ایمز ٹی وی (تعلیم /کراچی ) وزیراعلیٰ سندھ سید مراد علی شاہ کا صوبے میں تعلیمی صورتحال بہتر کرنے کے سلسلے میں تعلیمی ایمرجنسی کا اعلان دھرا کا دھرا رہ گیا ہے۔ سیکرٹری تعلیم ایجوکیشن ڈاکٹر ریاض میمن کی ریٹائرمنٹ کو ایک ہفتہ گزرنے کے باوجود نہ تو نئے سیکرٹری کالج ایجوکیشن کا تقرر کیا گیا ہے نہ کسی افسر کو اس اہم عہدے کا چارج دیا گیا ہے۔

جس کی وجہ سے سرکاری کالجوں کے امور متاثر ہو رہے ہیں اسی طرح صوبے کے میٹرک کے امتحانات رواں مہینے کے آخر میں شروع ہو رہے ہیں۔ لیکن صوبے کے تمام تعلیمی بورڈز میں نہ تو مستقل ناظم امتحانات ہیں اور نہ ہی سیکرٹریز بورڈ، کراچی میں ڈائریکٹر سیکنڈری اسکولز کی اسامی بھی گزشتہ کئی ماہ سے خالی پڑی ہے اور اضافی چارج ڈائریکٹر پرائمری ریاض صدیقی کے پاس ہے۔

اس کے علاوہ سیکرٹری بورڈ و جامعات کی اسامی بھی گزشتہ8 ماہ سے خالی ہے اور سیکرٹری سندھ ہائر ایجوکیشن کمیشن کے پاس اس عہد ےکا اضافی چارج ہے۔ صوبائی وزیر تعلیم جام مہتاب ڈہر کے سیکرٹری ڈاکٹر طارق نے کہا ہے کہ فی الحال ان اسامیوں پر کسی کی تقرری نہیں کی گئی ہے، جلد ہی تقرری کر دی جائے گی۔

ایمز ٹی وی (تعلیم /جامشورو)لیاقت میڈیکل یونیورسٹی جامشورو میں کانفرنس سے خطاب کرتے ہوئے لیاقت میڈیکل یونیورسٹی جامشورو کے وائس چانسلر پروفیسر ڈاکٹر نوشاد احمد شیخ نے کہا کہ ہم جو بھی کام کریں تھوڑا ہی ہو پر معیاری اور عملی طور پر ہوں پاکستان اس وقت دنیا میں تعلیم کے حوالے سے 160ویں نمبر پر ہے۔

کانفرنس سے پروفیسر ڈاکٹر فتح محمد برفت نے کہا کہ دنیا میں تمام تر مسائل انسانوں کے پیداکردہ ہیں جن کو حل کرنا بھی انسانوں کی ہی ذمہ داری ہے، اس موقع پر پروفیسر عبدالحسن خان ،پروفیسر انیلہ عطاء رحمان میمن و دیگر نے بھی خطاب کیا ۔

ایمز ٹی وی (تعلیم /کراچی ) اعلی ثانوی تعلیمی بورڈ کراچی جمعہ کو ناظمُ امتحانات کی تبدیلی، چار نائب ناظم امتحانات کی رخصت اور چار افسران کے خلاف کارروائی کے باعث بورڈ انٹر ضمنی پری میڈیکل اور پری انجینرنگ کے نتائج کا اعلان نہیں کرسکا ۔ بورڈ کی تاریخ میں یہ پہلی بار ہوا جب نتائج کے اعلان کی تاریخ کی خبر جاری کرنے کے باوجود بورڈ نتائج جاری نہیں کر سکا اور نہ ہی سالانہ امتحانات سے متعلق ایڈمٹ کارڈز کی تیاری کا کام کیا جاسکا۔

چیئرمین بورڈپروفیسر انعام صورتحال کو سنبھال نہ سکے اور نتائج کے اجرا کے ایک ہفتے بعد کی تاریخ دے ڈالی۔ پروفیسر انعام نے کہا کہ ناظم امتحانات عمران چشتی تبدیلی کے باعث نہیں آئے اور دیگر افسران بھی بورڈ میں موجود نہیں ،قائم مقام ناظم امتحانات نے پہلے اپنے عہدے کا چارج سنبھالنے سے منع کیا لیکن بعد میں مشکل سے عہدہ کا چارج سنبھالا جس کی وجہ سے وقت پر نتائج جاری نہیں ہوسکے۔ اب ایک ہفتے بعد نتائج جاری ہوں گے۔ ادھر معلوم ہوا ہے کہ چاروں ڈپٹی کنٹرولرز بھی پہلے ہی چھٹی پر جاچکے ہیں جس کی وجہ سے نتائج میں مزید تاخیر ہونے کا امکان ہے جبکہ قائم مقام ناظم امتحانات محمد جعفر امتحانی امور کا تجربہ نہ رکھنے کے باعث چارج سنبھالنے سے گریزاں ہیں جس سےبورڈ میں نیا بحران پیدا ہوگیا ہے۔

