ایمزٹی وی(کراچی)تحریک انصاف کے نامزد گورنر سندھ عمران اسماعیل کی تعلیمی قابلیت انٹرپاس ہے۔
زرائع کے مطابق نامزد گورنر سندھ عمران اسماعیل کی تعلیمی قابلیت سے متعلق تحریک انصاف کے دعوؤں میں تضاد سامنے آگیا ہے، اور ان کی تعلیمی قابلیت پر سوالیہ نشان کھڑے ہوگئے ہیں۔ پاکستان تحریک انصاف کے مطابق عمران اسماعیل نے اٹلی اور امریکا سے لیدر ٹیکنالوجی اور کیمیکل میں ڈگریاں حاصل کر رکھی ہیں۔
دوسری جانب عمران اسماعیل نے عام انتخابات میں سندھ اسمبلی کے حلقہ پی ایس 111 سے انتخابات میں حصہ لیا تھا اور اپنے کاغذات نامزدگی میں اپنی تعلیم انٹر (بارھویں پاس ) درج کی تھی، اور اب انٹر پاس عمران اسماعیل بحیثیت گورنر سندھ کی تمام سرکاری جامعات کے چانسلر ہوں گے۔
الیکشن میں مسلم لیگ (ن) کی ناکامی کے بعد محمد زبیر سندھ کی گورنر شپ سے مستعفی ہوگئے تھے جس کے بعد تحریک انصاف کی جانب سے اس عہدے پرعمران اسماعیل کو نامزد کیا گیا تھا، گزشتہ روز ان کی گورنر سندھ تقرری کا نوٹیفکیشن بھی جاری کیا گیا تھا، وہ 27 اگست کو اپنے عہدے کا حلف اٹھائیں گے۔
ایمز ٹی وی (دہلی) بھارت کے دارالحکومت میں واقع ہائی کمیشن کے دفتر میں چودہ اگست کا جشن منایا گیا۔
ملک بھر اور بیرونِ ممالک میں بسنے والے پاکستانی آزادی کا 71واں جشن جوش و خروش سے منارہے ہیں، اس ضمن میں تعلیمی اداروں ، سرکاری دفاتر میں مختلف تقاریب کا اہتمام کیا گیا۔
بھارت کے دارالحکومت نئی دہلی میں واقع پاکستانی ہائی کمیشن میں جشن آزادی کی تقریب کا انعقاد کیا گیا جس میں پاکستان کے ہائی کمشنرسہیل حمید نے شرکت کی۔
پاکستانی ہائی کمشنر نے اس موقع پر قونصلیٹ میں پرچم کشائی کی اور جشن آزادی منایا۔ سہیل حمید کا کہنا تھا کہ پاکستان میں نئی حکومت بھارت سےبہترتعلقات کی متمنی ہے۔
علاوہ ازیں جن ممالک میں پاکستانی سفارت خانے موجود ہیں وہاں پر بھی تقاریب کا اہتمام کیا گیا۔
واضح رہے کہ پاکستان میں یومِ آزادی روایتی جوش وخروش اورجذبے سے منایا جارہاہے، ملک بھر میں سرکاری عمارتوں، سڑکوں اورراستوں کو قومی پرچموں سے سجایا گیا۔
مزید پڑھیں: ملک بھرمیں یوم آزادی ملی جوش و جذبے سے منایا جارہا ہے
چودہ اگست کے مناسبت سے سرکاری و نجی عمارتوں کو قومی پرچم کے رنگوں والے برقی قمقوں سے سجایا گیا۔
یوم آزادی کے دن کا آغاز دارالحکومت اسلام آباد میں توپوں کی سلامی ہوا، وفاقی دارالحکومت میں 31،صوبوں میں 21،21 توپوں کی سلامی دی گئی۔ مساجد میں ملکی سلامتی اور خوشحالی کے لیے خصوصی دعائیں بھی کی گئیں۔
ملک بھر میں صبح 8 بجکر 58 منٹ پرسائرن بجائے گئے اور تحریک پاکستان کے شہدا کو خراج عقیدت پیش کیا گیا۔
ایمز ٹی وی (دہلی) بھارت کے دارالحکومت میں واقع ہائی کمیشن کے دفتر میں چودہ اگست کا جشن منایا گیا۔
