ایمز ٹی وی(جدہ) دنیابھر کی طرح سعودی عرب کے موسم میں بھی تبدیلی آرہی ہے، جدہ ، مکہ مکرمہ،مدینہ منورہ ریجن اور کئی شہر غبار آلود موسم کی لپیٹ میں ہیں۔ سعودی عرب کے بیشتر علاقوں میں تیز بارش اور برف باری بھی ہوئی۔سعودی شہروں بیشہ،شقراء ،بریدہ قصیم،مکہ مکرمہ،جیزان اور حرمین شاہراہ پر حدنظر صفر رہا جس سے مختلف مقامی پروازیں بھی متاثر ہوئیں۔بیشتر مقامی اور غیر ملکی اپنے گھروں میں محصور ہو کے رہ گئے ہیں اور اسپتالوں میں ایمرجنسی جیسی صورتحال ہے کیونکہ کھانسی، حلق کی تکالیف اور سانس و دمہ کے مریض فوری طبی امداد کیلئے مختلف کلینک پہنچے ہیں۔دمام میں بارش ہونے سے موسم خوشگوار ہوگیا ہے، سعودی دارالحکومت ریاض میں بھی موسم ابر آلود اور تیز ہوائیں چلنے کی اطلاع ہے۔مدینہ منورہریجن،حائل،تبوک، الجوف میں بھی تیز ہواؤں کے ساتھ گروغبار کاطوفان جاری رہا۔محکمہ شہری دفاع نے شہریوں اور غیرملکیوں کو خبردار کیاہیکہ سانس کی تکلیف والے مریض بلا ضرورت گھر سے نہ نکلیں اور ڈرائیور حضرات احتیاطی تدابیر اختیار کریں۔دوسری جانب وزارت تعلیم نے تعلیمی سرگرمیاں معطل کرنے کا اعلان کیا ہے
ایمز ٹی وی(لاہور) پاکستان میں روزانہ لاکھوں لوگ پبلک ٹرانسپورٹ پر سفر کرتے ہیں ، پبلک ٹرانسپورٹیشن کے مختلف ذرائع میں روز بروزاضافے سے لوگوں کا سفر کرنا آسان ہو رہا ہے مگر اس کے باوجودپبلک ٹرانسپورٹ میں لوگوں کا رش برگر بچوں کیلئے پریشانی کا باعث ہے ۔ میٹرو بس میں سفر کرنے والی لڑکی سمیعہ سعید نے پبلک ٹرانسپورٹ پر سفرکے ذاتی تجربے اور اپنی والدہ کی ہدایات کو بیان کرتے ہوئے کہا ہے کہ لوگوں کو چاہئیے کہ وہ جیب میں وائلٹ رکھ کر میٹرو بس میں سفر کرنے سے گریز کریں ۔ سمیعہ سعید نے اپنی والدہ کی ہدایات کے حوالے سے لڑکیوں کو پیغام دیا ہے کہ دوران سفر اپنی سب سے ضروری اور قیمتی چیز یعنی ”دوپٹہ“ ضرور اوڑھیں اور جتنی بدصورت نظر آسکتی ہوں ضرور لگیں اور اس بات پر غور نہ کریں کہ دیکھنے والے لوگ ان کی بدصورتی کے بارے میں کیا سوچتے ہوں گے میں اس بارے میں صرف یہ کہوں گی کہ اس طرح سفر کرنا میرے لیے مشکل نہیں تھا ، لوگوں کا تجربہ اس سے مختلف ہو سکتا ہے مگر میں نے پبلک ٹرانسپورٹ پر سفر کے دوران جس واحد مشکل اور پریشانی کا سامنا کیا وہ لوگوں کا بے پناہ رش تھا “۔ سمیعہ سعید نے اپنے پیغام میں مزید کہا کہ لڑکیوں کو کسی چیز کیلئے نہ تو رکنا چاہئیے اور نہ ہی کسی چیز سے خوفزدہ ہونا چاہئیے کیونکہ ”جب تم لوگوں کو اپنی کمزوری دکھاﺅ گی تو وہ تمہیں ڈرائیں گے
یمز ٹی وی (تجارت) پاکستان دنیا کے مضبوط ترین ممالک کی صف میں شامل ہو گیا ہے۔ امریکہ کی نیوز اینڈ ورلڈ رپورٹ ’’بیسٹ کنٹریز‘‘ کے مطابق پاکستان دنیا کا 23 واں مضبوط ترین ملک ہے۔ رپورٹ کے مطابق بعض اقتصادی اور سیاسی مسائل کے باوجود پاکستان دنیا میں تیزی سے ابھرنے والا مستحکم ملک بن رہا ہے جس کا دفاعی بجٹ اور تیزی سے ترقی کرتی ہوئی معیشت اس کو عالمی برادری میں اہم مقام دلا رہی ہے۔
