بنی گالہ میں شکرانے کے نوافل ادا ایمزٹی وی(اسلام آباد)سپریم کورٹ کی جانب سے پانامہ کیس کا فیصلہ سنائے جانے کے بعد عمران خان اور دیگر رہنماﺅں نے بنی گالہ میں شکرانے کے نوافل ادا کئے۔ تفصیلات کے مطابق پانامہ لیکس کے فیصلے میں منی ٹریل کی تحقیقات کیلئے جے آئی ٹی بنانے اور تمام فریقین کو اس کے سامنے پیش ہونے کا حکم دیدیا گیا ہے۔

مسلم لیگ (ن) کے رہنماءجہاں اس فیصلے کو اپنی جماعت کیلئے کامیابی قرار دے رہے ہیں تو دوسری جانب تحریک انصاف اسے اپنی فتح بتا رہی ہے جبکہ بنی گالہ میں شکرانے کے نوافل بھی ادا کئے گئے ہیں۔ میڈیا ذرائع کے مطابق تحریک انصاف کے چیئرمین عمران خان نے پی ٹی آئی کے دیگر رہنماﺅں کے ساتھ بنی گالہ میں شکرانے کے نوافل ادا کئے

ایمز ٹی وی(صحت) غیرقانونی طورپر گردے نکالنے پر سپریم کورٹ میں ازخود نوٹس کیس کی سماعت میں چیف جسٹس نے تحقیقات کرکے ایک مہینے میں رپورٹ جمع کرانے کا حکم دے دیا۔ سپریم کورٹ میں ازخود نوٹس کیس کی سماعت چیف جسٹس ثاقب نثار کی سربراہی میں 3 رکنی بینچ نے کی۔ چیف جسٹس نے استفسار کیا کہ محمدعمران کاگردہ نکالنے کامعاملہ اسلام آباد میں پیش آیا، اس کے ذمہ دار کون ہیں ؟ ایس ایس پی ساجد کیانی نے کہا کہ تحقیقات چل رہی ہیں،ایف آئی آر میں 3افراد نامزد کیے گئے تھے جن میں سے2کوگرفتارکر لیا گیا ہے۔ چیف جسٹس نے پوچھا عمران کا گردہ نکالنے کامعاملہ کس اسپتال میں پیش آیا؟ ساجد کیانی نے کہا کہ پتانہیں چل سکاکہ متاثرہ شخص کاگردہ کس اسپتال میں نکالا گیا، ملزمان ریمانڈ پرتھے کہ مدعی نے راضی نامہ کرلیا۔ چیف جسٹس نے برہمی کا اظہار کرتے ہوئے ریمارکس دئیے کہ غیرقانونی طریقے سے گردے نکالنا ہمارے معاشرے کاناسور ہے، جس اسپتال میں گردہ نکالا گیاوہ خلا میں نہیں اسی زمین پرہوگا۔ ان اسپتالوں کی نشاندہی کرنی ہے جہاں یہ مکروہ دھندہ ہوتاہے ۔ ساجد کیانی نے کہا کہ مدعی نے تعاون نہیں کیا، تحقیقات کادائرہ بڑھاناچاہتے ہیں۔ چیف جسٹس نےکیس کی سماعت 6 ہفتوں کے لیے ملتوی کرتے ہوئے تحقیقات کرکے ایک مہینے میں رپورٹ جمع کرانے کا حکم دے دیا۔

بھارت کی کھلی دھمکی ایمزٹی وی(نئی دہلی)بھارتی وزیرخارجہ سشما سوراج نے پاکستان کو دھمکی دیتے ہوئے کہا ہےکہ کلبھوشن کو بچانے کیلئے کسی بھی حد تک جایں گے۔ تفصیلات کے مطابق بھارتی راجیہ سبھا میں بیان دیتے ہوئے سشما سوراج نے کہا کہکلبھوشن پرپیشرفت کی تو پاکستان دوطرفہ تعلقات کے مضمرات پیش نظر رکھے۔بھارتی وزیرخارجہ نے نیا راگ الاپتے ہوئے کہا کہ کلبھوشن پرپاکستان کی کارروائی مضحکہ خیز ہے،ہم کلبھوشن پر سپریم کورٹ کا وکیل کریں گے اور ضروری ہوا تو اس معاملے پر بھارتی صدر سے بھی رابطہ کریں گے۔ سشما سورا ج کا مزید کہنا تھا کہ ہم کلبھوشن کے معاملے پر بے خبر نہیں ہیں وہ بھارت کا بیٹا ہے اور ہم کلبھوشن کے معاملے پر ان کے اہل خانہ سے بھی رابطے میں ہیں۔یاد رہے کہ بھارتی جاسوس کلبھوشن یادیو کو گزشتہ روز سزائے موت سنائی گئی تھی.