کراچی: ویسٹ انڈیز کے خلاف سیریز میں قومی اسکواڈسےڈراپ ہونےپرقومی کرکٹ ٹیم کےسابق کپتان سرفرازاحمددلبرداشتہ ہوگئے۔

سرفراز احمد نے ٹوئٹر پر ایک شعر پوسٹ کرتے ہوئے اس فیصلے پر اپنے جذبات کا اظہارکیا تاہم بعد میں انہوں نے ٹوئٹ ڈیلیٹ کردی۔

خیال رہےکہ سرفراز احمد نے آخری مرتبہ بنگلادیش کےخلاف تیسرے ٹی ٹوئنٹی میں قومی ٹیم کی نمائندگی کی تھی جس میں وہ 12گیندوں پر صرف 6 رنز بنا کر آؤٹ ہوگئے تھے۔

 ٹی ٹوینٹی میں سرفراز کو اپنی پوزیشن تبدیل کرکے کھیلنے کی ضرورت ہے

خیال رہےکہ پاکستان کرکٹ بورڈ نےگذشتہ دنوں ویسٹ انڈیز کے ساتھ ون ڈےاورٹی ٹوئنٹی سیریز کےلیےاسکواڈکااعلان کیا تھا، دونوں سیریز کےلیےسرفراز احمد کا نام شامل نہیں۔

لاہور: شائقین کرکٹ کوخوشخبری دیتےہوئےعالمی وبا کورونا کےبعدپہلی باراسٹیڈیمز میں سو فیصد داخلے کی اجازت دے دی ہے۔

تفصیلات کے مطابق پاکستان میں13 دسمبر سے نیشنل اسٹیڈیم میں شروع ہونے والے پاکستان بمقابلہ ویسٹ انڈیزمیچز کے دوران 100 فیصد تماشائیوں کو داخلے کی اجازت ہوگی، یہ کورونا وبا کے بعد پہلا موقع ہوگا جب اسٹیڈیمز میں مکمل گنجائش کے مطابق فینز کو داخلے کی اجازت ہوگی۔ جس کے لئےپی سی بی نے پاک ویسٹ انڈیز سیریز کیلئے ٹکٹوں کی پالیسی اور قیمتیں بھی جاری کردیں۔

پی سی بی کے مطابق ٹی ٹوئنٹی میچز میں ٹکٹوں کی قیمت 250 سے 2500 روپے جبکہ ون ڈے میچز میں قیمتیں 100 سے 1000 روپے رکھی گئی ہے۔

پی سی بی کے مطابق میچ کے ٹکٹ www.bookme.pk  پر بک کرائے جاسکتے ہیں اس کے علاوہ 3137786888 0092 پر کال کرکے بھی بک کیے جاسکتے ہیں۔

واضح رہےویسٹ انڈیز اورپاکستان کے درمیان تین ٹی ٹوئنٹی اور تین ون ڈے میچز 13 سے 22 دسمبر تک کراچی میں ہوں گے۔

مانیٹرنگ ڈیسک : دنیاکی مقبول ترین میسجنگ ایپلیکیشن’واٹس ایپ صارفین کیلئےفیچرزمیں تبدیلیاں لاتی رہتی ہے۔

واٹس ایپ کے اکثر و بیشتر فیچرز آئی فون، اینڈرائیڈ، اور ونڈوز ڈیوائسز میں ایک ہی طرح کام کرتے ہیں تاہم واٹس ایپ میں چند ایسے فیچرز بھی ہیں جو صرف آئی فون پر استعمال کیے جاسکتے ہیں۔