ملک بھر اور بیرونِ ممالک میں بسنے والے پاکستانی آزادی کا 71واں جشن جوش و خروش سے منارہے ہیں، اس ضمن میں تعلیمی اداروں ، سرکاری دفاتر میں مختلف تقاریب کا اہتمام کیا گیا۔
بھارت کے دارالحکومت نئی دہلی میں واقع پاکستانی ہائی کمیشن میں جشن آزادی کی تقریب کا انعقاد کیا گیا جس میں پاکستان کے ہائی کمشنرسہیل حمید نے شرکت کی۔
پاکستانی ہائی کمشنر نے اس موقع پر قونصلیٹ میں پرچم کشائی کی اور جشن آزادی منایا۔ سہیل حمید کا کہنا تھا کہ پاکستان میں نئی حکومت بھارت سےبہترتعلقات کی متمنی ہے۔
علاوہ ازیں جن ممالک میں پاکستانی سفارت خانے موجود ہیں وہاں پر بھی تقاریب کا اہتمام کیا گیا۔
واضح رہے کہ پاکستان میں یومِ آزادی روایتی جوش وخروش اورجذبے سے منایا جارہاہے، ملک بھر میں سرکاری عمارتوں، سڑکوں اورراستوں کو قومی پرچموں سے سجایا گیا۔
مزید پڑھیں: ملک بھرمیں یوم آزادی ملی جوش و جذبے سے منایا جارہا ہے
چودہ اگست کے مناسبت سے سرکاری و نجی عمارتوں کو قومی پرچم کے رنگوں والے برقی قمقوں سے سجایا گیا۔
یوم آزادی کے دن کا آغاز دارالحکومت اسلام آباد میں توپوں کی سلامی ہوا، وفاقی دارالحکومت میں 31،صوبوں میں 21،21 توپوں کی سلامی دی گئی۔ مساجد میں ملکی سلامتی اور خوشحالی کے لیے خصوصی دعائیں بھی کی گئیں۔
ملک بھر میں صبح 8 بجکر 58 منٹ پرسائرن بجائے گئے اور تحریک پاکستان کے شہدا کو خراج عقیدت پیش کیا گیا۔
ایمزٹی وی(تجارت)مسلم لیگ نون کے دور حکومت میں چھوٹی اور درمیانے درجے کی صنعتوں کی مشکلات میں مزید اضافہ ہوگیا جب کہ 5 سال کے دوران 1ہزار سے زائد چھوٹی صنعتیں بند ہوگئیں جس سے 50 ہزار سے زائد گھرانوں کا روزگار ختم ہوگیا۔
یونین آف اسمال اینڈ میڈیم انٹرپرائز کے صدر ذوالفقار تھاور کے مطابق سبکدوش ہونے والی نون لیگی حکومت کا دور چھوٹی اور درمیانے درجے کی صنعتوں کے لیے پرآشوب رہا، روپے کی قدر میں کمی کی وجہ سے چھوٹی صنعتوں کی لاگت میں غیرمعمولی اضافہ ہوگیا، مہنگی بجلی اور گیس نے ایس ایم ایز سیکٹر کے مسائل بڑھانے میں اہم کردار ادا کیا۔
ذوالفقار تھاور نے کہا کہ بلند پیداواری لاگت کی وجہ سے ایس ایم ایز کی مسابقت کی صلاحیت مزید کم ہوگئی، وفاقی وزارت خزانہ 5 سال کے عرصے کے دوران معطل رہی، روپے کی قدر میں آفیشل کمی کے پہلے مرحلے میں وفاقی وزارت خزانہ نے دعویٰ کیاکہ روپے کی قدر میں مزید کمی نہیں کی جائے گی جو غلط ثابت ہوئی، روپے کی قدر کم ہونے سے خام مال کی قیمت مزید بڑھ گئی۔
صدر ذوالفقار تھاور کے مطابق چھوٹی اور درمیانے درجے کی صنعتوں کے لیے اگرچہ سرمایہ میسر تھا تاہم چھوٹی صنعتوں کے لیے سرمائے تک رسائی کو آسان نہیں بنایا جا سکا، دوسری جانب چھوٹی صنعتوں کیلیے قرضوں پر شرح سود بھی زائد رہی ، افراط زر کی شرح میں اضافے اور بجلی گیس کا بحران بھی قابو سے باہر رہا۔