رپورٹ کے مطابق امریکہ کا شمار دنیا کے سب سے مضبوط ملک کے طور پر کیا جاتا ہے جبکہ دوسرے نمبر پر روس، تیسرے نمبر پر چین اور چوتھے نمبر پر برطانیہ کا شمار کیا جاتا ہے۔ رپورٹ میں دنیا کی تیزی سے ترقی کرتی ہوئی 80 بڑی معیشتوں کا جائزہ پیش کیا گیا ہے جس میں ان ممالک کی ثقافتی تاریخ، شہری سہولیات کی فراہمی اور معیار زندگی کی بنیاد پر ان ممالک کی درجہ بندی کی گئی ہے۔ جس کے تحت پاکستان کو دنیا بھر میں 23 ویں مستحکم ملک کے طور پر تسلیم کیا گیا ہے۔ جو پاکستان کی موجودہ حکومت کی دانشمندانہ اقتصادی پالیسیوں اور معاشی ترقی کے اہداف کے حصول کے سلسلے میں کی جانے والی اصلاحات کی عکاسی کرتی ہے۔
یمز ٹی وی (اسلام آباد)پاکستان کی پہلی خاتون سیکریٹری خارجہ تہمینہ جنجوعہ نے اپنے عہدے کا چارج سنبھال لیا ۔ ذرائع کےمطابق سیکریٹری خارجہ تہمینہ جنجوعہ گزشتہ روز جنیوا سےاسلام آباد پہنچیں اور دفتر خارجہ میں اپنے نئے عہدے کا چارج سنبھالا۔ تہمینہ جنجوعہ اس سے قبل جنیوا میں پاکستان کی مستقل مندوب کی حیثیت سے فرائض انجام دے رہی تھیں ۔
ذرائع کا کہناہےکہ فرخ عامل کوجنیوا میں پاکستان کامستقل مندوب تعینات کیاگیا ہےجو جلد اپنےعہدے کا چارج سنبھالیں گے۔ فرخ عامل اس سے قبل جاپان میں پاکستانی سفیر کے فرائض سرانجام دے رہےتھے ۔
ایمز ٹی وی (تعلیم ) میٹرک کے امتحانات میں نقل مافیا کا قلع قمع کرنے کیلئے عملی اقدامات کرنے ہونگے،ثانوی بورڈ کو رواں سال امتحانات میں اسٹینڈنگ کمیٹی کے فیصلوں پر عملدرآمد یقینی بنانا ہونگے۔ ثانوی امتحانات کے شیڈول میں تبدیلی کے فیصلے پر تحفظات ہیں،ان خیالات کا اظہار پیک پرائیویٹ اسکولز ایسوسی ایشن سندھ کے صدر سید شہزاد اختر نے پیک کے مرکزی آفس ڈی ایچ اے میں اجلاس کی صدارت کرتے ہوئے کیا، اجلاس میں4سو سے زائد اسکولز کے منتظمین نے شرکت کی۔
اجلاس میں ثانوی بورڈ کی جانب سے میٹرک کے امتحانی شیڈول میں تبدیلی اور نقل کی روک تھام کے حوالے سے تبادلہ خیال کیا گیا۔ اس موقع پر صدر پیک کا کہنا تھا کہ اسٹینڈنگ کمیٹی نے فیصلہ کیاتھا کہ امتحانی مراکز بڑے اور بہتر سہولیات فراہم کرنیو الے اسکولز میں قائم کئے جائیں گے لہٰذا ثانوی بورڈبچوں کی فیسوں میں اضافہ کرنے کے بجائے اسٹینڈنگ کمیٹی کے فیصلے پر عمل کرے ۔
اس موقع پر ممبر میٹرک بورڈ غلام عباس بلوچ نے ثانوی بورڈ میں مستقل کنٹرولر اور سیکرٹری کی تعیناتی نہ ہونے پرتشویش کا اظہار کرتے ہوئے کہا کہ اس طرح کے اقدامات سے بورڈ میں طلبہ و طالبات کے امتحانی فارم سمیت دیگر اہم معاملات التواء کا شکار ہوجاتے ہیں۔ اجلاس میں پیک کے عہدیداران جواد حیدر نقوی،غلام محی الدین، شاہ جہاں، نصیر الدین، ملک سجاد، ظفر، رفیق، احمد خان، امتیاز، وقاص، اعجاز، مزمل شاہ، وارث شاہ، شکیل، طاہر، خلیق، رشید، اسلم، یونس بلوچ،رضا آفریدی، فرحان، ہدایت اللہ سمیت دیگر نے شرکت کی۔
