Reporter SS
ایمزٹی وی(اسلام آباد)وزیر اعظم کے صاحبزادے حسین نواز نے لند ن فلیٹس سے متعلق منی ٹریل سپریم کورٹ میں جمع کر ادی جس پر مریم نوا ز نے کہا ہے کہ منی ٹریل عدالت میں ثابت کر دی گئی ہے اور اب پاناما کیس ختم ہو گیا ۔
میڈیا ذرائع کے مطابق وزیر اعظم کے بچوں نے لندن فلیٹس کی خریداری کیلئے ہونے والی منی ٹریل کے ثبوت سپریم کورٹ میں جمع کرا دیے ہیں اور مریم نواز نے اس پر ٹویٹ کرتے ہوئے کہا ہے کہ ہم نے منی ٹریل کے ثبوت عدالت کو دیدیے ہیں جس کے بعد اب پاناما کیس ختم ہو گیا ۔
وزیر اعظم کے بچوں کی جانب سے آج دبئی فیکٹری کی 1980ءمیں فروخت، سعودی عرب میں عزیزیہ اسٹیل مل کی خریدو فروخت، میاں شریف کی التھانی فیملی کے ساتھ سرمایہ کاری کی سیٹلمنٹ، حدیبیہ پیپر ملزکی آڈیٹر رپورٹس، التوفیق ٹرسٹ کا قرضہ، نیسکول، نیلسن کمپنیوں کا کنٹرول سنبھالنے کی دستاویزات، ٹرسٹی سروسز کارپوریشن کی خدمات حاصل کرنے کے خط کی کاپی تاریخوں سمیت جمع کرا دی گئیں۔
قطری شہزادے کا دوسرا خط اورطارق شفیع کا بیان حلفی بھی منی ٹریل تفصیلات کا حصہ ہے۔
یاد رہے اس سے قبل شیخ رشید احمد میڈیا سے گفتگو کرتے ہوئے متعدد بار یہ کہ چکے ہیں کہ اگر شریف خاندان اپنی منی ٹریل دیدیے تو پاناما کیس واپس لے لیں گے
ایمزٹی وی(اسپورٹس)پاکستان کرکٹ ٹیم کے کپتان اظہر علی نے کہاکہ آج ایک مرتبہ پھر مجموعی ہدف کا تعاقب بہت مشکل تھا، جیت کا کریڈٹ آسٹریلیا بالخصوص ڈیوڈوارنراور ٹریوس ہیڈ کو جاتاہے ۔
شکست سے دوچار ہونے کے بعد گفتگوکرتے ہوئے اظہر علی نے کہاکہ 360سے زیادہ کے ہدف کا تعاقب کرنا ہمیشہ ہی مشکل رہالیکن پچھلے اور حالیہ میچ میں بیٹنگ پھر بھی اچھی رہی ، ٹاس ہم نہیں جیت سکے لیکن یہ بھی کھیل کا حصہ ہے ۔
ان کاکہناتھاکہ زیادہ اہم بات یہ ہے کہ آپ اچھی کرکٹ کھیلیں ، مضبوط ٹیمیں یہ نہیں دیکھتیں کہ وہ ٹاس جیتی، میں کرکٹ آسٹریلیا اور پاکستان وآسٹریلیا کے مداحوں کا شکریہ اداکرناچاہتاہوں
ایمزٹی وی(اسپورٹس)پانچویں اور آخری ایک روزہ بین الاقوامی میچ میں آسٹریلیا نے پاکستان کو57رنز سے شکست دے کر سیریز چار۔ایک سےجیت لی۔370رنز کے جواب میں پاکستان ٹیم نے 312رنز بنائے۔
ایڈیلیڈمیں کھیلے گئے میچ میں370 رنز کے ہدف کے تعاقب میں کپتان اظہرعلی 10کے مجموعی اسکور پر صرف 6رنز بناکر آؤٹ ہوگئے۔بابر اعظم نے شرجیل خان کے ساتھ مل کر دوسری وکٹ کی شراکت میں 130رنز بناکر ٹیم کو مشکل صورتحال سے نکالا تاہم شرجیل خان تیزرفتار بیٹنگ کرتے ہوئے اسٹارک کی گیند پر میتھیو ویڈ کے ہاتھوں کیچ آؤٹ ہوگئے، شرجیل نے69گیندوں پر 9چوکوں اور 2چھکوں کی مدد سے 79رنز بنائے۔
