ایمز ٹی وی (انٹرٹینمنٹ)اکشے کمار اور رجنی کانت کی زیرتکمیل فلم 2.0 نے اپنی ریلیز سے قبل ہی 110 کروڑ بھارتی روپے کمالیے۔ زی ٹی وی نیٹ ورک نے اس فلم کے تامل، تیلگو اور ہندی ورژن کے سیٹلائیٹ رائٹس ریکارڈ 110 کروڑ انڈین روپے (پاکستانی 174 کروڑ روپے سے بھی زائد) میں خریدے۔

یہ کسی بھی ریجنل فلم کے سیٹلائیٹ رائٹس کے لیے دیا جانے والا سب سے زیادہ معاوضہ ہے۔ 2.0 کو بھارت کی سب سے مہنگی فلم بھی قرار دیا جارہا ہے جس کا بجٹ 400 کروڑ روپے کے لگ بھگ ہے اور اس میں جدید ترین ٹیکنالوجی کا استعمال کیا گیا ہے۔ فلم میں ہیرو کا کردار رجنی کانت جبکہ اکشے کمار ولن کے روپ میں نظر آئیں گے۔

اس فلم کی شوٹنگ لگ بھگ مکمل ہوچکی ہے اور بس ایک گانا رہ گیا ہے۔ مگر چونکہ اس میں اسپیشل ایفیکٹس کا استعمال بہت زیادہ ہے لہذا پوسٹ پروڈکشن کا کام پورا ہونے کے لیے بھی سات ماہ کا عرصہ درکار ہے۔ یہ رجنی کانت کی 2010 کی بلاک بسٹر فلم روبوٹ کا فلم ہے اور اس کے ذریعے اکشے کمار پہلی بار کسی ساﺅتھ انڈین فلم میں نظر آئیں گے۔ اس فلم کو رواں سال دیوالی پر ریلیز کیا جائے گا۔

ایمز ٹی وی( اسلام آباد) وزیر اعظم میاں محمد نواز شریف آج کراچی پہنچیں گے۔ ترجمان وزیر اعظم ہاﺅس کے مطابق وزیراعظم آج کراچی پہنچ کر گورنر ہاﺅس میں میگا ترقیاتی منصوبوں کے حوالے سے منعقدہ اجلاس کی صدارت کریں گے۔انہیں کراچی میں امن و امان کی صورت حال پر بریفنگ دی جائے گی۔ اس کے ساتھ وزیر اعظم نے سندھ بھر سے ن لیگ کے بلدیاتی نمائندوں کو بھی گورنر ہاﺅس میں طلب کر لیا ہے۔

گورنر ہاﺅس میں وزیر اعظم ناراض لیگی رہنماﺅں سے بھی ملاقات کریں گے۔ ترجمان کے مطابق وزیر اعظم ہولی کے پروگرام میں بھی شریک ہوں گے۔وزیر اعظم پاکستان کراچی میں تاجروں ، صنعت کاروں اور دیگر اہم شخصیات سے بھی ملاقاتیں کریں گے۔

ایمز ٹی وی (انٹرٹینمنٹ)ہالی ووڈ کی2011 کی بلاک بسٹر اینیمیٹڈ کامیڈی فلم دی اسمرفز کے نئے حصے ’اسمرفز: دی لوسٹ ولیج‘ کی نئی جھلکیاں جاری کردی گئی ہیں۔

کیلی ایسبیری کی ہدایتکاری میں بننے والی اس فلم کی کہانی اسمرفز کے گرد گھوم رہی ہے جو جنگلات میں چھپے پراسرار حقائق کی کھوج لگاتے دکھائی دیںگے۔

فلم میں آواز کا جادو جگانے والے فنکاروں میں ڈیمی لوویٹو،مینڈی پیٹنکن،جیک میک بریئر،ڈینی پوڈی اور رین ولسن سمیت دیگر شامل ہیں۔ جارڈن کرنر کی پروڈیو س کردہ یہ فلم کولمبیا پکچرز کے بینر تلے30مارچ کو سینما گھروں کی زینت بنے گی۔

ایمز ٹی وی ( تجارت) پاکستان اسٹون ڈویلپمنٹ کمپنی (پاسڈیک) آزاد کشمیر میں ماربل اور گرینائٹ کی ترقی کے منصوبے قائم کرے گی۔ اس سلسلے میں پاسڈیک اور آزاد کشمیر منرل اینڈ انڈسٹریل ڈویلپمنٹ کارپوریشن(اے کے ایم آئی ڈی) کے درمیان مفاہمت کی ایک یادداشت پر دستخط کئے گئے ۔ اس موقع پر وزیراعظم آزاد کشمیر راجہ فاروق حیدر اور چیئرمین پاسڈیک بورڈ آف ڈائریکٹرز آغا شاہد این خان بھی موجود تھے۔

