ایمزٹی وی(تعلیم/ کراچی)بے نظیر بھٹو شہیدیونیورسٹی لیاری نے امتحانات ملتوی کردیئے۔ جاری کردہ اعلامیہ کے مطابق بے نظیر بھٹو شہید یونیورسٹی لیاری کے تحت ہونے والا بی کام پارٹ ون (ریگولر و پرائیوٹ) کے 23دسمبر کو ہونے والے امتحانات ملتوی کردیا گیا ہے۔

جبکہ نئی تاریخ کااعلان بھی کردیا گیا ہے۔ملتوی ہونے والا پرچہ اب 23جنوری2017 کو مقررہ اوقات میں ہوگا جبکہ باقی پرچے اپنے معمول کے مطابق ہونگے، یونیورسٹی کی انتظامیہ نے امتحانات کے موقع پر طالبات کو پک اینڈ ڈراپ کے لئے ٹرانسپورٹ کی سہولت مہیا کی ہے جو 24 دسمبر سے دونوں شفٹوں میں صبح کے پرچوں کے لئے 8 بجے اور دوپہر کے پرچوں کے لئے 12بجے ملیر سٹی سے دستیاب ہوگی اور امتحان کے بعد طالبات کو واپس پہنچایا جائے گا۔

ریگولر طلبا وطالبات کے امتحانات پیر صبح 10:00تا دوپہر 1:00 بجے تک جبکہ پرائیوٹ طلبا و طالبات کے امتحانات دوپہر 2:30 بجے تا شام 5:30 بجے ہوںگے اور امتحانی مرکز بینظیر بھٹو شہید یونیورسٹی لیاری کا مین کیمس ہوگا

ایمز ٹی وی(مانیٹرنگ ڈیسک) پالتو جانوراپنے مالکان کےنفسیاتی علاج میں اہم کردار ادا کرسکتے ہیں۔برطانوی ماہرین کے مطابق ان کے ذریعے انسان کی نفسیاتی تھراپی قابل ستائش ثابت ہو سکتی ہے۔

مانچسٹر یونیورسٹی میں ہونےوالی تحقیق کے مطابق پالتو جانور اپنے مالک کے ساتھ معاشرتی تعاون قائم کرلیتے ہیں ۔ایک ساتھ رہنے سےانسان اور جانور میں ایسامحفوظ رشتہ اور تعلق قائم ہو جاتا ہے جواکثر انسانوں کے درمیان دیکھنے میں نہیں آتا۔ نفسیاتی مسائل میں گھرے افراد اپنے پالتو جانوروں کے ساتھ وقت گزارنے کو ترجیح دیتے ہیں۔

تحقیق کی سربراہ ہیلن بروکس کا کہنا ہے کہ اگرچہ پالتو جانوروں کے ذریعے انسان کی نفسیاتی تھراپی قابل ستائش ہے مگر انسان کی شدید ذہنی بیماری کے لیے جانوروں کا استعمال کیسے مفید ثابت ہو سکتا ہے، اس کے بارے میں مزید تحقیق کی ضرورت درپیش ہے۔

پالتو جانوروں کے فائدے بیان کرتے ہوئے وہ کہتی ہیں کہ جانور ہر وقت اپنے مالک کو مصروف رکھتا ہے، مسلسل اس کی توجہ بٹاتا ہے اور مخلص دوستوں کی طرح پریشانی،غم و غصے میں ساتھ دے کر اس کے ذہن میں خودکشی یا دیگر پریشان کن خیالات آنے سے روکتا ہے۔خاص کر یہ ان لوگوں کے لیے مددگار ہوتے ہیں جن کے انسانی رابطے محدود ہوں اور وہ اپنا زیادہ تر وقت گھر پر گزارتے ہیں۔

بروکس اور ان کے ساتھیوں نے طویل مدتی ذہنی صحت کے مسائل کی تشخیص کے لیے 54 لوگوں کےانٹرویو کیے اوران سےپالتو جانوروں کی اپنے مالک کی زندگی میں حیثیت کے بارے میں سوالات کیے ۔

سروے میں شریک ایک شخص کا کہنا ہے کہ میں اپنے پالتو کتے پر لوگوں سے زیادہ اعتماد کرتا ہوں۔میں اس کےساتھ ہلنا پسند کرتا ہوں،وہ میرا ہم راز ہے۔ایسا کرنے سے میں لوگوں کے بلاوجہ کے سوالوں کے جواب دینے سے بچ جاتا ہوں۔

