Supreme court

عمران خان اور شیخ رشید دونوں ہی یتیم اور مسکین ہیں

یر مملکت پانی و بجلی عابد شیر علی نے کہا ہے کہ عمران خان کو خیبر پختونخوا کی حکومت بھیک میں دی تھی مگر وہاں کے لوگ رو رہے ہیں ۔

ایمزٹی وی(فیصل آباد)وزیر مملکت پانی و بجلی عابد شیر علی نے فیصل آباد میں عمران خان اور انکے سیاسی اتحادی شیخ رشید کو کڑی تنقید کا نشانہ بناتے ہوئے میڈیا سے گفتگو کرتے ہوئے کہا کہ شیخ رشید سے بڑا فقیر کوئی نہیں ، وہ نوازشریف کے پہلے دور میں بھی فقرا تھا اور مشرف کے دور میں بھی فقرا رہا جبکہ اب پھر فقیر ہو گیا ۔

عابد شیر علی نے مزید کہا کہ عمران خان کو خیبر پختونخوا کی حکومت بھیک میں دی تھی کہ جائیں اور وہاں لوگوں کی خدمت کریں مگر وہاں کے لوگ رو رہے ہیں ۔”ان کے پاس صرف ایک ہی بات ہے کہ پولیس کو ٹھیک کر دیا “۔ لوگ یہ نہیں دیکھتے بلکہ کارکردگی پر ووٹ ملتے ہیں ۔ عمران خان اور شیخ رشید دونوں ہی یتیم اور مسکین ہیں ۔

وزیرمملکت پانی وبجلی عابد شیرعلی کا کہنا تھا کہ سپریم کورٹ میں وزیر اعظم 3 نسلوں کا حساب دے رہے ہیں لیکن پی ٹی آئی کے وکلا وزیراعظم کے خلاف دائر مقدمے میں اب تک دلائل کے ذریعے کوئی ثبوت سامنے نہیں لاسکے، پاناما پیپرز پرعمران خان کی نئی اننگز

کا ڈراپ سین ہونے جارہا ہے اور انہیں اب اپنا انجام نظر آرہاہے۔

ان کا کہنا تھا کہ پاناما والے روتے رہیں گے اور نواز شریف فیتے کاٹتے رہیں گے، سپریم کورٹ میں عمران خان کی بال ٹمپرنگ نہیں چلے گی عوام اب جھوٹے مقدمے بنانے والی پی ٹی آئی اور ان کی قیادت کا احتساب کرے گی۔ شیخ رشید سے بڑا کوئی بھی فقیر نہیں وہ نوازشریف کے دور میں بھی فقیر تھے اور پھر مشرف دور میں بھی ان کی فقیری ختم نہ ہوئی لیکن آج سائیکل پر سفر کرنے والا شیخ رشید کوٹھیوں کا مالک ہے وہ بتائیں کہ انہوں نے اسلام آباد میں جائیدادیں کہاں سے بنائیں۔ عمران خان اور شیخ رشید دونوں یتیم اور مسکین ہیں لیکن عمران خان حساب دیں کہ زکوٰة کی مد میں ملنے والی رقم کہاں سے آتی ہے اور کہاں جاتی ہے۔

عابد شیر علی نے تحریک انصاف کے رہنما شاہ محمود قریشی کو آڑے ہاتھوں لیتے ہوئے کہا کہ شاہ محمود زکوة کا حساب کتاب دیں کہاں سے آتے ہیں کہاں جاتے ہیں کیا وہ حساب دے سکتے ہیں کتنی رقم لوگوں پر خرچ کی گئی اگر وہ حساب دیں میں مرید بن جاو¿ں گا۔

وزیرمملکت نے کہا کہ بلوچستان میں نوازشریف نے کاغذی کارروائی کوترقی میں بدل دیا، ماضی میں بجلی کی فرسودہ لائینیں بچھی ہوئی تھیں لیکن ہماری حکومت میں اربوں روپے ٹرانسمیشن لائن ٹھیک کرنے پر لگائے گئے اور بہت جلد بجلی کی قلت اور لوڈشیڈنگ کا خاتمہ کردیں گے۔

سپریم کورٹ میں دباؤ میں آگیا تھا جب کہ یہ مقدمہ ہی بے بنیاد ہے

ایمزٹی وی(اسلام آباد) طیبہ تشدد کیس میں بچی کے باپ اعظم نے مقدمے سے دستبردار ہوتے ہوئے ایڈیشنل سیشن جج راجا خرم اور ان کی اہلیہ ماہین ظفر کو معاف کردیا۔

