Reporter SS
ایمزٹی وی(آزاد کشمیر)مسلم کانفرنس کے صدر سردار عتیق احمد خان نے کہا ہے کہ وفاقی حکومت آزادکشمیرکو پرائیویٹ حج کوٹہ میں شامل کرے ۔
سعودی حکومت کی طرف سے ملنے والے پرائیویٹ حج کوٹہ کی غیر منصفانہ تقسیم قبول نہیں۔آزاد کشمیر کو بھی آبادی کے تناسب سے اس کوٹہ میں برابری کی بنیاد پر حق دیا جائے ۔
ہر سال کی طرح اس سال بھی آزادکشمیر کو حج کوٹہ سے دور رکھنا ناانصافی ہے -
ایمزٹی وی(سیالکوٹ)سیالکوٹ میں بار کے نومنتخب عہدیداران کی تقریب سے خطاب کرتے ہوئے وزیردفاع کا کہنا تھا کہ ہم اپنے ہمسائیوں کےساتھ امن سے رہنا چاہتے ہیں،لیکن ہماری اس کوشش کو ہماری کمزوری نہ سمجھا جائے افواج پاکستان پوری طاقت کے ساتھ دشمن کو جواب دینے اور مقابلہ کرنے کے لئے تیار ہے۔ ہماری فوج ہر محاذ پر جواب دینے کی طاقت رکھتی ہے۔
وزیردفاع کا کہنا تھا کہ مشرق اور مغرب میں ہمارا ایک ہی دشمن ہے اور وہ بھارت ہے۔ بھارت ہماری مغربی اور مشرقی سرحدوں پر دہشت گردوں کی معاونت کررہا ہے اور افغانستان کوبھی ہمارے خلاف استعمال کررہا ہے۔
خواجہ آصف نے کہا کہ جن لوگوں نے آج ہم پر بندوقیں تانی ہیں، 25 سال قبل ان لوگوں کو بندوقیں ریاست نے تھمائی تھیں، اس وقت ریاست کے مقاصد جو بھی تھے لیکن کسی نے نہیں سوچا تھا کہ ایک وقت ایسا بھی آئے گا کہ یہ لوگ ہمارے مخالف ہوں گے اور یہ بندوقیں ہم پر ہی تانی جائیں گی اور یہ بھی علم نہیں تھا کہ ان لوگوں کو سزائیں دینے کے لئے قانون سازی کی جائے گی۔
ان کا کہنا تھا کہ جب ہمیں ضرورت پڑتی ہے تو فوجی عدالتیں بناتے ہیں، اسکولوں، دفاتر اور مساجد میں نہتے عوام کو بے گناہ قتل کرنے والے کہاں کہ مسلمان ہیں، میں فوجی عدالتوں کے حق میں ہوں، فوجی عدالتوں کا قیام اس بات کو تسلیم کرنا ہے کہ ہمارا موجودہ نظام تباہ ہوچکا ہے۔
ایمزٹی وی(اترپردیش) بھارت کی سب سے بڑی ریاست اترپردیش سمیت 5 ریاستوں میں ایک ماہ کے طویل انتخابی مرحلے کے بعد ووٹوں کی گنتی کا عمل جاری ہے اور اترپردیش کی 403 نشستوں میں سے 311 پر بی جے پی نے کامیابی حاصل کی ہے جب کہ کانگریس کو صرف 54 نشستیں مل سکی ہیں۔
ریاست اترپردیش میں بی جے پی نے 13 برس بعد انتخابی معرکہ اپنے نام کیا ہے۔ اتر پردیش کی طرح اتر کھنڈ میں بھی بی جے پی نے 71 میں سے 56 نشستیں حاصل کر کے میدان مار لیا ہے جب کہ کانگریس کے حصے میں 11 نشستیں آئی ہیں۔
بی جے پی کو سب سے بڑا اپ سیٹ پنجاب میں ہوا جہاں ریاستی اسمبلی کی 117 نشستوں میں سے 69 پر کانگریس کو کامیابی ملی جب کہ دوسرے نمبر پر اروند کیجریوال کی عام آدمی پارٹی رہی جس نے 20 سیٹیں حاصل کی۔ پنجاب میں بی جے پی چوتھے نمبر پر رہی اور صرف 3 نشستوں پر ہی کامیابی حاصل کر سکی۔