اگر آپ آئی فون کے صارف ہیں تو واٹس ایپ پر انفرادی یا کسی گروپ کی جانب سے آنے والا کوئی بھی میسج نوٹیفکیشن آنے پر ہی دیکھ سکتے ہیں، اس کیلئے آپ کو آنے والے میسج کو دبا کر رکھنا ہوگا اور آپ کے سامنے میسج کھل جائے گا اور جیسے ہی آپ انگلی ہٹائیں گے میسج دوبارہ نوٹیفکیشن کی صورت اختیار کرلے گا، اس طرح پیغام بھیجنے والے شخص کو یہ معلوم بھی نہیں ہوسکے گا کہ آپ نے میسج پڑھ لیا ہے۔

اس کے علاوہ کوئی صارف میسج یا بھیجی گئی میڈیا فائل کو سب کیلئے ڈیلیٹ کرتا ہے تو وہ سیو فائل بھی گیلری سے ڈیلیٹ ہوجاتی ہے لیکن اگر آپ آئی فون یوزر ہیں تو یہ میسج آپ کے پاس سے ڈیلیٹ نہیں ہوگا۔

آئی فون صارف تصویر کو بلر بھی کرسکتا ہے اور یہ سہولت ڈرائنگ ایڈیٹر کے ذریعے استعمال کی جاسکتی ہے۔

اس کے علاوہ اگر آپ آئی فون صارف ہیں تو صوتی پیغام (وائس نوٹ) بھی بھیجنے والے کو معلوم ہوئے بغیر سن سکتے ہیں۔

اس کیلئے آپ کو آنے والے میسج کو دبا کر رکھنا ہوگا اور آپ آسانی سے میسج سن لیں گے جس کا پیغام بھیجنے والے شخص کو معلوم نہیں ہوسکے گا۔

آئی فون میں ایک اور منفرد سہولت تصویر کی طرح ویڈیو کو کراپ بھی کرنا ہے، آئی فون صارف کسی کو بھی ویڈیو بھیجنے سے قبل کروپ کرسکتا ہے۔

نئی دہلی: جنوبی افریقامیں دریافت ہونے والی کورونا وائرس کی نئی قسم اومی کرون نےبھارت اور جنوبی افریقا کے درمیان کرکٹ سیریز کو ملتوی کردیا ہے۔

کورونا کے نئے ویرینٹ اومی کرون کی وجہ سے ویمنز ورلڈکپ کوالیفائر میچز ملتوی کیے جاچکے ہیں اس کے علاوہ کرکٹ کے دیگر ایونٹ بھی اومی کرون کی زد میں آچکے ہیں جس میں کرکٹ افریقا نے کچھ کھلاڑیوں کے کورونا ٹیسٹ مثبت آنے کے بعد ڈویژن ٹو کے میچز کو ملتوی کردیا ہے۔
اب بھارت اور جنوبی افریقا کے درمیان ٹیسٹ، ون ڈے اور ٹی ٹوئنٹی انٹرنیشنلز کو آگے بڑھادیا گیا ہے جسکی تصدیق بی سی سی آئی کے سیکرٹری نے سیریز کو ملتوی کرنے کی کردی ہے۔

بھارت اور جنوبی افریقا کے درمیان تین ٹیسٹ، تین ون ڈے اور چار ٹی20 میچز کی سیریز 17 دسمبر سے شروع ہونا تھی جس کے لیے بھارتی ٹیم کو 8 دسمبر کو جنوبی افریقا کےلیے روانہ ہونا تھا۔

لاہور: پنجاب یونیورسٹی نے 6 دسمبر کو جامعہ بند کرنے کااعلان کردیا۔

تفصیلات کے مطابق جامعہ پنجاب کی جانب سے اعلامیہ جاری کیا گیاہے کہ محکمہ ڈیزاسٹر مینجمنٹ اتھارٹی پنجاب کی ہدایت کے مطابق صوبے بھرمین شدید دھند جاری ہے جس کے باعث لاہورمیں قائد اعظم نیو کیمپس، علامہ اقبال (اولڈ کیپمس) ، پنجاب یونیورسٹی میں 6دسمبر کوبند رہے گی۔