میڈیا ذرائع کے مطابق ایڈیشنل سیشن اسلام آباد جج راجا آصف محمود کی عدالت میں طیبہ تشدد کیس کی سماعت ہوئی، سماعت کے دوران جج نے تفتیشی افسر سے استفسار کیا کہ بچی کے والدین کون ہیں، جس پر طیبہ کے باپ اعظم نے کہا کہ میں بچی کا باپ ہوں اور بچی کی ماں علیل ہے۔ عدالت نے اعظم سے استفسار کیا کہ کیا وہ بیان دینا چاہتے ہیں جس پراعظم نے کہا کہ میں نے ایڈیشنل سیشن جج اور ان کی اہلیہ کو معاف کردیا ہے۔

والد کا بیان سن کر عدالت نے استفسار کیا کہ گھبرانے کی ضرورت نہیں ہے، عدالت آپ کا تحفظ کرے گی، آپ پہلے بھی بیان دے کر مکر گئےتھے جس پراعظم نے کہا کہ سپریم کورٹ میں دباؤ میں آگیا تھا جب کہ یہ مقدمہ ہی بے بنیاد ہے اور میں ہوش و حواس میں راجا خرم اوران کی اہلیہ کومعاف کرتا ہوں۔

عدالت نے ریمارکس دیئے کہ آپ تحریری طور پر دیں جو کچھ کہنا ہے جس پر اعظم نے کہا کہ تحریری طور پر بھی مقدمے سے دست برداری لکھ کردیتا ہوں۔ عدالت نے ریمارکس دیئے کہ ملزم کی ضمانت کا فیصلہ ابھی نہیں ہوا ، مدعی بیان حلفی جمع کروائیں تب ضمانت پر فیصلہ دیا جائے گا۔

تعلیمی اداروں میں منشیات کے استمعال اور فروخت کرنے والوں کے خلاف سخت کارروائی

ایمزٹی وی (تعلیم /اسلام آباد) وفاقی دارالحکومت میں تعلیمی اداروں میں منشیات کے استمعال اور فروخت کرنے والوں کے خلاف ضلعی انتظامیہ نے تعلیمی اداروں کی50 میٹر کی حدود میں سگریٹ فروخت کرنے والی دکانوں اور شہر بھر میں شیشہ کیفوں کے خلاف کارروائی کرتے ہوئے 21 دکانیں اور 16 شیشہ کیفے سیل کر تے ہوئے متعلقہ سامان قبضہ میں لے لیا۔ انتظامیہ کی جانب سے یہ کارروائیاں سپریم کورٹ کی شیشہ نوشی کو ممنوع قرارا دینے اور صحت آرڈیننس 2002 کے تحت کی گئی ہیں ۔

ڈپٹی کمشنر اسلام آباد کیپٹن (ر) مشتاق احمد نے جنگ کو بتایا کہ وزیر داخلہ چوہدری نثار کی ہدایت پر تعلیمی اداروں میں منشیات کے استمعال اور فروخت کرنے والوں کے خلاف سخت کارروائی کرنے کے لیے ضلعی انتظامیہ ، اینٹی نارکوٹکس فورس اور اسلام آباد پولیس پر مشتمل ٹیم تشکیل دی گئی ہے ۔ جس نے قائد اعظم یونیورسٹی کے اطراف اور مہرآبادی میں کارروائی کرتے ہوئےمجموعی طورپر سات کلو 540 گرام حشیش ، 68 بوتل شراب ، 230 گرام ہیروئن اور چھ موٹرسائیکل قبضے میں لیتے ہوئے 17 افراد کو حراست میں لیا ۔

ہائیر ایجوکیشن کمیشن ذرائع کے مطابق کامسیٹ یونیورسٹی انتظامیہ نے ایک سو بچوں کو جرمانہ کیا، نسٹ یونیورسٹی میں سگریٹ نوشی کرنے پر چار طلبا کو ایک سمسٹر کے لیے معطل جبکہ دو کو یونیورسٹی سے بےدخل کر دیا گیا جبکہ قائد اعظم یونیورسٹی میں چرس اور شراب برآمد ہونے پر دو طالب علموں کو پولیس کے حوالے کر دیا گیا ۔

پانامالیکس سے جان نہیں چھوٹے گی،بابراعوان

ایمز ٹی وی(لاہو) سابق وزیرقانون بابر اعوان نے کہا ہے کہ پاناما لیکس کیس میں سپریم کورٹ نے بند گلی کو کھول دیا ہے اور دیوار چین بھی پانامالیکس کی حقیقت کو چھپا نہیں سکتی.