اس کے علاوہ گوا اور منی پور میں ووٹوں کی گنتی کا عمل جاری ہے جہاں کانگریس کو برتری حاصل ہے۔ یاد رہے کہ ریاست کے 17 ویں اسمبلی الیکشن کے انتخابات 7 مراحل میں طے پائے جن میں 13 کروڑ 90 لاکھ افراد نے اپنا حق رائے دہی استعمال کیا
واضح رہے کہ 2012 میں ہونے والے انتخابات میں اتر پردیش میں سماج وادی پارٹی نے 224 نشستوں پر کامیابی حاصل کر کے اکیلیش یادوو کی لیڈرشپ میں حکومت بنائی تھی لیکن اس بار نریندر مودی نے سماج وادی پارٹی اور بہوجن پارٹی کے خلاف بھرپور مہم چلائی تھی۔
ایمز ٹی وی ( انٹر ٹینمنٹ)بالی ووڈ کے دبنگ سپر اسٹار سلمان خان نے اپنی نئی آنے والی فلم ’’ٹائیگر زندہ ہے‘‘ کے لیے وزن میں 17 کلو کی کمی کرلی۔
سلمان خان نے فلم ’’سلطان‘‘ کے لیے اپنے وزن میں اضافہ کیا تھا لیکن اب نئی آنے والی فلم ’’ٹائیگر زندہ ہے‘‘ میں ایکشن مناظر کے لیے انہوں نے اپنے وزن میں 17 کلو کمی کرلی ہے جب کہ سلو میاں نے وزن میں کمی کے لیے ورزش کے ساتھ ساتھ کھانے پینے میں بھی احتیاط شروع کررکھی ہے۔
دوسری جانب سلمان خان کی وزن میں کمی کے لیے ممبئی کی سڑکوں پر سائیکل چلانے کی تصاویر بھی منظر عام پر آئی ہیں اور سوشل میڈیا پر تیزی سے وائرل ہورہی ہیں۔
فلم ’’ٹائیگر زندہ ہے‘‘ کے ہدایتکار نے فلم کی شوٹنگ 15 مارچ سے شروع ہونے کی تصدیق کی ہے اور اسے بہترین ایکشن فلم قرار دیا ہے۔
واضح رہے کہ فلم ’’ٹائیگر ز ندہ ہے‘‘ میں سلمان خان کے مدمقابل کترینہ کیف کردار ادا کررہی ہیں۔
ایمزٹی وی (راولپنڈی)آرمی چیف جنرل قمر جاوید باجوہ سے پی ایس ایل 2 کی چیمپئن ٹیم پشاورزلمی کی ملاقات ہوئی جس میں آرمی چیف نے ٹیم کو جیت کی مبارکباد دی۔
آئی ایس پی آر کے مطابق پی ایس ایل چیمپئن ٹیم پشاورزلمی نے آرمی چیف جنرل قمر جاوید باجوہ سے ملاقات کی، ملاقات میں آرمی چیف جنرل قمرجاوید باجوہ نے پشاورزلمی کی ٹیم سمیت انتظامیہ کوجیت پرمبارکباد دی۔
ملاقات میں آرمی چیف نے پی ایس ایل میں شرکت کرنے والے غیرملکی کھلاڑیوں کا شکریہ ادا کرتے ہوئے کہا کہ پاکستان میں کرکٹ واپس لانے پر پی ایس ایل کی تمام ٹیموں اورانتظامیہ کی کوششوں کو سراہتے ہیں، پاکستان ایک پرامن اور کھیلوں سے محبت کرنے والا ملک ہے، کرکٹ پاکستان کا پسندیدہ ترین کھیل ہے جوقوم کو متحد رکھتا ہے۔
اس موقع پرآرمی چیف نے کھلاڑیوں کو نصیحت کرتے ہوئے کہا کہ آگے بڑھتے رہیں اورپاکستان کا نام روشن کریں، اس موقع پر انہوں نے کھلاڑیوں کو کرکٹ سے متعلق ماہرانہ مشورے دے کرحیران کردیا۔
Peshawar Zalmi met COAS. Pak peace/sports loving cty. Cricket Pak's most favourite sport,unites nation. Conveyed thanks for foreign players. pic.twitter.com/U5PLh71th5
— Maj Gen Asif Ghafoor (@OfficialDGISPR) March 11, 2017
