Reporter SS

پی سی بی کا ہارون رشید کی تقرری کا فیصلہ

ایمز ٹی وی(اسپورٹس) پاکستان کرکٹ بورڈ نے ہارون رشید کو ڈائریکٹر کرکٹ مقرر کرنے کا اصولی فیصلہ کرلیا ہے جس کا باضابطہ اعلان جلد کیا جا ئے۔

پی سی بی چیئرمین شہریار خان ، چیف آپریٹنگ آفیسر سبحان احمد اور ڈائر یکٹر ایچ آر بریگیڈیئر (ر) ساجد حمید نے انٹرویو کے بعد ہارون رشید کی تقرری کی منظوری دے دی ہے۔

ایک سال پاکستان کرکٹ ہیڈ کوارٹر سے دور رہنے کے بعد سابق ٹیسٹ کرکٹر اور سابق چیئرمین سلیکشن کمیٹی ہارون رشید کی نئی اننگز کی تیاریاں مکمل ہیں۔

انگلش کرکٹ بورڈ کی طرز پر پاکستان کرکٹ بورڈ یہ نیا عہدہ متعارف کرارہا ہے جس کے لئے ہارون رشید اور ایک اور سابق ٹیسٹ کرکٹر اقبال قاسم کے درمیان مقابلہ ہے۔

ذمے دار ذرائع کا کہنا ہے کہ اقبال قاسم کو کراچی کی ہائی پرفارمنس اکیڈمی میں نگراں مقرر کیا جاسکتا ہے لیکن اس کے لئے انہیں نئے سرے سے درخواست دینا ہوگی۔ اس پوسٹ کے لئے اشتہار دیا جائے گا اور نئے سرے سے یہ پراسس مکمل ہوگا۔

ہارون رشید کو گزشتہ سال آئی سی سی ورلڈ ٹی 20 کی خراب کارکردگی کے بعد پوری سلیکشن کمیٹی کے ساتھ ملازمت سے فارغ کردیا گیا تھا۔ لیکن جب ڈائر یکٹر کرکٹ کا عہدہ مشتہر کیا گیا تو انہوں نے دوبارہ درخواست دے دی۔

ہارون رشید پاکستان کرکٹ بورڈ میں ڈائریکٹر گیم ڈیولپمنٹ کے عہدے پر بھی رہ چکے ہیں۔

پاک فوج کے ریٹائرڈ کرنل حبیب ظاہر بھارت کے شکنجے میں

ریاست مخالف اقدامات پر کوئی سمجھوتا نہیں کیا جائے گا،آرمی چیف

ایمزٹی وی(راولپنڈی)پاک فوج کے شعبہ تعلقات عامہ (آئی ایس پی آر) کے مطابق جی ایچ کیو میں آرمی چیف جنرل قمر جاوید باجوہ کی زیر صدارت 201 ویں کور کمانڈرز کانفرنس ہوئی۔ جس میں قومی سلامتی اور خطے کی تازہ ترین صورتحال زیرغور آئی اور آپریشن رد الفساد میں پیشرفت اور خانہ ومردم شماری میں تعاون کا بھی جائزہ لیا گیا جب کہ کورکمانڈرز کانفرنس کو بھارتی جاسوس کلبھوشن سے متعلق بریفنگ بھی دی گئی۔

آئی ایس پی آر کے مطابق سربراہ پاک فوج جنرل قمرجاوید باجوہ نے آپریشن رد الفساد اور خانہ مردم شماری میں سیکیورٹی اداروں کےکردارکوسراہا اور کامیاب آپریشنز پر فارمیشنز، خفیہ ایجنسیوں اورقانون نافذ کرنے والے اداروں کی تعریف کی۔ کور کمانڈرز کانفرنس میں اس عزم کا اعادہ کیا گیا کہ ریاست مخالف سرگرمیوں پر کوئی سمجھوتا نہیں کیا جائےگا۔

