Reporter SS
ایمز ٹی وی(اسپورٹس) اگرچہ رونالڈینیو نے پاکستان آمد کی تاریخ اور اپنے دورہ کا مقصد بیان نہیں کیا تاہم یہ پہلے سے ہی واضح ہو چکا ہے کہ وہ دیگر معروف بین الاقوامی فٹ بالرز کے ساتھ ایک نمائشی میچ کھیلنے کیلئے پاکستان آ رہے ہیں۔
لیئر لیگ کے ایک نمائندے نے بھی اس بات کی تصدیق کی ہے اور کہا ہے کہ رونالڈینیو نے لیئر لیگ کے ساتھ پاکستان کے دورے کیلئے معاہدہ کر لیا ہے تاہم انہوں نے مزید معلومات فراہم کرنے سے گریز کرتے ہوئے کہا کہ اگلے ہفتے ایک پریس کانفرنس میں تمام معاملات سے آگاہ کر دیا جائے گا۔
لیئر لیگ کے کنٹری کنسلٹنٹ شاہ رخ سہیل کا کہنا ہے کہ ”میں اس بات کی تصدیق کر سکتا ہوں کہ لیئر لیگ رونالڈینیو کو پاکستان لا رہی ہے۔ مزید تفصیلات اگلے چند دنوں میں ایک پریس کانفرنس میں بتا دی جائیں گی۔“
ایمز ٹی وی(اسپورٹس) پاکستان کی پہلی کبڈی لیگ موخر کردی گئی ہے۔سیکرٹری کبڈی فیڈریشن محمد سرور نے بتایا کہ کبڈی لیگ مارچ اور اپریل میں کرانے کا اعلان کیا گیا تھا تاہم اب لیگ مئی میں کھیلی جائے گی۔
محمد سرور کا کہنا تھا کہ پاکستان کی پہلی کبڈی لیگ میں ملک بھر سے 6 ٹیمیں حصہ لیں گی۔سیکرٹری کبڈی فیڈریشن کے مطابق اب کبڈی لیگ مئی میں کھیلی جائے گی۔
ایمز ٹی وی(صحت) نمونیا اور گردن توڑ بخار کے باعث پاکستان میں بچوں کی اموات کی شرح بڑھ رہی ہے ۔ ان خیالات کا اظہار ماہرین صحت نے آغا خان یونیورسٹی اسپتال میں منعقد سیمینار سے خطاب کے دوران کیا۔
ماہرین صحت نے بتایا کہ اعدادوشمار کے مطابق ہر 3میں سے ایک ہلاکت ان بیماریوں کے سبب ہوتی ہے تاہم نیوموکوکل کونجوگیٹ ویکسین (پی سی وی۔10) کے متعلق کی جانے والی 4سالہ تحقیق سے یہ بات سامنے آئی ہے کہ اس ویکسین کی مدد سے بچے ان دو مہلک امرا ض سے محفوظ رہ سکتے ہیں۔
یہ تحقیق آغا خان یونیورسٹی (اے کے یو)میں پی سی وی۔10 کے اثرات کا جائزہ لینے کے لیے کی گئی ۔
اے کے یو میں پیڈیاٹرکس کے شعبے میں ڈائریکٹر ریسرچ اور ایسوسی ایٹ پروفیسر ڈاکٹر اسد علی نے تحقیق کے نتائج پر بات کی ۔
ایمز ٹی وی(اسپورٹس) اسپاٹ فکسنگ اسکینڈل میں فاسٹ بولر محمد عرفان آج پی سی بی اینٹی کرپشن یونٹ کے سامنے پیش ہوں گے ۔
شاہ زیب حسن کا نمبر کل آئے گا ۔دونوں کے ویڈیو بیان ریکارڈ کیے جائیں گے۔
دونوں کھلاڑیوں پر پاکستان سپر لیگ میں اسپاٹ فکسنگ اسکینڈل کا الزام ہے۔
ایمز ٹی وی(صحت) سائنسدانوں نے نئی تحقیق میں دعویٰ کیا ہے کہ نابینا پن کو دور کرنے کے لیے مچھلی کی آنکھیں مددگار ثابت ہوسکتی ہیں۔
نئی تحقیق میں سائنس دانوں کو زیبرا فش کے دماغ سے ایسا کیمیکل سگنل ملا ہے ،جو مچھلی کی آنکھ کے ریٹینا میں ہوتا ہے ، یہ کیمیکل انسانی آنکھ کے ریٹینا کی دوبارہ نمو میں مدد دے سکتا ہے۔
