Reporter SS

علامہ اقبال اوپن یو نیورسٹی میں داخلہ کی آخری تاریخ مقرر

ایمز ٹی وی (تعلیم /سکھر )علامہ اقبال اوپن یونیورسٹی داخلہ سمسٹر بہار 2017کے سلسلے میں میٹرک سے پوسٹ گریجویٹ لیول پروگرامز میں داخلے کیلئے آخری تاریخ6مارچ مقرر کی گئی ہے ۔

داخلہ فارم یونیورسٹی سے حاصل کیے جا سکتے ہیں، علاوہ ازیں علامہ اقبال اوپن یونیورسٹی کی ویب سائٹ سے بھی ڈاؤن لوڈ کئے جا سکتے ہیں۔

جامعہ کراچی میں مزید تبدیلیوں کے امکانات

ایمز ٹی وی (تعلیم /کراچی) جامعہ کراچی میں نئے وائس چانسلر ڈاکٹر اجمل کو اپنا عہدہ سنبھالے ایک ماہ مکمل ہونے کے قریب ہے اور اہم عہدوں پر تعینات افسران کے استعفے دینے اور تبدیلی کے عمل کا آغاز ہوگیا ہے۔ جامعہ کراچی میں اہم ترین اور حساس اسامی کیمپس سیکورٹی ایڈوائزر کے عہدے پر تعینات ڈاکٹر خالد عراقی نے اپنے عہدے سے استعفیٰ دے دیا ہے جبکہ رجسٹرار معظم علی خان کو فارغ کر کے شعبہ عمرانیات کے چیئر مین پروفیسر ڈاکٹر نبیل احمد زبیری کو جامعہ کراچی کا رجسٹرار مقرر کر دیا ہے۔

جبکہ معظم علی خان کو منگل کی شام کیمپس سیکورٹی ایڈوائزر مقرر کردیا گیا جبکہ ڈائریکٹر انسٹیٹیوٹ آف سسٹین ایبل ہیلو فائٹ یوٹیلائزیشن جامعہ کراچی اور موجود وائس چانسلر ڈاکٹر اجمل کی اہلیہ ڈاکٹر بلقیس گل کو ڈاکٹر عاصمہ کی جگہ ہائر ایجوکیشن کمیشن کی اسکالر شپس کا فوکل پرسن مقررکردیا ہے۔

جامعہ کراچی کے پی آر او فاروق کی پریس ریلز کے مطابق جامعہ کراچی کو اسکالرشپس سے متعلقPQR پورٹل کو اپ ڈیٹ کرنے کا نوٹس 27اپریل 2016ء کو موصول ہوا جس پر سابق وائس چانسلر ڈاکٹر قیصر نے ایک فوکل پرسن کو تعینات کیا اور مذکورہ ذمہ داری انہیں تفویض کرتے ہوئے کام کی نوعیت سے متعلق تربیت بھی فراہم کی مگر سسٹم پر کوئی بھی ڈیٹا اپ لوڈ نہیں کیا گیا اور ڈیڈ لائن ختم ہونے سے قبل متعلقہ فوکل پرسن نے کم وقت میں اتنازیادہ کام کرنے سے معذوری ظاہر کرتے ہوئے استعفیٰ دے دیا جس کے بعد ڈاکٹر بلقیس گل نیا فوکل پرسن مقرر کیا گیا۔

ادھر شعبہ تاریخ کے اسسٹنٹ پروفیسر ڈاکٹر محمد معیز خان کو اسٹوڈنٹس گائیڈنس ،پلیسمنٹ اینڈ اوورسیز ایگزامینیشن بیورو جامعہ کراچی کا انچارج مقرر کر دیا گیاہے ان کی تقرری پروفیسر ڈاکٹر فتح محمد برفت کے سندھ یونیورسٹی کا وائس چانسلر مقرر ہونے کے بعد عمل میں لائی گئی ہے ۔ ذرائع کے مطابق آئندہ چند روز میں مزید استعفے آنے اور نئی تبدیلیوں کا امکانات ہیں۔

کرکٹ شائقین کی انتظار کی گھڑیاں ختم

ایمز ٹی وی(اسپورٹس) کرکٹ کی دنیا میں روائیتی حریف پاکستان اور بھارت کے درمیان میچ کا انتظار صرف پاک بھارت عوام کو ہی نہیں بلکہ دنیا بھر کے کرکٹ شائقین کو ہوتا ہے ۔شائقین کرکٹ کی انتظار کی گھڑیاں ختم ہونے کو ہیں کیونکہ دونوں روائیتی حریف آئی سی سی کی چیمپئنزٹرافی 2017میں ایک دوسرے سے ٹکر ائیں گے ۔

