونز بناناتودور کی بات ایک رو پیہ کا بھی کو ئی اہم منصو بہ گلگت بلتستان میں نہیں رکھا گیا ہے جو کہ گلگت بلتستان کے عوام کے ساتھ زیادتی ہے حکومت ایڑی چوٹی کا زور لگا ئے لیکن اس بار پی پی پی (ن) لیگ کی تمام کرپشن کے حوالے سے وائٹ پیپرز جا ری کر ے گی۔

یکم نومبر کے احتجاج کو مکمل کامیاب بنانے کے لیئے پانچ رکنی کمیٹی بھی بنائی گئی ہے جس کا آرگنا ئزر میں خود ہوں اور دنیور کے اس احتجاج کو تاریخی طور پر کامیاب بنانے کے لیئے دیگر تمام سیا سی سماجی مذہبی تنظیموں سمیت اسٹیک ہولڈرز کو مکمل اعتماد میں لیا جا ئے گا اور اس پروگرام کو مکمل کا میاب بنا یا جا ئے گا ۔

ایمزٹی وی(کوئٹہ) چینی وفد نے پاک، چین اقتصادی راہداری کے تحت منصوبوں پر جاری کوششوں اور پیش رفت کو سراہا ہے۔
ذرائع کے مطابق چین کے اعلیٰ سطح کے وفد نے گوادر کا دورہ کیا جہاں چیئرمین گوادر پورٹ اتھارٹی دوستی نے جمالدینی اور دیگر حکام نے ان کا کا استقبال کیا۔

ذرائع کے مطابق چینی وفد کے ارکان کو گوادر میں جاری مختلف منصوبوں کے بارے میں بریفنگ دی گئی اور بتایا گیا کہ چین، پاکستان میں باہمی تعاون سے خطے میں معاشی انقلاب آ جائے گا۔

ذرائع کے مطابق چینی وفد کے ارکان نے گوادر بندرگاہ کا بھی دورہ کیا اور منصوبے پر جاری کوششوں او رپیش رفت کو سراہا

ایمز ٹی وی (لاہور) لاہورمیں مسلم لیگ ق پنجاب کے انٹرا پارٹی الیکشن میں چودھری پرویز الٰہی بلا مقابلہ صدراورچودھری ظہیر الدین بلا مقابلہ جنرل سیکریٹری منتخب ہوگئے۔

مسلم لیگ ق پنجاب کے انٹرا پارٹی انتخابات کے مزید نتائج کے مطابق بشارت راجہ سینئر نائب صدراور میاں عمران مسعود سیکریٹری اطلاعات منتخب ہو گئے۔

انتخابات میں میاں منیر کو مسلم لیگ ق لاہور کا صدر منتخب کر لیا گیا ،میاں عمران مسعود بلا مقابلہ سیکریٹری اطلاعات منتخب ہوئے۔

ایمزٹی وی(ریاض)سعودی وزارت داخلہ کی جانب سے جاری بیان میں کہا گیا ہے کہ شاہی خاندان سے تعلق رکھنے والے نوجوان شہزادے ترکی بن سعود کا ایک شہری کو قتل کے جرم میں سر قلم کر دیا گیا ہے۔

تفصیلات کے مطابق شہزادہ ترکی بن سعود کا نومبر 2012 میں مقامی شہری عادل بن سلیمان سے جھگڑا ہوا تھا، ترکی بن سعود نے طیش میں آ کر فائرنگ کی جس سے عادل بن سلیمان جاں بحق ہوگیا۔

سعودی حکام کے مطابق جرم ثابت ہونے پر شہزادہ ترکی بن سعود کو سزائے موت سنائی گئی تھی اور
عدالتی حکم کے مطابق دار الحکومت ریاض میں سرعام شہزادہ ترکی کا سر قلم کر دیا گیا۔

ایمزٹی وی(ملتان)ملتان میں ڈسٹرکٹ بار سے خطاب کرتے ہوئے پاکستان تحریک انصاف کے چیئرمین عمران خان نے کہا ہے کہ وزیر اعظم اربوں کی چوری میں پکڑا جاتا ہے مگر نہ جواب دیتا ہے او ر نہ ہی استعفیٰ ۔نواز شریف کا کرپشن پر جواب نہ دینا غیر جمہوری ہے ۔ملک میں کسی سطح پر انصاف نہیں ۔کرپٹ حکمرانوں کے خلاف احتجاج عوام کا جمہوری حق ہے ۔، دو نومبر کو پاکستان کے مستقبل کی جنگ ہے ۔نواز شریف یا جواب دیگا یا، استعفیٰ دیگا یا پھر خود کو احتساب کیلئے پیش کریگا ۔

