ایمز ٹی وی(تجارت) پاکستان اور چین کے اشتراک سے تیار کیے گئے 70 جے ایف 17تھنڈر طیارے پاک فضائیہ میں شامل ہو گئے جس سے پاکستان کا دفاع مزید مضبوط ہو گیاہے۔ 

کامرہ ائیر بیس میں طیاروں کی شمولیت کے حوالے سے ایک پروقار تقریب کا انعقاد کیا گیا جس میں وفاقی وزیر دفاع خواجہ آصف اور ائیر چیف مارشل سہیل امان سمیت کئی سول اور عسکری حکام نے شرکت کی ۔اس موقع پر 70سے زائد جے ایف 17تھنڈر طیارے پاک فضائیہ میں شامل کیے گئے ۔

پاک فضائیہ کے پاس بلاک ون اور بلاک ٹو طیاروں کی مجموعی تعداد 70سے زائد ہے ۔واضح رہے کہ پاکستان نے چین کے اشتراک سے جے ایف 17تھنڈر طیارے تیار کیے جو کہ دونو ں ممالک کے درمیان لازوال دوستی کی علامت ہے ۔

ایمز ٹی وی(تجارت) حکومت پاکستان کے شعبہ قومی اعزازات نے پاکستان بزنس کونسل دبئی کے سابق صدر خواجہ تنویر الاسلام (مرحوم) کی خدمات کے پیش نظر تمغہ امتیاز (بعدازوفات) دینے کا اعلان کیا ہے۔

پاکستان بزنس کونسل دبئی کے موجودہ صدر احمد شیخانی نے متذکرہ خوش کن اطلاع دیتے ہوئے کہا ہے کہ سابق صدر خواجہ تنویر الاسلام کی خدمات پاکستانی کمیونٹی کے لئے بہت زیادہ ہیں۔ ان خدمات کے اعتراف میں حکومت پاکستان نے ان کےلئے بعد از وفات ”تمغہ امتیاز“ کا اعلان کیا ہے جو ان کی اہلیہ کو 23 مارچ 2017ءکے موقع پر منعقد ہونے والی تقریب برائے تقسیم اعزازات میں دیا جائے گا۔

ایمز ٹی وی(تجارت) عالمی منڈی میں تیل کی قیمتیں ایک بار پھر گر گئیں ہیں۔ حالیہ کمی امریکا میں تیل کی پیداوار میں اضافے کے بعد بدھ کے روز پیٹرولیم مصنوعات کی قیمتوں میں کمی کا رحجان رہا ہے۔

امریکا میں پیٹرول کی قیمت میں 0.66 سینٹ یا 0.45 فیصد کمی کا سامنا رہا، برینٹ کروڈ کے سودے 30 سینٹس کمی کے بعد فی بیرل 55.67 ڈالر فی بیرل کے حساب سے ہوئے۔

اسی طرح امریکی خام تیل کی قیمت میں 26 سینٹ کمی کے بعد فی بیرل قیمت 52.94 ڈالر ہوگئی ہے۔ امریکا میں تیل کی پیداوار میں اضافے کے بعد ان خدشات کا اظہار کیا جارہا تھا کہ یہ اوپیک کی جانب سے تیل کی پیدوار میں کمی کے معاہدے پر اثر انداز ہوسکتا ہے۔

امریکا میں انرجی انفارمیشن ایڈمنسٹریشن (ای آئی اے) کا کہنا ہے کہ ملک میں گزشتہ برس خام تیل کے اسٹاک میں 95 لاکھ بیرل ہوگیا ،جو کہ اندازوں سے تین گنا زیادہ ہے۔

امریکا میں خام تیل کی پیداوار اپنی بلند ترین سطح 51 کروڑ 81 لاکھ 20 ہزار بیرل تک پہنچ گیا ہے، جبکہ پیٹرول کا اسٹاک بھی 28 لاکھ بیرل اضافے کے بعد 25 کروڑ 91 لاکھ بیرل کی ریکارڈ سطح تک ہوگئی ہے۔

ایمز ٹی وی(تجارت) واکس ویگن کے مقامی پارٹنر کی پاکستان میں گاڑیاں بنانے میں دلچسپی ظاہر کر دی ہے۔ انجینئرنگ  ڈویلپمنٹ بورڈ کے مطابق زیادہ پارٹس پاکستان میں تیار کرنے کی طرز پر اجازت دے دیں گے۔

انجینرنگ ڈویلپمنٹ بورڈحکام نے گفتگو میں بتایا کہ واکس ویگن کے لوکل پارٹنر پریمیم سسٹمز نے درخواست قلیل مینوفیکچرنگ یا ایس کے ڈی طرز پر دی ہے۔

حکام کے مطابق نئی آٹو پالیسی میں ایس کے ڈی طرز پر واکس ویگن کو اجازت ممکن نہیں ہے۔ انہوں نے بتایا کہ زیادہ پارٹس پاکستان میں بنانے کی پالیسی یا سی کے ڈی کے تحت واکس ویگن پلانٹ کا خیر مقدم کریں گے ۔

حکام نے بتایا کہ نئی آٹو پالیسی کے تحت دوبارہ درخواست آئی تو منظور کریں گے۔ حکام کے مطابق ایس کے ڈی کے تحت ملک میں روزگار کے زائد مواقع پیدا ہوتے ہیں۔

ایمز ٹی وی(صحت) پنجاب حکومت اور دوا ساز کمپنیوں کے درمیان مذاکرات کامیاب ہوگئے، ذرائع کا کہنا ہے کہ دوا ساز کمپنیاں ہڑتال ختم کرنے پررضا مندہوگئی ہیں۔

فریقین نے جعلی دوائیں بنانے والوں کوسخت سزائیں دینے پر اتفاق کیا ہے،صوبائی ڈرگ ایکٹ میں ترمیم کےلیے کمیٹی بھی تشکیل دی گئی ہے جو ترامیم کے لیےسفارشات تیار کرے گی۔

دوا ساز کمپنیاں اور میڈیکل اسٹور مالکان ڈرگ ایکٹ کے خلاف تین روز سے احتجاج کررہے ہیں اور میڈیکل اسٹورز بند ہونے سے مریضوں کو دواؤں کے حصول میں سخت پریشانی کا سامنا کرنا پڑا۔