حفیظ زیادہ دیر وکٹ پر نہ ٹھہرسکے اور صرف تین رنز بناکرآؤٹ ہوگئے، شعیب ملک کلائی گیند لگنے کی وجہ سے ریٹائرڈ ہرٹ ہوکر پویلین واپس چلے گئے۔
اس دوران بابر اعظم نے 107گیندوں پر ایک چھکے اور سات چوکوں کی مدد سے ایک روزہ میچوں میں اپنی چوتھی سنچری مکمل کی ، وہ 100رنز بناکر ہیزل ووڈکا شکار بنے۔
رضوان صرف 4رنز بناسکے، عمراکمل نے تیزرفتار 46رنزبنائے، محمد عامر 17رنز بناسکے۔یوں پوری ٹیم 49اعشاریہ ایک اوورز میں 312رنز بناسکی۔
مچل اسٹارک نےعمدہ بولنگ کرتے ہوئے 4کھلاڑیوں کو آؤٹ کیا جبکہ کومنز نے 2جبکہ ہیزل ووڈ، زیمپا اور فاکنر نے ایک، ایک وکٹ حاصل کی۔
ڈیوڈ وارنر کو شاندار بیٹنگ پرفارمنس پر مین آف دی میچ ایوارڈ کے ساتھ ساتھ مین آف دی سیریز کا اعزاز بھی اپنے نام کرنے میں کامیاب ہوئے۔
اس سے قبل آسٹریلیا نے ٹاس جیت کر پہلے بیٹنگ کرتے ہوئے مقررہ پچاس اوورز میں 7وکٹوں کے نقصان پر 369رنز بنائے تھے۔ڈیوڈوارنر 179اور ہیڈ 128رنز کے ساتھ نمایاں رہے۔
جنید خان اور حسن علی نے دو، دو جبکہ محمد عامر اور وہاب ریاض نے ایک ، ایک وکٹ حاصل کی
ایمزٹی وی(اسپورٹس)پاکستان اور آسٹریلیا کیخلاف آخری ون ڈے میچ میں پاکستان کے اوپننگ بیٹسمین شرجیل خان نے سیریز کے مسلسل تین میچوں میں 50 سے زائد اسکور بنا کر ریکارڈ بنا ڈالا ہے۔
شرجیل خان یہ کارنامہ انجام دینے والے پہلے پاکستانی ہیں جنہوں نے دوملکی سیریزمسلسل تین میچوں 50 سے زیادہ رنز بنانے کا اعزاز حاصل کیا۔
جارحانہ بیٹنگ کرنے والے شرجیل خان نے پانچویں ون ڈے میچ میں آسٹریلیا کیخلاف شاندار اننگز کھیلتے ہوئے 69 گیندوں پر79 رنزبنائے۔آسٹریلیا کے 370 رنز کے ہد ف کے تعاقب میں پاکستان کی بیٹنگ جاری ہے
ایمزٹی وی(اسپورٹس)قومی ٹیم کے کھلاڑی بابر اعظم نے سینچری بنا کر آسٹریلیا کی جانب سے دیے گئے 370رنز کے بڑے ہدف کے تعاقب میں اہم کردار ادا کیا۔
تفصیلات کے مطابق قومی ٹیم کے کھلاڑی بابراعظم نے انتہائی شاندار کھیل کا مظاہرہ کرتے ہوئے 107گیندوں پر سات چوکوں اور ایک چھکے کی مدد سے سینچری مکمل کی تاہم پورے 100رنز ہی بنانے میں کامیاب ہوئے ار ہیزل ووڈ کی گیند پر ہیڈ کے ہاتھوں کیچ آوٹ ہو گئے لیکن انہوں نے ہدف کے تعاقب میں قومی ٹیم کو بڑی سپورٹ دیدی ہے ۔