تحقیق میں شریک ایک خاتون کا کہنا ہے، میری پالتو بلی کو معلوم ہے کہ کب اسے میری گود میں بیٹھنا چاہئے اور کب نہیں۔مجھے اسے کچھ بتانے کی ضرورت نہیں پڑتی۔اسے میری ہر چیز کا خیال رہتا ہے۔

تحقیق میں شریک ساٹھ فیصد ایسے لوگ تھے جو اپنے پالتو جانوروں کو سب سے زیادہ عزیز رکھتے ہیں۔بروکس کہتی ہیں تحقیق کے بعد ہم اس نتیجے پر نکلے کہ ہمیں نفسیاتی بیمار اور ذہنی طور پر پریشان لوگوں کے علاج کے لیے دوا سازی پر انحصار کرنےکےبجائےپالتو جانوروں جیسی غیر طبی سہولت کا فائدہ اٹھانا چاہئے

ایمزٹی وی(تعلیم کوئٹہ) قلعہ سیف اللہ کے نجی اسکول کے سالانہ امتحان کی تقریب ِ تقسیمِ انعامات کے مو قع پرپشتو ن حوامیپ کی رکن قو می اسمبلی عارفہ صدیقی نے کہا ہے کہ بد قسمتی سے ہمارے ہاں تعلیم کو شروع ہی سے اہمیت نہیں دی گئی جس کی وجہ ے عوام کی اکثریت تعلیم سے محروم ہو گئی ۔جن قوموں نے تعلیم کو اولیت دی ہے وہ آج تر قی کی معراج پر پہنچ چکی ہیں اور ساری دنیا پر حکمرانی کر رہی ہیں ۔

14ہزار سرکا ری اسکول میں 9 لا کھ جبکہ کم و بیش 3ہزار نجی اسکو لوں میں ساڑھے 7لا کھ بچے زیرِ تعلیم ہیں ۔
موجودہ حکو مت نے تعلیمی بجٹ کو 2فیصد کیا اور صوبے میں نئی یو نیورسٹیوں ،کالجز، اسکولوں کے قیا م اور این ٹی ایس پر قابل باصلاحیت اساتذہ کی تعیناتی کو عمل میں لا یا گیا اور تمام تعلیمی اداروں میں بنیا دی سہولیات کی فراہمی کو یقینی بنا یا گیا۔

ایمز ٹی وی(صحت) بلوچستان کی حکومت نے تمام پرائیویٹ اسپتالوں کو غیر ملکیوں، غیر قانونی تارکین وطن یا صوبے میں غیر قانونی طورپر رہنے والے پناہ گزینوں کو علاج معالجے کی سہولتیں فراہم کرنے سے روک دیا ہے۔

صوبائی حکام نے تمام غیر سرکاری اسپتالوں کو ہدایت کی ہے کہ وہ اپنے ادارے کا اندراج کرائیں اور اپنے ہاں کام کرنے والے ملکی اور غیر ملکی ملازمین کی تفصیلات فراہم کریں۔

صوبائی دارالحکومت کوئٹہ میں نجی اسپتالوں کی رجسٹر یشن سے متعلق صحت عامہ کے ڈپٹی ڈائر یکٹر بشارت اللہ نے بتایا کہ کو ئٹہ شہر کے تمام غیر اندراج شدہ نجی اسپتالوں کو دو ماہ کے اندر رجسٹریشن کرانے، اور مطلوبہ قواعد کو پورا کر نے کے بارے میں تحر یر ی طور پر آگاہ کیا گیا ہے۔

ان کا کہنا تھا کہ ہم اسپتالوں کو علاج کے حوالے سے پابند نہیں کر سکتے لیکن ہم نے ان سے کہا ہے وہ اپنے ملازمین کے بارے میں، اگر ان میں کوئی غیر ملکی ہے تو اس کی تفصیلات بھی فراہم کریں۔ اجس میں پاسپورٹ، شناختی کارڈ، ٹیلی فون نمبر اور شناخت سے متعلق دوسری دستاویزات شامل ہیں۔ وہ اس سلسلے میں تعاون کررہے ہیں۔

پاکستان کے اس جنوب مغر ب میں واقع تقر یباً ایک کروڑ کی آبادی کے اس صوبے میں زیادہ تر لو گ اپنا علاج معالجہ نجی اسپتالوں میں کرانے کو تر جیح دیتے ہیں۔ صوبے کے بڑے شہروں کے نجی اسپتالوں میں شام کے اوقات میں علاج کی غرض سے آنے والوں میں ایک بڑی تعداد افغان پناہ گزینوں کی بھی ہوتی ہے۔