تفصیلات کے مطابق آئی سی سی چیمپئنز ٹرافی یکم جون سے انگلینڈ میں کھیلی جائے گی جس میں رینکنگ کے لحاظ سے ٹاپ 8 ٹیمیں حصہ لیں گیں جس میں پاکستان، آسٹریلیا، جنوبی افریقہ، انگلینڈ، نیوزی لینڈ، بھارت اوربنگلہ دیش کی ٹیمیں شامل ہیں۔پاکستان ٹیم 4 جون کو پہلے میچ میں روایتی حریف بھارت کے خلاف میدان میں اترے گی جبکہ گرین شرٹس کا دوسرا مقابلہ 7 جون کو جنوبی افریقہ سے اور تیسرا 12جون کو سری لنکا سے ہو گا۔

لاہور میں پی ایس ایل فائنل کا خواب چکنا چور

ایمزٹی وی(اسپورٹس)پی ایس ایل فائنل، وزیراعلیٰ کی زیر صدارت اجلاس میں کوئی فیصلہ نہ ہو سکا،اجلاس میں پی ایس ایل فائنل کی سیکیورٹی کے حوالے سے تفصیلی جائزہ لیا گیا،معاملے پر غور کے لیے وزیراعلیٰ کی زیرصدارت کل دوبارہ اجلاس ہو گا۔

میڈیا ذرائع کے مطابق اجلاس میں پی ایس ایل فائنل کی سیکیورٹی سے متعلق تفصیلی جائزہ لیا گیا،وزیراعلیٰ پنجاب کی زیر صدارت اجلاس سوادو گھنٹے جاری رہا،نشترپارک اسپورٹس کمپلیکس کی حدودمیں کسی گاڑی کوداخلے کی اجازت نہ دینے کی تجویزپرغورکیا گیا لیکن شرکاءحتمی نتیجے پر نہیں پہنچ سکے ہیں ابھی تک کوئی فیصلہ نہیں ہو سکا ہے،معاملے پر غور کے لیے وزیراعلیٰ پنجاب کی زیرصدارت کل دوبارہ اجلاس ہو گا۔

واضح رہے پی ایس ایل انتظامیہ نے یو اے ای میں جاری سپر لیگ کا فائنل لاہور میں کروانے کا اعلان کررکھا ہے اور تمام فرنچائز مالکان بھی لاہور میں کھیلنے پر تیار ہیں۔

سرکاری ادارے کیا صرف غریبوں کے احتساب کے لیے رہ گئے ہیں ؟

ایمزٹی وی(اسلام آباد )امیرجماعت اسلامی سینیٹر سراج الحق کا کہنا ہے کہ سرکاری ادارے کیا صرف غریبوں کے احتساب کے لیے رہ گئے ہیں ؟نیب اور ایف بی آر عوام کے حقوق کے بجائے دربار کے حقوق کی زیادہ حفاظت کررہے ہیں۔

سراج الحق نے پاناما کیس کی سماعت پر سپریم کورٹ کے باہر صحافیوں سے گفتگو میں کہا کہ چیئرمین نیب کے تقرر کا فیصلے کرنے کے لیے بہترین ادارہ عدالتیں ہیں۔

انہوں نے مزید کہا کہ احتساب اداروں نے کبھی ذمے داریاں پوری نہیں کیں، احتساب اداروں نے کبھی کسی طاقتور کا احتساب نہیں کیا۔

بہترین تعلیم پنجاب حکومت کا نصب العین ہے، رانا مشہود

ایمزٹی وی (تعلیم)صوبائی وزیراسکولز ایجوکیشن رانا مشہود احمد نے کہا ہے کہ طلبا و طالبات کوکوالٹی ایجوکیشن کی فراہمی پنجاب حکومت کا نصب العین ہے ۔

پنجاب حکومت دنیا کے بہترین تعلیمی ماڈلز پر کام کر رہی ہے ۔یہ بات انہوں نے چلڈرن لائبریری کمپلیکس میں سمارٹ ڈیجیٹل بورڈز کی تنصیب کے حوالے سے جائزہ اجلاس کی صدارت کرتے ہوئے کہی ۔

