ایمز ٹی وی(پشاور) آج صبح 5 سے 6 بجے کے درمیان پشاور بڈھ بیر میں ائیر بیس پر دہشت گردوں نے حملہ کیا، لیکن پاک فوج کی کوئک رسپونس فورس نے دہشت گردوں کے ناپاک عزائم کو ناکام بنا دیا۔ کالعدم تحریک طالبان نے ایئرفورس کیمپ پر حملے کی ذمہ داری قبول کر لی ہے۔ تحریک طالبان کے ترجمان محمد خراسانی نے صحافیوں کو بھیجی گئی ای میل میں اس حملے کی ذمہ داری قبول کرنے کا دعویٰ کیا ہے۔ تحریک طالبان کی جانب سے جاری کردہ ای میل میں کہاگیا ہے کہ ایئر کیمپ پر حملہ فوجی آپریشن کا جوابی حملہ ہے ۔ اس کاروائی کے لئے 14 افراد کو بھیجا گیا تھا۔ واضح رہے کہ فوج کیمپ حملے میں کیپٹن اسفند یار بخاری سمیت 17افراد شہید ہوئے ہیں جبکہ پاک فوج کی جانب سے تما م دہشتگردوں کو ہلاک کر دیاہے ۔

ایمز ٹی وی (نوشہرہ) پاکستان تحریک انصاف کے چیئرمین عمران خان نے کہا ہے کہ فاٹا کو خیبر پختونخوا کا حصہ بنانا چاہیے، فاٹا کے عوام کو صوبے میں شامل کرنے سے پہلے ان کی رائے لیں گے۔نوشہرہ میں ایم این اے عمران خٹک سے ملاقات کے بعد میڈیا سے گفتگو میں تحریک انصاف کے سربراہ کا کہنا تھا کہ اب وقت آ گیا ہے کہ انگریزوں کے زمانے کا نظام ختم کر دیا جائے، وہاں کے قانون میں مقامی سطح پر عوامی شمولیت کی خوبی موجود تھی مگر گزشتہ 10 سال میں یہ نظام مکمل طور پر تباہ ہو چکا ہے۔ان کا کہنا تھا کہ فاٹا افغان سرحد کے ساتھ ساتھ ہے اس لیے اس کا الگ صوبہ بننا ممکن نہیں،اس کو پختونخوا کا حصہ بننا چاہیے۔ فاٹا کو کے پی کے میں شامل کرنے کے حوالے سے ان کا مزید کہنا تھا کہ وہاں کی عوام سے پہلے بات کرنی پڑے گی کہ کیسے آہستہ آہستہ ان کو صوبے میں ضم کیا جائے یا اگر وہ الگ صوبہ چاہتے ہیں تو وہ کیسے ہو گا اور اگر وہ پرانا نظام ہی چاہتے ہیں تو اس میں کس قسم کی تبدیلی کی ضرورت ہے۔

ایمز ٹی وی(پشاور) پاک فوج کا دہشت گردوں کیخلاف آپریشن کے درست نتائج برآمد ہوئے ہیں،گزشتہ سالوں کی نسبت رواں سال پشاور میں دہشت گردی کے واقعات میں نمایاں کمی واقع ہوئی ہے۔ ایک رپورٹ کے مطابق رواں سال قومی ایکشن پلان پر عملدرآمد سے پشاور میں دہشت گردی کے واقعات میں نمایاں کمی ہوئی تھی۔اس سال خیبرپختوانخوا میں دہشت گردی کے ایک سو تیرہ واقعات رپورٹ ہوئے۔جن میں ستتر افراد جاں بحق اور 133 زخمی ہوئے۔جبکہ اس کے مقابلے میں گزشتہ سال دو سو چالیس، دو ہزار تیرا میں دو سو پنتالیس اور دو ہزار بارہ میں ایک سو ستر واقعات ہوئے تھے۔ جن میں چھ سو چھیالیس افراد جاں بحق اور ایک ہزار آٹھ سو سترہ افراد زخمی ہوئے تھے۔ محکمہ انسداد دہشت گردی نے رواں سال صوبے بھر میں نوسو سات سرچ آپریشن کرکے ایک ماہ میں دہشت گردی کے ساٹھ واقعات کو ناکام کردیا دہشت گردوں کو گرفتار کیا جن کے سروں کی قیمت مقرر تھی۔

ایمزٹی وی(ٹیکنالوجی)اوزون میں شگاف پڑنے سے انسانی زندگی میں مدافعتی ناطم کو نقصان پہنچ سکتا ہےماہرین کا کہنا ہے کہ اوزون تہہ کو نقصان پہنچانے والی گیسوں کا استعمال کم نہ کیا تو 2030ءتک 20لاکھ افراد کو کینسر کا مہلک مرض لاحق ہو سکتا ہے۔ تفصیلات کے مطابق اوزون فضا میں زمین سے 10 کلو میٹر بلند اور 10کلومیٹر موٹی آکسیجن کی تہہ ہے جو سورج سے نکلنے والی الٹرا وائلٹ شعاعوں کو زمین تک آنے سے روکتی ہے۔ یہ شعاعیں اگر زمین تک پہنچ جائیں تو انسانی زندگی اور زمین پر موجود دیگر حیات کیلئے انتہائی خطرناک ہیں۔ اوزون کی تہہ کو کلورین گیس سے نقصان پہنچتا ہے۔ تحقیقات سے ثابت ہوا ہے کہ ریفریجریٹروں میں استعمال کی جانے والی گیس اوزون کی تہہ کے لیے انتہائی خطرناک ہے۔ اوزون کی تہہ میں شگاف پڑنے سے انسانوں کے مدافعتی نظام میں کمزوری، آنکھوں کا موتیا اور جلدی کینسر جیسے امراض سامنے آ رہے ہیں۔ اوزون کی تہہ کو بچانے کے لیے اقوام متحدہ کے ممبر ممالک نے معاہدے پر دستخط کیے ہیں۔ کلورین گیس کا استعمال کم کرنے کیلئے دنیا میں بہت سی کوششیں جاری ہیں لیکن پاکستان میں وزارت ماحولیات کا اوزون سیل 2008ءسے بند پڑا ہے۔