سیکرٹری صحت حکومت بلوچستان انوار الحق بلوچ کا اس سلسلے میں کہنا تھا کہ نجی اسپتالوں میں ہر بیمار شخص کو مر یض کے طور پر دیکھا جاتا ہے، لیکن اگر کوئی جر ائم پیشہ ہو یا کو ئی غیر ملکی ہو یا کو ئی اور کسی ایجنسی سے تعلق رکھتا ہو، تو یقینا ً ہمارے قانون نافذ کرنے والے اداروں کو اس سلسلے میں اپنا کام کرنا پڑتا ہے۔ اس لیے پر ائیویٹ سیکٹر کے اسپتالوں کو یہ ہدایات بھی دی گئی ہیں کہ قانونی طور علاج کے لئے، کسی غیر قانونی چیز کی اجازت نہیں ہے۔

نجی اسپتالوں کے مالکان نے حکومت کی طرف سے اندراج کے فیصلے کا خیرمقدم کیا ہے اور کہا کہ کسی بھی نجی اسپتال میں پاکستان میں غیر قانونی طور پر داخل ہونے والوں کا علاج نہیں کیا جاتا۔

صوبائی دارالحکومت کوئٹہ میں اس وقت 55 نجی اسپتال ہیں جن میں سے 37 رجسٹرڈ ہیں۔ ان میں سے بھی 26 اسپتالوں کے لائسنس کی مدت ختم ہو چکی ہے جبکہ حکومت نے 18 اسپتالوں کے مالکان کو دو ماہ کے اندر اندراج کر انے کے لئے نو ٹسز جاری کر دیئے ہیں۔

تاہم کو ئٹہ کے علاوہ دیگر 31 اضلاع میں قائم نجی اسپتالوں کی تعداد اور اُن کے ملازمین کا محکمہ صحت کے حکام کے پاس کوئی ڈیٹا موجود نہیں ہے، البتہ ان اسپتالوں کے مالکان کو بھی تمام تفصیلات فراہم کر نے کے لئے کہا گیا ہے۔

ایمز ٹی وی (انٹرٹینمنٹ) ہولی وڈ ایکشن فلم ’سوسائیڈ اسکواڈ‘ 2016کی بہترین فلم قرار پائی گئی، جس میں سپرمین کی موت کے بعد نئی ٹاسک فورس خطرناک مجرموں کا خاتمہ کر دیتی ہے۔

سپر ہیرو کی کہانی ’کیپٹن امریکا سول وار‘ رواں سال کی دوسری بہترین فلم رہی ہے۔ فلم میں آئرن مین اور کیپٹن امریکا دنیا کو آفات سے بچاتے بچاتے اختلافات کے بعد آپس میں لڑنے لگتے ہیں۔ایکشن اور تھرل سے بھرپور فلم ’بیٹ مین ورسز سپر مین ڈان آف جسٹس‘ سال کی تیسری بڑی فلم ٹھہری ہے۔

فلم میں غیر معمولی طاقتوں کے مالک 2سپر ہیروز عوام کی حفاظت کے لیے بڑے بڑے خطرات سے ٹکرا جاتے ہیں۔ہولی وڈ فلم ’ڈیڈ پول‘ چوتھے نمبر پر رہی۔ فلم میں سپر ہیرو ویڈ ولسن انتقامی کارروائی کے لیے دشمن کی تلاش میں تباہی پھیلاتا ہے۔

ایمز ٹی وی (انٹرٹینمنٹ) (ممبئی)بالی وڈ کے مسٹر پرفیکٹ عامر خان کی نئی فلم 'دنگل' کل یلیز کی جارہی ہے مگر معروف فنکار اسے دیکھ کر تعریف کرنے پر مجبور ہوگئے ہیں۔

مہا ویر سنگھ پھوگٹ نامی پہلوان کی زندگی پر بنائی جانے والی اس فلم میں عامر خان مرکزی کردار ادا کررہے ہیں۔منگل کو عامر خان نے بولی وڈ اسٹارز اور مہا ویر سنگھ کے خاندان کے لیے اس فلم کی خصوصی اسکریننگ کا انتظام کیا۔سچن ٹنڈولکر، انیل کپور اور متعدد معروف شخصیات اس موقع پر موجود تھے۔

ان افراد کو اس فلم نے بہت زیادہ متاثر کیا اور انہوں نے ٹوئٹر پیغامات پر اس کی تعریفوں کے پل باندھتے ہوئے اسے بہترین قرار دیا۔اداکار توشار کپور کے مطابق ' الفاظ ختم ہوگئے، درحقیقت یہ بتانے کے لیے الفاظ ہی نہیں کہ یہ فلم توقعات سے کتنی زیادہ بہتر ہے'

