ایمز ٹی وی (انٹرٹینمنٹ) بالی ووڈ فلم'نام شبانہ'سے دہشت گردی کے حوالے سے مواد نہ ہٹانے کے باعث پاکستان سینسر بورڈ نے پاکستان میں اس فلم کی نمائش پر پابندی عائد کردی ہے۔ گزشتہ ہفتے 'نام شبانہ'کو پاکستان سینسر بورڈ کی طرف سے ریلیز ہونے کرنے کی اجازت مل گئی تھی لیکن دہشت گردی سے متعلق مواد نہ ہٹانے پر اس پر دوبارہ پابندی عائد کردی گئی ہے۔ تفصیلات کے مطابق مقامی ڈسٹریبیو ٹرز ایڈیٹنگ کے بعد فلم کو ریلیز کرنے کے لئے تیار بیٹھے ہیں ۔ فلم میں تاپسی پنوں، اکشے کمار، انو پم کھیر اور منوج واجپائی مرکزی کرداروں میں نظر آئیں گے جبکہ فلم 31مارچ کو پاکستان میں ریلیز ہونی تھی۔ تاپسی پنوں فلم میں شبانہ کا کردار نبھا رہی ہیں جو ایک غصہ اور منتقم مزاج کی لڑکی ہے اور اپنے ملک کی انٹیلی جنس ایجنسیوں سے خائف نظر آتی ہے۔ یاد رہے کہ چند ماہ قبل پاکستان اور انڈیا کے درمیان حالات کشیدہ ہونے کے باعث پاکستان میں انڈین فلموں پر پابندی عائد کردی گئی تھی جسے بعد میں اٹھا لیا گیا تھا۔

ایمز ٹی وی (انٹرٹینمنٹ) بالی ووڈ اداکار مسٹرپرفیکشنسٹ عامر خان نے اپنی آنے والی فلم 'سیکریٹ سپر اسٹار' کی ریلیز تاریخ کا اعلان کر دیا ہے۔ بھارتی میڈیا کے مطابق بالی ووڈ اداکارعامر خان کی فلم مسلسل تاخیر کا شکار ہورہی تھی تاہم فلم کے ہدایتکا ر ادویت چندن نے بل آخر فلم کی ریلیز کی تاریخ کا اعلان کر کے مداحوں کو خوش کردیا۔ یاد رہے کہ فلم رواں سال دیوالی پر سینمہ گھروں کی زینت بنے گی جبکہ فلم کی کہانی ایک ایسی لڑکی پر مبنی ہے جو گلوکارہ بننا چاہتی ہے۔

ایمزٹی وی(تجارت) پاکستان ریلوے نے شالیمار ایکسپریس کا انتظام 2 سال کے لئے نجی کمپنی کے سپرد کر دیا ہے۔ ذرائع کے مطابق شالیمار ایکسپریس کا انتظام نجی کمپنی کے حوالے کرنے کے بعد ٹرین کراچی سے پہلے سفر کے لئے روانہ ہو گئی ہے، ڈی ایس ریلوے نثار میمن نے شالیمار ایکسپریس کا افتتاح کیا۔ پاکستان ریلوے کی جانب سے شالیمار ایکسپریس کو پرائیویٹ پبلک پارٹنر شپ کے تحت نجی کمپنی کو دیا گیا ہے۔ ٹرین کا انتظام سیف اینڈ کمپنی اور ایس جمیل اینڈ کمپنی کے سپرد کیا گیا ہے۔ نئی انتظامیہ نئی کوچز کے ساتھ لوگوں کو بہتر سفری سہولیات پیش کرے گی، عوام کو ایڈوانس بکنگ کی سہولت 24 گھنٹے کینٹ، کراچی سٹی، لانڈھی اور ڈرگ روڈ سے حاصل کر سکیں گے، نئی ٹرین پارلر کار سپر ڈیلکس، اے سی اسٹینڈ، اور اکانومی کلاس پر مشتمل ہے۔ شالیمارایکسپریس نے مسافروں کے لیے وائی فائی، ایل ای ڈی، ساؤنڈ سسٹم اور نئی نشستوں سمیت جدید سہولتیں فراہم کی ہیں اور شالیمار ایکسپریس کراچی سے لاہور تک کا سفر 18 گھنٹوں میں مکمل کرے گی۔ ڈی ایس ریلوے نثار مین نے میڈیا سے بات چیت کرتے ہوئے بتایا کہ شالیمار ایکسپریس 17 کوچز پر مشتمل ہے جس میں ایک اے سی پارلر، 2 اے سی لوئر، 11 اکانومی کوچز، ایک پاور وین، ایک لگیج وین اور ایک بریک وین شامل ہے، انھوں نے بتایا کہ نجی کمپنی 1 ارب 80 کروڑ روپے سالانہ بمعہ 10 فیصد ود ہولڈنگ ایڈوانس جمع کرائے گی جو سابقہ بولی کی رقم سے 70 فیصد زائد ہے۔ نثار میمن نے بتایا کہ شالیمار ایکسپریس کی نئی انتظامیہ ہفتہ وار 3 کروڑ 80 لاکھ اور یومیہ 49 لاکھ 31 ہزار 849 روپے جمع کرائے گی، ڈی ایس ریلوے کا کہنا ہے کہ نئی انتظامیہ کے ساتھ کیا جانے والا معاہدے کا دورانیہ 2 سال ہو گا جو کہ باہمی رضا مندی اور اچھی کار کردگی کی بنا پر مزید ایک سال تک بڑھا جا سکتا ہے، اس سے قبل شالیمار ایکسپریس سالانہ 74 کروڑ روپے منافع دے رہی تھی اور سابقہ انتظامیہ کے ساتھ معاہدے کا دورانیہ مکمل ہونے کے بعد اسے حکومتی تحویل میں لے لیا گیا تھا۔

ایمزٹی وی(لاہور)امام کعبہ شیخ صالح بن ابراہیم آل طالب کا کہنا ہے کہ اسلام امن اور محبت کا دین ہے اور دہشت گردی و انتہا پسندی کا دین سے کوئی تعلق نہیں ہے۔ لاہور میں جماعت اسلامی کے مرکز منصورہ میں نماز فجر کی امامت کے بعد اپنے بیان میں امام کعبہ کا کہنا تھا کہ پوری دنیا کے مسلمان پاکستان کی طرف امید کی نگاہ سے دیکھتے ہیں، اللہ پاکستان کو ہر قسم کی برائیوں اور شر سے محفوظ رکھے اور امت مسلمہ کی حفاظت فرمائیں۔ امام کعبہ نے کہا کہ اسلام اعتدال اور محبت کا دین ہے، دہشت گردی اور انتہا پسندی کا اسلام سے کوئی تعلق نہیں ہے، اللہ اپنے مخلص بندوں کے ہاتھوں دین کی حفاظت کرواتا ہے جب کہ مسلمانوں کی بقا اتحاد میں ہی ہے اور اللہ کے گھر خانہ کعبہ کو خطرہ مسلم اتحاد کو خطرے کے مترادف ہو گا۔ اس موقع پر امیر جماعت اسلامی سراج الحق کا کہنا تھا کہ پاکستان کو مذہب اور مسلک کی تفریق کے بغیر قائم کیا گیا، پاکستان اور سعودی عرب یک جان دو قالب ہیں۔ انہوں نے کہا کہ عالم اسلام کے خلاف سازشیں کی جا رہی ہیں، سعودی عرب اسلام کا مرکز ہے اس لئے اس کا دفاع عالم اسلام کا دفاع ہے۔