Reporter SS

رنگا رنگ ملبوسات کی نمائش

ایمزٹی وی(کراچی)خواتین کے عالمی دن کے موقع پر پارک ٹاور کے زیر اہتمام خواتین کے ملبوسات کی نمائش کا انعقاد کیاگیا۔ اس نمائش میں ملک کے نامور کمپنیوں نے شرکت کی ۔

معروف کمپنیوں میں پریسہ، موٹیوز، کومل فیبرکس، ڈیجی ریکس اوراسجاس نے موسم گرما کے نت نئے ڈیزائن ور خوشنما ملبوسات کی نمائش کی۔

اس نمائش کا مقصد اخواتین کو ایسا مواقع فراہم کرنا تھا جہاں انہیں برانڈڈ اور دیدہ زیب ملبوسات مناسب قیمتوں میں فراہم کیا جائے ۔

خواتین کے عالمی دن کے موقع پر پارک ٹاور میں رنگا رنگ نمائش کا موضوع " میں سب کرسکتی ہوں یہ دنیا میری ہے "تھاجس میں ملبوسات کی نمائش کے ساتھ ساتھ خواتین کے لئے فری میک اوور بھی کیا گیا جبکہ کوکنگ ایکسپرٹ شیف گلزار، ناہید انصاری اور ثمینہ

جلیل کو بھی مدعوکیا گیاجنھوں نے نمائش میں شریک خواتین کے ساتھ خوب رنگ جمایا

چیلسی کے ہاتھوں مانچسٹر یونائیٹڈ کو ایک صفر سے شکست

ایمز ٹی وی(اسپورٹس) انگلش فٹ بال کلب کی ٹیم چیلسی ایف اے کپ فٹ بال کے سیمی فائنل میں پہنچ گئی، کوارٹر فائنل میں دفاعی چیمپئن مانچسٹر یونائیٹڈ کو ایک صفر سے اپ سیٹ شکست کا سامنا ہوا۔

لندن میں ہونے والا میچ ایکشن پیکڈ رہا، برتری کی کوشش اور گول کیپر رکاوٹ بنا۔ پھر مانچسٹر یونائیٹڈ کے آںدرے آؤٹ آف کنٹرول ہوئے، تو ریفری نے انہیں ریڈ کارڈ دکھایا اور باہر کا راستہ بھی بتایا۔

دوسرے ہاف میں چیلسی نے بال نیٹ میں پہنچائی اورمخالف ٹیم پر ایک صفر کی برتری حاصل کی۔ فائنل وسل ہوئی تو چیلسی کی ٹیم فاتح بنی، جس کے بعد مداحوں اور کھلاڑیوں کی جانب سے جیت کا جشن منایا گیا،تاہم ایونٹ کا اپ سیٹ مانچسٹریونائیٹڈ کا ایونٹ میں سفر تمام ہونا تھا۔

ناقص فٹنس، دورہ ویسٹ انڈیز کیلئے انتخاب خطرے میں پڑ گیا

ایمز ٹی وی(اسپورٹس) ناقص فٹنس اکمل برادرز کی راہ میں حائل ہونے لگی، دورہ ویسٹ انڈیز کیلیے انتخاب خطرے میں پڑ گیا جبکہ عماد وسیم اور سہیل تنویر بھی تاحال مطلوبہ معیار پر پورا نہیں اتر پائے۔

کامران اکمل کا طویل عرصے بعد قومی کرکٹ ٹیم میں واپسی کا خواب پورا ہوتا دکھائی نہیں دے رہا، ان کی فٹنس کو عالمی معیار کے مطابق قرار نہیں دیا جا رہا۔ کوچ مکی آرتھر نے کامران کے بھائی عمر اکمل کی فٹنس کے معیار پر بھی سوال اٹھا دیے ہیں، اسی طرح عماد وسیم اور سہیل تنویر بھی کوچنگ اسٹاف کو مطمئن نہیں کر سکے، کیمپ کے پہلے ہی روز کھلاڑیوں کے فٹنس ٹیسٹ لیے گئے تھے جبکہ استقبالیے میں شرکت کی وجہ سے پشاور زلمی میں شامل پلیئرز نے اگلے دن رپورٹ کے بعد ٹیسٹ دیے، اب منگل کو کھلاڑیوں کی فٹنس ایک بار پھر جانچی جائے گی جس کے بعد حتمی فیصلہ ہو گا۔