ایمزٹی وہ(اسلام آباد)پاکستان تحریک انصاف کے چیئرمین عمران خان نے سپرم کورٹ میں اپنی آف شور کمپنی کے متعلق ایسا بیان داخل کروا دیا ہے کہ پانامہ کیس میں اختیار کیے گئے اپنی ہی موقف کی نفی کر دی ہے اور حکمران خاندان کی ساری مشکلیں حل کر دی ہیں۔ عمران خان نے سپریم کورٹ داخل کروائے گئے اپنے تحریری جواب میں کہا ہے کہ” آف شور کمپنی کا بینفشل مالک اس کا اعلان کرنے کا پابند نہیں ہوتا کیونکہ اس کمپنی کے حصص اس مالک کے نام پر رجسٹرڈ نہیں ہوتے۔
میڈیا ذرائع کی رپورٹ کے مطابق اپنی خفیہ آف شور کمپنی کا اعلان نہ کرنے کے باعث بطور رکن قومی اسمبلی عمران خان کی نااہلی کے لئے دائر درخواست پر چیئرمین تحریک انصاف کی جانب سے دیا جانے والا یہ جواب پاناماگیٹ میں حکمران خاندان کے لئے بڑا دفاع بن سکتا ہے اور ان کے خلاف سپریم کورٹ میں جاری مقدمے کو سرے سے ختم کر سکتا ہے کیونکہ ان کے خلاف مرکزی درخواست گزار خود عمران خان ہیں، جنہوں نے خود ہی کہہ دیا ہے کہ آف شور کمپنی کا بینیفشل مالک اپنے اثاثوں میں اسے ظاہر کرنے کا پابند نہیں ہوتا۔
عمران خان نے عدالت میں یہ جواب گزشتہ برس نومبر کے آخری ہفتے میں داخل کروایا تھا، جس میں کہا گیا تھا کہ” اگر کوئی شخص آف شور کمپنی کا واحد مالک بھی ہو اوراس کمپنی کے حصص اس مالک کی بجائے پراکسی ڈائریکٹرز کے ناموں پر رجسٹرڈ ہوں تو وہ مالک اپنے اثاثوں میں اس آف شور کمپنی کو ظاہر کرنے کا پابند نہیں ہوتا۔“ یہاں یہ امر بھی قابل ذکر ہے کہ عمران خان نے اپنے جواب میں نیازی سروسز لمیٹڈ سے وابستہ بینک اکاﺅنٹس کی تفصیلات اور 1983ءسے 2015ءتک کھاتوں کی تفصیلات قطعاً بیان نہیں کیں،حالانکہ اس وقت تک ان کی کمپنی نہ صرف برقرار تھی بلکہ آمدنی کے گوشوارے بھی جمع کرارہی تھی۔ چیئرمین پی ٹی آئی مسلسل اصرار کرتے آئے ہیں کہ ان کا صرف ایک اثاثہ ان کی آف شور کمپنی سے منسلک تھا لیکن اپنے بیان میں اس کے بینک اکاﺅنٹس اور بینک سٹیٹمنٹ کا ذکربھی نہیں کیا۔
عمران خان، جو پہلے ہی آف شور کمپنی ”نیازی سروسز لمیٹڈ“کا مالک ہونے کا اعتراف کر چکے ہیں جبکہ اپنی نااہلی کے لئے دائر کردہ درخواست کے جواب میں معزز عدالت کے سامنے یہ بیان دے چکے ہیں کہ اگرچہ وہ آف شور کمپنی کے مالک تھے لیکن وہ نیازی سروسز لمیٹڈ کے 9 حصص کے رجسٹرڈ مالکان میں شامل نہیں تھے، لہٰذا ان کے لیے لازمی نہیں تھا کہ وہ اسے ظاہر کریں۔ سپریم کورٹ میں شریف خاندان کے خلاف جاری پاناما کیس میں اس وقت یہ دلیل دی جارہی ہے کہ حسین نواز یا مریم نواز آف شور کمپنیوں نیلسن (Nielsen) اورنیسکول(Nescoll)کے بینیفشل مالک ہیں۔ تاہم معاملہ کچھ بھی ہوآف شور کمپنیوں کے رجسٹرڈ حصص پراکسی ڈائریکٹرز (مائینروا فنانشل سروسز) کے نام پر ہیں اور عمران خان اپنے بیان میں دی گئی منطق اور ان کی جانب سے معزز عدالت کے سامنے اختیار کردہ موقف کے مطابق مریم نواز یا حسین نواز کے لیے پر بھی لازم نہیں کہ وہ ان کمپنیوں کو اپنے اثاثوں میں ظاہر کریں۔پی ٹی آئی کے سربراہ کی جانب سے اختیار کیا جانے والایہ سپریم کورٹ میں شریف خاندان کے خلاف ان کے کیس کو تباہ کر سکتا ہے۔
ایمز ٹی وی (اسپورٹس)امریکہ سے تعلق رکھنے والی ٹینس اسٹار بہنیں وینس اور سرینا ولیمز میلبرن میں جاری سال کے پہلے گرینڈ سلیم ٹینس مقابلے آسٹریلین اوپن کے فائنل میں پہنچ گئی ہیں۔
سنیچر کو فائنل میں جب وینس اور سرینا ولیمز مدِمقابل آئیں گی تو یہ نواں موقع ہو گا کہ وہ کسی گرینڈ سلیم مقابلے کے فائنل میں آمنے سامنے ہوں گی۔
جمعرات کو کھیلے جانے والے سیمی فائنل مقابلوں میں جہاں 36 سالہ وینس نے امریکہ کی ہی کوکو وینڈےویگھ کو ایک کے مقابلے میں دو سیٹس سے شکست دی تو عالمی نمبر دو 35 سالہ سرینا نے کروئشیا کی مرجانا لوچچ بارونی کو باآسانی سٹریٹ سیٹس میں ہرایا۔
سرینا ولیمز فائنل میں جب اپنی بہن کا سامنا کریں گی تو وہ اپنے کریئر کا 23واں گرینڈ سلیم مقابلہ جیتنے کے لیے کوشاں ہوں گی.وہ سنیچر کو کھیلے جانے والے فائنل میں اپنے کریئر کا پہلا آسٹریلین اوپن ٹائٹل اور مجموعی طور پر آٹھواں گرینڈ سلیم مقابلہ جیتنے کے لیے کورٹ پر اتریں گی۔ وینس نے آخری مرتبہ سنہ 2008 میں لندن میں ومبلڈن ٹینس ٹورنامنٹ جیتا تھا۔
ادھر سرینا ولیمز فائنل میں جب اپنی بہن کا سامنا کریں گی تو وہ اپنے کریئر کا 23واں گرینڈ سلیم مقابلہ جیتنے کے لیے کوشاں ہوں گی اگر وہ کامیاب رہیں تو یہ ایک نیا عالمی ریکارڈ ہوگا۔
ایمز ٹی وی (صحت)اندرون سندھ دیہی علاقوں کے نومولود بچوں میں غذائی قلت کی صورتحال خراب تر ہورہی ہے ہر ماہ چار ہزار سے زائد غذائی قلت کا شکار ہو رہے ہیں۔ ذرائع محکمہ صحت کے مطابق اندرون سندھ دیہی علاقوں میں نولومود بچوں میں غذائی قلت کے صورتحال میں کوئی کمی نہ آسکی۔ پی پی ایچ آئی کے ذرائع کے مطابق صرف میرپورخاص ضلع کے مراکز صحت میں ہر ماہ چار ہزار سے زائد غذائی قلت کا شکار بچے لائے جارہے ہیں -
تاہم طبی ماہرین غربت کے علاوہ بھی اس کا ایک اور بڑا سبب بتاتے ہیں ۔ شعبہ اطفال سول اسپتال کے انچارج ، ڈاکٹر غلام رسول نے کہا ہے کہ ماؤں کا بچوں کو ڈبہ بند دودھ پلانے کے رحجان میں اضافہ بھی بڑا سبب ہے۔ مائیں بچوں کو اپنا دودھ پلائیں تو بچوں میںغذائی قلت کے مسائل پر قابو پایا جاسکتا ہے شعبہ اطفال کےانچارج کایہ بھی کہنا تھا کہ غذائی قلت کے باعث بچوں میں دیگر طبی پیچیدگیاں بھی پیدا ہوجاتی ہیں -
