ایمز ٹی وی(فارن ڈیسک )  کرسمس کے آنے سے پہلے ہی سانتا کلازکا روپ دھارے سیکڑوں لوگ آسٹریلیا کے شہر سڈنی کی سڑکوں پر نکل آئے،سڈنی میں سانتا کلازکا لباس پہنے افراد کے درمیان  ریس ہوئی، جس میں ڈھائی ہزار  افراد نے شرکت کی، اس ریس کا مقصد بیمار بچوں کیلئے امداد جمع کرنا تھا، ریس کے شرکاء کو جیتنے کیلئے 5 کلومیٹر کا فاصلہ طے کرنا تھا۔

ایمز ٹی وی (فارن ڈیسک ) گوانتاناموبے سےچھٹنے والے  چھ افراد یوراگوئے پہنچ گئے- جہاں پر انھیں آباد کیا جائے گا۔ رہا ہونے والوں میں ایک تیونس، ایک فلسطین اورشام کے چار شہری ہیں ۔اِن افراد کو القاعدہ سے تعلق کے شبہ میں گرفتار کیا گیا تھا۔ یوراگوائے کے صدر جوز موجیکا نے اس سال مارچ میں اِن قیدیوں کو انسانی ہمدردی کی بنیاد پر اپنے ملک میں پناہ دینے کا فیصلہ کیا تھا۔تاہم یوراگو ئےکے عوام کی اکثریت اِن قیدیوں کی آمد کے خلاف ہے

ایمز ٹی وی (فیصل آباد) پنجاب حکومت نے پولیس کو مظاہرین کیخلاف طاقت کا استعمال کرنے سے سختی سے روک دیا ہے  اور  ہدایات جاری کی ہیں کہ قانون شکنی کرنے والوں کیخلاف کارروائی صرف سینئر افسران کے حکم پرکاروائی  کی جائے گی۔پنجاب حکومت  نے ڈی سی او اور سی پی او کو موقع پر موجود رہنے کا حکم بھی جاری کر دیا ہے ، جبکہ تحریک انصاف کا فیصل آباد میں جلائو گھیرائوجاری ہے کارکن سڑکوں پر نکل آئےہیں  اور  ٹریفک  بھی روک دی  گئی ہے ، دوسری طرف پی ٹی آئی اورن لیگ کےکارکنوں کےدرمیان ناولٹی پل پرتصادم جاری ہے اور تحریک انصاف کی خواتین نے  بھی ناولٹی چوک پر دھرنا دیا ہوا ہے،چناب چوک پرصورتحال کشیدہ ہیں اور  دکانیں بند کرادی گئیں۔جبکہ تصادم میں    2 افراد زخمی ہوگئے ہیں  دوسری طرف سمندری روڈ پر بھی تحریک انصاف کےکارکنوں کا احتجاج جاری ہے، جبکہ  فیصل آباد'' گو نواز گو'' اور ''رو عمران رو'' کےنعروں سے گونج اٹھا ہے، واضح رہے کہ فیصل آباد میں 4 ہزارسےزائد پولیس اہلکارسیکورٹی پر مامورہیں،جبکہ عمران خان  نے اپنے  ٹویٹ پیغام میں کہا ہے کہ  آج ساڑھے 3بجےفیصل آبادپہنچوں گا

ایمز ٹی وی (فیصل آباد) تحریک انصاف آج فیصل آباد میں احتجاج کر رہی ہے ،جبکہ  ملت چوک میں ن لیگ اور تحریک انصاف کے کارکن آمنے سامنے آ گئے ۔عمران خان شام تین بجے چوک گھنٹہ گھر پہنچیں گے ، دوسری جانب پنجاب حکومت نے تحریک انصاف کے کارکنوں سے نمٹنے کے لئے خصوصی اقدامات کئے ہیں ، فیصل آباد کے تمام سرکاری ہسپتالوں میں ایمرجنسی نافذ کر دی گئی ہے۔فیصل آباد میں تحریک انصاف شٹر ڈاؤن کی کال کامیاب بنانے کے لئے پوری طرح کمر بستہ ہے ۔ کارکن ٹولیوں کی صورت میں شہر کے مختلف علاقوں میں پھیل رہے ہیں ۔ شہر میں کچھ دکانیں کھلی اور کچھ اب بھی بند ہیں ۔ ملت چوک میں پی ٹی آئی کے کارکنان بڑی تعداد میں اکٹھے ہو رہے ہیں ۔ چند کارکنوں نے ٹائر جلا کر ٹریفک بلاک کرنے کی کوشش کی ادھر ملت چوک میں ن لیگ اور تحریک انصاف کے کارکن آمنے سامنے آ گئے ہیں ۔ کسی ممکنہ تصادم سے بچنے کے لئے پولیس طلب کر لی گئی ہے اور واٹر کینن پہنچا دی گئی ہے ۔ ڈی سی او فیصل آباد نور الامین مینگل بھی ملت چوک پر موجود ہیں ۔ نڑوالا چوک ، کلیم شہید کالونی اور سمندری روڈ پر تحریک انصاف کے کارکن حکومت مخالف نعرے لگاتے سڑکوں پر نکل رہے ہیں۔ ناولٹی چوک بلاک ہونے کی وجہ سے جھنگ اور کمالیہ سے آنے والی ٹریفک کو مشکلات کا سامنا ہے ۔ مسلم لیگ قائداعظم اور سنی اتحاد کونسل نے بھی احتجاج کی حمایت کر دی  ہے ۔ عمران خان دوپہر فیصل آباد ایئر پورٹ پہنچیں گے ۔ دوسری طرف پنجاب حکومت نے تحریک انصاف کے کارکنوں سے نمٹنے کے لئے خصوصی اقدامات کر رکھے ہیں ۔ انتظامیہ کا کہنا ہے کہ راستے بند کرنے اور شٹر ڈاؤن کرنے والوں کو فوری حراست میں لیا جائے گا ۔ گھنٹہ گھر چوک کے آٹھ بازاروں کے داخلی اور خارجی راستوں پر چار ہزار پولیس اہلکار تعینات ہیں ۔ دیگر شہروں سے 15سو پولیس اہلکار فیصل آباد پہنچ چکے ہیں جبکہ قیدیوں کو لے جانے والی وین بھی موقع پر پہنچا دی گئی ہے۔ الائیڈ ہسپتال ، ڈسٹرکٹ ہیڈ کوارٹرز ہسپتال ، جنرل ہسپتال ،غلام محمد آباد اور سمن آباد کے ہسپتالوں میں ایمرجنسی نافذ رہے گی ۔ ڈاکٹرز اور پیرا میڈیکل سٹاف کی چھٹیاں بھی منسوخ کر دی گئی ہیں ۔ شہر میں مختلف مقامات پر کچھ تعلیمی ادارے کھلے اور کچھ بند ہیں ادھر مسلم لیگ ن اور ٹرانسپورٹ مالکان کے مشترکہ اجلاس میں فیصلہ کیا گیا ہے کہ گاڑیاں معمول کے مطابق اڈوں سے نکلیں گے۔