تمام طلبہ کو ہدایت کی جاتی ہے کہ6 دسمبر بروز پیر کو تمام تعلیمی سرگرمیاں آن لائن منعقد کی جائےگی

کوئٹہ: حکومت بلوچستان نے 15 دسمبر سےاسکولز بند کرنے کا اعلان کردیا۔

 صوبائی وزارت تعلیم بولچستان نےاس حوالے سےنوٹیفکیشن بھی جاری کردیا ہے. صوبائی وزارت تعلیم کی جانب سے جاری کردہ نوٹیفکیشن کے مطابق صوبہ بھر میں سرد مقامات پر واقع اسکولوں کو 15 دسمبر سے 28 فروری 2022ء تک بند رکھا جائے گا اور یکم مارچ 2022ء کو دوبارہ کھولا جائے گا۔

دوسری جانب بلوچستان کے موسم کے حوالے سے بتایا گیا ہے کہ کوئٹہ سمیت بلوچستان کے مختلف علاقوں میں موسم سرما کی پہلی بارش و برفباری کا امکان ہے، 2 دسمبر کی رات سے یہ سلسلہ بلوچستان میں مغرب سے داخل ہوگا جس کے نتیجے میں کوئٹہ، پشین، چمن ،قلعہ عبداللہ، مستونگ، چمن نوشکی، تربت سوراب، قلات اور ملحقہ علاقوں میں موسم سرما کی پہلی بارش ہوگی۔ ،

اس کے ساتھ ہی سرد ہوائیں مغرب سے داخل ہونگی جس سے بلوچستان کے شمالی علاقوں میں درجہ حرارت میں 8 ڈگری تک کمی متوقع ہے۔ اسی دوران بلوچستان کے شمالی علاقوں بلخصوص کوئٹہ اور زیارت کے پہاڑوں پر برفباری کا بھی امکان ہے ۔

واضح رہے کہ بلوچستان کے تعلیمی اداروں میں موسم سرما کی تعطیلات کے اعلان سے قبل پنجاب حکومت نے سموگ کے باعث تعلیمی ادارے ہفتے میں 3 روز کے لیے بند رکھنے کا فیصلہ کیا تھا۔

کراچی: رواں سال کا آخری سورج گرہن آج دیکھاجارہاہے لیکن یہ پاکستان میں نہیں دکھائی دے گا۔

محکمہ موسمیات کے مطابق سال 2021 کے آخری سورج گرہن کا آغاز پاکستانی وقت کے مطابق صبح 10 بجکر 29 منٹ ہوا اورسورج کو مکمل گرہن 12 بجے لگا۔ سورج گرہن کا اختتام دوپہر دو بج کر 37 منٹ پر ہوگا۔

محکمہ موسمیات کےمطابق جنوبی افریقہ،آسٹریلیا ،جنوبی امریکہ جبکہ بحیرہ اوقیانوس،بحرالکال ،اںٹارکٹیکا بحر ہند کے علاقوں میں دیکھا جاسکے گا۔

سورج گرہن اس وقت رونما ہوتا ہے جب زمین اور سورج کے درمیان چاند آجاتا ہے اور اس کا سایہ زمین پر پڑتا ہے۔ یہ سورج گرہن اگرچہ پاکستان میں نظر نہیں آئے گا لیکن جنوبی نصف کرے (سدرن ہیمسفیئر) کے کئی ممالک میں نمایاں ہوگا۔ واضح رہے کہ مکمل سورج گرہن صرف انٹارکٹیکا میں ہی دیکھا جاسکے گا

ڈھاکا: دوسرے ٹیسٹ میں پاکستان کی بنگلا دیش کےخلاف بیٹنگ جاری ہے۔

ڈھاکا کے شیربنگلا کرکٹ اسٹیڈیم میں کھیلے جانے والے سیریز کےآخری ٹیسٹ میں پاکستانی کپتان بابراعظم نے ٹاس جیت کرپہلے بیٹنگ کا فیصلہ کیا۔