ایمز ٹی وی(مانیٹرنگ ڈیسک) کیا آپ جانتے ہیں کہ جو موبائل فون، ٹیبلٹ اور آئی پیڈ آپ یا آپ کے بچےا ستعمال کررہے ہیں، ان سے نکلنے والی ریڈی ایشن آپ کو اور آپ کے بچوں کو کس قدر نقصان پہنچاسکتی ہے؟

ایک ریسرچ ورک میں موبائل فون کے زیادہ استعمال سے ہونے والے نقصانات کی وضاحت کی گئی ہے، مغربی محقیقن نے موبائل فون کے استعمال سے ہونے والے ممکنہ نقصانات پر روشنی ڈالی ہے۔

بتایا گیا ہے کہ کس طرح آئی پیڈز، ٹیبلٹس اور موبائل فونز کا زیادہ استعمال نقصان پہنچاسکتا ہے، موبائل فون سے نکلنے والی ریڈی ایشن انسان کے لیے کس قدر نقصان دہ ہوسکتی ہے ۔

اس میں تجرباتی طور پر ایک بالغ شخص کی چھ منٹ تک ٹیلی فونک گفتگو کے دوران اس کا ایم آر آئی ٹیسٹ کیا گیا اور اس خاکے میں موبائل فون سے لگا اس شخص کا کان، گال، چہرہ، آ نکھیں اور دماغ تک متاثرہوئے ہیں، سرخ اور پیلا حصہ

بتارہاہے کہ صرف چھ منٹ کی ایک کال کتنا نقصان پہنچا سکتی ہے۔

بچوں میں ممکنہ نقصان کی شرح اس سے کہیں زیاد ہ ہے، چھ منٹ کی ہی کال پر جب تین سالہ بچے کا تجزیہ کیا گیا تو دیکھا جاسکتا ہےکہ ریڈی ایشن کو ظاہر کرتے سرخ اور پیلے رنگ نے پورے چہرے کو لپیٹ میں لے لیا ہے، موبائل فون کے استعمال سے بچے کے دماغ کے ساتھ آنکھیں، چہرہ اور دیگر اعضا متاثر ہوسکتے ہیں ۔

صرف یہی نہیں جب موبائل فون آپ کی جیب میں ہوتا ہے جیسا کہ لوگ عموماً پینٹ کی جیب میں سامنے کی طرف رکھتے ہیں تو یہاں بھی موبائل فون ریڈی ایشنز آپ کوممکنہ نقصان پہنچا رہی ہوتی ہیں، اس لیے جیب میں بھی موبائل فونز رکھنا خطرے سے خالی نہیں جبکہ جسم کے ساتھ جوڑے رکھنا تو صحت کے لیے اور بھی خطرناک ہوسکتا ہے ۔

اسی تحقیق کے ریسرچرز نے موبائل فونز کے نقصانات سے بچے رہنے کی جو تجاویز دی ہیں ان کے مطابق اپنے موبائل فون کو جسم سے ہر ممکن حد تک دور رکھیں اور جب موبائل فون استعمال کررہے ہوں تو اپنے جسم سے جوڑ کر نہ رکھیں،اس کے لیے موبائل فون کا اسپیکر کھلا رکھیں یا پھر ہیڈ سیٹ استعمال کریں، جب استعمال میں نہ ہو تو اپنے فون کو ایئر و پلین موڈ میں رکھیں، کار، ٹرین اور لفٹ میں موبائل فون کے استعمال سے گریز کریں اور سوتے وقت خود کو موبائل فون سے دور رکھیں۔

ایمز ٹی وی (انٹرٹینمنٹ) آج 21 دسمبر اپنی 32ویں سالگرہ منانے والی ماہرہ خان نے اپنے کیریئر کا آغاز بطور وی جے کیا اور پھر ماڈلنگ اور اداکاری کے میدان میں قدم رکھا۔

منفرد انداز اور پر کشش شخصیت کے باعث ماہرہ نے دیکھتے ہی دیکھتے نہ صرف پاکستان بلکہ سرحد پار بھی لوگوں کو اپنا دیوانہ بنا لیا،جو اب بالی ووڈ کنگ شاہ رخ خان کے ساتھ اپنی پہلی بالی وڈ فلم’رئیس ‘سے ڈیبیوکرنے جا رہی ہیں۔