تحقیق کے مطابق عمر کے بڑھنے کے ساتھ یا کسی اور وجہ سے ریٹینا کو پہنچنے والے نقصان کو مچھلی کا ریٹینا ٹھیک کرسکتا ہے۔
ایمزٹی وی(راولپنڈی)ڈی جی آئی ایس پی آر میجر جنرل آصف غفور نے کہا ہے کہ مردم شماری کی سیکیورٹی کیلئے پاک فوج کی جانب سے 2 لاکھ جوان فراہم کیے جائیں گے پریس انفارمیشن ڈیپارٹمنٹ میں مردم شماری کے حوالے سے وزیر مملکت برائے اطلاعات مریم اورنگزیب کے ہمراہ مشترکہ نیوز کانفرنس سے خطاب کرتے ہوئے میجر جنرل آصف غفور کا کہنا تھا کہ مشترکہ مفادات کونسل کے مشورے پر مردم شماری کرانے کا فیصلہ کیا گیا ہے، پاکستان کے حالات کی وجہ سے مردم شماری کے حوالے سے فیصلہ نہیں ہو پا رہا تھا اور سیکیورٹی کا مسئلہ پیدا ہو رہا تھا لیکن ہم نے کہا کہ مردم شماری ایک قومی فریضہ ہے اس لیے یہ ضرور ہونی چاہیے ، جس کیلئے پاک فوج پہلے کی طرح مکمل سیکیورٹی فراہم کرے گی۔
انہوں نے کہا کہ 1998 کی مردم شمای کیلئے پاک فوج نے ڈھائی لاکھ جوان فراہم کیے تھے جبکہ اس بار مجموعی طور پر دو لاکھ جوان اس عمل کو سپورٹ فراہم کریں گے۔ مردم شماری کیلئے پاکستان بھر میں ایک لاکھ 68 ہزار بلاکس ہوں گے جہاں سویلین نمائندوں کے ساتھ ایک جوان فراہم کیا جائے گا۔سپاہی بھی مردم شماری کرنے والے سویلین نمائندے کے ساتھ گھر گھر جائے گا یہ بظاہر تو ایک سپاہی ہوگا لیکن اسے پوری فوج کی حمایت حاصل ہوگی، عوام سے درخواست ہے کہ اس حاضری کو شکریے کے طور پر قبول کریں اور تعاون کرکے پاک فوج کی عزت بڑھانے میں مدد کریں۔
ڈی جی آئی ایس پی آر کا کہنا تھا کہ سیکیورٹی کو فول پروف بنانے کیلئے ہم نے پاک فوج کے نچلے درجے سے ڈویژن لیول تک نگرانی کے سنٹر قائم کیے ہیں جو آپس میں رابطے میں ہوں گے اور اگر کوئی بھی مسئلہ ہوا تو فوری امداد فراہم کریں گے، مردم شماری کی سیکیورٹی کا ہیڈ کوارٹر جی ایچ کیو راولپنڈی میں ہوگا۔ سپاہی کا نادرا کے ڈیٹا بیس کے ساتھ بھی لنک ہوگا اور جو بھی ڈیٹا چاہیے ہوگا وہ فوری طور پر مل جائے گا اس لیے مردم شماری کے دوران جو بھی غلط ڈیٹا فراہم کرے گا یہ جرم تصور ہوگا اور اس کے خلاف کارروائی کی جائے گی۔ اس دوران وزیر مملکت برائے اطلاعات مریم اورنگزیب نے واضح کیا کہ مردم شماری کے دوران ڈیٹا فراہم کرنے والے کو 50 ہزار روپے جرمانہ اور 6 ماہ قید کی سزا سنائی جائے گی۔
ڈی جی آئی ایس پی آر نے کہا کہ افواج پاکستان کو جو بھی کام دیا جائے اس کیلئے وہ پہلے ہوم ورک کرتے ہیں، مردم شماری سے پہلے بھی پی بی ایس کے تعاون سے ماسٹر ٹرینرز کی 800 شہروں میں ٹریننگ کرائی اور انہوں نے آگے جا کر نیچے کے لیول پر ٹریننگ کرائی ۔
