Reporter SS
کراچی: بین الاقوامی سطح پر سونے کی فی اونس قیمت میں 7 ڈالر اور مقامی صرافہ مارکیٹوں میں فی تولہ اور دس گرام قیمت میں بالترتیب 350 روپے اور 300 روپے کا اضافہ ہوا۔
ذرائع کے مطابق عالمی بلین مارکیٹ میں فی اونس سونے کی قیمت 7 ڈالرکے ضافے سے1477 ڈالر کی سطح پر پہنچ گئی، جب کہ بدھ کے روز مقامی صرافہ مارکیٹوں میں بھی فی تولہ اورفی دس گرام سونے کی قیمتوں میں بالترتیب 350 روپے اور 300 روپے کا اضافہ ہوگیا ہے۔
قیمتوں میں اضافے کے بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 85 ہزار 450 روپے اور دس گرام سونے کی قیمت اضافے کے ساتھ 73 ہزار 260 روپے ہوگئی، اس کے برعکس فی تولہ چاندی کی قیمت بغیر کسی تبدیلی کے 1000 پر مستحکم رہی اور فی دس گرام چاندی کی قیمت بغیر کسی تبدیلی کے 857 روپے 34 پیسے پر مستحکم رہی ہے
مانیٹرنگ ڈیسک: فیس بک کی جانب سے بہت جلد صارفین کو ڈیٹا کے حوالے سے زیادہ کنٹرول دیا جارہا ہے اور اس سلسلے میں ایک کارآمد ٹول متعارف کرایا جارہا ہے۔
اس ٹول کی بدولت صارفین اپنے ڈیٹا یا میڈیا فائلز کو دیگر سروسز میں منتقل کرسکیں گے۔
اس فیچر کی بدولت صارفین اپنی فیس بک پر موجود تصاویر اور ویڈیوز کسی اور آن لائن سروس جیسے گوگل فوٹوز پر منتقل کرسکیں گے۔
میڈپارپورٹس کے مطابق درحقیقت کمپنی نے فی الحال گوگل فوٹوز سے ہی آغاز کیا ہے اور یہ گوگل، مائیکرو سافٹ، ٹوئٹر اور فیس بک کے درمیان طے پانے والے ڈیٹا ٹرانسفر پروجیکٹ کا حصہ ہے، جس کا مقصد ان سروسز کے درمیان اطلاعات کی منتقلی کو آسان تر بنانا ہے۔
مانیٹرنگ ڈیسک : پلے سٹیشن کے اوریجنل جاپانی کنسول کو 3 دسمبر 1994 کو پیش کیا گیا تھا۔ پلے سٹیشن کنسول کی 25 ویں سالگرہ پر گینیز ورلڈ ریکارڈ نے اسے سب سے زیادہ فروخت ہونے والے کنسول کے عالمی ریکارڈ سے نوازا ہے۔
پلے سٹیشن اب تک کا کامیاب ترین کنسول ہے .25 سال پہلے اس کی لانچنگ کے دن ہی اس کے 1 لاکھ یونٹ فروخت ہو گئے تھے۔
پلے سٹیشن کنسولز کو نائیٹنڈو 64 اور سیگا سیٹرن نے کافی سخت مقابلہ دیا تھا لیکن پلے سٹیشن 1 کی فروخت ہی ان دونوں کنسولز کی مجموعی فروخت سے زیادہ ہے۔
کراچی : 1971 کے پاک بھارت معرکہ کے ہیرو میجر محمد اکرم شہید کا 48واں یوم شہادت آج منایا جارہا ہے، انہیں جرات و بہادری کی اعلیٰ مثال قائم کرنے پر نشان حیدر عطا کیا گیا۔
تفصیلات کے مطابق پاک بھارت معرکہ کے ہیرو شہید میجر محمد اکرم 4 اپریل 1938ء کو ڈنگہ ضلع گجرات میں پیدا ہوئے تھے، ابتداء میں وہ نان کمیشنڈ عہدے کے لئے منتخب ہوئے مگر پھر ملٹری اکیڈمی کاکول سے تربیت حاصل کرنے اور خصوصی امتحانات پاس کرنے کے بعد 1963ء میں بحیثیت سیکنڈ لیفٹیننٹ پاکستان آرمی کی فرنٹیئر فورس رجمنٹ سے وابستہ ہوئے۔
سن 1965ء میں انہیں کیپٹن کے عہدے پر ترقی دی گئی اور 1965ء کی پاک بھارت جنگ میں ظفر وال سیکٹر میں خدمات انجام دیں جبکہ 1970ء میں میجر کے عہدے پر تقرر کیا گیا۔
