Reporter SS
ایمزٹی وی (تعلیم/ کراچی)جامعہ کراچی کے دو ڈینز نے کلیہ فارمیسی کے سامنے قائم تمام کینٹینز کو خطرے کا باعث، پریشانی اور ٹریفک جام کا سبب قرار دیتے انہیں فوری طور پر گرانے کا مطالبہ کیا ہے، ڈین فارمیسی ڈاکٹر اقبال اظہر نے ڈین آف سوشل سائنسز ڈاکٹر مونس احمر جو کینٹین کمیٹی کے بھی کنوینر ہیں، ایک خط لکھا ہے جس میں کہا گیا ہے کہ فارمیسی کے سامنے کینٹینز کے ہونے کے باعث طلبہ اور اساتذہ سخت تشویش کا شکار ہیں۔خط میں کہا گیا ہے کہ یہ کینٹین جامعہ کراچی کی زمین پر قواعد کی منظوری کے بغیر دی گئی نہ ہی کسی باڈیز سے ان کے قیام کی اجازت لی گئی، خط میں کہا گیا کہ ان کینٹینز کے باعث فارمیسی پر ہر وقت ٹریفک جام رہتا ہے، شور کی آواز سنائی دیتی ہے جس کی وجہ سے اساتذہ کو تدریسی اُمور پر دشواریاں پیش آتی ہیں، فارمیسی کے سامنے ہر وقت ہجوم رہتا ہے اور غیرمتعلقہ افراد کی گاڑیاں اور موٹر سائیکلیں کھڑی رہتی ہیں، خط میں یہ بھی کہا گیا ہے کہ فارمیسی کونسل نے بھی اس صورت حال پر اپنی گہری تشویش کا اظہار کیا ہے اور صحت مند ماحول کے خلاف قرار دیا ہے آئندہ ماہ فارمیسی کونسل کا دورہ ہے چنانچہ اس معاملے کو سنجیدہ طور پر لیا جائے اور اس مسئلے کو حل کر کے تعلیمی ماحول بہتر بنایا جائے، کینٹینز کمیٹی کے کنوینر ڈاکٹر مونس احمر نے وائس چانسلر کو اپنے خط میں کہا کہ فارمیسی کے سامنے ان کینٹینز کو ہٹایا جائے، یہ خطرے کا باعث ہیں، ان سے ٹریفک جام رہتا ہے لہٰذا متعلقہ عملے کو فوری ہدایت دیتے ہوئے ان کینٹینز کو ہٹایا جائے،
واضح رہے کہ جامعہ کراچی میں مرکزی طعام گاہ کے علاوہ باقی تمام کینٹینز بغیر کسی ٹینڈر کے دی گئی ہیں، ان کینٹینز میں نہ تو کھانے کی اشیا معیاری ہیں اور نہ ہی ان کو چیک کرنے کا قانون، قیمتیں بھی منظور شدہ نہیں ہیں اور بازار سے مہنگی بیچی جا رہی ہیں، کچھ کینٹینز میں نہ صرف کھلے عام سگریٹ فروخت کی جاتی ہے بلکہ پان اور گٹکا بھی دستیاب ہوتا ہے اور کوئی روکنے والا نہیں ہوتا ہر کینٹین میں چار سے چھ کھڑکیاں کھول کر ان کو بھی کرائے پر دیا گیا ہے ہر کینٹین میں تین سے چار ڈیپ فریزر اور فرج چلتے ہیں یہی حال فوٹو اسٹیٹ شاپس کا ہے ایک فوٹو کاپی دو روپے میں فروخت ہو رہی ہے چار سے چھ فوٹو اسٹیٹ مشینیں چل رہی ہیں اور بجلی جامعہ کراچی کی خرچ ہو رہی ہے کئی کینٹینز اور فوٹو اسٹیٹ کی دکانیں غیرتدریسی ملازمین کی ہیں، سابق وائس چانسلر ڈاکٹر محمد قیصر نے اپنی مدت ختم ہونے سے ایک ماہ قبل اعلیٰ سطح کے اجلاس میں تمام غیرقانونی کینٹینز کو گرانے کا فیصلہ کیا تھا تاہم ان کے بعد تاحال اس فیصلے پر عمل نہیں ہو سکا۔