لاہور ہائیکورٹ میں میڈیا سے گفتگو کرتے ہوئے بابر اعوان نے کہا کہ کہ حدیبیہ پیپر ملز کا مک مکا سب کے سامنے آگیا ہے، انہوں نے کہا کہ پاناما کا کیس عمران بمقابلہ نواز شریف نہیں ہے بلکہ یہ پاکستان بمقابلہ کرپشن ہے ،بابر اعوان نے کہا کہ منی ٹریل کے بغیر میاں برادران کی پانامالیکس سے جان نہیں چھوٹے گی،

ان کا کہنا تھا کہ نیوز لیک والے مسئلے پر مٹی ڈالی گئی تو سب کے چہرے پر مٹی پڑے گی، ایک سوال کے جواب میں بابر اعوان نے کہا کہ پانامالیکس کیس کی سماعت کرنے والے بنچ کے رکن جسٹس عظمت سعید کی بیماری کی وجہ سے بنچ تحلیل نہیں ہوا۔حافظ سعید کی نظر بندی کے حوالے سے پوچھے گئے ایک سوال کے جواب میں انہوں نے کہا کہ جس شخص سے پاکستان کو کوئی خطرہ نہیں اسے نظر بند کر دیا گیا۔دوسری طرف خبر لیکس کے معاملے پر کہتے ہیں

مٹی پاﺅ ۔اگر اس مسئلے پرمٹی ڈالی گئی تو ان کے اپنے سر پر مٹی پڑے گی۔وزیراعظم نے کہا ہماری کتاب کھلی ہے اگر حقیقت یہی ہے تو کتاب کے غائب صفحے پیش کر دینے چاہئیں۔بابر اعوان کا مزید کہنا تھا کہ پاناماوالے پیسے حلال کے تھے تو ضرور ہوائی جہاز پر گئے ہوں گے۔انہوں نے کہا کہ حلال پیسے کا ریکارڈ سفارتحانے اورپی آئی اے کے ریکارڈ کے زریعے پیش کیا جا سکتا ہے

سپریم کورٹ نے سیکرٹری تعلیم کو عدالت میں طلب کرلیا

ایمز ٹی وی ( تعلیم /مظفرآباد) سپریم کورٹ آزادکشمیر نے حکومت کی جانب سے تعلیمی پیکج ختم کرنے کے خلاف سابق وزیر خزانہ چوہدری لطیف اکبر کی طرف سے دائر رٹ پر3فروری کو سیکرٹری ہائیرایجوکیشن کو جملہ ریکارڈ طلب کر لیا ۔ تفصیلات کے مطابق تعلیمی پیکج ختم کرنے کیخلاف دائر رٹ کی پیروی بیرسڑ ہمایوں نے کی ،انہوں نے کہا کہ سیکرٹری تعلیم نے زیر سماعت کیس کے دوران اداروں کے بند کرنے کے احکامات جاری کیے ۔

جس پر پٹیشنرز نے درخواست دی کہ کیس عدالت میں زیر سماعت ہے ایسے میں کس طرح اداروں کو بند کیا جاسکتا ہے جس پر سپریم کورٹ آزادکشمیر نے3فروری کو سیکرٹری تعلیم کو جملہ ریکارڈ سمیت طلب کرلیا۔ دریں اثناء پیپلزپارٹی کے رہنما سابق وزیر چوہدری لطیف اکبر نے اپنے تااثرات بیان کرتے ہوئے کہا کہ نئی نسل کے تعلیمی مستقبل کو تاریک کرنے کی ہر سازش کا ڈٹ کر مقابلہ کریں گے اور حکومت کو من مانی کاروائیاں نہیں کرنے دیں گے ہمیں ریاست کے طلبہ وطالبات کو عدالت سے انصاف ملے گا۔

سپریم کورٹ نے سیکرٹری تعلیم کو عدالت میں طلب کرلیا

پاناما کیس کا فیصلہ آنے تک عمران خان حواس باختہ ہو جائیں گے, مریم اورنگزیب

ایمزٹی وی(اسلام آباد)وزیر مملکت برائے اطلاعات و نشریات مریم اورنگزیب نے کہا ہے کہ پاناما کیس آخری مراحل میں داخل ہو رہا ہے تاہم پاناما کیس کا فیصلہ آنے تک عمران خان حواس باختہ ہو جائیں گے ۔وزیر اعظم نے استثنیٰ مانگنا ہوتا تو عدالت سے کیس شروع کرنے کا نہ کہتے۔عمران خان اب اپنا مذاق بنانا چھوڑ دیں.