سن 1971ء کی جنگ میں مشرقی پاکستان کے علاقے ہلی کے محاذ پر میجر محمد اکرم نے اپنی فرنٹیئر فورس کی کمانڈ میں مسلسل پانچ دن اور پانچ راتیں اپنے سے کئی گنا زیادہ بھارتی فوج کی پیش قدمی روک کر دشمن کے اوسان خطا کر دیئے۔
میجر محمد اکرم نے دشمن کے خلاف بہادری سے لڑتے ہوئے 5دسمبر 1971کو جام شہادت نوش کیا۔
میجر محمد اکرم شہید کا شمار پاک فوج کے ان ہی جانباز افسروں میں ہوتا ہے، جنہوں نے مادر وطن کے دفاع کیلئے اپنی جان قربان کردی، 1971ءکی جنگ میں ان کی لازوال بہادری و شجاعت پر دشمن بھی داد دیے بغیر نہیں رہ سکا۔
میجر اکرم کو ” ہیرو آف ہلی “ کے نام سے شہرت ملی اور جرات و بہادری کی اعلیٰ مثال قائم کرنے پر شہید کو اعلیٰ ترین فوجی اعزاز نشان حیدر سے نوازا گیا۔
مانیٹرنگ ڈیسک : دنیا میں اب تک کوئی ایسی کار متعارف نہیں کرائی گئی ہے جو کہ زمین پر چلنے کے ساتھ ہوا میں بھی اُڑنے کی صلاحیت رکھتی ہو۔
امریکی ریاست فلوریڈا میں حال ہی میں دنیا کی پہلی زمین پر چلنے کے ساتھ ہوا میں اُڑنے والی کار نمائش کے لیے پیش کی گئی ہے۔اس کار کا نام ’پائنیر پرسنل ائیر لینڈنگ وہیکل‘ رکھا گیا ہے ، جدید ٹیکنالوجی کی طرز پر بنائی جانے والی یہ کار ریٹریکٹ ایبل ہیڈ اور ریئر پروپیلرز سے لیس ہے جو آسمان پر 12 ہزار 500 فٹ کی بلندی پر اُڑان بھر سکتی ہے۔اس کار میں آٹو موبائل میں استعمال کیا جانے والا فیول ہی استعمال ہوگا اوریہ کار ہوا میں 200 میل فی گھنٹہ کی رفتار اور زمین پر 100 میل فی گھنٹہ کی رفتار سے دوڑنے کی صلاحیت رکھتی ہے۔اس کار کار کے تہہ ہونے والے دونوں پروں پر الیکٹرک موٹر لگائی گئی ہیں جو اسے اڑنے میں مدد دیتی ہے۔
ڈچ کمپنی کی جانب سے بنائے جانے والی اس گاڑی کی قیمت 5 لاکھ 99 ہزار ڈالرز ہے جسے 2021 میں فروخت کے لیے پیش کرنے کی توقع کی جا رہی ہے۔ اس گاڑی میں 2 افراد کے بیٹھے کی گنجائش ہے اور یہ 3 پہیے والی گاڑی سے گائروکاپٹر میں صرف 10 منٹ میں تبدیل ہو جاتی ہے۔
واضح رہے کہ اس سے قبل بھی گاڑیاں بنانے والی سویڈن کی نامور کمپنی 'وولو' کی ذیلی کمپنی 'گیلے' نے زمین پر چلنے اور فضا میں اڑنے والی گاڑی 2019 تک مارکیٹ میں پیش کرنے کا اعلان کیا تھا۔
کراچی: محکمہ تعلیم سندھ نے پڑھے لکھے نوجوانوں کیلئے خوشخبری سنادی
محکمہ تعلیم نے سینتیس ہزار نئی بھرتیوں کا اعلان کردیا ہے۔ محکمہ تعلیم ہر سال نئے اساتذہ بھرتی کریگا
سیکرٹری تعلیم احسن علی منگی کاتفصیلات بتاتے ہوئے کہناتھا کہ ہر سال چار ہزار سے زائد اساتذہ ریٹائر ہورہے ہیں ،
جنوری سے اپریل کے درمیان سالانہ نئی بھرتیوں کا عمل مکمل کرلیں گےاگلے پانچ ماہ کے دوران نہ صرف خالی آسامیوں کو پر کرلیں گیں بلکہ جو اساتذہ ریٹائر ہونگے انکی جگہ بھی نئے اساتذہ بھرتی کئے جائیں گیں۔