ایمزٹی وی(انٹرنیشنل) جنوبی کوریا کے حکام نے دعویٰ کیا ہے شمالی کوریا کے رہنما کم جونگ کے حکم پرنائب وزیراعظم سمیت دیگر وزرا کوموت کے گھاٹ اتار دیا گیا ہے.
تفصیلات کے مطابق جنوبی کوریا کے حکام کا کہنا ہے کہ شمالی کوریا کے صدر کم جونگ نے نائب وزیراعظم کم یونگ سمیت دیگر وزرا کو گزشتہ ماہ سزائے موت دی گئی.
جنوبی کوریا کے حکام کا کہنا تھا کہ نائب وزیراعظم کو پارلیمنٹ اجلاس کے دوران غلط انداز میں بیٹھنے اور اونگھنے پر گرفتار کرکے تفتیش کا آغاز کیا گیا جس میں انہوں دیگر جرائم کا بھی اعتراف کیا جس پر انہیں جولائی میں سزائے موت دی گئی.
حکام کے مطابق وزیر زراعت سمیت دیگر وزرا کو بھی سزائے موت دی گئی تاہم اس حوالے سے مزید تفصیلات سامنے نہیں آسکیں جبکہ ان تمام وزرا پر کرپشن اور ذاتی فوائد کے حصول کے الزامات تھے.
واضح رہے کہ کم جونگ کے حکم پر اس سے قبل بھی کئی اہم حکومتی عہدیداروں کو مختلف الزامات کے تحت سزائے موت دی جا چکی ہے جبکہ رواں برس چیف آف آرمی اسٹاف کو بھی موت کی سزا دی گئی تھی.
ایمزٹی وی(تعلیم)کراچی انٹرمیڈیٹ بورڈمیں کرپشن میں اہم انکشافات سامنے آگئے ہیں۔ جس کے مطابق 95 طلباوطالبات کےامتحانی نتائج تبدیل کئے گئے جبکہ 75 طلباوطالبات کی ایوارڈلسٹ تبدیل کی گئی ہے۔
تفتیش کار کے ذرائع نے یہ بھی بتایاکہ ایک طالب علم کو 14 پرچوں میں اے ون گریڈدیاگیا
جبکہ 700 امتحانی کاپیوں میں تبدیلیاں کی گئیں ہیں
ایمزٹی وی(ٹیکنالوجی)پشاورمیں توتبدیلی نہیں آئی دیرمیں آگئی ہے۔ لوئردیرمیں کرپشن کے خاتمے کے لئے ٹریفک پولیس کو کیمرے والے قلم دینے کے ساتھ ساتھ ان کی تعداد بھی بڑھادی گئی ہے۔ نئی ٹیکنالوجی آنے سے اب کوئی جرمانہ دینے سے انکارنہیں کرسکے گا ۔
ایمزٹی وی(آزادکشمیر) پاکستان پیپلز پارٹی نے آزاد کشمیر کے انتخابی نتائج مسترد کرتے ہوئے مسلم لیگ (ن) پر دھاندلی کا الزام عائد کردیا۔ ذرائع کے مطابق ترجمان پیپلز پارٹی کی جانب سے جاری بیان میں کہا گیا ہے کہ آزاد کشمیر کے انتخابات میں مسلم لیگ (ن) نے سائنٹفک طریقے سے پری پول دھاندلی کی، ہم ان انتخابی نتائج کو تسلیم نہیں کرتے اور پیپلز پارٹی کے تمام امیدوار اپنے اپنے حلقوں میں احتجاجی پریس کانفرنس کریں گے۔ دوسری جانب مسلم لیگ (ن) کے رہنما برجیس طاہر کا کہنا ہے کہ آزاد کشمیر کے انتخابات میں کرپشن، دھاندلی اور بدعنوانی کو شکست ہوئی ہے۔ واضح رہے کہ آزاد کشمیر کی قانون ساز اسمبلی کے انتخابات میں مسلم لیگ (ن) 26 نشستیں لے کر پہلے نمبر پر رہی جب کہ تحریک انصاف اور مسلم کانفرنس کو 2، 2 اور سابق حکمراں جماعت پیپلز پارٹی کو صرف ایک نشست پر کامیابی ملی۔
ایمزٹی وی(بزنس)سیکیورٹیز اینڈ ایکسچینج کمیشن آف پاکستان (ایس ای سی پی) نے شفاف ویلیو ایشن میکنزم کو یقینی بنانے اور ویلیو ایشن کمپنیوں کی ممکنہ کرپشن کی روک تھام کے لیے ریگولیشن متعارف کرانے کا فیصلہ کیا ہے جس کے لیے آئندہ ہفتے اعلی سطح کا اجلاس طلب کیا جائے گا۔