واضح رہے کہ چیئرمین شہریار خان پہلے ہی کہہ چکے کہ کوچ مکی آرتھر نے بعض کھلاڑیوں کی فٹنس پر سوال اٹھاتے ہوئے انھیں دستیاب پلیئرزکے پول سے باہر کرنے کی اجازت مانگی تھی جو انھیں دے دی گئی۔

دوسری جانب لیگ اسپنر یاسر شاہ نے اب تک کوئی فٹنس ٹیسٹ نہیں دیا، انھوں نے علالت کی وجہ سے تاخیر سے کیمپ جوائن کیا تھا۔

بات دل پر لینے والے دل ہار کر موت کے منہ میں جاسکتے ہیں

ایمز ٹی وی(صحت) ماہرین نے خبردار کیا ہے کہ قلبی شریانوں کا مرض ( کورونری ہارٹ ڈیزیز) لاحق ہونے کے بعد اگر آپ مسلسل ڈپریشن میں رہتے ہیں تو 10 سال کے اندر اندر موت کے قریب بھی پہنچ سکتے ہیں۔

ماہرین کی جانب سے کیے گئے ایک نئے مطالعے کے مطابق دل کے مریض اگر ڈپریشن کے شکار ہوجائیں اور ہر بات دل پر لینے لگیں تو وہ دل ہار کر موت کے منہ میں جاسکتے ہیں۔ اس مطالعے میں شریک ایک ماہر کا کہنا ہےکہ قلبی شریانوں کے مریضوں میں مایوسی، ذہنی تناؤ اور ڈپریشن کا مسلسل جائزہ لیا جانا ضروری ہے، خواہ ڈپریشن تھوڑے عرصے کے لیے ہو یا پھر کئی سالوں پر محیط، دل کے مریضوں کو اس سے دور رہنا چاہیے، کسی ڈپریشن کی صورت میں اس کا علاج اور فالو اپ بھی بہت ضروری ہوتا ہے۔

اس سے قبل بھی ماہرین ڈپریشن اور دل کے امراض کے درمیان تعلق پر ایک عرصے سے غور کررہے ہیں۔ یہ بھی دیکھا گیا ہے کہ دل کے مریض چند ماہ کے اندر ہی ڈپریشن کے چنگل میں چلے جاتے ہیں۔ ماہرین نے اس کے لیے 10 برس تک 25 ہزار دل کے مریضوں کا بغور جائزہ لیا۔ ان میں سے 3646 مریض ڈپریشن میں مبتلا پائے گئے جب کہ ان کی نصف تعداد مطالعے کے دوران ہی انتقال کرگئی لیکن 20 ہزار سے زائد افراد ڈپریشن سے دور رہے اور زندہ رہے۔ اس طرح ماہرین کا خیال ہےکہ قلبی شریانوں کے مریضوں میں ڈپریشن جان لیوا ثابت ہوسکتا ہے۔ ماہرین کا کہنا ہے کہ دل کے مریضوں کو خوش رہنا چاہیے، صبح کو چہل قدمی کریں اور مناسب غذا کھائیں۔

ٹوئیٹر کے کروڑوں اکاؤنٹ انسانی نہیں ، حیران کن انکشاف

ایمز ٹی وی(مانیٹرنگ ڈیسک) کمپیوٹر اور سوشل میڈیا کے ماہرین کے مطابق اگر کوئی آپ کی ٹویٹر پوسٹ، لائک یا شیئر کرتا ہے تو ضروری نہیں وہ انسان ہو بلکہ وہ کوئی کمپیوٹر پروگرام بھی ہوسکتا ہے جسے ’’ٹویٹربوٹ‘‘ کا نام دیا گیا ہے۔