یاد رہے کہ جامعہ کراچی سے ملحقہ این ای ڈی کی کینٹینز کی کمیٹی میں ڈاکٹر بھی شامل ہے جو اچانک دورہ کر کے چیزوں کے معیاری اور مناسب قیمتوں پر فروخت ہونے کا جائزہ لیتا ہے۔دریں اثنا کینٹینز کمیٹی کے کنوینر ڈاکٹر مونس احمر نے کہا کہ مارکیٹنگ اینڈ رینوویشن کمیٹی سابق وائس چانسلر نے ختم کر دی تھی، قیمتیں اورکھانے پینے کی اشیا کا معیار چیک کرنے کی ذمہ داری اسٹیٹ آفس کی ہے لیکن وہ نہیں کرتی، جامعہ کی سب کینٹین ختم کر کے چار کیفے ٹیریا بنا دیے جائیں جن کو ٹینڈر کر کے دیا جائے کیونکہ درجنوں کینٹینوں پر کنٹرول مشکل ہے اور سگریٹ نوشی کیلئے قانون بنایا جائے کہ کیمپس کے اندر سگریٹ نوشی نہ کی جائے۔
ایمزٹی وی(اسلام آباد)دفترخارجہ نے کہا ہے کہ بھارت سی پیک کی کھل کر مخالفت کر رہا ہے، سی پیک کو سبوتاژ کرنے کے بھارتی منصوبوں سے آگاہ ہیں۔
ترجمان دفتر خارجہ نفیس زکریا نے بریفنگ دیتے ہوئےکہا کہ افغان حکام کو دہشت گرد سرگرمیوں اور کالعدم جماعت الاحرار سے متعلق آگاہ کیا ہے ۔بھارت کے جوہری ہتھیار خطے کے امن کے لیے خطرہ ہیں ۔
انہوں نے کہا کہ بھارت کی جانب سےاسلحے کی بےپناہ خریداری خطے میں عدم استحکام کاباعث بن سکتی ہے۔کلبھوشن یادیو نےبھی بیان میں سی پیک کوسبوتاژ کرنے کی کوشش کررہاہے
ایمزٹی وی(اسپورٹس)پاکستان سپر لیگ کا اگلا میچ لاہور قلندرز اورکراچی کنگز کا مقابلہ آج ہونے جا رہا ہے۔ شارجہ میں میک کولم کی لاہور قلندرز اور سنگاکارا کی کراچی کنگز آمنے سامنے ہوں گی۔
پاکستان سپر لیگ جس میں شائقین کا جوش بڑھتا جا رہا ہے،آج شارجہ کرکٹ گراونڈ میں قلندرز دھمال ڈالنے کےلیے تیار ہیں ۔ دونوں ہی ٹیموں میں کئی بڑے نام ہیں۔
قلندرز کے قائد میک کولم جن کے اصل ہتھیار یاسر شاہ اور سنیل نارین ہیں ۔دونوں ہی نے اپنی اسپین سے بیٹسمینوں کو تگنی کا ناچ نچایا ہے ۔
دوسری جانب کمار سنگا کارا کی ٹیم کراچی کنگز ہےجس میں کرس گیل بھی ہیں لیکن اب تک رنگ نہیں جما پائے ۔ شعیب ملک ، محمد عامر اور عماد وسیم بھی آن اینڈ آف ہی دکھائی دیئے ۔پی ایس ایل کا میچ رات 9 بجے کھیلا جائے گا۔
