ایمزٹی وی(کراچی)سابق صدر پرویز مشرف نے لال مسجد آپریشن کے فیصلے کو درست قرار دیا ہے ذرائع کےمطابق سابق صدر کا کہنا ہے کہ انہوں نے لال مسجد والوں کے خلاف جو کیا ٹھیک کیا ۔ دہشت گردوں کے ساتھ ایسا ہی ہونا چاہیے تھااب وہ پھر ابھر رہے ہیں۔ حکومت فوری ایکشن لے کیونکہ جتنی دیر سے ایکشن لیں گے یہ جن اتنا ہی بڑا ہوتا رہے گا اور پھر بڑا ایکشن لینا پڑے گا۔ پرویز مشرف نے واضح کیا کہ مقبوضہ کشمیر میں طالبان نہیں بلکہ مجاہدین ہیں۔ امریکہ میں نائن الیون کے بعد ’مجاہدین‘ کا طالبان کے ساتھ گٹھ جوڑ ہو گیا تھا۔ سابق صدر نے دعوی کیا کہ وہ اپنے دور میں مسئلہ کشمیر کے حل کی طرف جا رہے تھے ۔ واجپائی اور ان کے درمیان اتفاق ہو گیا تھا۔ نریندر پاکستان کو مروڑنا اور دبانا چاہتے ہیں اگر وہ سوچ تبدیل نہیں کریں گے تو معاملہ آگے نہیں بڑے گا۔ سابق صدرکا کہنا ہے کہ قومی ایکشن پلان پر صاف نیت سے عمل درآمد نہیں ہو رہا ۔ حکومت میں کچھ عناصر شدت پسندوں کے ساتھ نظریاتی طور پر ملے ہوئے ہیں۔ فوج کو حکومت اور بیورو کریسی کی طرف سے جو مدد ملنا چاہیے تھی وہ نہیں مل رہی۔ پرویز مشرف نے اپنے خلاف تمام مقدمات سیاسی نوعیت کے قرار دیئے۔

ایمزٹی وی(اسلام آباد) ہارٹ آف ایشیا-استنبول پراسس کی 5ویں کانفرنس میں شرکت کے لیے افغانستان کے صدر اشرف غنی اسلام آباد پہنچ گئے۔ صدر اشرف غنی کی آمد پر 21 توپوں کی سلامی کے ساتھ پرتپاک استقبال کیا گیا اور دونوں ممالک کے قومی ترانے بجائے گئے جبکہ مہمان صدر کو مسلح افواج کے چاق و چوبند دستے نے شاندار گارڈ آف آنر بھی پیش کیا۔نور خان ایئربیس پر وزیر اعظم نواز شریف نے مہمان صدر کا استقبال کیا اس موقع پر تینوں افواج کے سربراہان بھی موجود تھے ہارٹ آف ایشیا کانفرنس کا مقصد افغانستان میں قیام امن اور پائیدار ترقی کے لیے مستقبل کا لائحہ عمل تیار کرنا ہے اس موقع پر میڈیا سے مختصر بات چیت میں ان کا کہنا تھا کہ وزیر اعظم نواز شریف اور مشیر خارجہ سے ملاقاتوں میں دونوں ملکوں کے درمیان تعلقات کی بہتری پر بات ہوگی۔واضح رہے کہ آج سے شروع ہونے والی ہارٹ آف ایشیا کانفرنس میں ہندوستان کے علاوہ چین، ایران، ترکی، تاجکستان، ازبکستان، آذربائیجان اور جرمنی سمیت 10 ممالک کے وزرائے خارجہ، 17 ڈونرز ممالک کے نمائندگان اور 12 عالمی تنظیمیں بھی شرکت کر رہی ہیں۔

ایمزٹی وی(انٹرنیشنل) انسانی حقوق کے عالمی ادارے ایمینسٹی انٹرنیشنل کا کہنا ہے کہ داعش جو ہتھیار استعمال کر رہی ہے، اُن میں سے بیشتر ہتھیار عراقی فوج سے حاصل کئے گئے ہیں۔ذرائع کے مطابق گذشتہ سال جون میں عراق کےشہر موصل پر قبضے کے دوران بڑی تعداد میں اسلحہ داعش کے ہاتھ لگا۔رپورٹ کے مطابق دولت اسلامیہ کے پاس روایتی قسم کے تین فوجی ڈویژن ہیں جن میں 40 ہزار سے 50 ہزار جنگجو ہیں ۔داعش عراق اور شام میں 25 ممالک کے تیار کردہ ہتھیار استعمال کر رہی ہے ۔ رپورٹ میں کہا گیا ہے کہ 1980 کی دہائی میں دنیا میں فروخت کیا جانے والا 12 فیصد اسلحہ عراق میں پہنچا۔ایمینسٹی کا کہنا ہے کہ امریکی فوج کے تخمینے کے مطابق عراق پر امریکی حملے کے بعد ستمبر 2003 میں عراق کے طول و عرض میں ساڑھے چھ لاکھ ٹن ایساگولہ بارود موجود تھا جو غیر محفوظ تھا۔ انسانی حقوق کی عالمی تنظیم نے علاقے میں اسلحہ کے پھیلاؤ کو روکنے کے لیے اسلحے پر مکمل پابندی کی اپیل کی ہے۔

ایمزٹی وی(پشاور) آرمی پبلک اسکول (اے پی ایس) پر حملے کے نتیجے میں جان کی بازی ہارنے والے بچوں کے والدین حکومت کی جانب سے حملے کی تحقیقات پر غیر مطمئن ہیں اور انھوں نے سانحہ پشاور کے ایک سال مکمل ہونے پر منعقد کی جانے والی تمام سرکاری تقریبات کے بائیکاٹ کی دھمکی دے دی ہے. والدین نے اس حوالے سے بھی خبردار کیا کہ اگر 16 دسمبر تک سانحہ پشاور کی جوڈیشل انوسٹی گیشن کا اعلان نہ کیا گیا تو وہ تمام حکومتی ایوارڈز واپس کردیں گے. پشاور پریس کلب میں ایک پریس کانفرنس کے دوران اے پی ایس شہداء فورم کے صدر افضل خان کا کہنا تھا کہ واقعے میں ملوث 4 افراد کی پھانسی، دہشت گردی کے واقعے کا شکار ہونے والوں کے والدین کو مطمئن نہیں کرسکتی اور انھیں مجرموں کی شناخت کے حوالے سے ہمیشہ اندھیرے میں رکھا گیا۔انھوں نے مزید کہا کہ نہ تو صوبائی اور نہ ہی وفاقی حکومت غمزدہ والدین سے کیے گئے عہد کو پورا کرنے میں سنجیدگی دکھا رہی ہے.