خان عبدالولی خان یونیورسٹی غیر معینہ مدت کے لئے بند

ایمزٹی وی(تعلیم/ مردان)خان عبدالولی خان یونیورسٹی میں طلباء کے درمیان فائرنگ اور تشدد کے دوران ایک طالب علم جاں بحق جبکہ متعدد زخمی ہوگئے ہیں۔

تفصیلات کے مطابق مردان کی عبدالولی خان یونیورسٹی کے گارڈن کیمپس میں فائرنگ،توڑ پھوڑ اور تشدد کے نتیجے میں ایک طالبعلم جاں بحق جبکہ 5 طلباء زخمی ہوگئے اور یونیورسٹی کو غیر معینہ مدت کیلئے بند کردیا گیا ہے جبکہ مرنے والے طالب علم کی لاش کو ڈی ایچ کیو ہسپتال منتقل کردیا گیا ہے۔واقعے کے بعد پولیس کی بھاری نفری یونیورسٹی پہنچ گئی ہے۔

کراچی کا امن خطرے میں۔۔۔ کلعدم تحریک طالبان اور لیاری گینگ وارمیں اتحاد

ایمزٹی وی(کراچی)شہر قائدمیں کالعدم تحریک طالبان اور لیاری گینگ وار نے اتحاد کرلیا ہے۔

تفصیلات کے مطابق قانون نافذ کرنیوالے ادارے کے خط میں انکشاف کیا گیا ہے کہ کالعدم ٹی ٹی پی خان زمان گروپ کی منگھوپیر میں سرگرمیاں بڑھ گئی ہیں،حیات اللہ، قاری یوسف اورمتین شفیع علاقے میں دیکھے گئے ہیں اورلیاری گینگ وار کے کارندے بھی منگھوپیر میں دیکھے گئے ہیں، زاہد لاڈلا، تاج محمد عرف تاجو، ایاز زہری، سہیل عرف سنی بھی علاقے میں نظر آئے ہیں جبکہ کالعدم ٹی ٹی پی کا حیات اللہ بم بنانے کا ماہر ہے۔

خط میں لکھا گیا ہے کہ لیاری گینگ وار کے کارندے ناردرن بائی پاس کا راستہ استعمال کرتے ہیں،کالعدم تحریک طالبان کے دہشت گرد سلطان آباد آفریدی کالونی میں دیکھے گئے اورعلاقے میں پولیس پر حملہ کیا جاسکتا ہے اس لئے دہشت گردوں کی شہر میں مذموم کارروائیوں کو بے اثر کرنا ضروری ہے۔

ڈزنی لینڈ کے 25سال مکمل ہونے پر رنگا رنگ تقریبات جاری

ایمز ٹی وی(انٹرٹینمنٹ)فرانس کے دارالحکومت پیرس میں ڈزنی لینڈ کے 25سال مکمل ہونے پر رنگا رنگ تقریبات زوروشور سے جاری ہیں۔25سال پہلے اسی تاریخ کو ڈزنی لینڈ کے دروازے عوام کے لئے کھولے جانے پر شاندار پریڈ کا انعقاد کیا گیا ۔ ڈزنی لینڈ کا افتتاح یکم اپریل 1992کو کیا گیا تھاجبکہ اس کے دروازے پہلی با ر12اپریل1992کو عوام کے لئے کھولے گئے تھے۔

اس دن کو پرجوش انداز سے منانے کے لئے گزشتہ روزایک شاندار پریڈ کا انعقاد کیا گیا جس میں مشہور و معروف اینی میٹڈ اور کارٹون کرداروں نے دلکش نظارے ترتیب دے کرشہر کی رونقیں بڑھا دیں۔ اس پریڈ میں ہزاروں افراد نے شرکت کی اوردلچسپ کاسٹیومز میں ڈزنی کرداروں کا روپ دھا ر کر سڑکوں کو پریڈ کی۔ دیوہیکل فلوٹس سڑکوں پر نکلے تو نا صرف سڑکیں ہزاروں روشنیوں میں ۔نہا گئیں بلکہ رنگ برنگے کاسٹیومز میں پریڈ میں شریک پرفارمرز بھی ان کی دلکشی کو چار چاند لگاتے نظر آئے