قائم مقام ناظم امتحانات محمد جعفر ڈپٹی سیکرٹری اکاؤنٹس کے عہدے پر کام کر رہے تھے وہ ایک ماہ قبل ملازمت سے بھی مستعفی ہوچکے تھے تاہم چیئرمین نے ان کا استعفیٰ قبول نہیں کیا ۔ دریں اثنا محکمہ اینٹی کرپشن کی بورڈ کے چارملاز مین کے خلاف کارروائی کی سفارش کے بعد وزیر اعلیٰ ہاؤس نے چاروں ملازمین کے خلاف کارروائی اور ان کے تبادلے کی ہدایت جاری کر دی ہے ۔ جس سے انٹر بورڈ میں ایک نیا بحران پیدا ہوگیا ہے وزیر اعلیٰ ہاؤس کے سیکشن افسر برائے بورڈ نصر مکو کے جاری کردہ خط میں کہا گیا ہے کہ چیئرمین محکمہ اینٹی کرپشن کے خط کی روشنی میں اسٹنٹ کنٹرولراطہر سعید، اسٹنٹ کنٹرولر مظفر علی خان، سب انجینئر کاشف مقصود اور اسٹینو گرافر عرفان احمد کا بورڈ میں دیگر جگہوں میں تبادلہ کیا جائے اور ان کے خلاف سخت کارروائی کی جائے، تبادلہ ہونے والے ایک ملازم نے کہا ہے کہ محکمہ اینٹی کرپشن انتقامی کارروائی کر رہا ہےجس کی وجہ سے کوئی کنٹرولر کا چارج سنبھالے کو تیار نہیں جبکہ اُن کا کسی مسئلے سے کوئی تعلق نہیں وزیراعلیٰ ہاؤس کو گمراہ کیا جارہا ہے ۔

ایمزٹی وی(انٹرٹینمنٹ)وینا ملک کی زندگی میں نیا موڑ ،اداکارہ نے شوہر اسد خٹک سے خلع لے لی تفصِلات کے مطابق گلو کار اسد خٹک سے خلع لینے کے بعد وینا ملک کا موقف بھی منظر عام پر آگیا ،ان کا کہنا ہے کہ امید ہے میڈ یا صورتحال کی نزاکت سمجھ سکتاہے ،ابھی کوئی بات نہیں کروں گی ۔

وینا ملک کی مصروفیت کے باعث اسد خٹک نے اعتراضات اٹھائے اور دونوں کے درمیان تعلقات میں خرابی پیدا ہو گئی جس کے باعث وینا ملک نے ایک مہینہ قبل لاہور کی فیملی عدالت میں خلع کا دعویٰ دائر کیا ۔

عدالت نے کیس کا فیصلہ اسد خٹک کی عدم پیروی پر یکطرفہ طور پر سنایا جس کے بعد اب اداکارہ حق مہر کے اڑھائی لاکھ درہم اسد خٹ کو واپس کریں گی۔اس حوالے سے ایک نجی نیوز چینل سے گفتگو کرتے ہوئے وینا ملک نے کہا کہ معاف کیجیے ابھی اس معاملے پربات نہیں کرسکتی، امیدہے آپ صورتحال کی نزاکت سمجھ سکتے ہیں.

ایمزٹی وی(اسلام آباد)افغان سفارتکار ڈاکٹر عمر زخیوال نے جمیت علما اسلام ف کے سربراہ فضل الر حمان سے ملاقات کی ہے جس میں انہوں نے پاک افغان تناﺅ کم کرنے کے لیے مولانا فضل الرحمان کی مدد مانگی ہے ۔ میڈیا رپورٹ کے مطابق افغان سفیر نے کہا کہ میر ی مولانا فضل الرحمان سے مختلف موضاعات پر تفصیلی گفتگو ہوئی ہے،اور اس موقع پر افغانستان میں جاری جنگ کے دوران مسلمانوں کے ہاتھوں مسلمانوں کو مارنے کے حوالے سے بھی بات کی گئی ۔

عمر زخیوال نے کہا کہ ملاقات کے دوران پاک افغان کشیدہ تعلقات اور اس صورتحال کو ختم کرنے کے حوالے سے بھی تبادلہ خیال کیا گیا ۔انہوں نے کہا کہ ملاقات میں اس موضوع پر بھی بات ہوئی کہ مولانا فضل الرحمان کیسے پاک افغان تعلقات میں بہتری لانے میں اپنا کردار ادا کر سکتے ہیں ۔

واضح رہے یہ ملاقات ایسے موقع پر ہوئی جب پاکستان اور افغانستان کے درمیان میں کشیدگی بڑ ھ گئی ہے ،پاکستان کا کہنا ہے کہ افغانستان پاکستان پر حملہ کرنے والے دہشت گردوں کو پناہ دے رہا ہے ،اسی سلسلے میں پاک فوج نے 76دہشت گردوں کی فہرست بھی افغان سفارتکار کے حوالے کی تھی ۔پاکستان نے افغان حکومت سے ان دہشت گردوں کے خلاف کارروائی کرنے کو بھی کہا ہے ۔پاکستانی حکام نے پاک افغان بارڈر بھی بند کردیا ہے اور جماعت الحرار کی پناہ گاہوں کو بھی نشانہ بنا یا ہے ۔