ماہرہ نے ہمسفر اور شہرِ ذات سے شہرت کی بلندیاں حاصل کیں، جس کے بعد بول اور بن روئے جیسی مشہور فلموں میں جلوہ گر ہوئیں اور اب بالی وڈ میں بھی دھوم مچانے کیلئے تیار ہیں۔ پاکستان سمیت بالی ووڈ میں بھی اپنی پر کشش شخصیت سے کامیابی کے جھنڈے گاڑنے والی ماہرہ خان کو برطانوی جریدے '’ایسٹرن آئی ‘نے ایشیا کی پرکشش ترین ٹاپ ٹین خواتین کی فہرست میں شامل کرلیا ہے۔

ایسٹرن آئی کی جانب سے ایشیا کی پرکشش ترین خواتین کے چناوکے لیے ایک سروے کرایا گیا،جس میں ووٹ ڈالنے کے لیے لوگوں نے بڑی تعداد نے حصہ لیا۔فہرست میں پہلے نمبرپردپیکا پڈوکون، دوسرے نمبرپرپریانکا چوپڑا، تیسرے نمبرپرٹی وی اداکارہ نیا شرما، چوتھے نمبرپرٹی وی اداکارہ دھرشتی شرما جبکہ 5 ویں نمبرپرادکارہ عالیہ بھٹ شامل ہیں۔چھٹے نمبرپرماڈل واداکارہ سنایا ایرانی، ساتویں نمبرپراداکارہ کترینہ کیف، آٹھویں نمبرپرسونم کپور، نویں نمبرپرپاکستانی اداکارہ ماہرہ خان جب کہ دسویں نمبرپرماڈل واداکارہ گوہرخان شامل ہیں۔

ایمز پاکستان میں بھارتی فلموں پر پابند ی ختم کرنے کے فیصلے کے بعدبالی ووڈ اسٹارز کافی خوش نظر آرہے ہیں۔بھارتی میڈیا رپورٹس کے مطابق اس فیصلے کو خوش آئند قرار دیتے ہوئے فلم اسٹار پریانکا چوپڑ ا کا کہنا تھا کہ وہ فن کا مظاہرہ دنیا بھر میں جاری رہنے پر یقین رکھتی ہیں۔

کاجول نے بھی پاکستانی سنیما مالکان کے اقدام پر خوشی کا اظہار کیا اور اس کو فلمی صنعت کیلئے ایک بہتر عندیے سے تعبیر کیا۔کاجول کا کہنا تھا کہ کسی بھی جگہ جہاں پر فلمی صنعت کی بنیاد رکھی جاتی ہے اور جہاں اس کو مثبت اشارے ملتے ہیں، وہ اس کی حمایت میں ہیں۔

انیل کپور نے بھی پاکستانی سنیما مالکان کے فیصلے پر خوشی کا اظہار کیا اور کہا کہ یہ اچھی خبر ہے۔واضح رہے پاکستان میں سنیما مالکان کی جانب سے بھارتی فلموں کی اسکریننگ پر سے پابندی کے خاتمے کا اعلان کیا گیا تھا۔

ایمز ٹی وی(مانیٹرنگ ڈیسک) ماہرین نے زمینی مقناطیسی میدان پر تحقیق کے دوران دریافت کیا ہے کہ روسی علاقے سائبیریا اور کینیڈا کے درمیان ایک بہت وسیع ذخیرہ مائع فولاد کا موجود ہے جسے مائع فولاد کا جیٹ اسٹریم کہا گیا ہے اور وہ ہر سال 40 سے 45 کلومیٹر کی رفتار سے سفر کررہا ہے۔

دلچسپ بات یہ ہے کہ اس ذخیرے کی رفتار زمینی بیرونی قلب (آؤٹر کور) کے مقابلے میں تین گنا زائد ہے لیکن ماہرین اس کی وجہ جاننے سے قاصر ہیں۔ ماہرین کا خیال ہے کہ یہ ایک قدیم مظہر ہے جو ایک ارب سال یا اس سے بھی پرانا ہوسکتا ہے۔
اس کے مطالعے سے زمین کے قدرتی مقناطیسی میدان کو جاننے اور سمجھنے میں بھی مدد مل سکتی ہے۔

برطانیہ میں یونیورسٹی آف لیڈز کے ماہرین کے مطابق یہ ایک حیرت انگیز دریافت ہے۔ یہ ایک مائع پھوار کی صورت میں حرکت کررہا ہے۔ ایک اور سائنسدان کے مطابق اس اہم انکشاف سے خود زمین کے اندرونی ماحول کو جاننے میں مدد ملے گی۔

فولادی مائع کے اس بڑے ذخیرے کو یورپی خلائی ایجنسی کے سیٹلائٹ اور دیگر اسٹیشنوں کی مدد سے دریافت کیا گیا ہے کیونکہ اس کی حرکت زمینی مقناطیسی میدان میں تبدیلی پیدا کررہی ہے۔