دستاویز کے مطابق سیکیورٹیز اینڈ اینڈ ایکسچینج کمیشن آف پاکستان (ایس ای سی پی) کے چیئرمین ظفر حجازی نے گورنر اسٹیٹ بینک آف پاکستان (ایس بی پی) اشرف محمود وتھرا کو 2صفحات پر مشتمل جوابی لیٹر لکھا ہے جس میں اسٹیٹ بینک آف پاکستان کی جانب سے چیئرمین ایف بی آر اور ایس ای سی پی کو ویلیوایشن کے لیٹر کا حوالہ دیا گیا ہے۔
جس میں گورنر اسٹیٹ بینک آف پاکستان نے ریگولیشن، احتساب، مانیٹرنگ اور ویلیو ایشن پروفیشنلز کو ریگولیٹ کرنے اور اسٹریم لائن کرنے کے حوالے سے ایس ای سی پی کی جانب سے کی جانے والی کوششوں کی جانب توجہ دلائی ہے۔
انہوں نے گورنر اسٹیٹ بینک سے کہاکہ ایویلیوایٹر پروفیشنلز اور کمپنیوں کے لیے ریگولیشن متعارف کرانے کے حوالے سے اسٹیٹ بینک کی معاونت و مشاورت شامل ہے اور ایس ای سی پی کی کوشش ہے کہ ملک میں صاف و شفاف نظام متعارف کرایا جائے۔ ظفر حجازی نے خط میں کہاکہ فنانس ایکٹ 2016 کے ذریعے ترمیم کے تحت بجٹ میں حکومت کی جانب سے غیرمنقولہ جائیداد کی ویلیو ایشن کے لیے متعارف کرائے جانے والے نئے نظام سے ویلیوایشن پروفیشنلز کے کام کے اسکوپ اورمقدار میں اضافہ ہوجائے گا اور اس معاملے میں سیکیورٹیز اینڈ ایکسچینج کمیشن آف پاکستان بھی معیاری اور شفاف ویلیوایشن رپورٹس کی تیاری کو یقینی بنانے کے حوالے سے درپیش چیلنجز سے بخوبی آگاہ ہے۔
اس حوالے سے ضروری ہے کہ غیر منقولہ جائیداد کی صاف و شفاف اور غیر جانبدار ویلیوایشن کو یقینی بنانے کے لیے ایویلیوایٹرز اور ایویلیوایٹر کمپنیوں کے ویلیو ایشن میکنزم اور گورننس کو الگ الگ کیا جائے جس کے لیے متعلقہ اسٹیک ہولڈرز سے تفصیلی مشاورت کی جارہی ہے اور متعلقہ اسٹیک ہولڈرز سے اس حوالے سے آرا و تجاویز بھی مانگی گئی ہیں۔
لہٰذا ریگولیشن میں ترامیم کے لیے آئندہ ہفتے اسٹیٹ بینک آف پاکستان اور فیڈرل بورڈ آف ریونیو کے حکام کا اعلی سطح کا اجلاس بلایا جائے گا جس میں اسٹیک ہولڈرز کی جانب سے ملنے والی آرا و تجاویز کو ایف بی آر اور اسٹیٹ بینک حکام کے ساتھ شیئر کیا جائے گا تاکہ ان تجاویز و آرا کی روشنی میں اسٹیٹ بینک آف پاکستان (ایس بی پی) اور ایف بی آر حکام کی مشاورت سے ویلیوایشن ریگولیشن کے مسودے کو حتمی شکل دی جائے گی۔
ایمزٹی وی(تعلیم)بے نظیر بھٹو شہید یونیورسٹی لیاری کے ملازمین نے یونیورسٹی کے وائس چانسلر اختر بلوچ کی کرپشن اور اپنے خاندان کے لوگوں کی غیرقانونی بھرتیوں ،میڈیکل الائونس ،ہائوس سیلنگ الائونس اور دیگرمطالبات کے ساتھ یونیورسیٹی کے وی سی آفس کے باہر دھرنا دیا اور تمام دفاترمیں تالابندی کرواکروی سی کادفتربھی خالی کروادیا۔ یونیورسٹی میں تالا بندی کرنے کے بعدملازمین نے لیاری یونیورسٹی سے کراچی پریس کلب کی طرف پیدل مارچ کیا اورپریس کلب کے باہرعلامتی دھرنادیا۔اس موقع پروی سی لیاری یونیورسٹی کے خلاف سخت نعرے بازی کی گئی۔ دھرنے سے حمید بلوچ ، شبیرسوہو ،فضا قریشی نے خطاب کرتے ہوئے کہاکہ وی سی اپنی کرپشن چھپانے کے لیے ملازمین کو دبانا چاہتے ہیں اورہمارے جائز مطالبات ماننے کے بجائے انتقامی کارروائیاں کررہے ہیں ،انہوں نے پیپلز پارٹی کے چیئرمین بلاول بھٹو ، وزیراعلی سندھ اور گورنر سندھ سے مطالبہ کیا کہ بے نظیر بھٹو شہید کے نام پر بننے والی یونیورسٹی کو کرپشن کی نذرہونے سے بچایا جائے اورکرپٹ وائس چانسلراختربلوچ جس پرنیب میں بھی سخت کرپشن کے کیسز چل رہے ہیں کو فی الفور ہٹایا جائے اور کوئی ایماندار وائس چانسلرتعینات کیا جائے