ایمزٹی وی(کراچی) کراچی کی شاہراہیں خطرناک ہو گئیں ۔ترقیاتی کاموں کے باعث جہاں لوگوں کا منٹوں کا سفر گھنٹوں پر پہنچ چکا ہے وہیں یہ شاہراہیں حادثات میں بھی اضافہ کررہی ہیں ۔
پولیس سرجن کراچی کے مطابق گزشتہ ایک سال میں 2800 افراد شاہراہوں پر ہونے والے مختلف حادثات کا شکار ہوئے جس میں خواتین اور بچے بھی شامل ہیں۔
ماہرین کے مطابق ان ٹریفک حادثات میں پہلے نمبر پر موٹرسائیکل سوار افراد اوردوسرے نمبر پر رکشے والےشامل ہیں جو احتیاطی تدابیر اختیار نہ کرنے کے باعث بعض اوقات زندگی بھرکے لئے محتاج یا پھر زندگی سے ہی محروم ہو جاتے ہیں۔
جامعہ کراچی میں ہونے والی حالیہ تحقیق کے مطابق کراچی میں سالانہ 30 سے 35 ہزار ٹریفک حادثات ہوتے ہیں جن میں سے 35 فیصد کی وجہ خستہ حال سڑکیں ہیں۔
کراچی میں عوام کو بہترین سفری سہولیات کی فراہمی کے لیے اہم شاہراہوں کی ازسرنو تعمیر کا کام تو جاری ہے لیکن خستہ حال سڑکوں اور ترقیاتی کاموں کے باعث ٹریفک حادثات میں بھی اضا فہ ہو گیا ہے۔
شہریوں کا مطالبہ ہے کہ حکومت ترقیاتی کام جلد از جلد مکمل کرے تاکہ قیمتی انسانی جانوں کا ضیاع روکا جاسکے۔
ایمزٹی وی (اسپورٹس) اسپاٹ فکسنگ کے الزام میں سزا پانے والے شرجیل خان اور خالد لطیف کو آج چارج شیٹ دی جائے گی ۔دونوں کھلاڑی نیشنل اسٹیڈیم کراچی پہنچ گئے ہیں۔
میڈیا ذرائع کے مطابق دبئی میں جاری پاکستان سپر لیگ ٹو کے دوران سپاٹ فکسنگ کے الزام میں کرکٹ کھیلنے سے محروم ہونے ولے شرجیل خان اور خالد لطیف اینٹی کرپشن یونٹ کے روبرو آج دوبارہ پیش ہونگے جہاں انہیں چار ج شیٹ بھی دی جائے گی۔ دونوں کھلاڑیوں نے گزشت روز اپنے بیانات پی سی بی کے اینٹی کرپشن یونٹ کو قلمبند کرائے تھے
یاد رہے پی سی بی نے دونوں کھلاڑیوں کو کرپشن کے الزامات ثابت ہونے پر انٹرنیشنل کرکٹ کے ساتھ ساتھ پی ایس ایل سے بھی آؤٹ کر رکھا ہے۔
ایمزٹی وی(اسلام آباد)سپریم کورٹ کے باہر میڈیا سے گفتگو کرتے ہوئے ن لیگ کے رہنما دانیال عزیز کا کہنا تھا کہ ہمارے وکلاءپر روز نئے سوالات کی بھرمار کی جاتی ہے اور ہمارے وکلاءہر سوال کا جواب دیتے ہیں۔ عدالت نے کہا کہ پی ٹی آئی کے دستاویزات قابل سماعت نہیں اور اگر یہ دستاویزات قابل سماعت نہیں تو کن ثبوتوں پر سماعت ہورہی ہے۔