سنگل اسکول ٹیچر والے اسکولوں میں اساتذہ کے تبادلوں کے احکامات جاری

ایمزٹی وی (راولپنڈی)راولپنڈی ضلع بھر کے 70سے زائد پرائمری اسکولوں میں صرف ایک استاد ہونے کاانکشاف ہوا ہے

تفصیلات کے مطابق ڈسٹرکٹ ایجوکیشن اتھارٹی نے 38سنگل اسکول ٹیچر والے اسکولوں میں اساتذہ کے تبادلوں کے احکامات جاری کردیئے معلوم ہواہے کہ مری ،کوٹلی ستیاں ،کہوٹہ ، کلرسیداں ، گوجرخان ،ٹیکسلااور راولپنڈی تحصیلوں میں 70سے زائد گرلز وبوائز پرائمری سکولز میں صرف ایک استاد تعینات ہے

ذرائع کے مطابق ہر اسکول میں بچوں کی تعداد 40سے 60تک ہے ، محکمہ تعلیم پنجاب کی اسکول ضم کرنے کی پالیسی کے مطابق ان سکولوں کو قریبی سکولوں میں ضم کرنا تھا لیکن علاقہ کی بااثر اورسیاسی شخصیات نے انہیں قائم رکھا ،ڈسٹرکٹ ایجوکیشن اتھارٹی کے قیام پر صوبائی محکمہ تعلیم نے سی ای او کو احکامات دیئے تھے کہ ایسے پرائمری اسکولوں میں کم ازکم چار ٹیچر تعینات کریں لیکن ڈسٹرکٹ ایجوکیشن اتھارٹی نے ان احکامات پر عملدرآمد نہیں کیا

مردم شماری کے دوران ڈیوٹی لگانے پر اس امرکا انکشاف ہوا کہ اسکولوں میں ایک ہی ٹیچر تعینات ہے ، وہ بچوں کو پڑھائے یا مردم شماری میں ڈیوٹی دے ، اس پر گزشتہ روز سی ای او قاضی ظہور الحق نے ساتوں تحصیلوں کے 38سکولوں میں اساتذہ کے تبادلے کردیئے جہاں اب دو ٹیچر پڑھائیں گے ۔

مودی کا انتہا پسند چہرہ دنیا کے سامنے بے نقاب کرنا ضروری ہے

ایمزٹی وی(آزاد کشمیر) جموں وکشمیر لبریشن سیل کے زیر اہتمام پاکستان نیشنل کونسل آف آرٹس اسلام آباد میں انٹر یونیورسٹیز تقریری مقابلہ جات کی تقریب سے خطاب کرتے ہوئے وزیراعظم آزادکشمیر راجہ فاروق حیدر نے کہا ہے کہ تحریک آزادی کشمیر کی کامیابی کے لئے تدبر اور حکمت عملی کی ضرورت ہے ،مودی کا انتہا پسند چہرہ دنیا کے سامنے بے نقاب کرنا ضروری ہے ،انسانی حقوق کی خلاف ورزیوں پر کوئی ملک بھارت کا ساتھ نہیں دے سکتا نہ دے گا،ہندوستان نے کشمیریوں کی ایک نسل کو اندھا اور ایک کو اپاہج کردیا مگر وہ کشمیریوں کے جذبہ حریت کو دبانے میں کامیاب نہیں ہوسکا۔

اس موقع پر وزیراعظم نے تقریری مقابلوں میں پہلی ،دوسری اور تیسری پوزیشن حاصل کرنے والے طلباء وطالبات میں انعامات تقسیم بھی کئے ۔وزیراعظم نے کہا کہ نوجوان میرا دست و بازو ہیں مسئلہ کشمیر پر عالمی ضمیر کو جھنجوڑنے کے لئے یونیورسٹیوں کے نوجوان ہر اول دستے کے طور پر کام کریں،کشمیری ہر حال میں آزادی لیکر رہیں گے ہماری آنے والی نسلیں اپنے حق خودارادیت سے قطعاً دست بردار نہیں ہونگی ،تقریری مقابلے میں پہلی پوزیشن آزاد جموں وکشمیر یونیورسٹی مظفرآباد کی طالبہ ارم عباس ، دوسری پوزیشن ویمن یونیوسٹی باغ کی طالبہ ایمن حنیف جبکہ تیسری پوزیشن کوٹلی یونیورسٹی کے طالبعلم فیصل کبیر نے حاصل کی۔