ایمزٹی وی(اسلام آباد)قومی احتساب بیورو (نیب) نے ڈی ایچ اے کیس میں سابق آرمی چیف جنرل (ر) اشفاق پرویز کیانی کے بھائی کامران کیانی کے وارنٹ گرفتاری جاری کردیئے۔ تفصیلات کے مطابق ڈی ایچ اے سٹی پروجیکٹ 2009 میں شروع کیا گیا جس کے تحت فوج میں شہید ہونے والوں کے ورثا اور جنگ میں زخمی ہونے والے فوجیوں سمیت فوج کے دیگر افراد کو پلاٹ دینے کا فیصلہ کیا گیا۔ سابق آرمی چیف جنرل (ر) اشفاق پرویز کیانی کے بھائی کامران کیانی اور حماد ارشد کی کمپنییوں نے ڈی ایچ اے لاہور کو شہدا کی زمینیں خریدنے کے لیے 2009 میں اپنی خدمات پیش کیں اور اس سلسلے میں انہیں ضروری زمین مہیا کردی گئی تاہم 6 سال گزرنے کے باوجود اراضی کے مستحق افراد اس سے محروم رہے جس پر ڈی ایچ اے نے جنوری 2016 میں کامران کیانی اور حماد ارشد کے خلاف نیب میں شکایت درج کیں۔ حماد ارشد کو کرپشن، دھوکا دہی اور فنڈز کے ہیر پھیر کے الزام میں گرفتارکرلیا گیا تھا اور اب نیب نے کامران کیانی کے وارنٹ گرفتاری بھی جاری کردیے ہیں اور اس سلسلے میں ڈی جی نیب راولپنڈی اور آئی جی پنجاب کو وارنٹ ارسال کر دیئے گئے ہیں۔ نیب نے احکامات جاری کیے ہیں کہ کامران کیانی کو گرفتار کرکے عدالت سے جسمانی ریمانڈ حاصل کیا جائے تا کہ ڈی ایچ اے کیس کی انکوائری مکمل کی جا سکے۔
ایمزٹی وی(لاہور)جماعت اسلامی کا کرپشن فری پاکستان ٹرین مارچ اپنی منزل کراچی کی جانب رواں دواں ہے۔ لاہور اسٹیشن سےکارکنوں کی بڑی تعداد نے پرجوش انداز میں ٹرین مارچ کے شرکاء کو رخصت کیا۔ امیرجماعت اسلامی سراج الحق کا کہنا تھا کہ کرپٹ اشرافیہ کو اقتدارکے ایوانوں میں نہیں جیل میں دیکھنا چاہتا ہوں۔
کرپشن سے پاک پاکستان کے نعرے کے ساتھ گزشتہ روز پشاور سے شروع ہونے والے جماعت اسلامی کے ٹرین مارچ کے شرکاء رات لاہور میں پڑائو ڈالنے کے بعد صبح دوبارہ اپنی منزل مقصود کی جانب روانہ ہوئے۔
لاہورریلوے اسٹیشن پرجماعت اسلامی کے کارکنوں کی بڑی تعداد نے کرپشن کے خلاف اپنے قائد کی آواز میں آواز ملاتے ہوئے شرکاء کو رخصت کیا۔
جماعت اسلامی کے امیر سراج الحق نے مارچ کے شرکاء سے خطاب میں کہا کہ کرپٹ اشرافیہ کو اقتدار کے ایوانوں میں نہیں جیل میں دیکھنا چاہتا ہوں۔ ٹرین مارچ کراچی جا سکتا ہے تو اس کا رخ اسلام آباد کی جانب بھی ہوسکتا ہے۔۔
ٹرین مارچ کوٹ لکھپت، رائے ونڈ، کوٹ رادھا کشن اسٹیشنز سے ہوتے ہوئے اوکاڑہ پہنچا۔ کوٹ رادھا کشن اسٹیشن پر رش اور دھکم پیل کے باعث امیرجماعت اسلامی زخمی ہوگئے ان کے پائوں پر چوٹ آئی