پاکستان کی پہلی وکٹ 59رنز پر گری جب عبداللہ شفیق 25رنز بنا کر تیج السلام کی گیند پر بولڈ ہو گئے۔ گرین شرٹس کی دوسری وکٹ 70رنز پر گری۔ عابد علی 39رنز بنا کر تیج السلام کی گیند پر بولڈ ہوئے۔

پہلے ٹیسٹ میں 8 وکٹیں لینے والے تیج السلام نے دونوں اوپنرز آؤٹ کر دیے۔ ڈھاکا ٹیسٹ میں پہلے دن کھانے کے وقفہ پر پاکستان نے دو وکٹ پر 78رنز بنالیے۔

بابر اعظم کا کہنا تھا کہ وکٹ بیٹنگ کے لیے سازگار نظرآ رہی ہے۔ دوسرے ٹیسٹ کے لئے پاکستان ٹیم میں کوئی تبدیلی نہیں کی گئی ہے اورپہلے ٹیسٹ کی ٹیم کو ہی برقرار رکھا گیا ہے کوشش ہو گی کہ اسکور بورڈ پر اچھا ٹوٹل کیا جائے۔

بنگلا دیش کی ٹیم میں آل راؤنڈر شکیب الحسن کی واپسی ہوئی ہے۔بنگلادیشی کپتان کا کہنا تھا کہ دوسرا ٹیسٹ جیت کر سیریز برابر کرنے کی کوشش کریں گے۔

واضح رہے کہ پاکستان سیریز کا پہلا ٹیسٹ جیت چکا ہے۔

کراچی: پاکستان کرکٹ ٹیم کے سابق ہیڈ کوچ اور سابق ٹیسٹ کوچ معین خان نےسرفراز احمدکی جگہ اعظم خان کے انتخاب کی خواہش ظاہر کردی ۔

صحافیوں سے گفتگو کرتے ہوئے سابق چیف سلیکٹر نے کہا کہ کوئٹہ گلیڈی ایٹر کے لیے سرفراز احمد ہمیشہ سے بیسٹ آپشن رہے ہیں۔ اچھی کارکردگی کے لیےسرفراز احمد کو اپنا بیٹنگ نمبر تبدیل کرنا پڑے گا۔ انہیں کئی بار اوپر نمبر پر بیٹنگ کرنے کا کہا۔
معین خان نے یہ بھی کہا کہ میری خواہش ہے پی ایس ایل میں اعظم خان وکٹ کیپنگ کریں۔ پی سی بی سرفراز احمد کو ٹی ٹوئنٹی کرکٹ میں زیر غور نہیں لارہا جبکہ اعظم خان ٹی ٹوئنٹی کرکٹ میں پی سی بی کے پلانز کا حصہ ہیں۔ سرفراز احمد اگر چاہیں گے تو اعظم خان پی ایس ایل میں وکٹ کیپنگ کر سکتے ہیں۔

تفصیلات کے مطابق معین خان نے قومی کرکٹ ٹیم کا کوچ کسی غیر ملکی کو مقرر کرنے کی پالیسی کی شدید مخالفت کی

جبکہ اگلے ماہ شروع ہونے والے پی ایس ایل میں وکٹ کیپنگ کیلئے سرفراز احمد کی جگہ اپنے بیٹے اعظم خان کے انتخاب کی خواہش ظاہر کی ہے۔

ایک سوال کے جواب میں معین خان نے کہا کہ پاکستان کرکٹ ٹیم اب اچھا پرفارم کررہی ہے، ماضی کے برعکس اب اسٹریٹجیز بدل گئی ہیں۔ ٹی ٹوینٹی میں سرفراز کو اپنی پوزیشن تبدیل کرکے کھیلنے کی ضرورت ہے۔