عمران خان نے مزید کہا کہ انصاف کیلئے سڑکوں پر آنا اور جواب مانگنا جمہوری عمل ہے ، ”یہ آپکی جنگ ہے ، سب کو اسلام آبا دآنے کی دعوت دیتا ہوں “۔وزیر اعظم جب چوری کرتا ہے تو اداروں کو تباہ کرتاہے ۔ آپکا فرض ہے کہ کرپٹ حکمرانوں کے خلاف سڑکوں پر نکلیں اور کہیں کہ جواب دو اور اگر جواب نہیں دینا تو استعفیٰ دو ۔

نواز شریف نے ملکی اداروں کوتباہ کر دیا ، میٹرو کی کرپشن سے ہزاروں اسکول بنائے جاسکتے تھے اور لوگوں کو پینے کا صاف پانی مل سکتاتھا، پنجاب کے ترقیاتی فنڈز کا 55 فیصد حصہ صرف لاہور پر حرچ ہو رہا ہے ۔”کرپٹ حکمران وہ منصوبے بناتے ہیں جن میں کرپشن ہو سکے ۔
انہوں نے الزام عائد کیا کہ نیب اور ایف بی آرصحیح کا م نہیں کر رہی کیونکہ اگر ادارے کام کر رہے ہوتے وزیرا عظم کی جرات نہیں تھی کرپشن کرنے کی ، غریب ملکوں میں ادارے کمزور ہوتے ہیں اور کرپشن عروج پر ہوتی ہے ، پاکستان قرضوں میں ڈوب رہا ہے ۔
نواز شریف سب سے بڑا ٹیکس چور ہے جو نہ زرداری کو پکڑ سکتا ہے اور نہ اس کا پیسہ واپس لا سکتا ہے ،”اوپر سے نیچے تک سارا نظام کرپٹ کرتا ہے ۔

اگر حکومت نے روکنے کی کوشش کی تو ہم رکیں گے نہیں کیونکہ اب کی تحریک انصاف دھرنے والے نہیں ، ڈنڈا چلانے کی کوشش کی گئی تو رد عمل سے اپکو نقصان ہو گا ۔ ”احتساب تحریک کیلئے پورا زور لگائیں گے ۔
چیف جسٹس لاہور ہائیکورٹ سے اپیل ہے کہ جنوبی پنجاب کے وکلاءکو انکے حقوق دیے جائیں ، جج جبوبی پنجاب سے نہیں بنائے گئے

ایمز ٹی وی (سانگھڑ) سندھ میں وڈیروں کا ظلم و ستم آج بھی جاری ہے، پولیس نے زمیندار کی نجی جیل پر چھاپہ مار کر قید کئے گئے 17معصوم بچوں سمیت 37ہاریوں کو بازیاب کرالیا۔

تفصیلات کے مطابق ایڈیشنل سیشن جج شہداد پور کے حکم پر پولیس نے سانگھڑ کے علاقےشاه پور چاکر و کے نزدیک چھاپہ مار کر زمیندار حسن سنجرانی کی مبینہ نجی جیل میں قید کیے ہوئے 17 معصوم بچوں سمیت 37 افراد کو بازیاب کرالیا۔

پولیس کے مطابق بازیاب مغویوں کو بدھ کی صبح عدالت میں پیش کیا جائےگا، بازیاب کرائے گئے محنت کشوں میں 11 خواتین بھی شامل ہیں جب کہ بچوں کی عمریں 2 سے 9 سال کے درمیان ھیں۔

رہائی پانے والے افراد کا موقف ہے کہ وہ دو سال سے کھیتی باڑی کررہے تھے اور زمیندار ان سے جبری مشقت لیتا تھا اور معاوضہ طلب کرنے پر تشدد کرتا تھا۔

اطلاعات کے مطابق بازیاب ہونے والے ہاریوں کے معصوم بچوں اور خواتین کے کپڑے پھٹے ہوۓ اور پاؤں ننگے تھے۔

ایمزٹی وی(کراچی)ایم کیو ایم پاکستان کے سربراہ فاروق ستار نے پولیس سے سیکیورٹی فراہم کرنے کی درخواست کی ہے اور کہا ہے کہ وہ اور پارٹی افراد خود کو غیر محفوظ سمجھ رہے ہیں اور ان کی زندگیوں کو خطرات لاحق ہیں.