دانیال عزیز نے کہا کہ عدالت میں جتنے کاغذات جمع کرائے گئے سب ہم نے جمع کرائے، خان صاحب چاہتے ہیں رسی اور تختہ بھی ہم اپنا لیکر آئیں اور خود لٹک جائیں ۔عمران خان پر ٹیکس چوری، کالادھن سفید کرنے کا الزام ہے، بنی گالہ جائیداد کا منروا کی ای میل سے کوئی تعلق نہیں ہے، روزلال دائرے لگا کر خوفناک میوزک چلا کر تصویر چلائی جاتی ہیں، جیسی بھی جمہوریت ہے یہ چل نکلی ہے، یہ ایک خاندان نہیں مسلم لیگ(ن)کے ہر کارکنان کے خلاف کارروائی ہے۔
انکا کہنا تھا کہ الیکشن کمیشن نے 2012کی منی ٹریل مانگی تو نہیں دی جارہی ہے، کبھی اسلام آباد ہائیکورٹ بھاگتے ہیں، کبھی کہیں اور بھاگتے ہیں، ہم سے 70کی دہائی کا ریکارڈ مانگتے ہیں، خود 2012کا نہیں دے رہے۔’’ عمران خان تیاری کرو کیونکہ آپکو غیر ملکی فنڈنگ کا جواب دینا ہے‘‘۔
ایمزٹی وی(اسلام آباد)وفاقی پولیس ، رینجرز اور حسا س اداروں کے افسران و جو انو ں نے تر نو ل کے علاقہ اتفاق کا لو نی اور گردو نواح میں سرچ آ پریشن کے دوران 3افغانیو ں سمیت 16مشتبہ افراد کو حر است میں لے کرتحقیقات شروع کر دیں۔200سے زائد گھر وں کو سر چ کیا گیا ۔ اسلحہ معہ ایمو نیشن اور 3مو ٹر سائیکل بغیر کاغذات قبضہ پولیس میں لے لئے گئے۔
گزشتہ روزاسلام آ باد پو لیس ، پا کستا ن رینجر ز اور سکیور ٹی اداروں نے تھا نہ تر نو ل کے علا قہ اتفاق کا لونی اور ملحقہ علا قوں میں سر چ آپر یشن کیا، تھا نہ تر نو ل پولیس نے 3افغا نیو ں سمیت16مشتبہ افراد کو حر است میں لے کر تحقیقات شروع کر دی ہیں ، 200سے زائد گھروں کو سرچ کیا گیا ۔
ملزمان سے اسلحہ معہ ایمو نیشن 2پسٹل، 3 مو ٹر سائیکل بغیرکا غذات قبضہ پولیس میں لئے گئے حر است میں لیے گئے مشتبہ افراد سے تحقیقات جا ری ہیں ۔
ایمز ٹی وی(صحت) آسٹریلوی سائنس دانوں نے اس پروٹین کا نقشہ تیار کر لیا ہے جو ایک خطرناک جرثومے کو اینٹی بایوٹک ادویات کے اثر سے محفوظ رکھتی ہے۔
اس تحقیق کی مدد سے اینٹی بایوٹک ادویات کے خلاف مدافعت رکھنے والے جراثیم کے خلاف نئی ادویات بنائی جا سکیں گی۔
EptA نامی اس پروٹین کی بدولت یہ جراثیم کولسٹین اینٹی بایوٹک کے اثر سے محفوظ رہتے ہیں۔ یہ دوا اس وقت استعمال کی جاتی ہے جب دوسری تمام اینٹی بایوٹکس ناکام ہو جائیں۔
ماہرین نے خبردار کیا ہے کہ 21ویں صدی میں انسان کو لاحق سب سے بڑے خطرات میں ایک جراثیم کے خلاف اینٹی بایوٹکس کی ناکامی ہے۔
مرکزی تحقیق کار پروفیسر ایلس ورائیلنک کہتی ہیں کہ ان کی تحقیق سے ایسی ادویات بنانے میں مدد ملے گی جو جراثیم کو پروٹین کی مدد سے چھپا دینے کا عمل روک دیں۔
