اسلام آبا د : سپریم کورٹ میں پی آئی اے کے بارہ پائلٹس اور تھہتر کیبن کروکی ڈگریاں جعلی نکلنے کا انکشاف ہوا، جس پر عدالت نے پی آئی اے، سول ایوی ایشن کے سربراہ اور ڈگریوں کی تصدیق نہ کرنے والی یونیورسٹیوں کے سربراہوں کو طلب کرلیا، چیف جسٹس نے کہا ایک سال ہوگیا پی آئی اے نے ٹھوس اقدامات نہیں کیے۔ سپریم کورٹ میں چیف جسٹس ثاقب نثار کی سربراہی میں3رکنی بینچ نے پائلٹس اورکیبن کروکی ڈگریوں کی تصدیق سے متعلق کیس کی سماعت کی، ایڈیشنل اٹارنی جنرل عدالت میں پیش ہوئے۔ عدالت نے سول ایوی ایشن اور پی آئی اے کی کارکردگی پر عدم اطمینان کا اظہار کرتے ہوئے کہا غیر ضروری التوا اور تاخیرکی گئی، این آئی آر سی میں ملازمین کی ڈگریوں کے مقدمات یہاں منگوا رہے ہیں۔ چیف جسٹس نے ریمارکس میں کہا جس دن سے نیئر رضوی ہٹے ہیں حکومت صحیح تعاون نہیں کررہی، ہر ہفتے کیس لگا کر تاریخ نہیں دے سکے سماعت میں ایڈیشنل اٹارنی جنرل نے انکشاف کیا کہ 73 کیبن کرو اور 12 پائلٹس کی ڈگریاں جعلی نکلیں، جعلی ڈگری والوں کو اظہار وجوہ کے نوٹس جاری کر دیے، جسٹس اعجاز الاحسن نے اظہار برہمی کرتے ہوئے کہا شوکاز نوٹس کی کیا ضرورت تھی کارروائی عمل میں لائی جائے۔ نمائندہ سول ایوی ایشن نے بتایا سول ایوی ایشن نےان کے لا ئسنس معطل کردیے ہیں،جعلی ڈگری والوں نے عدالت سےحکم امتناع لے رکھا ہے، جس پر چیف جسٹس نے کہا اس کا مطلب ہے، پی آئی اے ان کو تنخواہیں ادا کرتا رہے گا،ایک سال ہوچکا ہے ابھی تک تصدیق کیوں نہ ہوسکی۔ اعلی عدالت نےپی آئی اےاورسول ای ایشن کے سربراہ کو طلب کرلیا جبکہ جعلی ڈگری ہولڈرز کا ریکارڈ ماتحت عدالتوں سے مانگ لیا گیا، ڈگریوں کی تصدیق نہ کرنے والی یونیورسٹیوں کے سربراہان بھی طلب کرلئے۔ چیف جسٹس نے کہا ایک سال پہلے نوٹس لیاتھا، پی آئی اے اور سول ایویی ایشن نے کوئی ٹھوس اقدامات نہیں کیے، بعد ازاں کیس کی سماعت23 دسمبر تک ملتوی کردی۔
اسلام آباد: حکومت نے 12 ربیع الاول شایان شان طریقے سے منانے اورختم نبوت ﷺانٹرنیشنل کانفرنس کے انعقاد کا فیصلہ کیا ہے۔
وزیر اعظم عمران خان سے وفاقی وزیر برائے مذہبی امور نور الحق قادری نے وزیر اعظم آفس میں ملاقات کی جس میں حکومت نے 12 ربیع الاول شایان شان طریقے سے منانے اورختم نبوت ﷺ انٹرنیشنل کانفرنس کے انعقاد کا فیصلہ کیا۔
اسلام آباد میں منعقد ہونے والی 2 روزہ ختمِ نبوت ﷺانٹرنیشنل كانفرنس میں امام كعبہ، جامعۃ الاظہر كے وائس چانسلر، شام كے مفتی، عراق اور تیونس كے علما كرام حضورﷺ كی سیرتِ مباركہ پر روشنی ڈالیں گے۔
سیرتِ مباركہ كے حوالے سے وزیر اعظم كی ہدایت پر تحقیقی اور تصنیفی كام كو حكومت كی سرپرستی میں فروغ دیا جائے گا، اتحاد امت اور بین الامذاہب ہم آہنگی كی مہم كو تیز كیا جائے گا۔
اس موقع پر وزیر اعظم نے كہا كہ میں مشائخ اور علما كے ساتھ مسلسل بذاتِ خود رابطے میں رہوں گا، ہم پر امن اسلام كے امیج كو پوری دنیا كے سامنے پیش كرنا چاہتے ہیں، حضورؐكی سیرت طیبہ كے پیغام رحمت كو اپنی آئندہ نسلوں تک پہنچانا ریاست كی ذمہ داری ہے، مجھے ریاستِ مدینہ كے قیام كے لئے علما كرام اور دینی طبقات كی مشاورت كی ضرورت ہے۔