ایمزٹی وی(اسلام آباد)پاکستان نے 22 سو کلومیٹر فاصلے تک مار کرنے والےبلاسٹک میزائل ابابیل کا منگل کو کامیاب تجربہ کیا ہے اس ٹیسٹ فائر کے نتیجے میں پاکستان دنیا کا چھٹا ملک بن گیاہے جس کے پاس ملٹی پل انڈی پینڈنٹ ری انٹری وہیکلز (MULTIPLE INDEPENDENT REENTRY VEHICHLE) بنانے کی صلاحیت ہے۔
پاکستان سے پہلے دنیا کے تقریباً دو سو ممالک میں سے صرف پانچ ممالک چین ، امریکہ ، روس، برطانیہ، فرانس کے پاس یہ صلاحیت ہے انڈیا کے پاس یہ صلاحیت ہرگز نہیں ہے اس طرح (MIRV) بنانے کی ٹیکنالوجی میں پاکستان نے بھارت کو مات دے دی ہے۔ ابابیل بلاسٹک میزائیل کے کامیاب ٹیسٹ فائر کے بعد بھارت کے عوام نے شدید ردعمل کا اظہار کرتے ہوئے اپنی حکومت سے ان کھربوں روپے کا حساب مانگ لیا ہے جو انہوں نے اپنے میزائیل پروگرام پر صرف کئے ہیں۔
میڈیا ذرائع کے مطابق ایم آئی آر وی کی صلاحیت حاصل کئے جانے کا مطلب یہ ہے کہ بھارت کی میزائیل ڈیفنس شیلڈ میں ابابیل نے ایک بہت بڑا سوراخ کردیا ہے۔
ایمزٹی وی(گلگت بلتستان)وزیراعلیٰ گلگت بلتستان حافظ حفیظ الرحمان نے اپنی کابینہ کے ساتھ ہونے والی ایک پریس کانفرنس سے خطاب کرتے ہوئے کہا ہے کہ تحریک انصاف کے سربراہ کواب پگڑیاں اچھالنے کاسلسلہ فوری طورپر بندکرناہوگا ہربات کی ایک حدہوتی ہے اورعمران خان اوران کی ٹیم پوری حدیں پارکرچکی ہے عدالتوں کے باہرعدالتیں لگاکرعوام کواصل حقائق اورعدالت عدلیہ میں ہونے والی کارروائیوں کے برعکس گمراہ کیاجارہا ہے۔ یہ بات ثابت ہوچکی کہ عمران خان پاکستان کی ترقی اورخوشحالی کے دشمن ہیں۔ سی پیک منصوبے کوناکام بنانے اور چین کے صدر کے دورہ پاکستان کوملتوی کرانے کی بھرپورکوشش کی گئی مگر انہیں دیگرعزائم کی طرح اس معاملے میں بھی ناکامی کاسامنا کرناپڑا۔
مسلم لیگ(ن)کی حکومت میں پورے پاکستان سمیت گلگت بلتستان میں مثالی امن قائم ہوا۔میگاپراجیکٹس مکمل ہوئے ترقی اور فلاحی منصوبوں پرکام جاری ہے عوام کے مینڈیٹ سے آنے والی یہ حکومت اپنے اعلانات اورعوام سے کئے گئے وعدوں کومکمل کرکے اپنی مدت پوری ہونے پر عوام ہی کے سامنے پیش ہوگی اس سے قبل کی حکومتی سطح پر تبدیلی اوروزیراعظم بننے کاخواب دیکھنے والے خواب ہی دیکھتے رہ جائیں گے۔