انہوں نے بتایا کہ حکومت سستی چینی مصنوعات کی یلغار کے روکنے میں بھی بری طرح ناکام رہی جس سے چھوٹی اور درمیانے درجے کی صنعتیں براہ راست متاثرہوئیں، غیرملکی مصنوعات کی درآمدات کو محدود کرنے کے بجائے خام مال کی امپورٹ پر ریگولیٹری ڈیوٹی عائد کردی گئی جس نے چھوٹی صنعتوں کے مسائل میں مزید اضافہ کر دیا، چھوٹی صنعتوں کیلیے تجارت اور برآمدات کے قومی پلیٹ فارمز تک رسائی بدستور بند رہی، ادارہ فروغ برآمدات کی تمام تر توجہ بڑی صنعتوں کو سہولتوں کی فراہمی پر مرکوز رہی۔
دوسری جانب اسمال اینڈ میڈیم انٹرپرائز ڈیولپمنٹ اتھارٹی (سمیڈا) فنڈز کی عدم دستیابی کی وجہ سے غیرفعال رہی، پاکستان میں سی پیک منصوبوں پر پیش رفت کے باوجود چھوٹی صنعتوں کیلیے اکنامک زونز مختص نہیں کیے گئے، اسی طرح بڑی برآمدی صنعتوں کو ریلیف پیکج فراہم کیے گئے تاہم معیشت میں ریڑھ کی ہڈی کی حیثیت رکھنے والی چھوٹی صنعتوں کو نظرانداز کیا گیا۔
ایمز ٹی وی (اسلام آباد)حکومت نے پھر نئے قرضے لینے کی تیاری کر لی۔ پاکستان کا وفد رواں ماہ واشنگٹن جائے گا۔میڈیا زرائع کے مطابق حکومت نے آئی ایم ایف سے نئے قرضے لینے کی تیاری شروع کر دی جس کیلئے پاکستانی وفد رواں ماہ واشنگٹن جائے گا، جبکہ آئی ایم ایف نے نئے قرضوں کے اجراءکیلئے پاکستان پر سخت شرائط لاگو کرنے کا فیصلہ کر لیا ۔تھنک ٹینک اداروں کے ماہرین اورمبصرین نے کہا کہ پاکستان کی معاشی اور اقتصادی صورتحال غیرتسلی بخش ہے اور ضروریات پوری کرنے کیلئے قرضہ جات کی اشد ضرورت ہے۔
کرپشن اور منی لانڈرنگ کے بڑھتے ہوئے واقعات نے پاکستان کو کٹہرے میں لا کھڑا کیا ہے۔ فنانشل ایکشن ٹاسک فورس کی جون میں ہونے والی میٹنگ بھی پاکستان کیلئے درد سر بنی ہوئی ہے۔
پاکستان کی ناقص سفارتکاری، کمزور اور کرپٹ حکومت نے عالمی سطح پر پاکستان کا کیس کمزور کیا ہے۔
معروف سکالر پروفیسر تھامس رچرڈ نے کہا کہ پاکستان کی حکومت اس قابل ہی نہیں کہ وہ کسی بھی عالمی پلیٹ فارم پر دنیا کو مطمئن کر سکے کہ وہ ایک جمہوری اور زندہ قوم ہیں۔ اس وقت صرف پاک فوج ہی ایک ایسا ادارہ ہے، جس سے دنیا بات کرنا پسند کرتی ہے۔ڈاکٹر مائیک لوئیس نے کہا کہ ایٹمی قوت پاکستان کو اس مقام پر پہنچانے میں جاگیرداروں، سیاسی اور بااثر مذہبی رہنماو¿ں کا اہم کردار ہے۔
ایمز ٹی وی(کراچی) وزیر داخلہ احسن اقبال کا کہنا ہے کہ کراچی میں امن کو بحال کیا ہے لہذا اب کسی کو کراچی کے امن سے کھیلنے کی اجازت نہیں دیں گے۔