معین خان نے بات کو جاری رکھتے ہوئے کہا کہ پرفارمنس دیے بغیر کوئی بھی کم بیک نہیں کرسکتا،اب ہر کھلاڑی کو یہ بات سمجھ لینی چاہیے۔ سسٹم کو نیچھے سے ٹھیک کرنے کی ضرورت ہے. پاکستان کوچز کو آگے بڑھانے کی ضرورت ہے. اگر ایسے اقدامات جاری رہیں تو باہر سے کوچز لانے کی ضرورت نہیں ہوگی۔’

کراچی: محکمہ صحت نے کابینہ میں پبلک اورپرائیوٹ اداروں میں ایم بی بی ایس اور بی ڈی ایس 22-2021 سیشن کے داخلہ مسائل اٹھادیئے۔

کابینہ کو بتایاگیا کہ پی ایم سی 2020 کا سیکشن 16 (ایف) کے امتحانات لینے کا اختیار ہے۔ سیکشن 18 (3) کے تحت میڈیکل اور ڈینٹل پروگرام کیلئے داخلہ کو صوبائی حکومت ریگیولیٹ کرتی ہے۔

پی ایم سی ایکٹ 2020 میں داخلہ کیلئے پاس یا فیل پرسنٹیج کا کوئی ذکر نہیں اس طرح 65 فیصد پاسنگ اسکورکابھی کوئی ایکٹ میں ذکر نہیں

پی ایم سی نے کمپیوٹر بیسڈ ایم ڈی سی اے ٹی 2021 امتحان اکتوبر 2021 میں وفاقی سرکیولم کی بنیاد پر مختلف تاریخوں پر لیاوفاقی سرکیولم کی بنیاد پر لینے کی وجہ سے سندھ کے اسٹوڈنٹس متاثر ہوئے۔

گزشتہ سال ایم ڈی سی اے ٹی ٹیسٹ کی پاسنگ پرسنٹیج 60 فیصد رکھی گئی تھی اس سال یہ پاسنگ پرسنٹیج یکطرفہ طور پر 65 فیصد کی گئی ہے۔

گزشتہ سال 8287 یعنی 32.8 فیصد اسٹوڈنٹس پاس ہوئے اور اس سال 7797 یعنی 22.4 فیصد اسٹوڈنٹس پاس ہوئے
سندھ میں میڈیکل کی کل سیٹس 5490 ہیں۔

گزشتہ سال 60 فیصد ہونے کی وجہ سے 8287 اسٹوڈنٹس پاس ہوئے جن میں 2900 بچوں نے حکومتی تعلیمی اداروں میں داخلہ لیا باقی 5387 اسٹوڈنٹس میں سے 800 اسٹوڈنٹس نے پرائیوٹ داخلہ حاصل کیا باقی بچے ہوئے 4587 اسٹوڈنٹس کہیں بھی ایڈمیشن نہیں لے سکے

اسطرح 1800 سیٹس خالی رہ گئی اور پرائیوٹ اداروں نے 1300 امیدواروں دیگر صوبوں سے داخل کیئےجب کہ 492 سیٹس ابھی تک خالی رہیں* اگر یہ ٹرینڈ رہا تو اگلے 5 سالوں میں دس ہزار ڈاکٹروں کی کمی ہوگی

وزیر صحت، وی سیز پی اے ایم ڈی آئیز نے درخواست کی ہے کہ ایم ڈی سی اے ٹی 2021 کی پاسنگ پرسنٹیج 65 فیصد سے کم کر کے 50 فیصد کی جائے۔
یہ درخواست صدر پی ایم سی کو بھیجی ہے لیکن کوئی جواب نہیںآیا۔ محکمہ صحت نے کابینہ کو درخواست کی کہ پاسنگ پرسنٹیج 65سےکم کر کے 50 فیصد کی جائے سندھ کابینہ نے پرسنٹیج 65 فیصد سے کم کر کے 50 فیصد کرنے کی منظوری دیدی