اس سے قبل ٹویٹر کمپنی نے کہا تھا کہ اس کے کروڑوں اکاؤنٹ انسانی نہیں اور اب معلوم ہوا ہےکہ اس کے 319 ملین (31 کروڑ 90 لاکھ) میں سے 4 کروڑ 80 لاکھ صارفین روبوٹ پر مشتمل ہیں۔ یہ چھوٹے کمپیوٹر پروگرام ہوتے ہیں جو معلومات کو آگے بھیجنے، ری ٹویٹ کرنے اور دیگر امور انجام دینے کا کام کرتے ہیں۔

اگرچہ بعض بوٹس ٹویٹر پر ایک بھونچال مچارہے ہیں لیکن کچھ اکاؤنٹ بہت مفید ہیں جن میں صارفین کی معلومات، صحت کا احوال اور قدرتی آفتوں سے خبردار کرنے والے بوٹس مقبول ہیں۔

یونیورسٹی آف سدرن کیلیفورنیا کے ماہرین نے 6 زمروں میں 1150 فیچرز نوٹ کرکے ان بوٹس کا پتا لگایا ہے۔ ان میں ٹویٹ کا متن، نیٹ ورک پیٹرن، ٹویٹ کے اوقات اور احساسات بھیجنے وغیرہ کو نوٹ کیا گیا ہے۔

ماہرین نے ایک ماڈل بنا کر اس میں ٹویٹس کا ڈیٹا شامل کیا اور تجزیہ کرنے پر معلوم ہوا کہ 9 سے 15 فیصد اکاؤنٹس بوٹس چلارہے ہیں نا کہ انسان، اور ان میں سے کئی بہت مفید بھی ہیں۔ اس کے علاوہ کئی سوشل بوٹس رضاکارانہ سرگرمیوں، خبروں اور معلومات کی ترسیل کا کام کررہے ہیں۔

سی ایس ایس کے پرچوں کی چوری

ایمز ٹی وی (تعلیم /لاہور )سوشل میڈیا پر سی ایس ایس پرچوں کی چوری کے حوالے سے فیس بک نے ایف آئی اے کو 4آئی پی ایڈریس فراہم کر دیے ۔

زرائع کے مطابق کے مطابق سوشل میڈیا پر سی ایس ایس کے پرچوں کی چوری کے اسکینڈل میں ملوث عناصر کا پتہ لگانے کی کوشش جاری ہے اور اب فیس بک نے ایف آئی اے کو اس حوالے سے 4آئی پی ایڈریس فراہم کیے ہیں تاہم ایف آئی اے آئی ٹی ایکسپرٹ سعدیہ کا کھوج لگانے میں ناکام ہے ۔

ایف آئی اے حکام کا کہنا ہے کہ آئی پی ایڈریس پر ہزاروں یوزر ہیں اور سعدیہ کا اکاﺅنٹ تلاش کرنا ممکن نہیں تاہم تحقیقات جاری ہیں جن میں 2سے 4ماہ کا وقت لگ سکتا ہے ۔

میرا بےروزگار اور بے حال

ایمز ٹی وی (انٹرٹینمنٹ)فلمسٹار میرا نے کہا ہے کہ میرے پاس اب کوئی روزگار نہیں ہے اور میں بالکل بیروزگار ہوچکی ہوں۔ میرا نے کہا کہ فلم کا میوزک ریکارڈ کرانے کیلئے میں نے اپنی گاڑی تک بیچ دی ہے اور اب بھائی کی گاڑی استعمال کررہی ہوں۔انہوں نے کہا کہ میرے پاس اب اتنے پیسے بھی نہیں بچے کے ملازموں کے اخراجات اٹھاسکوںاور ان کی تنخواہیں ادا کرسکوں۔

میرا نے ایک پروگرام میں شرکت کرنے کے بعد کہا کہ جب فنکار کام نہیں کریں گے تو وہ اپنے اخراجات کیسے پورے کرینگے۔اداکارہ میرا کا مزید کہنا تھا کہ آج کے پروگرام میں شرکت کرنے کیلئے بھی میں نے 25 ہزار روپے لئے ہیں۔