پاکستان سے دہشتگردوں کے خاتمے کی جنگ نہیں جیتی جاسکتی

ایمزٹی وی (اسلام آباد)ٹرانسپرنسی انٹرنیشنل نے رپورٹ جاری کی ہے کہ کرپشن کو ختم کیے بغیر پاکستان سے دہشتگردوں کے خاتمے کی جنگ نہیں جیتی جاسکتی ہے۔

تفصیلات کے مطابق ملک میں حالیہ دہشتگردی کے بعد ٹرانسپرنسی انٹر نیشنل نے ایک رپورٹ جاریکرتے ہوئے کہا ہے کہ پاکستان میں جب تک کرپشن ختم نہیں ہو گی دہشتگردی نہیں رکے گی،

کرپشن سیکیورٹی کیلئے سنگین خطرہ ہے۔رپورٹ میں کہا گیا کہ امریکہ اور برطانیہ نے بھی کرپشن کیخلاف کوئی اقدامات نہیں کئے ہیں۔

پانامہ پیپرز میں وزیراعظم کا نام نہیں ہے دانیال عزیز کا نیا دعویٰ

ایمزٹی وی(اسلام آباد)مسلم لیگ ن کے رہنما دانیا ل عزیز نے کہا ہے کہ آئی سی آئی جے خبر میں بے شمارغلطیاں ہیں جس کی انہوں نے غلطی تسلیم کرتے ہوئے ویب سائٹ سے وزیراعظم کا نام ہٹا دیا تھا۔

تفصیلا ت کے مطابق دانیال عزیز کا پریس کانفرنس کرتے ہوئے کہنا تھا کہ جب آئی سی آئی جے کی جانب سے وزیراعظم سے متعلق انفارمیشن شائع کی گئی تو اس پر میڈیا کیا گیا اور پورے ملک میں ہنگامہ پربا ہوگیا۔میں نے خود آئی سی آئی جے کو خط لکھا اور خبر کی وضاحت طلب کر لی اور چیک کر نے پر اس میں متعدد غلطیاں پائی گئیں ۔کمپنی نے کچھ دن کے بعد اپنی غلطی کو مانا اور ویب سائٹ سے نواز شریف کا نام ہٹا دیا۔ انہوں نے کہا کہ پانامہ پیپرز میں وزیراعظم کا نام نہیں ہے اور نہ ان کے بچے حسن نواز اور حسین نواز پاکستان میں ٹیکس فائلر ہیں ۔مجھے تو سمجھ نہیں آتی کہ پہلے تو مخالفین نے واویلاکیا کہ ہمارے پاس وزیراعظم کیخلاف تمام ثبوت موجود ہیں لیکن جب عدالت میں ان ثبوتوں کو پیش کرنے کا وقت آیا تو ان کے پاس سے کچھ نہیں نکلا ۔پہلے ملک میں پانامہ کیس کو لے کر شور شرابہ ہوتا رہا ہے اور اب 25سال پرانے حدیبیہ کیس کو نکال لیاگیا ہے جس کا حب روایت میڈیا ٹرائل کیا جائے گا۔

جبکہ دوسری جانب مسلم لیگ ن کے رہنما طارق فضل چوہدری کا بھی پریس کانفرنس کرتے ہوئے کہنا تھاکہ نیب ایک خود مختار ادارہ ہے ،چیئر مین نیب کو ہٹا حکومت کے اختیار میں نہیں ہے اس کاایک مخصوص طریقہ کار ہے جبکہ چیئرمین نیب کی تقرری وزیراعظم اور اپوزیشن لیڈر کی مشاورت سے ہوتی ہے ایسا ہرگز نہیں ہوتا کہ محض وزیراعظم ہی چیئرمین نیب کو منتخب کرنے کا اختیار رکھتا ہوں اور نہ ہی کبھی ایسا مستقبل میں ہوگا۔ انہوں نے کہا کہ حدیبیہ پیپرز ملز کیس میں قوم کو گمراہ کرنے کی کوشش کی گئی ہے یہ کیس تو ہائی کورٹ سے دوبارہ ختم ہوچکا ہے ،پی ٹی آئی حقائق توڑ مروڑ کر پیش کر رہی ہے۔ہمیں مشرف دور میں بھی ان گناہوں کی سزا ملتی رہی جو ہم نے کبھی کیے ہی نہیں تھے۔

Page 1903 of 2387