مفاہمت کی یادداشت پر چیف ایگزیکٹو آفیسر پاسڈیک زاہد مقصود شیخ اور سیکرٹری انڈسٹریز، لیبر اینڈ منرل ریسورسز آزاد کشمیر نے دستخط کئے۔ آزاد کشمیر میں ماربل اور گرینائٹ کے وسیع ذخائر موجود ہیں ، حکومت ان ذخائر کو جدید میکنائزڈ کوائرنگ کے ذریعے استعمال میں لانا چاہتی ہے۔ تاکہ اس شعبہ کی ترقی سے فوائد حاصل کئے جاسکیں۔ چیف ایگزیکٹو آفیسر پاسڈیک زاہد مقصود شیخ نے سیکٹر کی ترقی کے منصوبوں پر تفصیلات سے آگاہ کرتے ہوئے بتایا کہ پاسڈیک آزاد کشمیر میں پائے جانے والے اعلیٰ معیار کے حامل ڈائمنشنل اسٹون کے ذخائر کی ترقی کیلئے حکومت آزاد کشمیر کے ساتھ کام کرنا چاہتی ہے۔

مفاہمت کی یادداشت کے تحت پاسڈیک حکومت آزاد جموں و کشمیر کو میکنائزڈ کوائریز قائم کرنے سمیت سیکٹر کی ترقی کیلئے منصوبہ بندی، پروسیسنگ سہولیات، پیشہ وارانہ ہنر کی ترقی اور انڈسٹریل اسٹیٹس کے قیام کے سلسلے میں ضروری تیکنیکی مدد فراہم کرے گی۔ وزیر اعظم آزاد کشمیر راجہ فاروق حیدر نے آزاد کشمیر کے ماربل اور گرینائٹ سیکٹر کی ترقی کیلئے پاسڈیک کی کوششوں اور اقدامات کو سراہتے ہوئے یقین دلایا کہ حکومت کشمیری عوام اور ملک کے مفاد کیلئے تمام ضروری مدد فراہم کرے گی۔

ایمز ٹی وی ( تجارت) چین پاکستان اقتصادی راہداری کے تحت تھر کول پراجیکٹ کے دوسرے سب سے بڑے بلاک کی تعمیر کے لئے ڈرلنگ اور تعمیراتی کام شروع کر دیاگیا ہے۔

زرائع کے مطابق صوبہ سندھ کے علاقے تھر پارکر میں کول پراجیکٹ کے دوسرے بلاک پر تعمیراتی کام کا آغاز کر دیا گیا ہے ۔ شروع کیے جانے والے تھر کول پراجیکٹ کے بلاک ون کی لاگت 2 سو ارب روپے جبکہ بلاک ٹو کی لاگت کا اندازہ 220 ارب روپے لگایا گیا ہے۔

واضح رہے کہ تھر پارکر میں کوئلے کے 4 ارب ٹن کے 150 کلومیٹر طویل بلاک میں موجود ہیں ،دونوں پراجیکٹس کی تعمیر کے بعد ان سے 132 میگاواٹ بجلی حا صل کی جا سکے گی

ایمز ٹی وی( انٹر ٹینمنٹ )بالی ووڈ اداکار عامر خان کی انتہائی مشہور فلم ’لگان‘ تو سب کو یاد ہی ہو گی جس نے شہر ت کی انتہائی بلندیوں کو چھوا اور اسی فلم کے باعث عامر خان نے فلم انڈسٹری میں ایک نمایاں مقام بھی حاصل کیا تاہم اس فلم میں استعمال ہونے والا ایک بیٹ انہوں نے شوکت خانم کو نیلامی کیلئے تحفے میں دیا۔

تفصیلات کے مطابق بالی ووڈ اداکار عامر خان نے انکشاف کیاہے کہ جب پاکستانی لیجنڈ کرکٹر اور پاکستان تحریک انصاف کے چیئرمین عمران خان نے انہیں بلایا اور کہا کہ نیلامی کیلئے کوئی بہترین چیز لے کر آئیں جس پر عامر خان کا کہناتھا کہ میرے نزدیک سب سے اہم ترین چیز وہ ’بلا‘تھا جو میں نے لگان فلم میں استعمال کیا تھا۔

عامر خان کا کہناتھا کہ لگان فلم میں انہوں نے دو بیٹس استعمال کیے تھے جن میں سے ایک بیٹ انہوں نے عمران خان کو شوکت خانم کیلئے فنڈز اکھٹے کرنے کیلئے نیلامی کیلئے پیش کیا تھا۔ واضح رہے کہ عامر خان کی فلم لگان 2001میں نمائش کیلئے پیش کی گئی تھی جس نے شہرت کی بلندیوں کو چھوا تھا۔