اس سلسلے میں انھوں نے آئی جی اور ڈی آئی جی ایسٹ کو فون کیا ہے اور انھیں تحفظ فراہم کرنے کی درخواست کی ہے۔فاروق ستار نے سیکورٹی کی درخواست ایم کیو ایم پاکستان کے پیر الہی بخش (پی آئی بی)کالونی میں قائم دفتر اور رہائش پر مانگی ہے۔

جبکہ پولیس نے ان کو جواب دیا ہے کہ پولیس پاکستان پیپلز پارٹی کی سلام شہداء ریلی کی سیکیورٹی فراہمی میں مصروف ہے، اس حوالے سے بات میں بات کرینگے۔
یاد رہے فاروق ستار نے ایم کیو ایم کے قائد کے بانی قائد کے 23اگست کی تقریر کے بعد ایم کیو ایم پاکستان کے نام سے پارٹی قائم کی تھی اور قائد اور ان کی پارٹی سے راہیں جدا کرنے کا اعلان کیا تھا۔

ایمز ٹی وی (تعلیم /کوئٹہ) میٹرک کے سالانہ امتحانات 15فروری 2017سے شروع ہوں گے،وزیر اعلی اور دیگر متعلقہ حکام کی ہدایت پر نقل کے خاتمے کیلئے ہرممکن اقدامات اٹھائے جارہے ہیں۔

ایماندار،محنتی اور نڈر عملے کو تعینات کیا جائیگا،پرچوں کی مارکنگ فیڈرل بورڈ کے معیار کے مطابق ہوں گی،محنتی اور باصلاحیت طلباء کو صلہ دیا جائیگا،کل 302سببنٹر قائم ہیں ،اساتذہ،دانشور،صحافیوں سمیت معاشرے کے تمام طبقات نقل کے خاتمے کیلئے تعاون کریں،ان خیالات کا اظہار کنٹرولر بلوچستان بورڈ آف انٹر میڈیٹ اینڈ سیکنڈری ایجوکیشن سید عباداللہ شاہ غرشین نےجنگ سے بات چیت کرتے ہوئے کیا۔

انہوں نے کہا کہ میٹرک کے سالانہ امتحانات 15فروری2017کو شروع ہوں گے جس کیلئے پرائیویٹ امیدواروں کے فارم آج سے جمع کئے جائینگے ،انہوں نے کہا کہ نقل کے خاتمے کیلئے وزیر اعلی نواب ثناء اللہ زہری،چیف سیکرٹری بلوچستان،صوبائی وزیر تعلیم رحیم زیارتوال ،سیکرٹری تعلیم اور چیئرمین بورڈ کی ہدایت کی روشنی میں بھر پور اقدامات اٹھائے جارہے ہیں جس کیلئے تجربہ کار اساتذہ کو بطور ہیڈ اگزامینر سلیکٹ کیا گیا ہے ۔

جو نہم اور دہم کے سوالیہ پیپر تیار کریں گے اور ان کوخصوصی ہدایات دی گئی ہے کہ وہ پیپر کو آسان بنائیں تاکہ طلبہ نقل کرنے کے بجائے محنت سے پیپر کو حل کرسکیں،جو طلبہ محنت کریں گے انہیں ان کی محنت کا صلہ دیا جائیگاتاکہ آنے والے طلبہ بھی ان کی پیروی کریں ،انہوں نے کہا کہ پرچوں کی مارکنگ میں طلبہ کی معمولی غلطیوں کو معاف کیا جائیگااور ان کے پرچوں کی مارکنگ فیڈرل بورڈ کے معیار کے مطابق ہو گی ،کسی بھی طالبعلم کیساتھ زیادتی نہیں ہو گی ۔

ذہین ومحنتی طلبہ کی حوصلہ افزائی کی جائیگی،انہوں نے کہا کہ صوبے بھر میں کل 302سنٹر قائم ہیں امتحان ہال میں موبائل فون لانے اور نقل کی مکمل ممانعت ہو گی جس کیلئے وزیر اعلی اور دیگر متعلقہ حکام کی ہدایت پر چھاپہ مار ٹیمیں بھی تشکیل دی جارہی ہیں جو دوران امتحان سینٹروں پر چھاپے ماریں گی اور جس سینٹر میں بھی موبائل فون یا نقل برآمد ہوا وہ امتحانی عملہ اس کا ذمہ دار ہوگااور ان کےخلاف محکمانہ کاروائی عمل میں لائی جائیگی ۔

انہوں نے مزیدکہا کہ امتحانی عملے کو میرٹ پر تعینات کیا جائیگاجس کیلئے پروفارما متعلقہ اضلاع میں بھجوادیا گیا ہے امتحانی عملہ تجربہ کار،اور ایماندار ہوگا جو نقل کی بھر پور حوصلہ شکنی کریں گے انہوں نے اساتذہ،سول سوسائٹی،دانشوروں سمیت تمام لوگوں سے اپیل کی کہ وہ نقل کے خاتمے کیلئے اٹھائے گئے اقدامات کی کامیابی کیلئے مکمل تعاون کریں۔