ایمز ٹی وی (تعلیم) جامعہ کراچی کے موجودہ وائس چانسلرڈاکٹر اجمل خان کو اپنے عہدے کا چارج سنبھالے 6 ماہ ہوچکے ہیں ، چھ ماہ مکمل ہونے پر ان کے مقرر کردہ دوسرے قائم مقام مسجل(رجسٹرار) نے ایک مراسلہ جاری کیا ہے جس میں سابق وائس چانسلر کے دور کو خراب اور موجودہ6ماہ کو تسلی بخش قرار دیا ہے قائم مقام مسجل ڈاکٹر منور رشید کی جانب سے لکھے گئے مراسلے میں کہا گیا ہے کہ جامعہ کراچی کی موجودہ انتظامیہ جامعہ کراچی کو ملک کی بہترین جامعات کی صف میں شامل کرنا چاہتی ہے اور گزشتہ 6ماہ کے دوران آپ کی مشترکہ کوششوں کے باعث ہائر ایجوکیشن کمیشن کے معیار کے مطابق جامعہ کراچی کی کارکردگی خراب سے تسلی بخش ہوگئی ہے۔
قائم مقام رجسٹرار کی جانب سے ڈینز مختلف شعبوں کے سربراہوں اور دیگر ذمہ داراان کو لکھے گئے مراسلے میں کہا گیا ہے کہ ہم اپنی کامیابیوں کا جائزہ لینا چاہیں گے تاکہ ’’بہترین کارکردگی‘‘ کا ہمارا مقصد کم سے کم مدت میں مکمل ہو سکے۔ لہٰذا فروری سے جولائی تک کی کارکردگی اور کامیابیوں کی رپورٹ 10اگست تک مسجل کے دفتر تک پہنچا دی جائے
ایمز ٹی وی(کراچی)وزیر اطلاعات سندھ ناصر حسین شاہ نے کہا ہے کہ عمران خان دوسروں کی باری چھوڑیں ان کی باری جلد آنے والی ہے۔ انہوں نے کہا کہ عمران خان جلد اخلاقی اور سیاسی نا اہل ہوں گے۔ وزیراطلاعات سندھ ناصر حسین شاہ کا عمران خان کی تقریر پر ردعمل دیتے ہوئے کہنا تھا کہ عمران خان جمہور اور جمہوریت دونوں کی سمجھ نہیں رکھتے اور اخلاقی پستی کی گہرائی میں گرے ہوئے عمران خان کو لوگ مسترد کرچکے ہیں۔ ناصر حسین شاہ کا کہنا تھا کہ آصف زرداری تمام عدالتوں سے سرخرو ہو کر آج بھی عوام کے دلوں میں رہتے ہیں اور عمران خان کی حیثیت ایک ٹشو پیپر سے زیادہ نہیں ہے۔ انہوں نے کہا کہ عمران خان 62، 63 کی کسی شق پر پورا نہیں اترتے۔
وزیراطلاعات سندھ کا کہنا تھا کہ پیپلز پارٹی آئندہ پورے ملک میں حکومت بنائے گی
ایمزٹی وی (اسپورٹس)افغانستان نے پی سی بی کی جانب سے معافی کا مطالبہ مسترد کردیا، اے سی بی کے چیف عاطف مشال کہتے ہیں کہ ہمارا ہر بورڈ کے ساتھ رشتہ باہمی احترام اور قومی مفاد پر مشتمل ہے، ہم معافی کی کوئی ضرورت ہی محسوس نہیں کرتے۔ دو ماہ قبل کابل میں ہونے والے بم دھماکے کے بعد افغانستان کرکٹ بورڈ نے ٹویٹر پر بھارتی زبان بولتے ہوئے پاکستان پر ہی دھماکے کاالزام عائد کرتے ہوئے باہمی سیریز کھیلنے سے انکار کردیا تھا۔
ایمز ٹی وی(تعلیم) کراچی یونیورسٹی ٹیچرز فورم نے کہا ہے کہ اگر جامعہ کراچی کے اساتذہ کوبروقت تنخواہیں ادا نہ کی گئیں تو شدید ردعمل دیا جائے گا کیونکہ فنڈز لانے کی ذمہ داری اساتذہ کی نہیں انتظامیہ کی ہوتی ہے لہٰذا خراب مالی حالت کا ملبہ ہرگز اساتذہ پر نہ ڈالا جائے۔
جامعہ کے اساتذہ کو بھیجے گئے مراسلے میں ٹیچرز فورم نے کہا ہے کہ تنخواہ کے پیسے نہیں، لیو انکیشمنٹ نہ ملنے کا کہا جاتا ہے اور شعبہ امتحانات کے بل سالوں سے نہیں مل رہے جبکہ شام کے پروگرام کی رقم کی ادائیگیوں میں بھی تاخیر ہورہی ہے اور صورتحال یہ ہے کہ چیک بائونس ہونا شروع ہوگئے ہیں جبکہ مکمل میڈیکل بھی نہیں ملتا۔
اشتہار اور سلیکشن بورڈ نہیں ہو رہے اس صورتحال کی وجہ سے جامعہ کراچی کے اساتذہ کا مستقبل غیریقینی ہوگیا ہے۔ مراسلے میں کہا گیا ہے کہ اساتذہ کی تنخواہیں اور مراعات ججز اور بیورو کریسی سے کم نہیں ہونی چاہئے۔
ایمزٹی وی(اسپورٹس)اوول ٹیسٹ کے دوران اسٹیڈیم میں چند شائقین کی جانب سے بالکونی میں ایک تصویر آویزاں کی گئی جس میں مصوری کے شاہکار ’مونالیزا‘ کے انداز میں معین علی کا پورٹریٹ تھا جس کے اوپر ’معینہ لیزا‘ لکھا ہوا تھا۔ اوول ٹیسٹ کے دوران اسٹیڈیم میں چند شائقین کی جانب سے بالکونی میں ایک تصویر آویزاں کی گئی جس میں مصوری کے شاہکار ’مونالیزا‘ کے انداز میں معین علی کا پورٹریٹ تھا جس کے اوپر ’معینہ لیزا‘ لکھا ہوا تھا۔ بہت سے شائقین نے اس تصویر کا مزاحیہ پہلو دیکھا جبکہ انگلینڈ اینڈ ویلز کرکٹ بورڈ نے اس تصویر کو اپنے ٹویٹر اکاؤنٹ سے شیئر بھی کیا تاہم سوشل میڈیا پر شائقین کی اکثریت کو یہ تصویر کافی گراں گزری، ایک نے لکھاکہ آپ معین کو اس انداز میں پیش نہیں کرسکتے، یہ ایک بے وقوفانہ چیز ہے
کچھ نے اسے انگلینڈ کے کرکٹرز اور قومی ہیروز کی توہین قرار دیا، ایک شخص نے لکھا کہ مجھے یہ تصویر انتہائی توہین آمیز دکھائی دے رہی ہے، مجھے تو حیرت اس بات پر ہورہی ہے کہ انگلش بورڈ نے خود یہ تصویر پوسٹ کی ہے، مجھے امید ہے کہ معین علی اس بارے میں باقاعدہ شکایت کریں گے۔ تاہم خود اسپننگ آل راؤنڈر کو بھی اپنے اس پورٹریٹ میں مزاحیہ پہلو ہی دکھائی دیا، اس لیے انھوں نے اپنے بورڈ کی اس پوسٹ کو ہی ری ٹویٹ کرکے اپنے چاہنے والوں تک بھی پہنچادیا۔