میرٹ کی پاسداری نہ کی توہماراحشربھی پی پی جیساہوگا

ایمز ٹی وی (آزاد کشمیر)آزادکشمیرکے وزیراعظم راجہ فاروق حیدرخان نے کہاہے کہ ہم نے میرٹ پرکام کرنے ہیں اگرہم نے میرٹ کی پاسداری نہ کی توہماراحشربھی پی پی جیساہوگا ، سہنسہ میں گرڈسٹیشن، گریٹرواٹرسپلائی سکیم بنائینگے جبکہ کوٹلی سے ہولاڑتک سڑک کواین ایچ اے کے سپردکریںگے ان خیالات کااظہار انہوں نے سہنسہ میں ورکرزکنونشن سے خطاب کرتے ہوئے کیا۔

ورکرز کنونشن سے اسپیکراسمبلی شاہ غلام قادر،ممبراسمبلی میزبان تقریب راجہ نصیراحمدخان،وزیراطلاعات مشتاق منہاس،وزیرخوراک شوکت شاہ،ممبراسمبلی مسعودخالدودیگرنے بھی خطاب کیا،قبل ازیں وزیراعظم بھمبر کے علاقہ پنجیڑی گئے اور میجر(ر) راجہ فرقان سلیم اور راجہ شہزاد سلیم کے عصرانے میں شرکت کی،اس موقع پر انہوں نے بھمبر میں پولی ٹیکنیکل کالج قائم کرنے کا اعلان کیا ۔

آزا د کشمیر میں ہوگی میرٹ کی بالادستی

ایمز ٹی وی(آزاد کشمیر)سرکاری نوکریاں دے کر عوام کو خوشحال بنانا ممکن نہیں، نجی شعبے کو فروغ دینا ہو گا.

صدر آزاد جموں وکشمیر سردار مسعود خان نے کہا ہے کہ حکومت آزا د کشمیر میرٹ کی بالادستی کا وعدہ پورا کر کے رہے گی،کسی سے ترجیحی یا امتیازی سلو ک نہیں ہو گا.

میرٹ کی کڑوی گولی عوام کے بھر پور تعاون کے بغیر صرف حکومت نہیں نگل سکتی، یہ گولی سب کو مل کر نگلنا ہو گی ،صرف سرکاری نوکریاں دے کر عوام کو ترقی یافتہ اور خوشحال بنانا ممکن نہیں،اس سلسلے میں ہمیں نجی شعبے کو فروغ دینا ہو گا۔

ان خیالات کا اظہار انہوں نے پتن شیر خان کے مقام پر ممبر قانون ساز اسمبلی سحرش قمر کی دعوت پر بڑے جلسہ عام سے خطاب کرتے ہوئے کیا۔ جلسے سے وزیر صحت ڈاکٹر نجیب نقی ، ملک شکیل اعوان وزیر اعظم پاکستان ،ایم ایل اے سحرش قمر ، آصف رشید ، صوبیدار مختار خان اور دیگر نے بھی خطاب کیا۔

پاکستان ہاکی ٹیم نیوزی لینڈ پہنچ گئی

ایمز ٹی وی (اسپورٹس) پاکستان ہاکی ٹیم 5 ٹیسٹ میچوں کی سیریز کے لئے نیوزی لینڈ پہنچ گئی ہے، دونوں ٹیموں کے درمیان پہلا ٹیسٹ 17مارچ کو کھیلا جائے گا۔

حسیم خان کی قیادت میں پاکستان ہاکی ٹیم آکلینڈ پہنچ گئی، جہاں سے وہ ویلنگٹن جائےگی ،5میچوں کی سیریز کے 3 میچ ویلنگٹن میں کھیلے جائیں گے جبکہ دو مقابلے کلیئرویل میں ہوں گے ۔

پاکستان اور نیوزی لینڈ کے درمیان پہلا میچ 17،دوسرا 18 ،تیسرا 20،چوتھا 22اور پانچواں میچ 23مارچ کو کھیلا جائے گا ۔

نیوزی لینڈ کے بعد پاکستان ٹیم 4 ٹیسٹ میچوں کے لئے آسٹریلیا پہنچے گی ،سیریز کےتمام مقابلے ڈارون میں کھیلے جائیں گےجو 28 ، 29 ، 31 مارچ اور یکم اپریل کو ہوں گے ۔

Page 1828 of 2388