ایمز ٹی وی(اسپورٹس) آرمی چیف جنرل قمر جاوید باجوہ سے پی ایس ایل کی فاتح ٹیم نے ملاقات کی ہے، اس موقع پر جنرل باجوہ نے پشاور زلمی کی ٹیم کو جیت کی مبارکباد دی۔
اس موقع پر آرمی چیف نے فائنل میں شرکت کرنے والے غیر ملکی کھلاڑیوں کا شکریہ بھی ادا کیا۔
انہوں نے کہا کہ کرکٹ پاکستان کا پسندیدہ ترین کھیل ہے جو قوم کو متحد رکھتا ہے، پاکستان ایک پر امن اور کھیلیوں سے محبت کرنے والا ملک ہے۔
پشاور زلمی کی ٹیم نے ملک میں امن و استحکام لانے کے سلسلے میں پاک فوج کی قربانیوں کو بھی سراہا۔
ایمز ٹی وی ( انٹر ٹینمنٹ)برطانوی گلوکارایڈشیران نے تاریخ رقم کردی جس کے البم ’ڈیوائیڈ‘ نے اجراء کے پہلے ہفتے فروخت کا ریکارڈ قائم کردیا ۔
26سالہ ایڈشیران کے البم کی7لاکھ کاپیاں فروخت ہوگئی ہیں،کسی بھی مرد گلوکار کی تیزی سے فروخت نے انہیں البمز کی دوڑ میں پہلے نمبر پر لاکھڑا کیا ہے۔
ایمز ٹی وی(صحت) صوبائی وزیر صحت ڈاکٹر سکندر میندھرو نے کہاہے کہ سندھ میں ہاؤس جاب کرنے والے ڈاکٹروں کو اس وقت 49 ہزار روپے وظیفہ دیا جا رہا ہے اور ہم اس کو بڑھا کر 60 ہزار روپے ماہانہ کرنا چاہتے ہیں ۔ شوگر کی اسٹکس سول اسپتال میں ہر وقت 10 ہزار سے زائد موجود ہوتی ہیں ۔ یہ اسٹکس براہ راست مریضوں کو نہیں فراہم کی جا تی ہیں بلکہ لیبارٹری میں مریضوں کا خون لے کر مفت انہیں ٹیسٹ رپورٹ فراہم کی جاتی ہے ۔
ان خیالات کا اظہار صوبائی وزیر صحت ڈاکٹر سکندر میندھرو نے سندھ اسمبلی میں محکمہ صحت سے متعلق وقفہ سوال کے دوران کیا ۔ ایم کیو ایم کے رکن سندھ اسمبلی کامران اختر نے صوبائی وزیر سے سوال پوچھا تھا کہ سول اسپتال کراچی کی او پی ڈی میں شوگر اسٹکس مہیا کیوں نہیں کی جاتی ہیں اور مریضوں کو یہ اسٹکس باہر سے لانے کے لئے تلقین کیوں کی جاتی ہے ۔ اس پر صوبائی وزیر ڈاکٹر سکندر میندھرو نے کہا کہ ہم اسپتالوں میں ادویات مریضوں کو دیتے ہیں اور سول اسپتال میں بھی شوگر کی اسٹکس ہر وقت دستیاب ہوتی ہیں ، جو کم سے کم تعداد 10 ہزار سے زائد ہے جبکہ مقامی میڈیکل آفیسر کو اجازت دی ہے کہ یہ اسٹکس مقامی سطح پر خریدیں اور ہر وقت 10 ہزار اسٹکس موجود ہونی چاہیے ۔
مسلم لیگ (فنکشنل) کی رکن نصرت سحر بانو نے ایک سوال کے جواب میں پوچھا کہ 2011ءسے 2013 ءکے دوران سندھ کے اسپتالوں میں ہاؤس جاب کرنے والے ڈاکٹروں کی تعداد کتنی ہے اور انہیں معاوضہ کتنا فراہم کیا جاتا ہے ۔ صوبائی وزیر ڈاکٹر سکنر میندھرو نے ایوان میں تحریری جواب میں بتایا کہ سول اسپتال کراچی میں 275 ، سندھ میڈیکل کالج کراچی میں 246 ، لیاقت یونیورسٹی اسپتال حیدر آباد میں 547 ، پیپلز پارٹی میڈیکل کالج اسپتال نواب شاہ میں 185 ، چانڈکا میڈیکل کالج اسپتال لاڑکانہ میں 350 ، سندھ گورنمنٹ لیاری اسپتال میں 30 ، غلام محمد میڈیکل کالج اسپتال سکھر میں 70 اور غلام محمد مہر میڈیکل کالج سول اسپتال خیرپورمیں 30 ڈاکٹروں کو ہاؤس جاب دی گئی ہے ۔