پاناما کیس کی سماعت کے بعد سپریم کورٹ کے باہر میڈیا سے گفتگو کرتے ہوئے انہوں نے کہا کہ اگر شریف خاندان نے یہ تسلیم نہ کیا ہوتا کہ لندن فلیٹس ہمارے ہیں تو کیس سپریم کورٹ میں نہ چل رہا ہوتا ، عمران خان کے جھوٹے الزامات کا جواب دینا ہمارا ضرض ہے ۔ 2018ءمیں نوازشریف اس داغ کو لیکر عوام میں نہیں جانا چاہتے ۔عمران خان نےالیکشن کمیشن سے استثنیٰ مانگا۔عمران خان اپنی بے نامی جائیداد کا جواب نہیں دیتے

انہوں نے کہا کہ وزیر اعظم نوازشریف پاناما پیپرز کا داغ صاف کر کے عوام میں جانا چاہتے ہیں اور وہ یہ کام عمران خان کیلئے نہیں بلکہ پاکستانی عوام کیلئے کر رہے ہیں تاکہ کسی کو کوئی شک نہ رہے ۔عمران خان سمجھتےہیں ان کیلئےقانون اور،دوسروں کیلئےقانون اورہے

وزیراعظم کو بچانے والا قطری شہزادہ کرپٹ ترین آدمی ہے، عمران خان

ایمزٹی وی(اسلام آباد)پاناما لیکس کیس کی سماعت کے بعد میڈ یا سے گفتگو کرتے ہوئے تحریک انصاف کے چیئر مین عمران خان نے کہا ہے کہ پاناما لیکس کیس میں خطوط ارسال کر کے وزیراعظم کو بچانے والا قطری شہزادہ کرپٹ ترین آدمی ہے،قطری شہزادہ شریف خاندان کا بزنس پارٹنر ہے ،نواز حکومت نے ایل این جی اور پورٹ قاسم کا کنٹریکٹ قطری کو دیا ۔ان کا کہنا تھا کہ گزشتہ سات سالوں میں شریف خاندان نے قطری کا کبھی نام نہیں لیا ،جب سے سپریم کورٹ آئے ہیں کبھی قطری ون اور کبھی قطری ٹو آجاتا ہے ۔

عمران خان نے کہا کہ مجھ پر آف شور کمپنی کا الزام لگا یا جاتا ہے ،میں اور میرا خاندان اپنے آپ کو احتساب کے لیے پیش کرتے ہیں ۔انہوں نے کہا کہ عدالت میں نواز شریف منی ٹریل بچوں پر ڈال دیتے ہیں اور بچے کہتے ہیں ہمیں کچھ نہیں پتہ سب کچھ دادا کو پتہ ہے ۔

ان کا کہنا تھا کہ 1993سے لے کر 2006تک فلیٹس قطری کے نام تھے تو اس عرصے میں 30کروڑ روپے کرایہ بنا ،یہ کرایہ کس نے ادا کیا ،جب بھی ثبوت مانگو تو قطری حاتم طائی بن کر آجاتا ہے ۔انہوں نے کہا کہ قطری کرپٹ ترین انسان ہے جس نے سیف الرحمان سے مل کر ایل این جی اور پورٹ قاسم کے کنٹریکٹ لیے ہیں ۔

عدالت کا فیصلہ چیلنج

ایمزٹی وی(اسلام آباد)وفاقی وزارت داخلہ نے ایان علی کا نام ای سی ایل سے نکالنے سے متعلق سندھ ہائی کورٹ کے فیصلے کو سپریم کورٹ میں چیلنج کردیا۔

ذرائع کے مطابق وفاقی وزارت داخلہ نے ماڈل ایان علی کا نام ایگزٹ کنٹرول لسٹ (ای سی ایل) سے نکالنے سے متعلق سندھ ہائی کورٹ کے حکم کے خلاف سپریم کورٹ میں اپیل دائر کردی ہے۔ درخواست میں موقف اختیار کیا کہ ایان علی کا نام محکمہ داخلہ پنجاب کی درخواست پر ای سی ایل میں شامل کیا گیا تھا۔

