کراچی:  کراچی میں کرکٹرز کے گرد سخت حفاظتی حصار قائم ہے، کسی بھی غیرمتعلقہ شخص کو قریب جانے کی اجازت نہیں۔

سری لنکن کرکٹ ٹیم 10برس بعد پاکستان آئی ہے، ماضی کے ناخوشگوار واقعے کو ذہن میں رکھتے ہوئے حکام انتظامات میں کوئی کسر چھوڑنے کو تیار نہیں،کراچی میں پاکستان اور سری لنکن ٹیموں کے گرد سخت سیکیورٹی حصار قائم ہے۔

میزبان کرکٹرز کو بھی اکیلے کہیں باہر جانے کی اجازت نہیں،3،4 کے گروپ میں ڈنر وغیرہ کیلیے جانے کی ہدایت دی گئی ہے، پہلے سے اہلکاروں کو بتانا ضروری ہے تاکہ روٹ کلیئر کرایا جا سکے، گذشتہ روز چند کرکٹرز اسی  طریقہ کار پر عمل کرتے ہوئے ہوٹل سے باہر گئے، بارش کے سبب پاکستانی ٹیم بھی 2روز سے ہوٹل میں ہی مقیم ہے۔

پاکستانی کرکٹرزکی گذشتہ روز سری لنکن پلیئرز سے بھی ملاقات ہوئی اور ایک دوسرے کا حال احوال پوچھا،2دن سے ہوٹل تک محدود سری لنکن کرکٹرز شدت سے اسٹیڈیم جا کر پریکٹس کرنے کے منتظر ہیں، البتہ اس کے لیے انھیں بہتر موسم کا انتظار کرنا پڑے گا۔

یاد رہے کہ سیریز کا پہلا ون ڈے انٹرنیشنل جمعے کو کھیلا جائے گا، دیگر 2میچز اتوار اور بدھ کو نیشنل اسٹیڈیم میں ہی شیڈول ہیں۔

 گوالیار:بھارتی ریاست مدھیہ پردیش میں انڈین ائرفورس کا مگ 21 لڑاکا طیارہ گر کر تباہ ہو گیا۔

بھارتی میڈیا کے مطابق گوالیار کے علاقے میں فضائیہ کا مگ 21 جنگی طیارہ گر کر تباہ ہوگیا۔ طیارے میں دو پائلٹ سوار تھے تاہم حادثے سے قبل وہ کاک پٹ سے نکلنے میں کامیاب ہوگئے اور محفوظ رہے۔

بھارتی حکام کے مطابق طیارہ معمول کی پرواز پر تھا کہ اس دوران اسے حادثہ پیش آگیا۔ واقعے کی وجوہات جاننے کے لیے تحقیقات شروع کردی گئی ہیں بھارتی فضائیہ کے رواں سال اب تک مختلف واقعات میں 12 طیارے گر کر تباہ ہوچکے ہیں۔

کراچی: قومی کرکٹ ٹیم کے لیگ اسپنر شاداب خان نے کہا ہے کہ سری لنکا کیخلاف سیریز کے دوران حاصل ہونے والی اپنی ساری میچ فیس زلزلہ متاثرین کو دوں گا۔

سماجی رابطوں کی ویب سائٹ پر اپنے پیغام میں انہوں نے کہا کہ ہمیں مشکل وقت میں اپنے بہن بھائیوں کی مدد کرنا چاہیے۔

لاہور: سری لنکن کرکٹرز سیکیورٹی خدشات کو ملک میں جھٹک کر پاکستان روانہ ہوئے۔

سری لنکن ٹیم پاکستان میں ون ڈے اور ٹی ٹوئنٹی میچز کی سیریز کھیلنے کے لیے کراچی پہنچ چکی ہے۔ مہمان کرکٹرز کی کولمبو سے روانگی کے موقع پر کپتانوں نے میڈیا سے گفتگوکی،ٹی ٹوئنٹی ٹیم کی قیادت کرنے والے ڈاسن شناکا نے کہاکہ میں اکتوبر2017میں ایک میچ کے لیے لاہور جا چکا ہوں،حالیہ ٹور کے لیے کیے جانے والے انتظامات سے مطمئن اور اپنی ٹیم کی قیادت کا موقع ملنے پر خوش ہوں۔

انھوں نے کہا کہ ٹور کے لیے بہترین کھلاڑیوں کا انتخاب کی ا گیااور امید ہے کہ میدان میں اچھی کرکٹ کھیلتے ہوئے میزبانوں کا ڈٹ کر مقابلہ کریں گے۔

یاد رہے کہ ٹور کا فیصلہ ہونے کے بعد انجیلو میتھیوز اور لسیتھ مالنگا سمیت 10کرکٹرز نے پاکستان آنے سے انکار کردیا تھا، جس کے بعد سلیکٹرز نے دستیاب کھلاڑیوں پر مشتمل اسکواڈ تشکیل دیا جو اب کراچی پہنچ چکا ہ

 اسلام آباد:فیول ایڈجسٹمنٹ کے باعث ملک میں بجلی مہنگی ہونے کا امکان ہے۔

سی پی پی اے نے بجلی کے نرخوں میں ایک روپے 86 پیسے فی یونٹ اضافے کی سفارش کی ہے۔ اگست کی فیول ایڈجسٹمنٹ کی مد میں ایک ماہ کے لئے یہ اضافہ کیا جائے گا۔

سینٹرل پاورپرچیزنگ ایجنسی (سی پی پی اے) نے نیپرا میں درخواست جمع کرادی ہے اور بجلی کے نرخوں میں اضافے سے متعلق فیصلہ 2 اکتوبر کو کیا جائے گا۔