ڈی جی آئی ایس پی آر کا کہنا تھا کہ دہشتگردوں کی جانب سے مردم شماری کے عمل کو نقصان پہنچانے کی کوشش کی جائے گی اس لیے عوام اپنے کان اور آنکھیں کھلی رکھیں کیونکہ آرمی چیف کہتے ہیں کہ آپریشن رد الفساد کے دوران پاکستان کا ہر فرد ایک سپاہی ہے اور مردم شماری کی سیکیورٹی ہر پاکستانی کی ذمہ داری ہے۔
ایک سوال کے جواب میں میجر جنرل آصف غفور کا کہنا تھا کہ فاٹا میں جو فوج موجود ہے وہ وہیں رہے گی دیگر جگہوں پر صورتحال کے مطابق سیکیورٹی فراہم کی جائے گی۔ 84 فیصد سے زیادہ ٹی ٹی پیز اپنے علاقوں میں واپس آ چکے ہیں اورباقی ماندہ لوگوں کی اپنے علاقوں میں رجسٹریشن ہو چکی ہے اس لیے مردم شماری کے دوران ان کا مسئلہ نہیں ہوگا۔
ایمزٹی وی(نوشہرہ) نوشہرہ میں سابق امیر جماعت اسلامی قاضی حسین احمد کے نام پر بنائے گئے ہسپتال کی افتتاحی تقریب سے خطاب کرتے ہوئے عمران خان کا کہنا تھا پرویز خٹک کوداد دیتا ہوں کہ ان کی وجہ سے کے پی میں پہلی بار انسانوں پر سرمایہ کاری ہوئی، آج اگر جرم اور دہشت گردی کم ہوئی ہے تو مبارکباد کے حق دار پرویز خٹک ہیں۔
چیئرمین تحریک انصاف عمران خان کا کہنا ہے کہ جاوید لطیف سے متعلق بات کرنا اپنی توہین سمجھتا ہوں ، انتظار کررہا ہوں کہ نوازشریف کب جاوید لطیف کو اسمبلی سے نکالیں گے اور مراد سعید سے معافی مانگیں گے۔
اگر تحریک انصاف کا کوئی بھی رکن خواتین سے متعلق اس قسم کی زبان استعمال کرے گا اسے پارٹی سے نکال دیں گے۔
انہوں نے کہا خوشی ہے کہ جو ہسپتال قاضی حسین احمد نے 2002 میں سوچا میں آج اس کا حصہ ہوں ، ہمارے خیالات ملتے تھے اس لیے ان سے میری دوستی تھی۔ قاضی حسین احمد کرپشن کے خلاف تھے اور پاکستانیوں کو خوددار دیکھنا چاہتے تھے، ان سے صرف مولانا فضل الرحمان سے اتحاد کے معاملے پر اختلاف تھا۔
وزیرمملکت برائے اطلاعات و نشریات مریم اورنگزیب نے کہا ہے کہ مردم شماری کا عمل تمام صوبوں میں ایک ساتھ شروع کیا جائے گااور اسے دومرحلوں میں مکمل کیا جائے گا، پہلا مرحلہ 15 مارچ تا 15 اپریل اور دوسرا 25اپریل سے 25مئی تک ہوگا۔مردم شماری کیلئے18 ارب روپے کا بجٹ رکھا گیا ہے اور اس دوران غلط اعدادوشمارفراہم کرنے والے کو 6ماہ قید اور 50ہزار روپے جرمانے کی سزا دی جائے گی ۔
تفصیلات کے مطابق وزیرمملکت مریم اورنگزیب کا پریس کانفرنس کرتے ہوئے کہنا تھا کہ مشترکہ مفادات کونسل میں مردم شماری پراتفاق رائے ہوااور اس عمل کے لیے عملے کی تربیت مکمل ہوچکی ہے جس کیلئے مقامی لوگوں کو استعمال کیا جائے گا۔پہلی بار مردم شماری میں خواجہ سراوں، ڈس ایبلز اور ملک میں موجود دہری شہریت رکھنے والوں کا بھی اندراج ہوگاجبکہ خانہ شماری کے لیے 3دن رکھے گئے ہیں جس میں سے ایک دن بے گھر افراد کے اندراج کے لیے رکھا گیا ہے جبکہ اس سارے عمل کیلئے ساڑھے 18 بلین روپے بجٹ رکھا گیااور مردم شماری کا عمل مکمل ہونے کے بعد اس پر اضافی آنیوالی لاگت کا بھی اعلان کردیا جائے گا۔