ملتان :ہندو کمیونٹی سے تعلق رکھنے والے سرکاری ملازمین کے لیے دیوالی تہوار کے موقع پر7نومبر کو چھٹی کا فیصلہ کر لیا گیا ۔اس ضمن میں باقاعدہ نو ٹیفیکشن آج جا ری ہو جائے گا۔ وزیر اعظم پاکستان کی ہدایت پر سرکا ری محکموں میں تعینا ت ہندو ملازمین کو بر وقت تنخواہوں اور واجبات کی ادائیگی شروع کر دی گئی ہے تاہم تعلیمی بورڈ ملتان، پبلک انجینئرنگ، ڈاکخانہ جات، بہبود آبادی، محکمہ صحت میں متعدد ہندو ملازمین کو تنخواہوں اور واجبات کی ادائیگیاں ہونا ابھی باقی ہیں، ہندو بالمیک ویلفیئر سوسائٹی پاکستان کے صدر چودھری اعتباری لعل نے کہا ہے کہ ہند ملازمین کے تہوار دیوالی کے موقع پر حکومت پاکستان کی جانب سے ہندو ملازمین کو ایک روز کی سرکاری چھٹی دینے پر خوشی ہے۔ بیشتر سرکاری محکموں میں ہندو ملازمین کو بروقت تنخواہیں ادا کی گئی ہیں تاہم جن محکموں کے ہندو ملازمین کو تنخواہیں اور واجبات تاحال نہیں ادا کئے گئے تو اس پر ہمارا مطالبہ ہے کہ آج 5 نومبر تک ہندو ملازمین کو تنخواہیں اور واجبات ادا کئے جائیں۔
گلگت:صد ر پاکستان عارف علوی گلگت بلتستان کے دورے پر ہیں ،جہاں سکردوانتظامیہ کو صدر مملکت کا نا شتہ 50 لاکھ میں پڑا۔ میڈیا ذرائع کی ایک رپورٹ کے مطابق صدر مملکت عارف علوی کا شنگریلہ کے تفریحی مقا م کا دورہ اور نا شتہ اسکردو انتظامیہ کو 50لاکھ کا پڑ گیا ۔کمشنر آفس سمیت تما م دفاتر سنسان ہو گئے۔لگژری گا ڑیو ں کا جمعہ با زار سج گیا۔ ڈاکٹر عارف علوی ناشتے کے بعد بذریعہ ہیلی کا پٹر گلگت روانہ ہو گئے،دورہ گلگت بلتستان کے دوران صدر ملکت نے اپنی فیملی کے ہمراہ بین الاقوامی شہر ت یافتہ مقام شنگریلا کا دورہ کیا۔ صدر مملکت کے دورے کے دورے کے کامیاب بنانے کے لیے گلگت بلتستان انتظامیہ اور حکومت داﺅ پر لگ گئی،حکام نے دورے کی کامیابی کے لیے جی کھول کر خر چ کیا، اخبار نے ناشتے پر آنے والے اخراجات کی دیگر تفصلات نہیں بتائی ہے۔
اسلام آباد: وزیر اعظم عمران خان کی حکومت کے پہلے 100دن میں وفاقی حکومت میں شامل3 وزرا پر کرپشن کا الزام آ گیا۔
اجلاس میں وفاقی وزرا، وزرائے مملکت، معاونین خصوصی اور مشیر موجود تھے۔ عمران خان نے کہا کہ وزراء کی کرپشن کے بارے میں ابتدائی رپورٹس موصول ہو چکی ہیں۔ انہوں نے کرپشن الزامات کی تحقیقات کاحکم دے دیا ہے اور الزامات ثابت ہونے پر وہ کسی قسم کی گنجائش نہیں رکھیں گے اور کرپٹ وزرا کو برطرف کریں گے۔ انہوں نے کہا کہ میری کرپشن کے خلاف 22سالہ جدوجہد ہے اور میں اس پر سمجھوتہ نہیں کروں گا۔ وزیر اعظم کے انکشاف پر کابینہ روم کے شرکا پر سکتہ طاری ہو گیا۔
مسلم لیگ (ن) کے رہنما رانا مشہود کا کہنا ہے کہ اب اسٹیبلشمنٹ سے ہمارے معاملات ٹھیک ہوگئے ہیں اور اسی طرح چلتا رہا تو 2 ماہ کے بعد پنجاب میں (ن) لیگ دوبارہ حکومت بنائے گی۔
پاکستان مسلم لیگ (ن) کے رہنما رانا مشہود کا کہنا ہے کہ اب اسٹیبلشمنٹ سے ہمارے معاملات ٹھیک ہوگئے ہیں اور معاملات کو درست کرنے میں شہباز شریف کا بہت بڑا کردار ہے، اسی طرح چلتا رہا تو 2 ماہ کے بعد پنجاب میں (ن) لیگ دوبارہ حکومت بنائے گی۔ ان کا کہنا تھا کہ شہبازشریف تمام اداروں کو ساتھ لے کر چلنے کی بات کرتے ہیں، یہ ادارے ہمارے اپنے ہیں اور ان اداروں کی عزت میں کمی نہیں ہونی چاہیے۔
رانا مشہود نے کہا کہ انہیں اب سمجھ آگئی ہے، جسے گھوڑا سمجھا تھا وہ خچر نکلا ہے، ادارے میں بیٹھے تھنک ٹینک کو نظرآرہا ہے کہ یہ صرف جھوٹ پرچلنے والے ہیں، اب مجموعی ماحول میں انہوں نے بھی سمجھا ہے اور ہمیں بھی احساس ہوا ہے۔ ان کا کہنا تھا کہ خچروالی پی ٹی آئی حکومت اب ڈلیور نہیں کرپارہی، اب پی ٹی آئی کو کارکردگی دکھانا ہوگی اور کہیں سے حمایت نہیں ملے گی۔