ڈزنی لینڈ کے 25سال مکمل ہونے پر رنگا رنگ تقریبات جاری

ایمز ٹی وی(انٹرٹینمنٹ)فرانس کے دارالحکومت پیرس میں ڈزنی لینڈ کے 25سال مکمل ہونے پر رنگا رنگ تقریبات زوروشور سے جاری ہیں۔25سال پہلے اسی تاریخ کو ڈزنی لینڈ کے دروازے عوام کے لئے کھولے جانے پر شاندار پریڈ کا انعقاد کیا گیا ۔ ڈزنی لینڈ کا افتتاح یکم اپریل 1992کو کیا گیا تھاجبکہ اس کے دروازے پہلی با ر12اپریل1992کو عوام کے لئے کھولے گئے تھے۔

اس دن کو پرجوش انداز سے منانے کے لئے گزشتہ روزایک شاندار پریڈ کا انعقاد کیا گیا جس میں مشہور و معروف اینی میٹڈ اور کارٹون کرداروں نے دلکش نظارے ترتیب دے کرشہر کی رونقیں بڑھا دیں۔ اس پریڈ میں ہزاروں افراد نے شرکت کی اوردلچسپ کاسٹیومز میں ڈزنی کرداروں کا روپ دھا ر کر سڑکوں کو پریڈ کی۔ دیوہیکل فلوٹس سڑکوں پر نکلے تو نا صرف سڑکیں ہزاروں روشنیوں میں ۔نہا گئیں بلکہ رنگ برنگے کاسٹیومز میں پریڈ میں شریک پرفارمرز بھی ان کی دلکشی کو چار چاند لگاتے نظر آئے

کرنل حبیب ظاہر کے اغواء میں بھارت ملوث

ایمزٹی وی(اسلام آباد)نیپال میں لاپتہ ہونے والے ریٹائرڈ کرنل حبیب ظاہر کو بھارتی خفیہ ایجنسیوں کی جانب سے اغوا کیا جانے کا انکشاف ہوا ہے۔

میڈیا ذرائع کے مطابق نیپال میں لاپتہ ہونے والے پاک فوج کے ریٹارئرڈ کرنل حبیب ظاہر کی گمشدگی میں بھارتی خفیہ ایجنسیوں کے ملوث ہونے کے انکشاف ہوا ہے، ریٹائرڈ کرنل سے رابطہ کرنے والا برطانوی نمبر بھی اصلی نکلا جس کے لیے حبیب ظاہر کی گمشدگی کا معاملہ برطانوی حکومت سے اٹھایا جاسکتا ہے جب کہ کرنل ریٹائرڈ کے خاندان نے اقوام متحدہ کے لاپتہ افراد ورکنگ کمیشن سے بھی رابطہ کیا ہے، اس سے قبل ابتدائی معلومات تھی کہ یہ نمبر کمپیوٹر جنریٹڈ ہے۔

ریٹائرڈ کرنل سے رابطہ کرنے والی ویب سائٹ سے متعلق بھی کئی اہم انکشافات سامنے آئے ہیں، ویب سائٹ کی ہوسٹنگ بگ راک ڈاٹ کام بھارت میں ہے جس پر ایسٹ انڈیا ممبئی مہارشٹرا کا پتہ موجود ہے اور اسی ویب سائٹ کے ذریعے حبیب ظاہر کو نوکری کا جھانسا دیا گیا تھا جو بھارت میں کئی اور بھارتی ویب سائٹ کی ہوسٹنگ کررہی ہے، اس ویب سائٹ کے ذریعے مختلف لوگوں کو نوکریوں کا جھانسا دیا جاتا ہے، بھارتی ویب سائٹ پر جعلی اسامیاں ایک سال سے موجود ہیں۔

واضح رہے کچھ روز قبل پاک فوج کے ریٹائرڈ لیفٹیننٹ کرنل حبیب ظاہر نیپال میں لاپتہ ہوگئے تھے۔