وزیراعلیٰ گلگت بلتستان نے مزید کہا کہ مسلم لیگ(ن) کی حکومت کاظرف ہے ہمارے پارٹی کارکنوں کاضبط ہے کہ ایک طویل عرصے سے ایک شخص اور اس کے ساتھی ملک کے وزیراعظم اورملک کی حکومت پارٹی کے سربراہ اوراس کے خاندان بارے ہرزہ سرائی اور بے بنیادالزامات لگا کر کردارکسی کررہے ہیں اور کرنے جارہے ہیں کسی اعلیٰ فورم پر عدلیہ میں ان الزامات کوثابت کرنے سے قاصد ہونے کے باوجود اورکئی جھوٹ بے نقاب ہونے کے باوجود یہ سلسلہ نہیں رک رہا مگر میں واضح الفاظ میں بتاناچاہتاہوں کہ اب صبر اورضبط کاپیمانہ لبریز ہوچکا۔ گلگت بلتستان کے غیورعوام اوروزیراعظم پاکستان میاںمحمدنوازشریف کے چاہنے والے اب مزید یہ سلسلہ چلتا نہین دیکھ سکتے۔ عمران خان کواوران کے ساتھیوں کو اعلیٰ عدلیہ کے فیصلے کاانتظارکرناہوگا ۔
وزیراعلیٰ نے صحافیوں کو موجودہ دورحکومت میں گلگت بلتستان میں کی جانے والی اصلاحات اوربڑے منصوبوں خصوصاً سی پیک کے اوپر بھی تفصیلی آگاہ کیا۔انہوں نے اس متعلق ایک سوال کے جواب میں کہا کہ سی پیک منصوبے کے دشمن بہت ہیں ملک کے اندر بھی اور بیرون ملک بھی انہوں نے غذرمیں پیش آنے والے واقع کے بارے میں بتاتے ہوئے کہا کہ اس سارے کھیل میں جوگروپ ملوث ہے ان کی ملک دشمن سرگرمیاں پرانی اورسب پرآشکار ہیں افراد وہی ہیں ٹاسک تبدیل ہوتے رہتے ہیں یہ گروپ اب اس بڑے منصوبے کوناکام بنانے کی سازش کررہاتھا مگرہمارے قانون نافذ کرنے والے اداروں کی بروقت کارروائی نے ان کے منصوبوں کوخاک میں ملادیا اور ہماری حکومت اس عزم کااظہارکرتی ہے کہ ہم وفاق اورپاک فوج کے ساتھ مل کر سی پیک منصوبے کو کامیاب اورمحفوظ بنانے کے لئے تمام تروسائل بروئے کارلائیں گے اور دشمنوں کے مذموم عزائم خاک میں ملاتے رہیں گے۔
ایک سوال کے جواب میں وزیراعلیٰ نے کہا کہ ہم نے حکومت سنبھالنے کے بعد سزاوجزاکے نظا کو رائج کرنے اورقانون کی عملداری کویقینی بنانے کے لئے انتہائی سخت فیصلے کیے اس ضمن میں ہم پرسیاسی مذہبی اور دیگرذریعوں سے پریشربھی رہامگرہم نے استقامت کے ساتھ قانون او انصاف کابول بالاکیا۔ آج گلگت بلتستان میں نیب اور ایف آئی اے خودمختار اورمضبوط ادارے کے طورپرکام کررہا ہے کئی کرپٹ افسران جیلوں کی ہواکھارہے ہیں دیگرکئی اہم کرپشن کیسوں کی تفتیش جاری ہے جس سے معاشرے میں کرپشن جیسی لعنت سے چھٹکارہ پانے میں مزیدمددملے گی۔ وزیراعلیٰ نے پریس کانفرنس کے آخر میں زوردیتے ہوئے کہاتحریک انصاف کواب بس کردیناچاہیے عدالتی فیصلوں کاانتظاراورتصادم کی سیاست سے گریز کرنے میں ہی ان کی بہتری ہے