مریم اورنگزیب نے کہا کہ فیز ون اور2 میں جو ضلع شامل کیے گئے ہیں ان کی تفصیلات فارمزمیں درج ہیں۔مردم شماری ، انتخابی حلقہ بندیوں، این ایف سی ایوارڈ کے لیے اہم ہے ۔انہوں نے کہا کہ مردم شماری آئینی ذمے داری ہے،ہم سب کا فرض ہے کہ مردم شماری عملے کے ساتھ تعاون کریں اور عوام اس مرحلے میں رہ جانے والے گھر اور افراد کی نشاندہی اور کسی بھی قسم کی شکایت 0800.57574اس نمبر پر دیں ۔
اس سوال کا جواب دیتے ہوئے وزیر مملکت کا کہنا تھا کہ این ایف سی کمیٹی بنائی گئی ہے جسے ڈائریکٹر فائنانس دیکھ رہے ہیں جبکہ پورے پاکستان میں سنسز کا عمل 25مئی کو مکمل ہوجائے گا ۔ ملک کی تاریخ میں 5بار مردم شماری ہوئی جبکہ 1996میں نوازشریف نے ملک میں مردم شماری کرائی تھی اور اب 19سال بعد ہونیوالی مردم شماری نواز حکومت میں ہی ہورہی ہے۔
ایمزٹی وی(اسپورٹس)پی ایس ایل میں پشاور زلمی کی نمائندگی کرنے والے ویسٹ انڈیز کے بلے باز مارلن سیموئلز نے پاک فوج میں شامل ہونے کی خواہش کا اظہار کیا ہے۔
ویسٹ انڈین بلے باز نے سوشل میڈیا پر اپنی ایک ویڈیو جاری کی ہے جس میں انہوں نے پی ایس ایل کے فائنل کے دوران زبردست سیکیورٹی دینے پر پاک فوج کی خوب تعریف کی اور سربراہ پاک فوج جنرل قمر جاوید باجوہ کو سیلوٹ بھی کیا۔
سیموئلز نے کہا کہ میں نے جمیکن آرمی میں خدمات پیش کی ہیں اور چاہتا ہوں کہ اگر پاک فوج میں خدمات کا موقع ملے تو اپنے کاندھے پر بیجز سجانے کے لئے تیار ہوں۔
ان کا کہنا تھا کہ پی ایس ایل فائنل سے پاکستانی عوام کے چہروں پر مسکراہٹ آئی اور امید ہے کہ جلد انٹرنیشنل کرکٹ پاکستان میں بحال ہوگی۔
ایمزٹی وی (انٹرٹینمنٹ)بالی ووڈ اداکارہ کرینہ کپورخان نے ایوارڈ شو کے دوران اپنے شوہر سیف علی خان سمیت بھارتی فلم انڈسٹری کے بڑے خانز کے ساتھ کی گئی فلموں کے ہٹ گانوں پر پرفارم کر کے انہیں زبر دست خراج تحسین پیش کیا۔
میڈیا ذرائع کے مطابق بالی ووڈ اداکارہ کرینہ کپور خان نے گزشتہ روز ایوارڈز شو کے دوران بالی ووڈ کے خانز کنگ شا ہ رخ، دبنگ سلمان، مسٹر پرفیکشنسٹ عامر اور چھوٹے نواب سیف کو زبر دست خراج تحسین پیش کیا۔
اداکارہ نے ایوارڈ شومیں بالی ووڈ کے چاروں خانز کے ساتھ کی گئی فلموں کے ہٹ گانوں پر فارم کیا اور خوب داد سمیٹی۔ اداکارہ نے شا ہ رخ خان کے ہمراہ کی جانے والی فلم ’را ون‘، سلمان خان کے ساتھ فلم ’بجرنگی بھائی جان‘، عامر خان کے ساتھ فلم ’3 ایڈیئٹس‘ اور چھوٹے نواب اور شوہر سیف علی خان کے ساتھ کی جانے والی فلم ’ٹشن‘ کے ہٹ گانوں پر پرفارم کیا۔
ایوارڈ شو کے دوران اداکارہ عالیہ بھٹ کی جانب سے بھی بالی ووڈ کے مایہ ناز ہدایتکار کرن جوہر کو فلم انڈسٹری کے لئے گراں قدر خدمات کے عوض خراج تحسین پیش کیا گیا۔ ہدایتکار کرن جوہر کو بالی وو