ایمزٹی وی(کوئٹہ) احتساب عدالت نے سابق سیکرٹری خزانہ بلوچستان مشتاق رئیسانی کے ریمانڈ میں مزید 14 روز کی توسیع کردی۔ ذرائع کے مطابق قومی احتساب بیورو (نیب) کی جانب سے سابق سیکرٹری خزانہ مشتاق رئیسانی اور اکاؤنٹینٹ ندیم اقبال کو احتساب عدالت میں پیش کیا گیا اس موقع پر تفتیشی افسران نے موقف اختیار کیا کہ زیرحراست ملزمان نے قومی خزانے کو نقصان پہنچایا جن سے مزید تفتیش کرنی ہے اس لئے ریمانڈ میں توسیع کی جائے۔ عدالت نے تفتیشی افسران کی درخواست منظور کرتے ہوئے مشتاق رئیسانی اور اکاؤنٹینٹ ندیم اقبال کے ریمانڈ میں مزید 14 روز کی توسیع کرتے ہوئے انہیں نیب کے حوالے کردیا۔ سماعت کے دوران مشتاق رئیسانی نے شکوہ کیا کہ گزشتہ ریمانڈ پر بھی ان کی ملاقات اہلخانہ سے نہیں کرائی گئی جس پرعدالت نے حکم دیا کہ ملزم کو میڈیکل سہولت فراہم کرتے ہوئے بیوی، بیٹے اور بھائی سے ملاقات کرائی جائے۔ واضح رہے کہ 6 مئی کو نیب نے سیکرٹری خزانہ مشتاق رئیسانی کے گھرپرکارروائی کے دوران 63 کروڑ روپے سے زائد نقدی، پرائز بونڈ، زیورات اور غیرملکی کرنسی برآمد کی تھی۔
ایمزٹی وی(آزاد کشمیر) میر پور میں پاکستان پیپلزپارٹی کے جلسہ عام سے خطاب کرتے ہوئے پارٹی کے چیئر مین بلاول بھٹو نے خطاب کرتے ہوئے کہا کہ حکومت کی مجرمانہ خاموشی کی وجہ سے اوفا ڈکلیئریشن میں کشمیر کا ذکر تک نہیں تاہم آپ کی دوستی آپ کو مبارک ہولیکن ہم کشمیر کےمؤقف سے کبھی پیچھے نہیں ہٹیں گے، ہم مسئلہ کشمیر کا پرامن حل چاہتے ہیں، کشمیر کو اپنا فیصلہ کرنے کا اختیار دیا جائے یہی ہمارا اور کارکنوں کا نعرہ ہے۔ چیئر مین پیپلز پارٹی کا کہنا تھا کہ پانامالیکس کا زورجلسوں پر ہے اور جلسےکرکے یہ ثابت کرنے کی کوشش کی جارہی ہے کہ وہ بہت مقبول ہیں جب کہ جلسوں میں اربوں روپے کے فنڈز کااعلان ایسے کررہے ہیں جیسے اتفاق فاؤنڈری اورپاناما کا پیسہ خرچ کررہے ہیں لیکن میاں صاحب شیرڈیزل پرنہیں چلتا جبکہ وزیراعظم نوازشریف کو نام لیے بغیر مخاطب کرتے ہوئے کہا کہ جب آپ کے احتساب کی بات ہوتی ہے تو آپ کی پارٹی شورمچانا شروع کردیتی ہے لہٰذا جمہوریت کواحتساب سے خطرہ نہیں ہے اگرخطرہ ہے تو تخت رائیونڈ کوہے کیونکہ آپ جمہوریت نہیں تخت رائیونڈ کا راج چاہتے ہو۔ میرپور آزاد کشمیر میں جلسے سے خطاب کرتے ہوئے بلاول بھٹو زرداری نے مشیر خارجہ سرتاج عزیز کے استعفیٰ کامطالبہ کرتے ہوئے کہا کہ آپ کی خارجہ پالیسی ناکام ہے، بلوچستان میں ڈرون حملے اور ایف سولہ کی خریداری میں بھی ناکامی ہوئی۔ انہوں نے کہا کہ کہ آج ہماری ریاست دنیا میں تنہا کھڑی ہے، بھارت ہمارا مخالف ہے جب کہ افغانستان اور ایران بھی ناراض ہیں اور سی پیک کے منصوبے کو بھی متنازع بنایا جارہا ہے۔ بلاول بھٹو کا کہنا تھا کہ مضبوط پاکستان ہی اپنے مخالف سے برابری کی بات کرسکتا ہے کیونکہ امن اس صورت میں ممکن ہے جب طاقتوں کے درمیان توازن ہو جب کہ میں جب بھی مودی کا ذکرکرتا ہوں تو میری نظرمیں مقبوضہ کشمیرمیں انسانی حقوق کی پامالی کا منظرہوتا ہے۔