کراچی کے علاقے کلفٹن میں ایگزیکٹیو پاسپورٹ آفس کی افتتاحی تقریب سے خطاب کرتے ہوئے وزیرداخلہ احسن اقبال کا کہنا تھا کہ آج ہم دہشت گردی اور بجلی کے بحران پر قابو پاچکے ہیں، حکومت نے 4 برسوں میں ملک کو اپنے پیروں پر کھڑا کیا ہے لیکن ملک کے دشمن ملک کے اندر سیاسی عدم استحکام پیدا کرنا چاہتے ہیں، سیاسی استحکام اور جمہوری تسلسل کو قائم رکھنا ہے جب کہ کسی جمہوری جماعت پر قدغن لگانے کا کوئی ارادہ نہیں۔
احسن اقبال نے کہا کہ ہم نے کراچی میں امن کو بحال کرکے بھتہ خوروں کو پکڑا ہے اور اب کسی کو کراچی کے امن سے کھیلنے کی اجازت نہیں دیں گے، کراچی پاکستان کا اقتصادی حب ہے، وفاقی حکومت میٹرو بس اور پانی کے منصوبے کے لیے فنڈز دے رہی ہے، سرکلر ریلوے منصوبے کو بھی سی پیک میں شامل کرایا ہے۔ انہوں نے کہا کہ نادرا میں نگرانی کا نظام موثر بنایاہے جب کہ غیر قانونی سرگرمی میں ملوث افراد کے خلاف کارروائی ہوگی۔
وزیر داخلہ نے کہا کہ چین نے پاکستان کو سی پیک اس وقت دیا جب دنیا ہم پر اعتماد نہیں کررہی تھی، سی پیک کے 4 اہم اہداف ہیں جس میں گوادر پہلا ہدف ہے اور اس شہر کو جدید تجارتی شہر میں تبدیل کرنا ہے جب کہ ایشیا بہت جلد عالمی ترقی کا مرکز ہوگا۔
اییمز ٹی وی (تجارت )حکومت نے پٹرولیم مصنوعات کی قیمتوں میں اضافے کی منظوری دے دی۔
حکومت نے ایک بار پھر پیٹرولیم مصنوعات کی قیمتوں میں اضافے کی مںظوری دے دی، وفاقی حکومت نے پیٹرول کی قیمت میں ایک روپے 48 پیسے اور ڈیزل کی قیمت میں ایک روپے 36 پیسے فی لیٹر اضافے کی منظوری دی ہے۔
پیٹرول کی قیمت میں اضافے کے بعد نئی قیمت 77 روپے47 پیسے فی لیٹر مقرر کردی گئی ہے جب کہ ڈیزل 85 روپے 95 پیسے فی لیٹر میں دستیاب ہوگا۔
حکومت کی جانب سے مٹی کا تیل 4 روپے 39 پیسے اور لائٹ ڈیزل کی قیمت میں 3 روپے 12 پیسے فی لیٹر اضافہ کیا گیا ہے۔ نئی قیمتوں کا اطلاق یکم دسمبر سے ہوگیا ہے۔
ایمز ٹی وی(اسلام آباد) ہائی کورٹ نے قطری شہزادوں کو پرندوں کے شکارکی اجازت دینے کے خلاف دائر درخواست پر وفاق اور پنجاب حکومت سے جواب طلب کرلیا ہے۔
قطراورمتحدہ عرب امارات کے شہزادوں کو پرندوں کے شکار کی اجازت دینے کے خلاف درخواست کی سماعت اسلام آباد ہائی کورٹ میں ہوئی۔ درخواست میں وفاق، سیکرٹری خارجہ اوروزیراعلیٰ پنجاب کوفریق بنایا گیا ہے۔
درخواست گزارکا سماعت کے دوران موقف تھا کہ پنجاب حکومت نے قطراور یو اے ای کے شہزادوں کوپرندوں کے شکار کی اجازت دی، شکارکے لیے امیرقطر شیخ حماد کو ضلع بہاولنگرجب کہ شیخ حماد بن جاسم کوبھکر، جھنگ اورلیہ کا علاقہ الاٹ کیا گیا، یہ وہی شہزادے ہیں جن کا پاناما کیس میں مسلسل ذکر ہوا ہے لیکن وہ پیش نہیں ہوئے، محکمہ داخلہ پنجاب نے پرندوں اور جانوروں کی حفاظت ایکٹ 1912 کی خلاف ورزی کی۔