'ہمارا خیال ہے کہ یہ پروٹین کسی دروازے کے تالے کی مانند ہے جس کی ایک مخصوص شکل ہے۔ اس کے تھری ڈی نقشے کی مدد سے ہم اس کی شکل و صورت کے بارے میں جان سکتے ہیں۔'
عالمی ادارۂ صحت کے مطابق ہر سال اینٹی بایوٹکس کے خلاف مدافعت کے باعث سات لاکھ افراد موت کے منھ میں چلے جاتے ہیں۔
ایک تحقیق کے مطابق اگر اس خطرے پر جلد قابو نہ پایا گیا تو 2050 تک یہ تعداد بڑھ کر ایک کروڑ افراد سالانہ ہو سکتی ہے۔
اس وقت تمام اینٹی بایوٹکس کے خلاف مدافعت کے حامل جراثیم کے خلاف آخری حربہ کولسٹین ہے، لیکن دنیا کے کئی حصوں میں ایسے جراثیم پائے جاتے ہیں جن پر کولسٹین بھی اثر نہیں کرتی۔
سائنس دانوں کو خطرہ ہے کہ اگر کولسٹین کے خلاف مدافعت بھی عام ہو گئی تو پھر ہر طرف ناقابلِ علاج وبائیں پھوٹ پڑیں گی۔
ڈاکٹر ورائیلنک نے کہا کہ 'یہ پروٹین بیکٹیریا کو موقع فراہم کرتی ہے کہ وہ جسم کے مدافعتی نظام اور اینٹی بایوٹکس سے چھپ جائیں۔ اگر ہم انھیں ایسا کرنے سے روک دیں تو ہم بیکٹیریا کو ظاہر کر سکتے ہیں۔'
ان کے خیال میں ایسی ادویات بنانے میں کئی سال لگیں گے، تاہم یہ اس سلسلے میں پہلا اہم قدم ہے۔
ایمز ٹی وی (اسلام آباد)سپریم کورٹ میں پانامہ کیس کی سماعت کے آغاز پر حسین نواز کے وکیل سلمان اکرم راجہ نے صحتیابی پر جسٹس عظمت سعید کا خیر مقدم کیا۔
جسٹس آصف سعید کھوسہ نے کہا کہ اللہ تعالیٰ کے شکرگزار ہیں جس نے جسٹس عظمت کو صحت عطا کی، ہر اس شخص کے بھی شکرگزار ہیں جس نے ان کی جلد صحت یابی کے لئے دعاکی۔
جسٹس عظمت سعید کا کہنا تھا کہ فریقین کے وکلاءیہ نہ سمجھیں کہ میں بیماری کے بعد نرم ہوگیا ہوں اور سخت سوال نہیں کروں گا، اب میں پہلے سے بھی زیادہ سخت سوالات کروں گا۔
ایمزٹی وی(اسپورٹس)پاکستان سپر لیگ کی فرنچائز کوئٹہ گلیڈ ائیٹر کی آفیشل ویب سائٹ ہیک کر لی گئی ۔خود کو اسلام آباد یونائیٹڈ کے سپورٹر ظاہر کرنے والے ہیکرز کے ایک گروہ نے کوئٹہ گلیڈ ی ائیٹر کی ویب سائٹ ہیک کر لی اور اس پر مندرجہ ذیل پیغام دیا ۔
ہیکرز نے مزید کہا کہ ہم جیتیں گے کیونکہ ہم ماضی میں بھی چمپئن تھے اور اب بھی چمپئن ہیں اور آگے بھی چمپئن رہیں گے ۔
انہوں نے مزید کہا کہ جس طرح پی ایس ایل کے گزشتہ ایڈیشن میں کوئٹہ گلیڈ ی ائیٹر سے فائنل جیتے تھے ،ویسے ہی اس بار بھی ہم ہی جیتیں گے ۔ہیکرز نے پی ایس ایل کے انعقاد پر پی سی بی کا شکریہ بھی ادا کیا ۔