انہوں نے بتایا کہ 2011ءسے 2013ءتک ہاؤس جاب کرنے والے ڈاکٹروں کو 22 ہزار 500 ماہانہ دیئے جاتے تھے ، جو ایک سال کے 2 لاکھ 70 ہزار روپے بنتے ہیں ۔ اس وقت 49 ہزار کے قریب ہاؤس جاب کرنے والے ڈاکٹروں کو معاوضہ ملتا ہے اور ہم اس میں مزید اضافہ کرکے 60 ہزار ماہانہ کرنا چاہتے ہیں ۔
ایک سوال کے جواب میں انہوں نے کہا کہ جو طالب علم گریجویشن جس میڈیکل کالج سے حاصل کرتے ہیں ، وہ اپنے اسپتال میں ہاؤس جاب کریں تو انہیں معاوضہ دیا جاتا ہے اور جو اس پر راضی نہیں ہوتے اور کسی اور جگہ ہاؤس جاب کرنا چاہتے ہیں تو ان کو اس مقام پر داخلہ تو دیا جاتا ہے لیکن معاوضہ نہیں دیا جاتا ۔ ڈاکٹر سکندر میندھرو نے کہا کہ ہاؤس جاب کرنے والے ڈاکٹروں کو یہ سوچنا چاہئے کہ جس تعلیمی ادارے سے انہوں نے تعلیم حاصل کی ، اسی کے اسپتال میں وہ ہاؤس جاب کریں ۔
ایمزٹی وی(سندھ)پارلیمنٹ میں اپوزیشن لیڈر سید خورشید شاہ نے نوازشریف کے ٹھٹھہ جلسے پر تنز کرتے ہوئے سکھر میں میڈیا سے بات کرتے ہوئے کہنا تھا کہ شکر ہے کہ وزیراعظم کو 4 سال بعد سندھ کا خیال آیا نوازشریف نے سندھ میں آنے میں بہت دیر کردی ان سے یہی کہوں گا کہ بڑی دیر کردی مہربان آتے آتے لیکن اب انہوں نے جو جو اعلانات کئے ہیں وہ پورے بھی ہونے چاہئے۔
خورشید شاہ کا کہنا تھا کہ پنجاب کے مقابلے میں سندھ میں سہولیات کا فقدان ہے سندھ میں کہیں بھی موٹروے تعمیر نہیں ہورہی ایکسپریس وے کو موٹر وے بنادیا گیا ہے، ملک میں 51 فیصد آبادی محفوظ نہیں تو اس سے بڑی ناکامی کیا ہوگی،حکومت کو اپنی ناکامی کا اعتراف کرلیا چاہئے جب کہ خواتین کو غیرمحفوظ ہونے کا بیان دینے والے وزیرداخلہ کو اب گھر چلے جانا چاہئے۔
پی ٹی آئی اور (ن) لیگ کے رہنماؤں میں لڑائی کے حوالے سے اپوزیشن لیڈر کا کہنا تھا کہ دونوں جماعتوں میں محاذ آرائی اچھی بات نہیں سیاست دانوں کو جاہلانہ طرز عمل اپنانے کے بجائے اچھے کردار سے متوجہ کرنا چاہئے عوام کے منتخب نمائندوں کی آپس میں گالی گلوچ سے دنیا بھرمیں غلط تاثر قائم ہوگا اور عوام کی دل آزاری بھی ہوتی ہے۔
ایمز ٹی وی(اسپورٹس) اسپاٹ فکسنگ میں معطل شرجیل خان اور خالد لطیف کا کس کس سے رابطہ ہوا؟ کس نے کیا پیشکش کی؟
ذرائع نے بتایا ہے کہ ایف آئی اے نے شرجیل خان اور خالد لطیف کے موبائل کی تفصیلات حاصل کرلی ہیں، دونوں کھلاڑیوں کے موبائل فونز کا ڈیٹا حاصل کیا گیا ہے۔
ذرائع کا کہنا ہے کہ کھلاڑیوں کے موبائل فون سیٹ کا فرانزک تجزیہ کیا جائے گا، جس کا مقصد فون میں سے مبینہ طور پر ڈیلٹ کیے گئے ڈیٹا کو حاصل کرنا ہے۔
پی ایس ایل میچز کے دوران شرجیل اور خالد کے رابطے کن کن لوگوں سے ہوئے اس حوالے سے تمام تفصیلات کا بھی جائزہ لیا جائے گا۔