فوجی اتحادمیں پاکستان کی شمولیت پر عمران خان کے خدشات

ایمزٹی وی(اسلام آباد)پاکستان تحریک انصاف نے سعودی عرب کی سربراہی میں فوجی اتحاد میں پاکستان کی شمولیت کے معاملے پر پارلیمان کے مشترکہ اجلاس کی فوری طلبی کا مطالبہ کیا ہے اور اس حوالے سے باضابطہ قرار داد قومی اسمبلی میں جمع کرادی ہے ۔یہ قرار داد ڈاکٹر شیریں مزاری ،اسد عمر اور ڈاکٹر عارف علوی کی جانب سے جمع کروائی گئی ہے ۔قرارداد میں کہاگیا کہ پارلیمان اس اتحاد کی شمولیت کے اثرات و اسباب سے بالکل ناواقف اور لاعلم ہے ، اس فیصلے سے متعلق قومی اتفا ق رائے کے لیے پارلیمان کا مشترکہ اجلاس بلایاجائے ۔

واضح رہے کہ تحریک انصا ف اور پیپلز پارٹی نے فوجی اتحاد میں شمولیت اور راحیل شریف کے اس اتحاد کے سربراہ تعینات ہونے کے معاملے کو پارلیمنٹ میں لا کر بحث کرنے کا مطالبہ کیا تھا تاہم حکومت کی جانب سے اس معاملے کو پارلیمنٹ میں لانے یا نہ لانے کے حوالے سے ٹھوس موقف سامنے نہیں آیا ۔

تحریک انصاف کے سربراہ عمران خان کئی بار اپنے خدشات کا اظہار کر چکے ہیں کہ اگر فوجی اتحاد کو کسی ملک کے خلاف استعمال کیا گیا تو اس کے نتائج خطرناک ہو سکتے ہیں ۔

خورشید شاہ کو معافی مانگنے کا مشورہ

سابق صدر آصف زرداری او ر بے نظیر بھٹو کی صاحبزادی آصفہ بھٹو زرداری اپنی ہی پارٹی سے تعلق رکھنے والے قومی اسمبلی میں اپوزیشن لیڈر خورشید کے بیان پر برہم ہوگئی ہیں اور ان کو خواتین سے متعلق بیان پر معافی مانگنے کامشورہ دیدیا ہے۔

تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے آصفہ بھٹو نے کہا کہ خواتین سے متعلق پارلیمنٹ میں بار بارہتک آمیزبیانات دیئے جاتے ہیں،اس طرح کے نازیبا ریمارکس کسی صورت برداشت نہیں کیے جانے چاہئیں،پارلیمنٹ میں خواتین سے متعلق بیان معاشرے کے عکاس ہونگے،پارلیمنٹ ہمارے معاشرے کیلئے ماڈل ہے اور امید ہے کہ خورشید شاہ اپنے ریمارکس پر معافی مانگیں گے۔

Such remarks should not be tolerated. Hope Khurshid Shah respectfully apologises 2/2
— Aseefa B Zardari (@AseefaBZ) April 13, 2017

یاد رہے کہ قومی اسمبلی اجلاس کے دوران اپوزیشن لیڈر خورشید شاہ کی تقریر کے دوران خواتین بات چیت میں مصروف تھی جس پر اسپیکر قومی اسمبلی نے کہا تھا کہ خواتین خاموش ہو جائیں اگر باتیں کرنی ہیں تو پارلیمنٹ سے باہر جاکرکریں جس پر خورشید شاہ نے ریمارکس دیئے تھے کہ خواتین کو بولنے دیں یہ باتیں نہ کریں تو بیمار ہوجائیں گے۔ اسپیکر ایاز صادق نے جواب دیا کہ شاہ صاحب آپ خواتین پر بات کرکے استحقاق مجروح کررہے ہیں۔

خورشید شاہ نے اپنے بیان پر وضاحت پیش کرتے ہوئے کہا ہے کہ آصفہ کو میری بات پتہ نہیں ہوگی،کون خواتین سے متعلق ایسی بات کرسکتا ہے،ازراہ مذاق بات کی تھی اور یہ سب میڈیا کا کمال ہے کوئی غلط بات نہیں کی۔