Reporter SS
لاہور: سری لنکن کرکٹرز سیکیورٹی خدشات کو ملک میں جھٹک کر پاکستان روانہ ہوئے۔
سری لنکن ٹیم پاکستان میں ون ڈے اور ٹی ٹوئنٹی میچز کی سیریز کھیلنے کے لیے کراچی پہنچ چکی ہے۔ مہمان کرکٹرز کی کولمبو سے روانگی کے موقع پر کپتانوں نے میڈیا سے گفتگوکی،ٹی ٹوئنٹی ٹیم کی قیادت کرنے والے ڈاسن شناکا نے کہاکہ میں اکتوبر2017میں ایک میچ کے لیے لاہور جا چکا ہوں،حالیہ ٹور کے لیے کیے جانے والے انتظامات سے مطمئن اور اپنی ٹیم کی قیادت کا موقع ملنے پر خوش ہوں۔
انھوں نے کہا کہ ٹور کے لیے بہترین کھلاڑیوں کا انتخاب کی ا گیااور امید ہے کہ میدان میں اچھی کرکٹ کھیلتے ہوئے میزبانوں کا ڈٹ کر مقابلہ کریں گے۔
یاد رہے کہ ٹور کا فیصلہ ہونے کے بعد انجیلو میتھیوز اور لسیتھ مالنگا سمیت 10کرکٹرز نے پاکستان آنے سے انکار کردیا تھا، جس کے بعد سلیکٹرز نے دستیاب کھلاڑیوں پر مشتمل اسکواڈ تشکیل دیا جو اب کراچی پہنچ چکا ہ
اسلام آباد:فیول ایڈجسٹمنٹ کے باعث ملک میں بجلی مہنگی ہونے کا امکان ہے۔
سی پی پی اے نے بجلی کے نرخوں میں ایک روپے 86 پیسے فی یونٹ اضافے کی سفارش کی ہے۔ اگست کی فیول ایڈجسٹمنٹ کی مد میں ایک ماہ کے لئے یہ اضافہ کیا جائے گا۔
سینٹرل پاورپرچیزنگ ایجنسی (سی پی پی اے) نے نیپرا میں درخواست جمع کرادی ہے اور بجلی کے نرخوں میں اضافے سے متعلق فیصلہ 2 اکتوبر کو کیا جائے گا۔
مظفر آباد:آزاد کشمیر میں زلزلے کے آفٹر شاکس جاری ہیں جبکہ جاں بحق افراد کی تعداد 31 ہوگئی اور 452 افراد زخمی ہیں۔
آزاد کشمیر میں زلزلے کے مزید جھٹکے محسوس ہوئے ہیں جس کے بعد لوگ کلمہ طیبہ کا ورد کرتے ہوئے گھروں سے نکل آئے۔ خوف کے باعث مردوں نے سڑکوں کے کنارے گرین بیلٹ پر ساری رات جاگ کر گزاری جبکہ خواتین اور بچوں نے مقامی پارکوں میں پناہ لی۔
ضلعی انتظامیہ میرپورکے مطابق آزاد کشمیرمیں زلزلہ سے جاں بحق افراد کی تعداد 31 ہوگئی اور452 افراد زخمی ہوئے۔ جاتلاں کا روڈ انفراسٹرکچرمکمل طورپرتباہ جب کہ منگلا جانے والی مرکزی شاہراہ اورمتعدد پل زمین بوس ہوگئے ہیں۔
زیرزمین پانی بھی گدلا اورناقابل استعمال ہوگیا ہے، بجلی کی عدم دستیابی کے باعث کچھ علاقوں میں لگائے گئے واٹر پلانٹس بھی نہیں چل سکے، کھانے پینے سے محروم لوگوں نے آفٹر شاکس کے خوف سے رات جاگ کر گزاری، لوگوں کے گھروں کی بیرونی دیواریں گرنے سے پل منڈا، سانگ، سنوال شریف سمیت ملحقہ علاقوں میں چوری کی وارداتیں بھی ہوئیں۔
پاک فوج کے دستے متاثرہ علاقوں کے سروے کیلئے پہنچ گئے جب کہ پنجاب حکومت کی ہدایت پرریسکیو ٹیمیں بھی میرپورپہنچ گئیں ۔ ریسکیو 1122 کی 5 امدادی گاڑیاں اورجان بچانے والا دیگر سامان بھی ہمراہ ہے۔
چیئرمین این ڈی ایم اے لیفٹیننٹ جنرل افضل نے زلزلہ متاثرہ علاقے کا دورہ کیا۔ این ڈی ایم اے کے ترجمان کے مطابق 160 زخمیوں کی حالت نازک ہے، ڈی ایچ کیومیرپوراورافضل پورمیں گیارہ گیارہ لاشیں لائی گئیں، اسلام گڑھ اور منگلا میں ایک ایک شخص زلزلے سے جاں بحق ہوا۔
واضح رہے کہ گزشتہ روز شام 4 بجے آزاد کشمیر، اسلام آباد سمیت پنجاب اورخیبرپختونخوا کے کئی شہروں میں زلزلے کے شدید جھٹکے محسوس کیے گئے تھے۔
کراچی میں کوریئر کمپنی کی مختلف برانچز پر شائقین ون ڈے میچز کے خریدنے کی کوشش کرتے رہے، زیادہ تر کی دلچسپی 500 روپے والا ٹکٹ خریدنے میں تھی لیکن ان کو مایوسی کا سامنا کرنا پڑا۔
دوسری جانب لاہور میں بھی ٹی ٹوئنٹی میچ کے 500 روپے والے ٹکٹ ناپید ہو چکے ہیں، دیگر انکلوژرز میں میچ دیکھنے کے خواہشمند شائقین کی دلچسپی میں بتدریج اضافہ ہوتا جا رہا ہے۔