درخواست گزارکی جانب سے اپیل کی گئی کہ عدالت ان دو ملکوں سے ہونے والے معاہدوں کی تفصیلات اورشہزادوں کی سیکیورٹی کے لیے اخراجات کی تفصیل طلب کرے، اس کے علاوہ عدالت عالیہ محکمہ داخلہ پنجاب کی جانب سے جاری نوٹی فکیشن کو غیر آئینی قرار دے۔ عدالت عالیہ نے فریقین سے 10 روز میں جواب طلب کرلیا۔
ایمز ٹی وی(اسلام آباد) وفاقی وزیر داخلہ احسن اقبال کہتے ہیں کہ عمران خان سیاست کے فسادی بابا ہیں اور وہ قوم کے نوجوانوں کو تباہ کررہے ہیں۔
اسلام آباد میں پریس کانفرنس کرتے ہوئے احسن اقبال کا کہنا تھا کہ پاکستان پر دنیا کا اعتماد بحال ہو چکا ہے، موجودہ حکومت نے نیشنل گرڈ میں 7 ہزار میگا واٹ بجلی شامل کی ہے اور اپنی آئینی مدت تک 10 ہزار میگا واٹ بجلی شامل کریں گے۔ ملک کی شرح نمو 5.3 فیصد سالانہ تک پہنچ گئی ہے، پاناما کا ڈراما نہ ہوتا تو اس سے زیادہ ترقی کی شرح حاصل کرلیتے، اب ہمیں دانشمندی سے حالات کو قابو میں رکھنا ہے، کسی بھی ملک کی اقتصادی ترقی کیلیے امن و استحکام پہلی سیڑھی ہوتی ہے، ہمیں ملک کی ترقی کی سند عمران خان سے نہیں بین الاقوامی برادری سے لینی ہے۔
وفاقی وزیر نے کہا کہ پاکستان کی ترقی دیکھ کر دشمنوں کی نیندیں حرام ہوچکی ہیں اور اسے روکنے کے لئے سازشیں کی جاری ہیں جب کہ عمران خان ٹائپ کے لوگ شیخ چلی جیسے خواب دیکھ رہے ہیں۔ عمران خان کو 2013 میں عوام نے وزیر اعظم منتخب نہیں کیا تو ہم کیا کرسکتے ہیں، پورا ملک بھی استعفیٰ دے دے تب بھی عمران خان کی باری نہیں آئے گی، وہ آج بھی نواز شریف کے خوف سے نہیں نکل سکے، وہ موجودہ حکومت کو ناکام کرنا چاہتے ہیں لیکن خان صاحب ہمیں نہیں پاکستان کو ناکام کرناچاہتے ہیں۔ ان کی پہلے دن سے کوشش ہے کہ کوئی سرمایہ کار یہاں نہ آئے، انہوں نے چند لوگوں کے ساتھ مل کر سازش کی اور 126دن دھرنا دیا۔ ان کے پیٹ میں مروڑ تھا کہ حالیہ دھرنا کیسے ختم ہوگیا حالانکہ ان کے دھرنے سے تو پارلیمنٹ بھی محفوظ نہیں رہی۔
احسن اقبال نے کہا کہ عمران خان سیاست کے فسادی بابا ہیں، وہ قوم کے نوجوانوں کو تباہ کررہے ہیں، جہاں بھی آگ دیکھتے ہیں وہ اسے مزید بھڑکانے پہنچ جاتے ہیں،عمران خان کہتے ہیں کہ جب فیض آباد دھرنا ختم ہوا تو انہوں نے 2 نفل ادا کیے تھے، اور عمران خان کا دھرنا جب ختم ہوا تھا تو عوام نے 100 نفل ادا کیے تھے، ان کا کہنا تھا کہ عمران خان نے کرپشن کے تمام مگرمچھ اپنی چھتری کے نیچے جمع کرلئےہیں، وہ قوم کو دھوکہ دینے کی کوشش کررہے ہیں، عمران خان بتائیں پچھلے 4سالوں میں کرپشن ختم کرنے کیلئے کیا کیا، جسے چیئرمین نیب لگایا اسے بھی آپ نے ہٹا دیا، عمران خان نے ابھی تک کے پی میں نیب چیئرمین کا تقرر بھی نہیں کیا، کرپٹ لوگوں کے بجائے جسٹس وجیہہ الدین کو نکال دیا۔