Reporter SS
ایمز ٹی وی ( انٹر ٹینمنٹ )بھارتی فلم انڈسٹری کے نامور اداکار سلمان خان نے اپنی شاندار اداکاری سے جہاں فلمی دنیا میں نام کمایا وہیں پروڈکشن میں قدم رکھ کر کامیابی حاصل کی اور اب سلمان خان اپنا اسمارٹ فون لانچ کرنے جا رہے ہیں
میڈیا رپورٹس کے مطابق سلمان خان نے حال ہی میں 'بینگ اسمارٹ 'کے نام سے ٹریڈ مارک رجسٹر کرالیا ہے ۔دبنگ خان نے اپنے موبائل فون کی مینوفیکچرنگ کیلئے چینی پلانٹ کا انتخاب کیا ہے جبکہ فون کا ابتدائی ماڈل بھی منتخب کیا جا چکا ہے۔
سلمان خان کا’’ بینگ اسمارٹ‘‘اینڈرائیڈ موبائل فون کی قیمت بیس ہزار روپے کے درمیان مختص کی گئی ہے جسے ابتدا میں صارفین آن لائن خرید سکیں گے۔
ایمز ٹی وی ( تعلیم /کراچی) داﺅد فائونڈیشن نے اپنے زیر انتظام چلنے والے گورنمنٹ گرلز پرائمری اسکول راحت اسلامیہ میں سائنس فن شو کا اہتمام کیا ۔ یہ سائنس شو پاکستان سائنس کلب کی جانب سے الف اعلان کے تعاون سے منعقد کیا گیا۔
یہ شو دو مختلف حصوں پر مشتمل تھا جس میں سائنس شو اوردیگر سرگرمیاں شامل تھیں۔ طلبا و طالبات نے تفریح سے بھرپور سائنسی تجربات بہت پسندکیے، ایسے جیسے وہ کوئی سائنس کے عجائبات دیکھ رہے ہوں۔
اس شو میں کچھ سائنسی تجربات جیسا کہ ایلیفنٹ ٹوتھ پیسٹ ،بیلنس اسٹک ،برسٹ بیلون ود لیمن،انرشیا ایکٹیوٹیز ،واٹر ان اپ سائیڈ ڈائون بوٹل نے بچوں کوناصرف تفریح مہیا کی بلکہ انہیں سائنس کے عام تصورات جیسا کہ دبائو ، کیمیائی تعامل ،قوتیں اورتوازن کے بارے میں معلومات فراہم کیں ۔
دیگر سرگرمیوں میں بچوں نے کارڈبورڈ سے بنائے گئے ہیلی کاپٹرزکے ڈیزائن پیش کئے ۔ ان تجربات کے ذریعے بچوں کو تفریح کے ساتھ ساتھ سائنسی معلومات حاصل کرنے میں بھی مدد ملی۔