ایمز ٹی وی (تعلیم/لاہور ) وزیراعلیٰ پنجاب شہباز شریف نے ٹکٹوں کا کوٹہ دانش اسکول کے بچوں میں بانٹ دیا ہے۔ تفصیلات کے مطابق وزیراعلیٰ پنجاب کی جانب سے ٹکٹوں کا کوٹہ ملنے پر دانش اسکول کے 25 بچے لاہور میں ہونے والا فائنل میچ دیکھیں گے ۔ جبکہ 8 بہترین اساتذہ بھی حکومت کے خرچے پر میچ سے لطف اندوز ہو سکیں گے۔ زرائع کے مطابق ڈاکٹرز، نرسز اور پیرامیڈیکس بھی حکومتی خرچے پر میچ دیکھیں گے۔
ایمز ٹی وی(اسپورٹس) پاکستان سپر لیگ (پی ایس ایل) کے چیئرمین نجم سیٹھی نے وزیراعظم نواز شریف، آرمی چیف جنرل قمر جاوید باجوہ اور چاروں صوبوں کے وزرائے اعلیٰ کو فائنل دیکھنے کی دعوت دیدی ہے۔ سماجی رابطوں کی ویب سائٹ ٹوئٹر پر جاری پیغام میں نجم سیٹھی نے کہا ہے کہ ”پی ایس ایل انتظامیہ اور فرنچائزز نے فائنل میچ لاہور میں کرانے کا حتمی فیصلہ کر لیا ہے۔ ہم وزیراعظم، چیف آف آرمی سٹاف اور چاروں صوبوں کے وزرائے اعلیٰ کو فائنل میچ دیکھنے کیلئے قذافی سٹیڈیم آنے کی دعوت دیتے ہیں۔ “ واضح رہے کہ نجم سیٹھی کا کہنا تھا کہ تقریباً 50 غیر ملکی کھلاڑیوں نے پاکستان آنے پر آمادگی ظاہر کی ہے جن کا تعلق سری لنکا، جنوبی افریقہ اور بنگلہ دیش سے ہے
ایمز ٹی وی (صحت) لیڈی ہیلتھ ورکر ایمپلائز ایسوسی ایشن کی جانب سے احتجاجی مظاہرہ کیا گیا مظاہرے کی قیادت سندھ کی صدر حلیمہ لغاری نے کی، انہوں نے کہا کہ وزیر اعلیٰ نے وعدہ کیا تھا کہ 13 جنوری کو تمام لیڈی ہیلتھ ورکرز کی تنخواہیں ادا کی جائیں گی لیکن ایسا نہ ہو سکا انہوں نے تنخواہیں ادا کرنے کا مطالبہ کیا۔
ایمز ٹی وی(لاہور) وزیر اعلیٰ پنجاب شہبازشریف نے کہا ہے کہ بجلی کی پیداوار کے متعدد منصوبے تکمیل کے مراحل میں ہیں اور گرمیوں میں لوڈشیڈنگ کم ہو گی ۔ توانائی بحران پرقابو پانے کیلئے تیز رفتاری سے کام جاری ہے۔
ہیڈ بلوکی پاور پلانٹ کا سنگ بنیاد رکھنے کے بعد میڈیا سے گفتگو کرتے ہوئے انہوں نے کہا کہ بھکھی اور بلوکی پاور پلانٹ 27ماہ میں مکمل کر لیے جائینگے جبکہ پاور پلانٹ بننے سے گرمیوں میں لوڈشیڈنگ 2گھنٹے تک رہ جائے گی ۔بلوکی پاور پلانٹ کی لاگت گڈو پاور پلانٹ کے مقابلے میں تقریباً آدھی ہے ۔پاور پلانٹ پر جدید ترین ٹربائنیں لگائی جارہی ہیں ۔ ملک کی خاطر کسی کی منت کرتا ہوں تو کوئی حرج نہیں ۔
وزیر اعلیٰ پنجاب کا مزید کہنا تھا کہ اس منصوبے میں تقریباً40 ارب روپے بچائے گئے۔1200 میگاواٹ کاپاور پلانٹ2017 میں مکمل ہو جائے گا ۔پاور پلانٹ سے سالانہ سات ارب روپے کی توانانی کی بچت ہو گی ۔پاور پلانٹ پر تین ہزار سے زائد انجینئرز اور ورکرز کام کر رہے ہیں۔112 ارب روپے کی بچت پاکستان کے خزانے کیلئے بہت بڑی کامیابی ہے۔نیلم جہلم منصوبے پر ساڑھے چار ارب لگ رہے ہیں ۔
ایک سوال پر انہوں نے کہا کہ عدالتوں پر پورا یقین ہے اور عدالتی فیصلوں کو قبول کریں گے ۔”نیازی صاحب کی طرح نہیں فیصلے آئیں گے تو مانیں گے “۔ احتجاجی سیاست کرنے والوں نے قومی ترقی کی راہ میں روڑ ے اٹکائے مگر دھرنوں اور ہڑتالوں کے باوجو د قومی ترقی جار ی رہی اور ہم نے پیسے کی ہوائی نہیں حقیقی بچت کی
ایمز ٹی وی(کوئٹہ) کرپشن کیس میں سابق سیکرٹری خزانہ مشتاق رئیسانی اور کنٹریکٹرسہیل مجید احتساب عدالت میں پیش۔ سابق مشیرخزانہ میرخالد لانگو عدالت میں پیش نہیں ہوسکے۔
میرخالد لانگو کامیڈیکل سرٹیفکیٹ عدالت میں جمع کرادیا گیا۔ احتساب عدالت نے جیل وارڈ کے انچارج سے خالد لانگو کے بارے استفسارکیا کہ خالد لانگو کی طبیعت کیسی ہے،ان کاوزن تو کم نہیں ہوا۔انچارج جیل وارڈ نے جواب دیتے ہوئے کہا کہ وزن کم نہیں ہوا،ڈاکٹر نے بتایا ہے کہ ان کی طبیعت صحیح نہیں ہے۔ عدالت نے کہا کہ خالد لانگو کو اگلی پیشی پر لے آئیں ،ہم بھی دیکھیں ان کہ وہ کتنے بیمار ہیں۔ عدالت نے پراسکیوٹر نیب کرپشن کیس ریفرنس متعلق استفسار کیا ۔پراسکیوٹر نے کہا کہ کرپشن کیس کا ریفرنس دستخط کیلئے اسلام آباد بھجوایا گیا ہے۔ جبکہاحتساب عدالت نے کرپشن کیس کاریفرنس جلد دائر کرنے کی ہدایت کی
ایمز ٹی وی(لاہور) وزیر اعلیٰ پنجاب شہباز شریف نے ایم ایس جناح ہسپتال کو غفلت پر معطل کر دیا ۔
وزیر اعلیٰ شہباز شریف کی زیر صدارت اجلاس منعقد ہوا جس میں جناح ہسپتال میں دو روز قبل مریضہ کی ہلاکت کی ابتدائی رپورٹ پیش کی گئی ۔ رپورٹ میں ایم ایس کی غفلت سامنے آنے پر وزیر اعلیٰ نے انہیں فوری طورپر معطل کرنے کے احکامات جا ری کر دیے ۔
انہوں نے حکم دیا کہ ایم ایس ، ذمہ دار ڈاکٹروں اور عملے کے خلاف سخت کارروائی کی جائے اور کسی ذمہ دارکے ساتھ رعایت نہ برتی جائے۔شہباز شریف نے جناح ہستپال میں مریضہ کو مناسب علاج نہ ملنے پر اظہار برہمی بھی کیا۔