اس لئے اس سلسلے میں اس قسم کی کسی بھی درخواست کی سماعت سندھ ہائی کورٹ کے دائرہ اختیار میں نہیں تھی،اس کے علاوہ کیس کی سماعت کے دوران پنجاب حکومت کا موقف بھی نہیں سنا گیا۔

درخواست میں مزید موقف اختیار کیا کہ سندھ ہائی کورٹ نے میرٹ پر فیصلہ دیا لیکن درخواستوں کے قابل سماعت ہونے کا جائزہ نہیں لیا، سندھ ہائی کورٹ کے جج جسٹس کے کے آغاز دو مرتبہ ایان علی کیس سن چکے تھے جس کے باعث انہیں تیسری مرتبہ کیس نہیں سننا چاہیے تھا۔

واضح رہے کہ ایان علی کو 2015 میں راولپنڈی ایئرپورٹ سے کروڑوں ڈالر مالیت کی غیر ملکی کرنسی اسمگل کرنے کے الزام میں گرفتار کی گئی تھیں اور ان پر غیر ملکی کرنسی اسمگلنگ اور کسٹم آفیسر کے قتل کا مقدمہ درج ہے۔

انشاء اللہ وزیراعظم عدالت میں سرخرو ہونگے خواجہ آصف

ایمزٹی وی(سیالکوٹ)مسلم لیگ ن کے ورکرز کنونشن سے خطاب کرتے ہوئے خواجہ آصف کا کہنا تھا کہ انشاء اللہ وزیراعظم عدالت میں سرخرو ہونگے اور2018 ء میں عوامی عدالت میں بھی سرخرو ہونگے۔کہ وزیراعظم نے اپنی تین نسلوں کا حساب دیا ہے حواس باختہ لوگ پارسائی کا سبق نہ دیں۔دنیا میں کسی لیڈر نے اپنی تین نسلوں کا حساب نہیں دیا،الزام لگانے والے اپنے گریبانوں میں نہیں جھانکتے۔

تفصیلات کے مطابق وفاقی وزیر نے کہا کہ 2017 ء کے آغاز سے الیکشن کا سال شروع ہوگیا ہے،سیالکوٹ میں 18 کروڑ کی ابتدائی رقم سے سمبڑیال کے قریب نسٹ کے کیمپس کیلئے 150 ایکڑ زمین مختص کردی گئی ہے،سمبڑیال سے نئی سڑک کی تعمیر شروع ہوگی۔انہو ں نے کہا کہ ہم نے خالی نعرے نہیں لگائے،صرف اقتدار کی جنگ نہیں لڑی عوامی خدمت کا سفر جاری رکھا ہے،سیالکوٹ کے مسائل میں نمایاں کمی آئی ہے،مخالفین نے ہر قدم پر رکاوٹیں کھڑی کرنے کی کوشش کیں۔

2018 ء میں ہم روشن پاکستان دیکھیں گے اور بجلی کی لوڈشیڈنگ ختم ہوگی،ہم نے سیالکوٹ کو میڈیکل یونیورسٹی اور خواتین یونیورسٹی کے منصوبے دیئے۔خواجہ آصف نے مزید کہا کہ دہشتگردی مکمل نہیں تو ستر اسی فیصد ختم ہوگئی ہے،ٹھوس اقدامات سے دہشتگردی کم ہوئی،سینکڑوں جانیں ضرب عضب میں بہادر فوجیوں کی قربان ہوچکی ہے۔ جب تک مذہب بکتا رہے گا امت کبھی متحد نہیں ہوسکے گی۔

ان کا کہنا تھا کہ میں نے اسمبلی میں کہا تھاکہ جس وقت لوگوں کے آباؤ اجداد کرپشن کی وجہ سے نوکریوں سے نکالے جارہے تھے میرے قائد کا خاندان لوگوں کو روزی فراہم کررہا تھا،یہ روشن مثالیں میرے قائد نے قائم کی ہیں اس کی کوئی تقلید تو کرکے دکھائے۔وفاقی وزیر نے کہا کہ بغیر کسی حیا اور شرم کے الزام لگادیئے جاتے ہیں،ہم وفاؤں کا حق ادا کرنا جانتے ہیں۔

Page 35 of 46